النصر الله لا يبلانا والاتحاد تكرمون وشهار بعيد عنكم
 

[align=center]

يا جماعة انا احذركم حنا على مشارف ختام الدوري اللي باذن الله انه هلالي لذلك ماله داعي السب والشتم للاعبين وتذكر انه بعد الله هم اللي جابولك المركز الثاني وانت جالس تندح ببيتكم او حتى الملعب

لذلك اطلب من الادارة الانتباه لوجود اعضاء يكثرون في الاوقات الحاسمة من كتاباتهم المريضة بعضهم جاي من نادي النصر الله لايبلانا والبعض من نادي الاتحاد الله يكرمكم والباقين هلاليين بس يقولون انهم فالتين من مستشفى شهار وخاصة هاللي قاعدين يسبون بخالد عزيز او حتى نقد ابو سلطان ولو انه حرق قلوبنا لكن اتوقع ان اول سنة له عالكرسي بتفيده في السنوات القادمة في التعامل مع الاندية اما من ناحية البطولات ف 3 بطولات بعين العدو تنطق الاخرس.

طلب اخر لا تنجسون المنتدى بذكر بعض الصحفيين مثل البكيري لان ايدي تحكني عشان اكتب فضايحه اللي مسويها عندنا لكن خايف من عقوبة الله ولا بعضكم لو يعطس جستنية اللي جاي من سريلانكا على ظهر قارب جيتو وقلتو ترى عطس والله العظيم اني اشوف كتابات لجستنية هنا اكثر من صالح السليمان او الهدلق خفو علينا شوي من حمّال شنط الحمير

يا شباب نبي نصير يد وحدة وماله داعي هالخرابيط واحب اقولكم والله اني اعرف اكثر من لاعب يطلع ويتصفح المنتدى يوميا فماله داعي يقرا سب وشتم او حتى نقد من واحد الكورة فوق وهو منسدح


ودمتم[/align]

كلامك حلو وصحيح 100% s60s

سلامات ؟؟؟؟؟؟؟؟

صاير بك شي وانا اخوك؟؟؟؟؟


انا من قريت اسمك ( أبو لهب ) غسلت يدي !!

وش اللي من نادي النصر ونادي الاتحاد الله يكرمكم ؟؟؟ ليه نوادي اسرائيل هذي ؟؟؟؟

الحارثي <<= توأم سامي فالمنتخب وتكرم العالم لامن ذكرته ؟؟؟؟

المنتشري ومناف <<= أخلاقهم فوق الخيال ويعتبرون سامي أخ كبير لهم وتسبهم ؟؟؟

بذمتك عندك وطنيـه ؟؟؟؟


تؤمن بالوطنيه ؟؟؟

تعرف وش هي الوطنيه أصلاً ؟؟؟؟

يا اخي إذا كان جستنيه او الشمراني يكتبون كتابات خارجه عن النص خلك انت افضل منهم !


وبعدين أنا اتحادي ومتواجد بهالمنتدى لإن فيه ناس ذوقـ محترمه بجد تقدر عندها وطنيه

أسألك بالله متى سبيت في خالد عزيز كوني إتحادي ؟؟؟

ورب العباد ان عزيز افضل بـ 150 مليون مره من اي لاعب محور فالسعوديه


يا اخي ارتق ] بكتاباتك وبعدين وش عليك من صغار العقول اللي يدخلون منتداك سواء كانوا اتحاديه او نصراويه؟؟؟


اترك كل شخص وهدفه

انا ادخـل هالمنتدى لإنه افضل منتدى بين الأنديه السعوديه وفيه ناس تفهم كوره صح


شفني وانا اتحـادي لكن منحاش من منتدى الإتحاد لإن اهتمامات المنتدى بعيده كل البعد عن الكره السعوديه

ومنتـدى الهلال انا اعتبره بيتي ويشرفني الأنتساب له لإنه يكفيه شرف انه يهتم بالمنتخب السعودي

اتمنا اني ماقسيت بعباراتي وتهجمي عليك اخي الفاضل

لكن شد انتباهي جملة


(بعضهم جاي من نادي النصر الله لايبلانا والبعض من نادي الاتحاد الله يكرمكم)....!!

تأكد بإن هالنصراويه والإتحاديه ينضمون لقافلة فريقكك المفضل وهدفهم واحــد : رفع علم السعوديه


وارجوك انت كذا بكتاباتك تزرع الفرقـه وتولد الحقد والبغيضه ..

أنا آسف أخواني كلكم على ما قلت

لكن اتمنا لو واحد فيكم بس يطلع يتشجع ويقول انت كــــلامـــك صـــح s60s



مع تحياتي

أخوكمـ عبدالعـزيز

عفواً أخواني لمن كتبت هالجمله

الحارثي <<= توأم سامي فالمنتخب وتكرم العالم لامن ذكرته ؟؟؟؟




ترى كلمة تكرم أقصدها بالشده يعني .. وتكرّم العالم عنه؟؟



سوري :)

أخوي / عبد العزيز.....حياك الله في منتداك ومحلك.....وكلامك عين العقل.....وياليت نصف جماهير السعوديه بعقليتك يا بطل....
على كل....لا تاخذ في خاطرك من كلام (أبو لهب)...وجايز يكون خانه التعبير في اختيار عباراة أحسن ....وانشاء الله نكون يد وحده في تشجيع المنتخب .

أرحب بك ثانيه أخوي الكريم في منتدى الزعيم ويكفينا عقليتك الكبيره وروحك الرياضيه العاليه.

تحياتي لك

والله انا ا تمنى ان التنافس و الشد العصبي يكون وقت المباراة بس


بعد المباراة مبروك للفايز واحظ اوفر للمزوم

قال تعالى : (تَبَّتْ يَدَا أَبِي لَهَبٍ وَتَبَّ) صدق الله العظيم

وانا معك s60s s60s s60s
s13s s13s s13s s13s

مشكور .......................

الله يعطيك العافيه وكلامك والله صح

الهلال والاتحاد والنصر والأهلي والشبــ......... إلخ كلهم زي بعض انديه سعوديه وعندنا كل اللاعبين اخوان مانهتم بقول انت هلالي وانا اتحادي.

وهالصوره اكبر دليل
7
7
7
7
http://vb.alhilal.com/news/wc06-Saudi-Uzbekistan57.jpg
(سعد الحارثي معه علم الزعيم.... ماقال انا نصراوي)

على فكره انا هلالي بس هذا مايعني اني اشوف الانديه الباقيه أعداء

أخوي عبدالعزيز ...

هلا ومرحبا فيك عندنا بمنتدانا .. لأننا نتشرف يكون عندنا هالنماذج الخلوقة ...

ومهما يصير من مشاحنات خاصة بعد المباريات هذي ماتزيد عن إنها عصبية

وزعل للنتيجة ... وإلاّ بالأخير الأندية السعودية كلها تهتف بإسم الوطن ...

وكونك إنت اتحادي وحنا هلاليين مايمنع إنك تكون بيننا ...

صح لسانك

كيفك يا عبدالعزيز
 

حبيب قلبي عبدالعزيز الله لا يهينك اضغط باك واطلع من الصفحة اذا مهب عاجبك كلامي واسم ابو لهب مجرد اسم وتراني مسلم ياللي خاتم القران وبعدين تراني ما اشوفك عشان تقول شفني وكلامي صحيح فيه تجرح للاتحاد لكنه ما يعادل ربع ربع ربع اللي يجي منكم وبلا تصنع واللي يرحم والديك
كفانا ووفانا الطق اللي جانا منكم وجاي تبي تعلمنا الاخلاق

ريحنا حبيبي ومعذرة يا اخوان اذا كنت اخطيت

اخوي عبد العزيز

نتمنى انك ما تزعل من اخونا بو لهب لأن يمكن خانه التعبير :)