#1  
قديم 12/06/2005, 12:36 AM
زعيــم مميــز
تاريخ التسجيل: 23/10/2003
مشاركات: 1,612
ولنا في المـيـلان عبـره يابـو سلطــان + نـقـاط مـن اللقـاء ...

[align=center]الهلالي ابو سارة يعود لكم من جديد ..

السلام عليكم ورحمة الله ..

وهاردلكم التعادل الذي رمى بالصدارة إلى جزر الوااق وااق

كنت أتأسف لعدم تمكني من حضور اللقاء نتيجة ظرف قاهر ..

لكن بعد أن شاهدت المباراة قلت : يا ولد خيـــرة !!

.......................................................

((درس الميلان))

يحكى أنه كان هناك مدرباً يدعى انشلوتي ..

يقبع على رأس الإدارة الفنيه للميلان الإيطالي ..

تحت يده عشرات النجوم ..

ولكنه يكتفي بمهاجم وااحد ..

أعطته الإدارة الصلاحيه ليفعل مايشاء ..

كل مايشاء ..

انتدابات لعيبه .. تحكم في التشكيله .. بصلاحيه ودعم لا محدود ..

الأخ انشلوتي بدأ (( يخبص )) نوعاً ما ..

ويصر على حكاية المهاجم الواحد ..

والنقاط تنزف .. والفريق يتعثر ..

وأتى التدخل الحاسم من الادارة بقيادة برلسكوني ..

قالوا له :

يا الحبيب .. يالغالي.. أنت حر باللي تسويه ..

بس اسمح لنا ..

كله ولا خسارة الكالتشيو ياروح أمك

وأصدر بياناً هذا البرلسكوني الذي أمقته بسبب موقفه من حرب العراق

يقول فيه:

لاننا زعماء أوروبا .. وحاملي لقب دوري أبطالها ..

لأننا لدينا اكثر من مهاجم عالمي ..

ولأن لدينا شعبيه هائله في كل العالم من حقها علينا إمتاعها ..

اصدرنا مايلي :

لا للمهاجم الواحد .. وإنما لللإثنين جميعاً ..

طبق المستر انشلوتي رغماً عنه هذه الطريقه فـكانت النتيجه:

كونقراتوليشن ميلانو لقب الدوري الايطالي (( أثر التدريب سهل ))

.......................

أرجعوا بذاكرتكم مسافة أربعة أيام :

هل هذا سامي؟

هل هذا المبدع الموهوب الشلهوب.؟

وهل هذا هو مستوى الزئبق الخثراني .؟

بالتأكيد لا ..

ولا ألومهم بصراحه ..

طريقة المهاجم الواحد تلغي دور سامي ..

وتحرج أبوعبدالله وتاريخه وهذا ما لا نرضاه عليه

طريقة المهاجم الواحد تجعل طريقة لعب الشلهوب وتمريراته مكشوفه لأنها للاعب واحد ..

سامي اليوم لما يروح يمين .. يمسكه المدافع الأيمن ومعه الظهير ..

واذا راح يسار.. (( حضنه )) امدافع الأيسر ومعه الظهير الآخر ..

وقداامه محور ومن خلفه حارس وأين المفر

إعذروني إذا كنت أضحك في هذا الوقت ..

فـ مثل هذا المستوى لا يستحق التباكي عليه (( كلام كبير ))

___________________________________

نقاط أخرى :

** رجع سامي العام الماضي بعد اصابه ..

قالوا أفلس وانتهى ..

مع الوقت ومع استعادة حساسيته رد عليهم وألقمهم حجراً ومحسوبكم أولهم

لذلك ومادمنا في حكاية العبره..

لا تستعجلون على التمياط ولا أحد يصدر حكمه حالياً إلى نهاية الموسم ..


** أحمد الدوخي سؤال آآد كده هووه :

متأكد أنك لعبت اليوم ؟؟

عندي إحساس انك كنت معزووم


** كماتشو .. هذا اللاعب مثل شفرة أجهزة الإنعاش..

مرة فووووق .. مرة تحت ..

مرة أطالب بسرعة التجديد معه قبل اختطافه من احد الأنديه ..

مرة أقول الولد يجي منه ..

مرة أقول ندور بديل الموسم القادم ..

لا أخفيكم اليوم بالذات كنت من أنصار الجمله الثالثه واعذرني سديقي تغيب الشمس



** الشلهوب ماقصرت انت وعزيز والدعيع والصخره تفاريس أفضل لاعب اليوم ..


** عزيزي فهد المفرج لعلك تقرأ هالنقطه :

انت مبدع .. تستطيع الإبداع.. لكن هوايتك الأزليه تعكير صفو نجوميتك ..

استدرك يا بطل .. فالقادم أهم وأهم .. هادرلك


** معجب الدوسري كان جيداً نسبياً اليوم ..

كذلك حال الجمهور في هذا الجو الاختباراتي

ولا يهون العدوان صاحب الارسال فوق السريع


** باكيتا .. راجع حسابك واترك عنك الفن الأديموسي ترى مافيه خير ..

طريقة المهاجم الواحد فكر فيها كثير واذكر الهلال في ملعب الاتهاد بمهاجمين كيف كان ..

مازلت أعتبرك الداهية الاول ..

لكن فكر و فكر ملياُ ماذا استفدنا من هالطريقه ..

وماهو دور عمر اليوم ..

وما الفائده من الصعيدي سلفووه

وفي الأخير ..

على قولة مياده حناوي:

الأمر لك وكله لك



______________________________

أسوأ مافي الموضوع أننا علقنا أمورنا في أيدي غيرنا ..

والأولين ما خلوا للتالين شيء.. قالوا :

اللي ما يآكل بيده ما يشبع ..

والظاهر أن الفلم الهندي الاتحادي بينزل قريب

من بطولة أميتاب البلوي و صنيع خاان

_______________

نقطه مالأمها دخل بالموضوع :

الـكـبـيــر كـبـيــــر ..

والقـزم لو حط سلم .. طول عمره قـزم

[/align]
اضافة رد مع اقتباس
  #2  
قديم 12/06/2005, 12:41 AM
زعيــم مميــز
تاريخ التسجيل: 06/09/2000
المكان: الرياض
مشاركات: 1,906
رائع كالعادع بو سااره..


بس اخاف من شيء..
انه لا حياة لمن تنادي..
اضافة رد مع اقتباس
  #3  
قديم 12/06/2005, 12:56 AM
الصورة الرمزية الخاصة بـ مخاوي الحزن8
زعيــم متألــق
تاريخ التسجيل: 23/06/2004
المكان: نادي الهلال
مشاركات: 1,315
الله يعطيك الف مليون عافيه على روعة المقال اللي أتى من المبدع دائما أبو ساره

وبصراحه يجب على الإداره الهلاليه تنبيه السيد باكيتا باللعب بمهاجمين وبطريقة 4 -4 - 2 التي دائما مايأتي الإبداع الهلالي بها

وبالتوفيق للزعيم
اضافة رد مع اقتباس
  #4  
قديم 12/06/2005, 12:59 AM
زعيــم مميــز
تاريخ التسجيل: 23/10/2003
مشاركات: 1,612
مخاوي الحزن:

التوقيع عجبني تبيع
اضافة رد مع اقتباس
  #5  
قديم 12/06/2005, 01:00 AM
زعيــم متألــق
تاريخ التسجيل: 25/11/2002
المكان: نجــــد
مشاركات: 1,234
معك حق وانا اخوووك

اما كماتشو فأسميه اليوم (معططططل اللعب)
الشلهوب حاول لكن ماقدر والله بين صناعة اللعب و دور المحور بعد خروج الخثران ..

عزيز بطل ...

سامي مجهد مثل الشلهوب وحاول ولكن ما ينلام .. مامعه احد في الهجوم ..
اضافة رد مع اقتباس
  #6  
قديم 12/06/2005, 01:22 AM
زعيــم جديــد
تاريخ التسجيل: 07/05/2005
مشاركات: 7
<<<<<<< من متابعي كتابات ابو سارة

لكن باكيتا رغم دهائه اللا انه يرفع الظغط احيانا
اضافة رد مع اقتباس
  #7  
قديم 12/06/2005, 01:37 AM
زعيــم مميــز
تاريخ التسجيل: 20/12/2001
المكان: Ar Rass
مشاركات: 6,130
طيب ابو سارة هل تعلم انه من يوم تددخل رئيس الميلان بالتشكيلة لم يحصل الفريق ولا على بطولة .,.
اضافة رد مع اقتباس
  #8  
قديم 12/06/2005, 01:42 AM
الصورة الرمزية الخاصة بـ عطــر الأمــاكن
مشرف سابق بمنتدى الجمهور الهلالي
تاريخ التسجيل: 24/04/2005
مشاركات: 13,275
اتوقع انه قصد من باكيتا.........والله أعلم
اضافة رد مع اقتباس
  #9  
قديم 12/06/2005, 01:49 AM
زعيــم فعــال
تاريخ التسجيل: 13/10/2001
المكان: الرياض
مشاركات: 355
قوية

إقتباس
الرسالة الأصلية كتبت بواسطة الهلالي- ابوسارة
[align=center]الهلالي ابو سارة يعود لكم من جديد ..

سديقي تغيب الشمس




[/align]


حلوه سديقي كلما عرفت انك خالدي احمد ربي انك ابن ااااااااااخي
اضافة رد مع اقتباس
  #10  
قديم 12/06/2005, 01:58 AM
زعيــم متواصــل
تاريخ التسجيل: 11/03/2005
المكان: الرياض
مشاركات: 174
ياخي طول عمرك خبل

انا ودي اشوفك بليلة عرسك

لكن ياعزيزي قلت نقطة اختلف فيها معك

ألاوهي انتقادك لساحر كماتشو

واسمحلي اذكرك وش سوى اليوم

تمريرتين انفردبهن الشلهوب الشوط الاول

تمريره للصعيدي وضيعه يوم يشوت المدافع والكورة والحارس جميع

تمريرة لنواف يوم يشوت الكورة غلط

وبصراحه انا اشوف اليوم انه مبدع لكن شكلك من قوم اللي اذا انهزم الهلال يحوسون الدنيا

وسع صدرك معنا ياسديقي ابوصاره
اضافة رد مع اقتباس
  #11  
قديم 12/06/2005, 02:44 AM
زعيــم متواصــل
تاريخ التسجيل: 29/04/2005
مشاركات: 145
MR ابو ساره.
فعلا الدوخييييييي مو طبيعي ....شكله اليوم كل هموم الدنيا فوق راسه....وبالنسبه لعملية التسويف في العقد ماادري احس انه يبي يصير مثل العويران .....واذا كان على الزياده اللي يطالب فيها ياليت الاداره يزيدون بشكل معقول وهذا من حقه.....فلو راح الدوخيتي تخسر الاداره اكثر لان ماله بديل الا احمد البحري


*مستوى الغنام اليوم عاااادي وله كرتين انقطعت منه وصار مهاجم الشباب قدام الباب...لكن الله ستر!!! : confused:

*مااقول الا ماشاء عيك ياعزيز ويكفي الكره اللي قطعها في منطقة الجزاء
*ديزفتاااااااا وين اصابة الرباط اشوفه تعافى بسرعه
*المفرج كيييييف الحال :wallb ash: ماتصير المفرج اذا ماسويت هالحركه ...عادي مسويها الموسم اللي راح مع عبدالرحمن البشي بس اللي فرق انه العام مشى مع البيشي الى الباب وهالسنه مادى الواجب
*سامي ماشاء الله عليه هو احسن لاعبين المنتخب اليوم وكذا كوره يعدي فيها من كذا لاعب [/size]
اضافة رد مع اقتباس
  #12  
قديم 12/06/2005, 02:57 AM
زعيــم نشيــط
تاريخ التسجيل: 26/10/2004
مشاركات: 907
أهلين وسهلين ابو ساره (طالع سوري )

لا تنسى ان الخصم كان الشباب والي اعتبره شخصيا افضل فريق سعودي ,,,, والأزرق ما كان سيئ وضاع عليه فرص بالكوم,,,,,,, لكن مشكلتنا اذا مافزنا نزعل !!

الصداره طارت لكن ان شاء الله البطوله هلاليه

أما شغل المدرب فأنا اعتقد ان باكيتا مدرب قدير واخبر بالفريق وأكبر دليل انه قدم للكوره السعوديه نجم من طراز نادر رغم معارضة الجميع
اضافة رد مع اقتباس
  #13  
قديم 12/06/2005, 03:21 AM
زعيــم مميــز
تاريخ التسجيل: 12/03/2004
المكان: الــــزعــيــم
مشاركات: 1,585
صح لسانك يا اخوي في كل كلمة قلتها و يعطيك الف عافية
اضافة رد مع اقتباس
  #14  
قديم 12/06/2005, 03:27 AM
زعيــم فعــال
تاريخ التسجيل: 19/03/2005
المكان: الرياض
مشاركات: 381
والله يابو ساره انك مبدع

للامام يابو ساره

(للامام ) مسوي مثقف مع اني مدري وش موقعها من الاعراب

ابوساره ماودك تصير بدال باكيتا

والله اني احس انك داهيه
اضافة رد مع اقتباس
  #15  
قديم 12/06/2005, 03:29 AM
زعيــم مميــز
تاريخ التسجيل: 23/10/2003
مشاركات: 1,612
[align=center]هلالي كندا ..

ولك أهلا وسهلا تؤبرني !!

لا يا بعدهم ما زعلت ..

أصلاً قلت المستوى اللي اليوم ما ينبكي عليه أو يستحق حتى مجرد الزعل ..

وسع صدرك ..

وعلى فكرة لاحظ قلت مازال باكيتا الداهيه الأول ..

______________________________________

قمر الزعيم :

هلا أبن آخي منور الموضوع يا بن عريعر


أخوي بو عبدالله (( مسوي سامي )) :

العام خذوا الاسكديتو ولا أنا غلطان .. ولعبوا بعد نهائي الكأس ..

بليز تصحح لي المعلومه.. ثانكس

_________________________

الملياردير :

هلا بك .. خليتني خبل مرة وحده ههههههههههههههه صعبه بس يالله تموون ولا تهوون

ليلة عرسي بتشوف الهوايل

بخصوص كماتشو فـ هذا اللاعب زي الجحه ماتدري قبل (( تذبحها )) هي زينه ولا لا..

وهو ماتدري قبل المباراة يمكن يتمشى أو يبدع بالملعب

.............

االغاللي alzaeem oreint :

من جاب طاري الغنام ..

انا حتى ماجبت سيرته في مقال اليوم ابداً [/align]
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 06:13 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube