لماذا الاخفاق في المحلية ؟
 

بسم الله الرحمن الرحيم
اخواني اعضاء المنتدى والقائمين عليه وكل فرد ينبض قلبه بحب الزعيم
السلام عليكم ورحمة الله وبركاته عطرة
يسرني من خلال مشاركتي الاولى في كتابة موضوع عبر منتدنا العزيز الزعيــــــــــــــــــــــــم ان اطل عليكم وكلي رجاء بان احوز على رضاكم
اخواني لقد حقق زعيمنا هذا الموسم 4بطولات خارجية2 على المستوى العربي و2على المستوى الاسيوي ووقف الحظ عنيدا لنا في المحلية فهل ياترى من هو المسئول او ماهي الاسباب التي ادت الى ذلك هل رئيس النادي سمو الامير/سعود بن تركي ؟ الجهاز الاداري ؟الجهاز التدريبي؟الاعيبـون؟ ام التحكيم ؟؟؟
بالنسبة لرئيس النادي سموالامير /سعود بن تركي ودي يوصل صوتي لك الى الامام وكل خطوة فيها الخير والبركة وعساني مااعدمك الله يعطيك العافية وماقصرت على كل شئ وبالنسبة للنقطة هاذي ودي ارد على بعض الاخوان الي يقولون اويطالبون بتحيك عن رئاسة النادي ليش لانه ماحقق بطولات اخواني يعني صح رئيس النادي له دور فعال في تحقيق البطولات لكن لاتنسوى اهم شي الي يؤدي الى البطولات وهو التعامل مع كل فرد في النادي سواء الجهاز التدريبي او الجهاز الاداري او الاعبين فاتعامل الحسن يترك في نفس الشخص راحة نفسية ويدفعه الى تحقيق نتائج افضل ، ايضا سموالامير ماقصر في توفير الامكانات والوسائل التي تخدم النادي ولاقصور في اصحاب السموالامراء اعضاء الشرف والاخوة الاعضاء فلقد غمروا النادي باياديهم السخية فشكرا لكم والله يعطيكم العافية ، وبعدين يعني تبون رئيس النادي يلعب في الملعب ويجيب اهداف ويحقق بطولات مو معقول الكلام هذا او يدرب ( جايه الدور الدجاجة الصقعة سافيت مدري صفوت ) وفي ميزة في سمو الامير سعود بن تركي انه لا يهتم باالامور المتعلقة بالنادي من ناحية الصحافة او من رئيس نادي اوغيره يترفع سموه عنهم باسلوب لائق وغير كذا انه مايتخذ قرار الا بعد اتضاح النتائج كاملة والكامل وجه الله سبحانه والدليل المدرب صفوت .

بالنسبة للجهاز الاداري في النادي يعني نسمع مشاكل واضطرابات بين الاعبين والجهاز الاداري ولاادري من المتسبب في هذه المشاكل وشفوا اللاعب فيصل ابو اثنين فايليت يواجهون المشاكل والامور المتعلقة بعقلانة اكثر ومنظار احترافي (حلوة منظار) مو توقف لاعب وتماطل والفريق محتاج اللاعب وفي وقت ازمة تجي توقفه .

اما للجهاز التدريبي لاحول ولاقوة الا بالله يوردنسكو الله يذكره بالخير وبالاتشي المغامر وكابوس الخايب وصفوت اللي لو (واعوذ بالله من كلمة لو) اجيب مدرب حواري يصير احسن منه لاحظوا التغيرات المستمرة لها نتائج اجابية وسلبية ، يوردنسكو عرف كيف يوظف اللاعبين التوظيف الكامل بما يتناسب مع قدراتهم ومهاراتهم ولاحظوا لعب الهلال يوم يدربه يوردنسكو ويوم يدربه صفوت وكامبوس فرق السماء عن الارض ، بلاتشي راح واندفن سره معه ويعجبني هذا المدرب لانه مغامر مخربها بالعربي وثابت على تشكيلة وحدة وطريقة لعب وحدة مثل يوردنسكو ،وكان اعضاء الشرف مختلفة وجهات النظر بينهم بعضهم يؤيد بقاءه والبعض يريد رحيله . اما كابوس مدرب الدجة كلما اتذكره اتذكر داين فاييه يوم تصير المشكلة هههههههههههههههه صراحة المدرب هذاك يعني حتى حرام يدرب في الهلا ل هو مدرب التغيرات الثلاثة (جايه الدور جايه لاتخافون)
نجي اللحين للمدرب اليوغسلافي سافيت (صفوت ترا اسم صفوت يرفع ضغطة ههههههه) المدرب هذا والله العظيم كثيرين انخدعوا فيه وانا ماالومهم لان الهلال كان في المراكز الاخيرة وبعدين بسرعة الصاروخ صار في المراكز المتقدمة وقالو هذا المدرب التمام وينه من زمان لكن مادروا وش بصير وبعدين صار يتخبط تغيرات بالجملة مرة وحدة ياناس اول مرة اشوف مدرب كذا وكان الهلال يبي يروح فيها في مبارة الاتفاق في الدمام استنفذ التغيرات مرة وحدة واصيب فهد المفرج وراح يسال اخينا في الله في تغير رابع سلاااااااامات ، التشكيلة وطريقة اللعب كل يوم انواع الطرق وانواع التشكلية الي تفتح النفس ياسسسسسسلااااااام وينك وين فتحة النفس لاتشكيلة ثابتة ولا طريقة ثابتة ولاخطط زي الاوادم والناس واول مرة اشوف مدرب يقول ياليت عندي مثل الثنيان عشرة وين الباقي يلعبون سلة والاطائرة والا عندهم اجازة اوكيه انا مااهضم حق ابو يعقوب بس مو مقولة انك تقول هالكلام هذا يؤثر على نفسية الاعبين لكن الحمد لله لاعبينا عقولهم اكبر من كذا وصدقوني يااخوان والله ماني حاقد عليه بس منقهر اول الموسم وش زينه وبعدين طاح القناع الي على وجه وبان الله يسامحه .

نجي للاعبين بعضهم ولاودي اذكر اسماء مزاجي متى ماروق المنجا يلعب وتقول تقل ماخذ منشطات مباراة وحدة تمام والباقي ودك انك تكرشه من النادي وبعضهم يكون بينه وبين الادارة خلاف اومشاكل او ظروف خاصة وينجبر انه يلعب (يجبر نفسه او يجبره النادي ) وبعضهم يلعب بطريقة طقها والحقها لكن الخيل الاصيل يبقى اصيل لوتمر فيه الظروف والمشاكل لان معدنه طيب وبعضهم يبي يفرض نفسه على المدرب وعلى التشكيلة غصب (اثبات وجود وهو ماعنده ماعند جدتي).والاجانب صراحة يعيني مستواهم احسن من غيرهم بس الصبر يااخوان والتجربة خير برهان .

ايوااا نجي لرفعة الضغط ترا اللحين الامبير حق كل واحد اللحين طاق الاحمر وسعوا اصدوركم
التحكيــــــــــــــــــــــــــــم!!!!!!!!!!!!!!!!!!!!!!!!!!!!!!!
نلف ونلف ولانتيجة ندور في حلقة مفرغة نقول التحكيم يبي يتعدل ولكن من سئ الى الاسوء ولا ودي اقلب المواجع سواء التحيكم المحلي او الخارجي وصدقوني يااخوان قضية التحكيم لازم يعني نوسع اصدورنا اشوي والله ادري ان في بعضكم ينقهر من كلمة توسيعة الصدر لكن مافي اليد حيلة عندنا اتحاد كرة قدم ولجنة التحيكم هم الي تصرفون وشفتوا وسمعتوا التحليلات في القنوات الفاضئية . لكن اقول صبر جميل والله المستعان
واخيراوليس اخرا اسف على الاطالة وماعليش قلبت المواجع والمشكلة ياخوان انها باقي في الذاكرة ولكن على كل حال ان شاء الله يظل الزعيم شامخا .

ودمتم في رعاية الله مع تمنياتي لكم بدوام الصحةوالعافية وقضاء اجازة صيفية سعيدة وعلى المحبة نلتقي
وفماااااااااااان الله

الأخ العزيز / عاشق القمرة
أسعد الله أوقاتك بكل خير . . .

كلامك في موضوعك الأول تشكر عليه كلام رائع بمعنى الكلمة ويلزم الأخذ فيه في بعض النقاط ويكون الأهتمام فيها أكبر وخصوصا أن الوقت الحين يخدم الفريق قبل ضغط المشاركات سوء داخليا أوخارجيا والحين إدارة الهلال أعتذرت عن دورة الصداقة يعني المامؤل والمنتظر أن يكون الفريق أكثر عطاء الموسم الجاي سوء بالجهد والحماس لأن الفريق راح يكون متشوق بعد إنقطاع للعب والملاعب وأتمنى أن مايروح الوقت علينا وبعدين نجيب كامدرب من هو أقل مستوى من إمكانيات اللعبين وأقل من طموح الهلال فالهلال الحين لا نسمح كاجمهور بأن يكون عرضه للهزيمة طبعاً أنا مدرك أن العب فوز وخسارة لكن أقصد أنه ما تكون الأسباب في الهزيمة هي التأخر والتخاذل في وضع النقاط على الحروف فكل شي الحين في يدينا لكن المشكلة الوقت يمشي والا يروح شي من يدينا خوفاً على مصلحة الزعيم .

عموماً أتمنى لزعبمنا كل التوفيق في المشاركات القادمة جميعاً ومن أنتصار لأنتصار أفضل إن شاء الله .

ومشكور أخوي عاشق القمرة على هذي المشاركة الرائعة واتمنى لك التوفيق في المستقبل بمشاركات وردودك في هذا المنتدى .

أخوي عاشق إذا هذي أول مشاركة كثر من البدايات :p :p :p طبعاً ماشاء الله . . .

وتحياتي لك وللجميع . . . أخوك . . . حساس

اهلين اخوي عاشق القمرة

اولا وقبل كل شي نحمد الله على اللي حققه الهلال في الموسم هذا من بطولات واللي هي خمس بطولات اذا اضفنا بطولة الصداقة الدولية اللي تدخل من ضمن الموسم الماضي وليس الذي قبله.
الله وفقنا خارجيا ولكن ما توفقنا داخليا لعدة اسباب ممكن نذكرها:
1-في كاس الاتحاد كان تأثير غياب الدوليين كبير على الفريق
2-في كاس ولي العهد اقصينا من البطولة عن طريق ضربات الترجيح التي تعتبر اعدل الظلم وأظلم العدل
3-في كاس دوري خادم الحرمين الشريفين وبالأخص في المربع الذهبي ظهر الارهاق الغير طبيعي على اللاعبين من مشاركاتهم التي وصلت الى تسعة بطولات في موسم لا يمتد اكثر من ثمانية شهور بالاضافه الى الأخطاء التحكيمية التي واكبت اللقائين
والخلاصه هي ان الزعيم بقي زعيما بعد توفيق الله وبعد ان ترك البطولات المحليه للفرق الاخرى واكتفى برفع اسم وطننا خارجيا خمس مرات هذا الموسم

نسال الله التوفيق للزعيم

من وجهة نظري الاسباب هي
ضعف التحكيم
دخول الاعبين المباراة بثقة عالية وزائدة
لخبطة افكار سوساك وتمسكة براية الخاطي




هذي وجهة لااقل ولااكثر