|
شباب وين عاااايشين أنتم شكلكم ناسين هدف زيدان على ليفركوزن على نهائي 2002 وعلى فكره ذا الهدف بدري على البرازيل كلهم حتى لو تجيب رصاصه ودخل بيليه ورنالدو و ريفالدو ورونالدينهوا ويطلعون لاعب واحد بدريييييي عليهم ومن ناحية التمريرات الحاسمه كل العالم عافين ان زيدان هو راعيها وهداف كأس العالم رونالدو قالها ان زيدان يساعد المهاجمين على التهديف من تمريراته الخياليه وعد وأغلط على أهدافه الحلوه وتمريراته وبااااااااااااااااي |
إقتباس:
وش الي يعرفك بالكوره الحين رونالدينهو احسن من زيدان والله ضحكتني :laugh: :laugh: :laugh: http://www.w6w.net/album/28/w6w20050...33693d963c.jpg |
[align=center] إقتباس:
على فكرة سعيد العويران سجل هدف لو قطوا رونالدينهو وإيتو ما جابو زيه :D هذا بما يخص الأهـداف الخياليه نجي الحين للردود الخياليه :D مدري على أي أساس مخلي رونالدينهو أفضل في التمريرات الحاسمه :confused: ياليت تفسر لي موب علشان رونالدينهو في برشلونه أي واحد برشلوني يقول رونالدينهو والعكس صحيح ياليت تتناقشون نقاشات عقلانيه ولا بلاها ها الأشياء. ياطويل العمر رونالدينهو بإختصار لاعب مهاري يميل إلى الإستعراض أكثر من إنه يخدم الفريق وهو يمتلك مهارات لا تضاهى ما ينكرها إلا جاحد أما زيدان فإسلوبه بكل بساطه هو السهل الممتنع يعني تشوفه ما يسوي شىء بس يطربك ويكفي إن زيدان وصل مكانه أتمنى رونالدينهو يوصل نصفها. بيليه - مارادونا زيدان - رونالدو هؤولاء هم أساطير كرة القدم وهـذا موب كلامي ياطويل العمر يعني رونالدينهو إذا واصل على ما هو عليه بيصير تحت أساتذته مع أني أعتقد إنه بيكون سحابة صيف وتعدى مشكور على الموضوع الى يستحق أن ينقل للمواضيع المميزه[/align] |
ذا روك طيب وفازو على انجلترا وتاهلو وزيدان وربعه وش قدروا على اليونان المباراة الي حتى عشاق زيدان شتموه واعرف كثير من عشاق زيدان حقدوا عليه خاصه مشجعين فرنسا اما هدف رونالدينيو على انجلترا جاب نتيجة تاهلت البرازيل للنصف النهائي والنهائي وفازت بالكاس بعدين اخوي انا والله مااتكلم عن العاطفه زيدان كبير لكني ارى ان رونالدنيهو افضل وبمراحل بروناي شف التعصب زيدان طول عمره مايجي نص مستوى بيليه وتقول هدف على ليفركوزن اقولك هدف الساحر على انجلترا وهدف بيليه على السويد الي لو زيدان يلعب ويعتزل 9 مرات ماجابه فان بيرسي خلك مع فان بيرسي حقك وابعد عن رونالدينهو واربي انت مو فاهم في الكورة شي بس عشان انجازات خليت زيدان الاول واسمع الانجازات في كاس العالم من الي خلى فرنسا تتاهل للادوار النهائيه غير هنري وتورام وبلان رونالدينهو شف هدفه وفكر فيه وبتكتشف ان عقليتك اصغر من ان تقارن بينهم زيزو فورايفر يحليلك لي اول شي ملحوظة على توقيعك من الي خسا في نهاية الدوري ؟هههه اكيد انتم بعدين رونالدينهو هو الاكثر تاثير في برشلونة اكثر من تاثير زيدان في الريال لان هناك لاعب بالريال افضل بمراحل من زيدان الا وهو فيقو عموما هذا اخر رد لي على الموضوع واكتبوا لين تشبعون لان مناقشة عقليات متحجرة ماينفع واسف على الاطالة |
[align=center]اخواني الغالي ياد المحبه برناوي فان بيرسي زيدان فور ايفر دمه ازرق أشكركم على مروركم .. لكن الذي يقارن زيدان برونالدينهو اسمحلي ان اقول له لايفقه شيء في كرة القدم .. ومثل ماقال الأخ زيدان فور ايفر إقتباس:
وسلامتكم [/align] |
رونالدينيو السنة هذي صنع اهداف كثيرة مع البرسا بالرغم من انه دايم تنقطع الكورة من عندة ودايم تمريراته غلط...والي يقول هدفة على انجلترا اقول تراها شاتها يم المرمى وكان الحارس متقدم وجت هدف وش المعجزة الي فيه؟؟ |
[align=center] صراحه ماكنت ناوي ارد مو على شي لكن موضوعك ما يستاهل لانك جالس تقارن اسطوره ( بمعناتها ) بـــ لاعب كبير ف ابدعت اخوي في ايجازك لتاريخ الاسطوره زيدان لا يقارن ابدا بــ رونالدينهو اذا بتقارن زيدان في احد فلك حق المقارنه مع ماردونا و بيليه اخي زيدان جمع بين المستوى و البطولات في موضوع من المواضيع للاخ وحيد6 حيث انه قال اننو في المنتدى بزارين فــالان تأكد لي هالموضوع اقراؤو الرد والتوقيع لصاحب الرد إقتباس:
إقتباس:
يحبيبي انا راح افصفص هالرد اللي يدل حجم صاحبه إقتباس:
او ان العمر ساعد في عدم مقدرتك على مشاهدة كأس العالم 98 فــ العمر عامل مهم للتعرف على مستوى الاعبين إقتباس:
بغض النظر عن قصد رونالدينهو في الهدف فــ كان الهدف جدا سهل وماهي الا رفعه لكن الحارس الانقليزي اخطأ بالتقدم اكثر من خطوه وغير كذا الهدف واااضح جدا انه لم يكن للتسديد مباشره بل كان ناويها رفعه لان المكان مايأهل انه يسدد ولو ان المكان للتسديد فــ النجم ريفالدو كان موجود ;) الله يذكر هدف سامي عالشباب لما قالو انه حظ ! إقتباس:
يا عزيزي من كان يعرف منتخب فرنسا قبل خروج هالاسطوره يا عزيزي اعتقد انك من اول ماعرفت الحياة عرفت انو في فريق اسمه فرنسا لان زيدان قد ظهر قبل ما تطلع لدنياك :D من ناحيه ثانيه ياعزيزي لاتنسى ان الفريق البرازيلي كان مدعم بأفضل لاعب في العالم في هذيك السنه هو رونالدو وكذلك البطل الغير متوج ريفالدو ونجومية ديدا والقائد كافو ولايهون كاكا وروبيرتو كالرلوس ! ياعزيزي البرازيل منبع النجوم فتتوقع فريق يحوي افضل مهاجم في العالم ووجود 3 من افضل صانعين الالعاب في نفس الفريق غير افضل الاظهر في العالم مع وجود حارس متمكن ! وعدم وجود الاسطوره هذيك البطوله لعامل الاصابه ! فكيف تقيس ! إقتباس:
انت تناقض نفسك بنفسك ! وغير كذا ,, في وجهة نظري ان غير روني كانو يستاهلونها لانهم قادو فرقهم لانجازات(اقصد هنري او شيفا) مو مثل رونالدينهو ( لايجي واحد دلخ ويقول هذاهم اخذو الكأس انا اتكلم السنه الماضيه ) فـ المركز الثالث ليس بالانجاز إقتباس:
إقتباس:
يا عزيزي هدف زيدان في الابطال وغيرها كثير تميز زيدان عن غيره من اللاعبين خلاصة كلامي ان رونالدينهو لاعب كبير وكبير جدا وفنان ومؤثر واكبر دليل هالسنه والدوري اللي اخذووه ,,, لكن جدا صعبه انك تقارنه بزيدان بس احلى نكته ان زيدان في كأس العالم 98 ما سووا الا الهدفين بس ورونالدينهو هو اللي قاد البرازيل في 2002 ! سلام[/align] |
إقتباس:
|
انا مع الأزرق في دمي لان كلامه صحيح 100% في المهارات رونالدينهو أفضل في الأهداف رونالدينهو أفضل في الضربات الرأسيه رونالدينهو أفضل أعتبر هدف رونالدينهو على شيلسي أفضل هدف في عام 2005 وش ذا اللاعب اللي يجيب هدف وهو يرقص السامبا أما أفضل هدف لزيدان هدفه على بايرن ليفركوزن ولما زيدان أخد أفضل لاعب للمره الثالثه والله مايستحقها لان مستواه عادي جدااااااااااااااااااااااااااا اللي كان يستحق يكون أفضل لاعب هو: هنرررررررررررررررررررررررررررررررررررررررررررري أوووووووووو شيفشينكووووووووووووووووووووووووووووووووو |
انا مع الأرزق في دمي لان كلامه صحيح 100% في المهارات رونالدينهو أفضل في الأهداف رونالدينهو أفضل في الضربات الرأسية رونالدينهو أفضل أفضل هدف لرونالدينهو هدفه على شيلسي وش ذى اللاعب اللي يجيب هدف وهو يرقص أفضل هدف لزيدان هدفه على بايرن ليفركوزن زيدان يوم أخذ افضل لاعب في العالم للمره الثالثه والله مايستحقها لان مستوااااااااااااااااه كان عادي جدااااااااااا اللي كان يستحقها هو: هنررررررررررررررررررررررررررررررررررررررررررررررري أووووووووووووووووووووو شيفشينكووووووووووووووووووووووووووووووووووو بالله عليكم زيداااااااااااااااااااااااااااااان أفضل من رونالدينهووووووووووووووووو؟؟؟؟؟؟؟؟؟؟؟؟؟؟؟ والله صعبه أعيدها لكم من جديد زيدان بنفسه صرح للجزيره يقول إن رونالدينهو وديكو هم أفضل لاعبين في العالم في عام 2005 يعني وش تبغون أكثر من كذااااااااااااااااااااااااااااااااااااااااااااااا وشكراااااااااااااااااااااااااااااااااااااااااااااااااااااااااااااااااا |
يا ناس زيدان جاب كأس العالم وهو كان حجر الارتكاز للمنتخب الفرنسي و أكبر دليل شوفوا مستوى فرنسا في كأس العالم في كل المباريات بوجود زيدان و مباراة البارغواي الي مالعب فيها زيــــدان فنشوف انهم على البارغواي الفريق المتوسط المستوى فازو بالقوى و يوم رجع زيدان فازو على ايطاليا مستوى و نتيجة ثم كرواتيا ثم البرازيل. بينما رونالدينهو حصل على كأس العالم و كان لاعب في الفريق مثله مثل أي لاعب آخر و حتي في النهائي لم يشركه سكولاري واشرك مكانه كليبرسون. فهل تقارنون كأس عالم زيدان بكأس عالم رونالدينهو. أما ريفالدو فأيش سوى في كأس العالم 98 بوجود ابداع زيدان ياخي زيدان أخذ في تلك البطولة كرت أحمر وتوقف مبارتين و رجع و أخذ أفضل لاعب في البطولة هذي تكفي لنقول لكل اللاعبين الي شاكو في كأس العالم 98 مافي اي مقارنه بينكم و بين زيـــــــــــزو. أما عن روعة الأهداف فشوف هدف زيزو مع اليوفي ضد أياكس يوم قربع الحارس بالمدافع و شوف هدفه ضد ليفركوزن و حتى هدفينه هذا الموسم ضد اسبانيول و اشبيلية فهذي أهداف ولا أروع. أما عن المهارات الفردية فرونالدينهو والله مهاراته استعراضية أكبر من كونها تخدم الفريق بعكس زيزو الذي مهاراته كلها يجسدها في خدمة الفريق. وعن بطولة أوروبا و بطولة كوبا أمريكــا ياناس مافي ادنى مقارنة يكفي شوف بطولة كوبا أمريكا أغلب الفرق يشاركون بالفريق الثاني فهل من العقلا لمقارنة بين بطولة أوربا و بطولة كوبا أمريكا. وفي النهاية يكفي أن زيـــــدجان أفضل ثالث لاعب في تاريخ الكرة بعد مارادونا و بيلية فهل تعتقد أن رونالدينهو سيأخذ مكان زيزو بين هؤلاء النجوم :nono: |
تسلم على هذا الموضوع الاسطوري للاعب الاسطوري s60s ولوتسمحلي بمداخله بسيطه لاوالف لا للمقارنات لانه لكل لاعب مايميزه وإلا لااصبحوا مستنسخين وشكرا |
[align=center]معليش ابي اخش عرض شوي واقول ان لا زيدان ولا رونالدينهو لهم ثقلهم في الفريق مثل ريفالدو طبعا مع احترامي لهم وانا من اشد المعجبين فيهم كلهم ولا احد يقدر ينكر انه من احسن اللاعبين في العالم بس ريفالدو شي ثاني والدليل شوفوا اهداف ريفالدو اللي ولا احد سوا مثلها اجل بالله فيه واحد يلعب فاول وتضرب في رأس واحد من الحيطه وتدخل هدف ويكون قاصد الشي هذا غير ريفالدو ؟؟؟ :nono: واذا تبون تتأكدون اسألوا فيغو :D[/align] |
[align=center] إقتباس:
اجل رونالدينهو سحابه صيف اجل وتقول ما يخدم الفريق !!!!!! اولا السبب الرئيسي ان برشلونه اخذ الدوري ان اللاعب هذا معهم كيف تقول انه ما يخدم الفريق ؟؟ الشي الثاني ان ماردونا بنفسه ابدى اعجابه باللاعب الخرافي هذا اموت واعرف شلون تقول كلامك الغريب هذا ؟؟ انا بقولك شي اذا كلامك يكون صح في حاله وحده فقط اذا انت اعلم واخبر من ماردونا في الكره وفي اللاعبين نفسهم ... وتحياتي للجميع ..[/align] |
مشكور بس لو تقعد تتكلم في زيزو بعد ماكفيت |
| الوقت المعتمد في المنتدى بتوقيت جرينتش +3.
الوقت الان » 12:31 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd