شكراً لبو سلطان والبلوي والجمهور . وقصتي الكامله مع مدرجات الدرجة الثانيه
 

اولاً اشكر بصراحه :)



الامير محمد بن فيصل :)


لتوفير الحافلات .. والله العظيم با الفعل انا رحت مع واحده من تقريباً خمس او ست حافلات كانت منطلقه من استاد الامير فيصل بن فهد :)



حافلات حديثه ومكيفه مريحه جداً موديلها 2004 او 2005 s60s

اقسم بالله وانا في الحافله وانا اصلي المغرب والعشاء في الاستاد اني ادعيلك يا بو سلطان على توفير الحافلات


واشكر الشيخ منصور البلوي على دخول الجماهير مجاناً .. والجميع شاهد 80 الف متفرج غصت بهم جنبات استاد الملك فهد وفي الكثير من الجماهير لم تستطيع الحصول على مقعد ففضلو الجلوس بين الممرات او على اسوار الملعب ا قسم بالله اني شايف جمهور كبير جداً على اسوار الملعب


قصتي مع مدرجات الدرجة الثانية :rolleyes:


وصلت الى استاد الامير فيصل بن فهد الساعه 4.40 العصر :p

وكانت الحافلات الست واقفه في ساحات مواقف السيارات الخاصه با استاد الامير فيصل

وكان في شخصين حاطين بطاقات على صدورهم وفيها شعار الهلال يبدو انهم من لجنة التنظيم s60s



للامانه كانو بشوشين جداً مع الجماهير اذكر واحد اسمه اذا ماني غلطان العطيوي

والثاني والله نسيت اسمه :cry:

بس للامانه تعاملهم راقي راقي راقي :)


طبعاً تحرك الباص الساعه 5.15 دقيقه :)

متجهين الى استاد الملك فهد الدولي .................

الجهور الذي كان داخل الباص كان هادي جداً وكانو ملتزمين با الهدو ما تسمع الا رنات الجول فقط s60s


اما الكلام داخل الباص كان نادر ونادر جداً :)


ربما كان الهدو الذي يسبق العاصفه :rolleyes:



مررنا بطريق خريص المزدحم وكان بعض من السيارات يشيرون بعلامة النصر لنا ويشدون من ازرنا .. :)

اتجهنا الى المخرج المودي الى بوابة رقم 5 في استاد الملك فهد .. وكانت البوابة مخصصه فقط للاحافلات .. s13s

دخلنا مواقف السيارات وطلب منا احد افراد لجنة التنظيم النزول واشار الى ان بعد نهاية المبارة يجب على الجميع التوجه الى موقف الباص هنا .. :)

نزلنا وكان الجميع ينظر الينا (( مدري وش فيهم ربعنا الظاهر يحسبونا كويتيين )) :D


كانت الساعه 5.30 .. وكان الحضور كثيف .. قبل المباراه با اكثر من اربع ساعات s13s


دخلنا الى البوابات الموديه الى مدرجات الاستاد .. قابلنا تفتيش .. ما اسميه تفتيش بصراحه

كنت اظن انه بيكون فيه تشديد كما تعودنا في مباريات الهلال ... لكن الشي هذا ما صار

وقفت عند التفتيش احتريه يفتش شوي الا دازني بيده يقول ياخي عطلت الناس اللي وراك ادخل وخلصنا :D وما فتشي الظاهر الاخو حاطينه كذا ديكور :D

قلت في نفسي لا مو معقوله اكيد في التفتيش الثاني بيتشددون


طبعا خلصنا من التفتيش الاول ..

طبعاً كان في افراد يوزعون التذاكر السحب على سياره بعد التفتيش الاول على طول ..


المهم خذينا التذاكر ..

الا والله اشوف الجماهير مهم البالونات اللي يتطلع صوت بالطريقه الكوريه ..

وما شفت احد يوزعها ..

سئلت واحد من الشباب ...... لو سمحت اخوي من وين يوزعون هذي ..

قال يوزعون مين .. هذي تشتريها :confused: قلت امس يقولون بيوزعونها على الجماهير


قال .. وكالة يقولون :) قلت طيب من وين اشتريها الا والله يشرلي على مصري قاعد على كرسي ..

اسمعه يقول شقع يابو الشباب شقع .. :)

قلت يا الحبيب ابي اشقع :D

قال بريالين ..

قلت اوكيه خذ ريالين

قال ( (بالهجه المصريه ) ماودك تشتري وتوزع على الجمهور :rolleyes:

قلت عطني وحده الله يجزاك خير وخلني امشي .. :)

المهم دخلت من بوابه رقم 27 على ما اعتقد في الدرجة الثانية تحت
كان فيه عسكري واقف يفتش ديكور نفس الاول :D


علشان كذا شفنا بعض الالعاب الناريه s13s في الملعب والترجيم بعلب الموية والببسي واشيا اخرى !!.. :nono:


وكان فيه جمهور كبيره من بدري جاي الله يعطيهم العافية

بين التصفيق بالبالونات والتشجيع الى ان وصلو روابط الاندية وبدو ياخذون اماكنهم المحدد مسبقاً مع شركة هاتريك


بس يا اخوان ذبحونا ها المصورين كل شوي واحد راز كمرته قدام وجهك :D ..

كنهم ما شافو جمهور :razz:


الساعه 7 امتلت مدرجات الثانية عن بكرت ابيها ;) وبدا الجمهور السعودي يتجه الى الدرجة الاولى خلف المرميين

شفنا رابطه جمهور نادي الاتحاد تنزل من المكان المخصص لتجمع الراوابط وتمشي من على المضمار وسط ذهول منظمين الجماهير وراوبط الاندية وهتافات الجمهور السعودي ضد هذا التصرف وقامت بعض الجماهير برمي الرابطه الاتحاديه .. ولكن لم يهمها الامر .. واتجهت الى يمين المنصه الرئيسيه في تصرف اغضب الجمهور السعودي المتواجد في الاستاد ..



محمد ابو لما شفناه اول ما وصلنا المدرج با النظارات الشمسية ومشغول با الاسلكي كل شوي رايح وجاي مشاء الله عليه :D وقابله جمهور الدرجة الثانية با التصفيق الحار ;)



اشتغلو روابط الاندية با الاهازيج الجميله وسط ترديد الجمهور الكبير



دخل ابو سلطان ولف على مدرجات الدرجة الثانية وقابله الجمهور بتصفيق حار جداً :)

وكان ابو سلطان يقول ان شاء الله ان شاء الله ويلوح بيده على الجماهير ;)


حماده المصري صاحب الطبل التركي الكبير كان يدق الطبل والجمهور يردد با الصفقات ..

وكانت حركه جميله من حماده ..


شفت اخوينا الثنين المشرفين على ركوب الجماهير الباص نازلين با المضمار :)


امتلت جميع المدرجات المخصصه للجمهور السعودي .. وكان فيه جمهور كبير خارج المدرجات ويريد الدخول فسمحت ادارة الاستاد بفتح المدرج المخصص للجمهور الكويتي مع عمل فاصل صغير بين الكويتيين والسعوديين

كان عدد الكراسي المخصصه للكويتيين 5 الاف .. لكن لم يحضر سوى الف او اقل تقريباً


وبدا الجمهور السعودي بعمل الامواج المكسيكيه بشكل خيالي اتمنى اني اشوفها على التلفزيون ..

وجميع من في الملعب شارك في حركة الامواج المكسيكيه .. حتى الدرجه الممتازه vip

يعطيهم الف عافيه اي كذا الواحد يجي الملعب علشان يشجع مهوب يقعد يشرب شاهي ويسوي ثقل بصراحه اعجبوني امس s60s


دخل لاعبي المنتخب الكويتي قبل بداية المباراة بساعه !!!!!!!! :rolleyes:


نحسبهم بيسخنون او بيجرون حركات الاحماء بس كانو قاعدين يتفرجون على الجمهور السعودي الكبير ويتمشون في الملعب .... (( علشان يتعودون على وضع الجمهور ))

وكانو يناظرون الجمهور ويتمشون في الملعب فقط من غير لمس اي كره :razz:

بس الصياح والزعاق والهدير السعودي ارعبهم وحتى الالعاب الناريه :D

والبالونات كانت ذات صوت قوي جداً ... شوي الا واذني بتنفقع من طن طن :D


حركة فاشله من الجهاز الفني .. اجل يتعودون على وضعيت الجمهور .. خير ان شاء الله :D


اشوى انهم من اول دقيقه الى اخر دقيقه كانو مرتبكين منكم :)

مدري هذا اللي اذكره ... توني جاي من الملعب وفيني النوم .. :)


اذا نسيت شي ذكروني ..



ذكرت شي قبل ما اطلع من المدرج اسمع الجمهور يصارخ واناظر الا ذاك الصغير اللي يلحقه عسكري بعد نهاية المباراة الظاهر انه طاب من المدرجات

شوي العسكري عجز وهو يلحقه ويـأشر للعساكر اللي قدام علشان يحدونه :D

بس ذا الولد عمل حركه تمويهيه ذكرتني بحركات ابو يعقوب .. وكان وراه اثنين عساكر يلحقونه شوي الا جايك ذاك العسكري المدرعم من قدامه .. الولد سوى نفسه بيروح يمين وراح شمال الا العسكري يسفط على وجهه على الارض ....... وسط صيحات و ضحكات الجمهور الكبير :razz:

اذا استجد شي راح اضيفه ..






تحياتي

ياليتني معكم :)


<<<<<<<كان بيحضر بس ما قدر الله :)


عموما الوعد الاربعاء ..


ونحتفل ليلتها الى الصباح

ولا وراك اختبار ولا شي


مشكور يا هلالي من ذهب

تحياتي :)

يعطيك الف عافية ..

والحمد لله ماضاع التعب .. والابطال جابوا الفوز ..

ولك كل الشكر على كتابتك لهذه المشاهدات الجميلة .. s60s

والله إني كنت بحضر المباراة من القصيم .. بس ابليس مايخلي أحد !! :p

والله إني تحسفت :wallbash:


كنت أتمنى اكون بين الحضور ..

بس الحمد لله على كل حال .. لعلها خيره ..


ومبروك الفوز المستحق .. وبالرأفة ..


عقبال المباراة القادمة نشوف الملعب مليان للمرة الثانية :)

:)

[frame="7 80"][align=center]الله يا هلالي من ذهب

مباراه لن تنسى .. ملحمه تاريخيه .. الابطال ابدعوا في هالمباراه وامتعوا الجماهير الغفيره اللي
آزرة المنتخب ..

انا من اهل الدمام .. مشيت من الدمام الساعه 1 ونص تقريباً

والحمد لله الحمد لله ان واحد خويي من اهل الرياض راح الملعب وحجز لي مكان انا واخوياي والا
كان مالقينا مكان ..

طبعاً يوم عرفنا واحنا في الطريق انه حجز لا مكان خففنا السرعه ومع الزحمه وكل شي تقريباً وصلنا الساعه 6 ..

تخيل وصلت المغرب والاستاد مليان على الاخر بس باقي اماكن قليله ورا المرامي..

:D

واتذكر في حادث اضحكني في المباراه ..

بين الشوطين كان الجو حاااااار .. طلعت بشتري 10 علب مياه لي ولأخوياي وتفاجأت وانا راجع لهم مع المياه ..

ان الامن ما رضوا يدخلون الاكل والمشروبات للملعب .. واللي يدل انهم اغبياء ماقالوا لنا ان دخول الاكل ممنوع ..

والجماهير تجمعوا يبون يدخلون الملعب وصارت زحمه غير طبيعيه ..

قلت لواحد من الامن : طيب الحين الجماهير اللي في الملعب وش لون يشربون وياكلون .. قال لازم يطلعون ..

قلت له : انت من جدك . تبي 80 الف يطلعون يشترون مره وحده في ربع ساعه .. تبي العالم تموت هنا :confused:

قال انا مالي دخل ..

توه مسكين قال لي مالي دخل .. الا واشوف الزحمه دفوا الباب الحديده مره وحده ومن قوة الدفه طاح رجل الامن على الارض ههههه متنا من الضحك عليه ..

:D

على العموم الف مبروك للأخضر والله الله يوم الاربعاء مع اوزبكستان ..

تحياااااتي للجميع

عــشــق الــكــتــابــه[/align][/frame]

يعطيك الف عاااافية

ومبرووك الفوز

وان شاء الله الوعد يوم الربوع

اشوفك بالاستاد :p

تسلم

واللة ياخوي اني انقهرت مارحت وجدة والرياض بعيدة
لكن واللة قهر ماحضرت مع هاذ الجمهور

وتسلم يا الغالي

والحمد لله ماضاع التعب .. والابطال جابوا الفوز ..

مشكور ويعطيك ألف عافيه

بس أنا يوم جيت اول تفتيش طلب مني الاثبات والاستماره s81s قلت الأستماره بالسياره :shocking:

اشوى مامعه دفتر مخالفات ولا كان حرر :banned:
تراهم يعشقون تحرير المخالفات :ranting:


الهـ محمد ـلالي

مشكور ويعطيك ألف عافيه

الي لفت انتباهـي وسببلي ازعـاج ..
اصابة المبدع ( ابراهيم الحقوي ) قائـد رابطة الهلال والمنتخب .. :cry:
بس تبي الجد كان الملعب فلـه بمعنى الكلـمة .. s13s s13s

يعطيكم العافية

في شي نسيت اقوله ..

المشجع الهلالي ابو علي شفناه عمل جهد كبير مع لجنة التنظيم .. الله يعطيه العافية كل متر الملعب تمتير .. :d


مع نزول لاعبين المنتخب السعودي للتسخين .. وضعت ادارة الاستاد اغاني وطنية وتراقص الجمهور معها :) وبعد المباراة وضعت ايضاً اغاني وطنية .. وقام عدد كبير من اللاعبين باللف على الجماهير ورد التحية لهم ..


الامير سلطان بن فهد والامير نواف بن فيصل اقتربو الجمهور وبدو يحييونهم ;)

ساعة الاستاد قبل بداية المباراة جابت الصوره على كالدرون وهو يوجه اللاعبين .. وصفق الجمهور كثيراً له ..

ويوم جابو الصوره على رئيس البعثه الكويتيه نسيت اسمه الظاهر الشيخ احمد بدا الجمهور با اطلاق صافرات الاستهجان :d

[frame="7 80"][align=center]لا وفيه شي ثاني ضحكني :D

يوم انطرد اللاعب الكويتي مدري الاول او الثاني

مارضى يطلع من جهة الجمهور وطلع من الجهه الثانيه .. لأأنه عارف ان الجمهور بتمطره بقوارير المياه والاصوات ههههه

بس الحكم اصر عليه ان يطلع من جهة الجمهور بس الغبي شوفوا وش سوى ..

سوا نفسه مصاب وطاح وجات سيارة الاسعاف الصغيره وركب مع واحد من الوفد الكويتي في السياره ..

المسكين لف ورا المرمى على شان يطلع .. اقسم بالله مت من الضحك

تخيل 700 قارورة مياه طايحه في السياره والله اللاعب جات في راسه يمكن 30 علبة ماي :D

مباراة يوم الجمعه اخرجة كل اللي في قلوب الجمهور السعودي على الكويتيين ..

وعلى كل شي سووه فينا المباريات الماضيه ..

كل مايضربون لاعبينا ويهينونهم ويضربون جمهورنا .. يجون عندنا ونحترمهم ..

بس هالمره خلاص .. ملينا من اسلوب الضحك على انفسنا .. ملينا واحنا نشوف جماهيرنا تنهان في الكويت وهم مااد يلمسهم في السعوديه ..

كل لاعبين الكويت تلقوا ضربات بالمياه من الجمهور ذليناهم ذل طلعوه من الملعب يبكون على انفسهم ..

تحياتي

والــــوعد مع التأهل يوم الاربعـــاء

عــشــق الــكــتــابــه[/align][/frame]

والله ياشباب اني حاضررر من الساعه4 والحمدالله مانهزمنااا


وياشباب لاتفووتكم المباراه الاربعاء وعساه يكتمل الجمهووووور


<---< درجه ثااانيه فوووووق اكبر مرجم باتريووووت ازررق

الله يسمك على الموضوع الحلو

والله جبت كل شي من المدرجات كأني قي في الملعب

المهم متى ارجع و اشارك معك اه متى بس يجي ذاك اليوم