17/05/2005, 10:47 AM
|
 | زعيــم مميــز | | تاريخ التسجيل: 02/12/2003
مشاركات: 3,455
| |
|
من تراثنا الأصيــل
[align=center]مـن أصـالة ماضيـنـا ...
إلـى حـاضـر أصـالتنـا ...
محطـات قد تستحق التوقـف عنـدهـا ...
مـن صـدى الوجـدان وبـوح المشــاعر ...
انتقيت لكم زهـورا من تلك البسـاتيــن ...
ومن هـذا التـراث الأصيـل ...
أتمنى أن أوفق في اختياري ..
وأن تنال على رضاكم وتحوز على إعجـابكم[/align]
هذه قصيده تحكي معاناة انساااان بسبب غلطه غير مقصوودة انتهت حياته ..
سلطااان بن رباح كان له اخ لم تلده امه اخ دين ودنيااااااااا .. هووو محمد بن عقيل ..
كانت اخوتهم على وضح النقااا .. ومن زود ما يغلي محمد سمّى ولده البكر محمد على اسم خويه ..
كانوااا يعشقووون الصيد .. وفي رحلة من رحلاتهم وفي فتره الظهيره ..
كان محمد يجهز الغداء وسلطان ينظف السلااااح ومن غير قصد وبدون علم بوجود الطلقه في
مخزن السلاااح انطلقت الرصاصه
لتسكن في قلب محمد وترديه صريعاااااا ..
ولم يكن عندهم احد ..
وضع سلطان في السجن .. وبدات المشايخ بالوفود على اهل محمد لكي يصفحووو عن سلطان
ولكن بدون فائده ..
وصدر الحكم عليه بالقصاص ....
وبعد التنفيذ .. ومصادفة ً صار قبر سلطان في جنب قبر محمد ..
لا اطيل عليكم .. هذه القصيده بين ايديكم ..
[align=center]يا فلاح الهـم خيّـم فـوق قلبـي يـا فـلاح
كيف تبغاني اسولـف وانـت خابرنـي عليـل
ويش قولك في عليل ٍ في حياتـه مـا ستـراح
تنتثر دمعـة عيونـه لاظلـم الليـل الطويـل
حالته لا ما تباعد حـال ( سلطـان الربـاح )
بالخطا راحـت حياتـه والخطـا مالـه مثيـل
كان ويّا صاحبـه اثنيـن فـي أرض ٍ بـراح
يطردون الصيد دايم من صبـح ليـن المقيـل
اجمعتهم صحبة الدنيـااا علـى جـد ومـزاح
مـا يهابـون الليالـي والحمـول اللـي تميـل
ما قتل عامـد ولكـن ثـوّر ابليـس السـلاح
بالخطا ثـار السـلاح ويـن يلقـى لـه دليـل
انعقد سجنه .. وربعـه تنتظـر فـك السـراح
والاكيد انه سجين وما رضـووا ربـع القتيـل
هل دمعـه يـوم صلّـى ركعتيـن فالصبـاح
في نهار الجمعه اللي مـن ثقيـل ٍ فـي ثقيـل
هلّل وكبّـر .. ونفسـه تذكـر اللـي راح راح
كان في ربعه عزيز .. وذلّـه الوقـت الذليـل
(لا محمد لا تهانـي لا سعـود ولا صـلاح )
كلهم كانوا على بالـه وهمّـه فـي ( هديـل )
طفلة ٍ مـا كمّلـت عاميـن صايبهـا كسـاح
وانتثـر دمعـه وحالـه مـن سبايبهـا نحيـل
حان تنفيذ القصاص .. وغطوا الراس بوشـاح
وجاك سيّافه يشيل السيف ابـو حـد ٍ صقيـل
ارتخى راسه .. وزاد الموقف الحامي صيـاح
بين نوح وبين دمع وبيـن صيحـات وعويـل
وارتفع صوت الحشود .. وزاده محمد وصـاح
يا يبه تكفـى دخيلـك تستمـع قـول الدخيـل
يا يبه وشلون نصبر كيـف نهجـع بارتيـاح
وانت من دنيااا عيالك ماخـذك مـر الرحيـل
يا محمد .. هاك علمي واحفظه قبـل المـراح
انتبـه لاخوانـك وبالـك عليهـم لا تعـيـل
والله الله .. فالصـلاة وفالصيـام وفالصـلاح
والله الله .. فـ( امكم ) والله لكم بعـدي كفيـل
غمّـض عيونـه ونفسـه تطلـب الله السمـاح
رافـع ٍ سبابتـه .. ( مظلـوم ) والله الوكيـل
سل سيّـاف الصفـا سيفـه ودقـه ثـم طـاح
راس (سلطان المراجل ) وانتثـر دمـه يسيـل
غسلوه .. وكفنوه .. وفاح طيب السـدر فـاح
وبالمصادف صار قبره جنب قبر ( ابن العقيل )
يا فلاح .. الكارثه ما هي سوالـف يـا فـلاح
خلنـي ساكـت ودوّر غيـر هالقصـه بديـل[/align]
==========================================================
==========================================================م
[align=center]يواسيني وانا الميت[/align]
قصيدة كتبها شاب عمل حادث سيارة و والدته كانت معاه .. الوالدة توفت و هو اصابته كانت خفيفة .. و هذي الأبيات قالها للي يواسونه
[align=center]يواسيني وانا الميت وحالي يجبر الدمعات
تسيل من الذي فيني ويبكي وهو يواسيني
وانا ابكي واتنهد وارسم بالحزن لوحات
يجبروني عشان امشي ورجلي ما تمشيني
قتلت رعايتي بيدي قتلت الحب والرحمات
حرمت النفس من حقها وانا ابكيها وتبكيني
وكنه حلم قدامي يقيدني من الصرخات
ابي اصحى ولكني عجزت القى ال يصحيني
فداك القلب يايمه ومهما قلت من كلمات
صغيره في كبر حقك بس اتمنى تعذريني
نهبت الفرح من بيتي صحيح اني خسيس الذات
صحيح اني ولد طايش وكل ما أسمعه فيني
تجول عيونهم فيني تفصل مني قياسات
وتشيح وجوههم عني وكني غيرت ديني
يظنوا حزنهم اكبر وهم اصحاب هالمأساة
وانا اتحدى اذا فيهم ربع ما يحترق فيني
نقص قدري بعد موتك وغابت نشوة اللذات
وصار الهم عكازي اباكيه ويباكيني
عطيتيني بدون حساب ولا سمعتك تقولي هات
وانا اشرب حيل من دمك ودمك ما يكفيني
يايمه ارجعي كافي ابجلس معك لو لحظات
واقبل ايدك ورجلك وافرش لك رمش عيني
يايمه ما تحملهم يقولوا فات ما قد مات
تعالي غيري هالقول واطيعك باقي سنيني
واترك عادة التدخين وانفذ ما تبي بسكات
واصلي الفجر في المسجد قبل منتي تصحيني
يايمه ارجعي تكفين وطفي شمعة الآهات
ابيك انتي ولا غيرك على موتك تعزيني
وضميني وداويني مثل ما كانت الهقوات
ما ابي احدن يواسيني ابيك انتي تواسيني
دخيلك بس لا تبكي اذا شفتي بي الدمعات
انا مقوى ابكيك اذا انتي تبكيني[/align]
=========================================================
=========================================================
شاعر سعودي يقال له ابن الذيب كانت لديه استضافه في برنامج اذاعي في الامارات وكان الشخص المرافق له شاعر اماراتي اسمه جراح وبعد ما انتهت الاستضافه قام الشاعر الاماراتي جراح ودعا الشاعر ابن الذيب للعشاء ، ولبى ابن الذيب الدعوة لكن عندما وصلوا للمكان وجد أن المكان عباره عن مرقص ولأن المكان لا يتناسب مع اخلاقيات ابن الذيب فقد جاء الاعتذار منه للمضيف وخرج ابن الذيب وتوجه لغرفته في الفندق وبعدها بفترة قصيره إذا بأحد موظفي الفندق يأتيه برساله من الشاعر جراح متضمنة أبيات يقول فيها
[align=center]مرقص دبي اللّي له القلب يرتاح
حتى سلاطين الجزيره تدلّه
لاصار ما في شربة البن مصلاح
غرشه من الويسكي بفنجال دلّه
وان كان يابن الذيب منته بمزاح
فانا عقدت الحبل وانته تحلّه
هذي بداية معرفتكم بجراح
إما شربت الكاس والا فخلّه
رد عليه ابن الذيب بقصيدة رائعة يقول فيها
ماهوب صح الله لسانك ياجراح
يكفي من العلّه ثلاثين علّه
أنته وحكامك هل الكاس لا لاح
والا سلاطين الجزيره لا بلّه
حكام نجد اللّي ورا هضبة رماح
ضلالهم مثل الجبال المضلّه
صغيرهم يلعب بكم لعب مسباح
ويسد فاه أهل القلوب المغلّه
إن مد كف الطيب ماهوب شحاح
والى تعزوا دولةٍ مستقله
مانيب أزكيهم من جا ومن راح
يمكن يجي في صفة القوم خلّه
وان كان هرجك لي ولا انته بمزاح
يما حلا بعض الحكي في محلّه
ما نشرب إلا البن الأشقر إلى فاح
والا حليب بكار في وسط ملّه
رجل وطموحي من ورا النجم لا لاح
أكبر من اني أشتهر في المجله
يكفيني من المعرفه والتمداح
إني إلى ضاقت علي قلت : يالله
الوضع ذا مزعجني ولا نيب مرتاح
بروح واخلي لك دبي كلّه[/align]
=================================================
================================================
[align=center]المرجـلـة [/align]...
قصيـدة رااائعـة جـدا ...
بـدون مقدمـات اقرأوها ولكـم الحكم ...
[align=center]إذا المراجل لبسة شماغ وعقال
قل للعذارى يلبسنّ العمايم
ما عاد يفرق زول حرمه ورجال
دام الفعايل تشبه البعض دايم
المرجله ما هيب كلمه وتنقال
وتروح ما راحت هبوب النسايم
وإلا خشونة صوت أو رفع الأثقال
أو رزة صدور وفعل الزلايم
ولا هي بعد مفتاح موتر وجوال
وإلا ردى لسانن حديثه شتايم
المرجله شيمه عن القيل والقال
رفيع نفس (ن ) حر بالجو حايم
المرجله عقلٍ وزن وزنه جبال
ودون العقل وش فرقنا والبهايم
يا مسندي لو مايل الوقت بي مال
يا ولد أبويه يا عظيم العزايم
يا معرب الجدين من العم والخال
يا نخوة المفزوع وقت الهزايم
المرجله يا خوي هي طولة البال
هي العزم هي الصبر فالظلايم
فيها الكرم عزه دله وفنجال
فيها الكرامه عن ردى الطبع شايم
والدين لامنه خذا القلب منزال
مشى طريق الحق وابليس نايم
ومن لا عرف ربه في طيب الحال
لابد وقت الضيق بالهم هايم
حتى صلاتك مع جماعات ورجال
في خيرها يا خوي نعم الغنايم
ولامن نصف ليلك قم صفي البال
يا عظم أجرك بين ساجد وقايم
ولا من رفع ربي له كل الأعمال
حسن الذكر لا قالو فلان صايم
وخلك شريف القصد يا طيب الفال
سوء المقاصد فالبيوت الهدايم
واحذر تبيع النفس في دب الأنذال
وتتبع خوي إبليس راع النمايم
النفس خيل لك إذا كنت خيّال
ومن لا قوى نفسه قوته الهزايم
ولا صرت ما تدري لو يش أنت رجال
والله خسارة فيك ذبح التمايم [/align]
للشاعرة...
نوف بنت شطيّط العتيبي
=================================================
=================================================
هـذه القصـيـدة تـروي معـاناة شـاب ....
تمـرمـط في دنيـاه .... وضـاقت عليـه الوسيــعة ....
[align=center]ألا يا لله عفوك لا معي بيجر ولا جوال
ولا عندي وضيفه والتجاره فاشلٍ فيـها
ولا عندي شهادات ولا حرفه تسد الحال
ولا حظ كبير لا اخطت الجره يقديها
مخابي الثوب تومي ما دخلها من زمان ريال
بها فاتورة الكهرب ولايمديني اقضيها
على ذيك العراوي تتعب الحادي مع الجمّال
ثلاث اشهور فالورشه وشهرينٍ مغطيها
ابيها لو تجمّل يوم واجلبها على الدلاّل
يجيها واحد حظه مثل حظي ويشريها
نصيت العسكريه يوم قالو للنظام رجال
وقدمت الملف وصورة متشخّص فيها
خذا الاوراق مني واحدٍ ما عند ابوه دلال
سلوم الناس واهل المعرفه والطيب مخطيها
قراها في دقيقه والتفت عجلٍ علي وقال
شهادتك العظيمه ياولد وين انت مخفيها
هزّيت الراس ما عندي تقول اني من البنقال
وقمت احب خشمه واطلبه بالله تمشيّها
نطلها من يده شين الطبيعه والنبا والفال
وقال ازيّن تعوّد صوب نوقـاتك تعشيّها
تناوشته من الكرسي وعفت الحل والترحال
وضربته بالبياله عقب ما بيّحت شاهيها
خذوني للسجن لانيب لا ظالم ولا محتال
مجرد واحدٍ جا يكحل عيونه فيعميها
ويوم اني خرجت اقفيت لارض الله وسيع الجال
على برٍ هواه يداوي العله ويبريها
ادوّر قصعة الجربوع والضب الفتي يختال
والارنب يا شفاة الروح ما احلاها وطاريها
بلا كهرب ولا بيجر ولا غازٍ ولا نقال
قوانين الحضاره لا تبي شوفي ولا ابيها[/align] |
الوضع العادي
