هذا فيروس ولا ايش؟! (مساعدة) - نادي الهلال السعودي - شبكة الزعيم

هلالي أمريكي · #1 01/06/2005, 07:39 PM

مساء الخير.........

شباب تكفون بغيت أسال ..
اليوم بعد العصر تقريباً طلع لي شيء في شاشة جوالي تقول:

النهـــضة - Al-Nahdha

وتكون تحت شعار الجوال على اليمين..

المهم سالت اخوياي.. شفت جوالات البيت عندنا.. ولا واحد عنده اللي عندي..
هذا برنامج ولا شيء جديد من الاتصالات ولا شعار ولا ايش بالضبط؟؟؟!
المشكلة انه يجي ويختفي.. واذا كلمت بالجوال يروح..

طبعاً انا ساكن في النهضة وماادري هل اذا رحت العليا بيتغير يعني ولا ايش؟

لا والله جد.. وش السالفة ماادري؟!

اللي يدري لايبخل علينا تكفون.. واللي قد طلعت له يعلمني..
على فكرة:
اتصلت على الاتصالات علشان اسالها وشو هذا .. مايردون طبعا كالعادة..
قمت اتصلت على دليل الهاتف علشان تعطيني شركة موبايلي عشان اسالهم هم كمان..
حتى هم مايردون!!
مشكورين..

الشـلال الأزرق · #2 01/06/2005, 10:43 PM

هلا اخوي

انا بعد طلعت عندي نفس الحركه وفي أكثر من حي يعني لما كنت في النهضة طلعت النهضة ورحت الخليج وتغيرت وعند ستاد الملك فهد تغيرت بعد

اعتقد انها خدمه جديده .

هلالي أمريكي · #3 02/06/2005, 03:11 AM

مشكور الشلال الأزرق على المرور..
الحين مو صح تخلص البطارية؟
لاني نمت والبطارية فيها اكثر من النص .. نمت اربع ساعات تقريبا قبل شوي قمت لقيت الجوال طافي!
خيييييير ؟!

طيب طلع عند احد تعرفه؟ بعدين وش جوالك.. لايكون اباتشي زيي؟
لان ولا واحد اعرفه اباتشي ومااحد طلعله الا انا لين الحين...
شباب وين الردود؟
ادق على الانفصالات لي ساعتين ولاردوا..

سهيل · #4 02/06/2005, 03:22 AM

هههههههههههههه حلوه فايروس

هذي يا شباب خدمه إظهار اسم الحي المتواجد فيه

اذا ما تبي تظهر لك سوي خدمه عرض معلومات الخلايا لا تعمل في ضبط الهاتف واذا تبيها خلها تعمل

على فكره الخدمه مجانيه وحلوه