اخوي انت واحد من اللي مو فاهمين فكرة المرور السري
خلني افهمك:
انت واقف عند الاشارة تتلفت يمين يسار ما في دوريات قمت دعست البانزين على اخر شي وقطعت الاشارة الحين يجي دور المرور السري راح يوقفك يكتب عليك مخالفة وانت الخسران .

لكن لو عرفت سيارة المرور السري ما راح تسوي هالحركة وبتكون ربحان.


اتمنى افدتك

[align=center]أما المـرور السـري

ماقـول عسـا ماتكلفـوا بالتمـويــه المـرور الفيـدرالي ...

ماهم بهينيــن عصنكـرنـا اخوان جيمس بونــد على غفلـة ...

قال مـرور ســري ....قـال ..

برايفت لعبـود البطل :

اخس يالصـدقـي :p [/align]

عرضهم لسيارات المرور السري كنه يوم يبلغون عن السيارة الجمس المفخخه اللي مع الارهابيين الله يكفينا شرهم ............

قال ايش مرور سري ..........

قطاع المرور فاشل درجة أولى والدليل اذا مسكوك مخالفه حطوا حرتهم فيك يدور اي شي علشان يعبي ورقه المخالفه من عدم ربط الحزام حتى الفحص المنتهي .......

ولا يكتب في المخالفه هروب وانت مخالفتك ...... وقوف خاطئ

وقطاع اعلامي من الدرجة الاولى .......... وهم ما يسوون شئ

والدليل شف زحمة الدائري في الرياض ......... وطريق الملك فهد ....... وطريق خريص ........... وغيرها

المتسبب فيها المرور

مــع إحترامي إنكم ماتستحون ولا تشكرون ربكم على نعمة الأمن والأمــان

لعنبوا بليسكم إذا صرتوا ماصدقتوا أباءكم وأجدادكم عن سوالفهم أولعلى وقت الفوضى والسرق والنهب

أتعضوا الآن من دول العالم أو لا ترحون بعيد بعض الدول العريبة المجاورة

,,,,,,,,,,,

يــانـاس اللي فيه الشجاعه ويقول أنـا عندي رأي يروح ويقول وجهة نظره ترى مافيه شي

أما فالحين بالإستهتار .... أسدٌ على وفي الحروب نعامةُ

يـآخي من خلاك بعد الله في أي وقت إن شـاء الله آخر الليل تروح تتمشى غير اللي يرحون خطوط بعوائلهم

فـعلاً :

إذا أكرمت الكريم ملكته وإذا أكرمت الليم تمردى

في حضني وأنتف دقني

أجــل ماعليهم شره الحاقدين من الأجانب والله إن فيه أجنب يحبون السعوديه حبً جما لإنها أكرمتهم

بطلوا ياناس حقد وغل والهرج والقيل والقال

هـذا وقت إذا ما صرنا على قلب واحد والله نضيع

ودائمـاً أي جزى فـاسد في جسم الإنـسـان ينصح الدكتور إنه يبتر لسلامة بقية أعضاء الجسم

كبروا عقولكم يـاناس

بعدين من أنت ياللي تستهر من تكون وش قدمة تجاه وطنك ومجتمعك

.................................

أعذروني يالربع على التفلت بس ترى والله تغيضني هالمواضيع السخيفه

وشأنت تستهتر برجال أمـن بواسـل إذا جاء طـاري مداهمه زبنت عند أمك تسمي عليك وهم الله يسلمهم في وجه المدفع ...

إقتباس =ذيـب الـمـسـاري]مــع إحترامي إنكم ماتستحون ولا تشكرون ربكم على نعمة الأمن والأمــان

اللهم لك الحمد والشكر

إقتباس يــانـاس اللي فيه الشجاعه ويقول أنـا عندي رأي يروح ويقول وجهة نظره ترى مافيه شي أما فالحين بالإستهتار .... أسدٌ على وفي الحروب نعامةُ

رحنا ولا عطونا وجه ....... وبصراحه ترى النعامه ما هي هوينه عليها رفسه تتمناها في عدوك

إقتباس يـآخي من خلاك بعد الله في أي وقت إن شـاء الله آخر الليل تروح تتمشى غير اللي يرحون خطوط بعوائلهم

هؤلاء هم رجال الأمن من الدوريات والمباحث وقوات الطوارئ والشرطه و لكن ما هم المرور

إقتباس وشأنت تستهتر برجال أمـن بواسـل إذا جاء طـاري مداهمه زبنت عند أمك تسمي عليك وهم الله يسلمهم في وجه المدفع

شفت إنك ما أنت فاهم الموضوع وش دخل المرور في السالفه ؟؟؟؟ الدوريات هي اللي تسكر الطرق وتطوق المنطقه والمرور يركض ورا تبيسات خط البلدة يكتب عليهم مخالفات ؟؟

المرور .......... قطاع فاشل بالدرجة الأولى مع مرتبه الشرف

إقتباس سلامات..!! الموضوع عن المرور السري الذي من المفروض أن يكون سري ماهو موضوع الي عنده حكمة اومثل يقوله..!! وعلى فكرة اقلك أنت فيك وقاحة غير طبيعية تسب وتشتم وتقول اعذروني.. وأنا اترفع عن مناقشة امثالك.

شوي شوي على الرجال

عارفين انه خاش غلط

بس ناخذه على قد فهمه للموضوع

تحياتي لك يا أخوي هلالي غصب على الموضوع
power-off

أقولك من فشل المرور حتى في كتابة المخالفات اذا مسكك مخالف حط قوته فيك بعد ما سنعوه شباب شارع التحليه ولعبوا فيهم استهتار وتطنيش واذا مسكك انت المسكين وراك الشغل ......

يكتب في المخالفه هروب وعدم ربط الحزام وانت مخالفتك ...... وقوف خاطئ ؟؟؟؟

بس ............ أقول الحمد لله ان فيه شباب من عيال الهوامير يا خذون حقنا حنا الضعوف