[align=right]بعيدا عن أخطاء التحكيم التي صاحبت المباراة والتي اضاف بها الحكم المطلق النصراوي الميول 3دقائق على الوقت الأضافي احتسب فيها ركلة جزاء مشكوك فيها !
ألا أنه اللاعب ياسر ألياس ظهر بمستوى سئ للغاية فزيادة على انه لايجيد الأدوار الهجومية لم يقم بالأدوار الدفاعية جيدا !! تسبب في اهداف الدور الأول وكذلك تسبب بهدف التعادل وتحرك العتيبي من امامه ولم يحرك ساكنا !! أيضا تفكيره محصور في تخليص الكرة اما كورنر او آوت !! كثير من الكرات تمر امامه بدون احساس !! كان نقطة ضعف واضحة بالفريق وهو القادم من نادي أحد والذي من المفترض أن يستفيد منه الفريق وليس العكس !! حيث كان مسرحا للهجمات الأتحادية وحاول الأتحاد استغلاله بشتى الطرق لأدراكهم انه نقطة ضعف الفريق وكان الصقري وابو شقير يهاجمون ويرفعون الكرات بكل اريحية بينما ألياس تجده دائما شارد الذهن وداخل منطقة الجزاء تاركا مكان الظهير الأيمن !! ودائما ما يحرج البرقان والهليل لتغطية مكانه !!
ولانعلم على أي اساس تعاقدت الادارة مع هذا اللاعب بينما قفزت اسماء لامعة في الظهير الأيمن لعل ابرزها :
راشد الرهيب ( الأتفاق ) وفعلا على اسمه رهيب بالظهير الايمن .
أحمد البحري ( الأتفاق ) لاعب منتخبنا المعروف وميزته انه جوكر يلعب بقلب الدفاع والظهير .
عبدالله شهيل ( الشباب ) تشعر ان له مستقبل كبير بالظهير الايمن .
حمد العيسى ( الأتحاد ) أعتقد لا نستطيع التعاقد معه ؟؟
قد يقول البعض اللاعب صغير ولكن أيضا الأسماء التي ذكرتها صغيرة ولكن هل نفس الأمكانات ؟؟ يجب ان نكون صرحاء فالهلال نادي كبير ولا يقبل إلا بالكبير . أيضا اللاعب من اول الموسم لم يقنعنا ولا في مباراة واحدة ويتأثر الفريق جدا بغياب الدوخي ؟؟
## فواصل منقوطة :
@ ألم يقتنع باكيتا بأن الموري كان أحد أهم مفاتيح الفوز بالدور الأول ؟
@ لو لعب باكيتا بالموري على الجناح الأيمن وكماتشو بالأيسر مع الثنائي ديسلفا والعنبر لخرج الهلال فائزا .
@ سبحان مغير الأحوال الآن الاتحاد يلعب بمهاجمين اثنين صرحاء سواء بالرياض او جدة بينما الهلال يلعب بالمحاور حتى البعض سمى باكيتا السيد محور ! ومتى يقتنع انه لم يكسب الهلال نتيجة الدور الأول 4/2 إلا عندما لعب باكيتا بمهاجمين اثنين مع اجنحة لكن لاحياة لمن تنادي !
@ الآن محمد نور صاحب الالتحامات القوية يسقط بمجرد مسكة وفي آخر دقيقة !
@ لماذا لا يلعب الاتحاد بهذه الخشونة الكبيرة الا امام الهلال ؟ حيث شاهدنا الانبراشات الخطيرة بمباركة من المطلق وخرج على اثر ذلك الدعيع وكماتشو ؟
@ بدلا من ان يشتكي الهلال الحكم نقرأ بأن رئيس لجنة التحكيم الشقير يحاول ثني المطلق عن شكواه ضد الهلال ! ضربني فبكى وسبقني فاشتكى !![/align]

بالنسبه لياسر الياس


بصراحه هو لاعب ممتاز وخاصه انه شباب واول موسم له مع الهلال

وبدال ما نوقف جنبه ونسانده ونحثه على تقديم المزيد ونصحح له اخطائه

نقول هالكلام اللي قلته ياخوي الحضاري..وعلى فكره نسيت وش قال الجمهور الموسم الماضي((مانبي المفرج...اعتزل ياسامي...العتيبي حارس فاشل))وشوفهم هذا الموسم افضل اللاعبين بالدوري السعودي

وياسر بإذن الله له مستقبل مع الزعيم وبإذن الله نراه مع المنتخب بس خلونا نعطيه فرصه

بالتوفيق للجميع....اخوك:

مدخل غرامي

يكفي من ياسر الياس حبه لهذا النادي

وحماسه في التدريبات والمباريات

هلا بك اخوي

انا اتفق مع كلام اخوي مخل غرامي من وجهة الحكم على اللاعبين ..

وانا استشهد بالمجنون البرازيلي الفنان
(( تفاااااااااااااريس )) .. هاللاعب بكل صراحة ماهضمته اول ما جاء الهلال

ومابدع الا من خامس او سادس مباراه واتذكر انه سجل هدف كمان .. فكانت نقطة البدايه

هذا شيئ .. الشيئ الثاني .. اذا كان ياسر ما لعب في الدوري تى الان الى مباريات تنعد على الاصابع
ماتوصل للاست او سبع مباريات ..!!

فكيف نحكم عليه .. وهو قادم من المدينه طريقة اللعب تختلف والمنهجية تختلف ..!!

شيئ اخير .. اذا عنوانك المعنون لموضوعك يابعد قلبي هو المقصد منه المباراه الاخيرة ؟؟

فازيدك من الشعر بيت .. خط الظهر الدفاعي الهلالي

لاووووووووول مرة منذ بدايه الموسم يلعبون سوى مباراه رسميه ..؟؟!

الهليل ... خليل ... الياس ... غازي

فالحكم صعب .. ولماذا لم نحكم بعبدالله غازي .. بمنتهي الصلاحية (( لنكن واقعين ))

كلامي هذا والله ماهوب دفاع عن ياسر فهذا للعبه ونحن حكام

ياسر انا اشوفه في التمارين .. لي اسبوعين مسنتر عنده وعند هالكيان

والله والله ياجماعه ان التمرين ينتهي .. وان هاللاعب مع عبدالله آل مضواح ياخذون اربع
خمس لفات على الملعب ..!!!

اقابله بعد التمرين اساله اش عندك الشباب كلهم مايصدقون ينتهون من التمرين
وانت لك ثلاث ايام متواليه تلف على الملعب .. جاوبني بانه لرفع معدل اللياقه
والله هذا كلامه موب كلامي .. فليش مانحسن الظن باللاعب ونسانه مع بقيه الكتيبه الزرقاء
وان شاء الله النتائح بنحصد ثمارها دائا بعد توفيق الله تعالى

اللي اريد الوصول له انه لازم نكون يد واااااااحده .. دام انا وانت يالحضاري ياغالي

والبقية منتمين لهالكيان العظيم الزعيم المتسيد .. فلنكن يدا واحده
ونرفع من مستوى وعينا ونهدف الى النقد البنّاء .. لا الهدّام

واشكرك من جديد .. فقد يلقى موضوعك صدى واسع تتوسع به رقعه افكارنا

تحياتي القلبيه لك ياحضاري >>> انشهد انك حضاري ياغالي

الله يوفقك واختلف معاك .. بديت احس اني ارد على غير المنتمين لهذا الكيان

طيب مرة ثانية اقول كيف نحكم على لاعب مالعب غير ست مباريات بالدوري ومن قبلها مباريات معدوده

عالعموم .. انت عزيزي وغالي لانك هنا وانا ابي اقول عطوه فرصه

فما اعتقد اني رأيي مع رأيك وراي الغير

هو ادق من راي اداره النادي اللي تعاقدت معه ..!

بالتوفيق له ولكل لاعبي الهلال

فالقادم احلى ومدهش ان شاء الله

ابحثوا ياهلاليين عن بديل مناسب للدوخي فالياس ياسررر اقل من طموحات وحاجة فريق مثل الهلال 00
امكانياته متواضعه 00 مستواه عااادي

إقتباس الرسالة الأصلية كتبت بواسطة مدخل غرامي بالنسبه لياسر الياس بصراحه هو لاعب ممتاز وخاصه انه شباب واول موسم له مع الهلال وبدال ما نوقف جنبه ونسانده ونحثه على تقديم المزيد ونصحح له اخطائه نقول هالكلام اللي قلته ياخوي الحضاري..وعلى فكره نسيت وش قال الجمهور الموسم الماضي((مانبي المفرج...اعتزل ياسامي...العتيبي حارس فاشل))وشوفهم هذا الموسم افضل اللاعبين بالدوري السعودي وياسر بإذن الله له مستقبل مع الزعيم وبإذن الله نراه مع المنتخب بس خلونا نعطيه فرصه بالتوفيق للجميع....اخوك: مدخل غرامي

إقتباس الرسالة الأصلية كتبت بواسطة طالب جامعي ابحثوا ياهلاليين عن بديل مناسب للدوخي فالياس ياسررر اقل من طموحات وحاجة فريق مثل الهلال 00 امكانياته متواضعه 00 مستواه عااادي

سلامااات . . الحبيب مو هلاااالي ولا وش الساااالفة ؟؟ اذا كنت هلالي فأتمنى

انك تتكلم عن الهلال كجزء منك وليس بصيغة انتم ياهلاليين اما اذا كنت مندسا

فأعتقد ان مكانك في غير منتدى الجماهير الهلالية لانها للهلاليين فقط . .

========================================================

ياسر إلياس لاعب كويس قدم مستويات رائعة خلال المباريات التي شارك

فيها خلال هذا الموسم ولايمكن بأي حال من الاحوال ان نحكم عليه من

مباراة واحدة بأنه فاشل خصوصا وان خط الدفاع اول مرة يلعب مع بعضه . .


عموما خلال مباراة الاتهاد اخطأ ياسر اخطاء كثيرة من ناحية التغطية

والارتباك وعدم المساندة الهجومية مماجعل جهته مسرحا للهجمات الاتحادية

وهنا يأتي دور باكيتا والجهاز المساعد له بتقويم اللاعب ومساعدته

على التغلب على اخطائه وتجاوزها . .


بالنسبة للاسماء الي ذكرتهم راشد الرهيب او حمد العيسى او الشهيل

مع احترامي لرأيك خلهم يثبتون جدارتهم في ناديهم ويلعبون اساسين

بعدين يمكن الهلال يفكر فيهم مع العلم بأن مستوى ياسر افضل من

الثلاثي ، اما بالنسبة للبحري فأعتقد بأنه كفؤ للعب في الهلال ولكن

كقلب دفاع لاني مو مقتنع فيه كظهير ايمن مع احترامي للاراء الاخرى . .



سلاااااااااااااااااااااااااااااااااااااااااااااااااام

اعتقد ان ياسر هو افضل ممن ذكرت مثل حمد لكن اصبروا عليه ليروح لنادي ثاني ويشتهر ثم نتحسف عليه

صراحه هذا الاعب اسوأ لاعب مر على نادي الهلال

بصراحه هذا كبير عليه نادي أحد اللي كان فيه وشلون عاد الهلال

ياسر اليأس وطيب الذكر تركي القحطاني هما النقطه السوداء في تاريخ الهلال

اتوقع وهذا مجرد توقع ( انه ملامحه هي اللي خلت منه لاعب ,,, ولا هو مافي رجوله أي لمحه فنيه )

كبدايه لياسر اول سنه جيد وان شاء الله يتحسن مستواه في المستقبل

من ناحية التحكيم كلنا معك

اما الياس لم يلعب سوى مباريات قليلة وابدع فيها

فكيف تحكم عليه بالفشل؟؟؟