!!! تناتيف من ال . . . !!!
السلام عليكم و رحمة الله و بركاتة :-
وبعد ، استمرار المؤامرة التي يتعرض لها زعيم الكرة الأرضية من قبل ... ، فبعد مشاركة (هيريرا) في اياب دوري أبطال العرب ها هو (مناف) يشارك مع الأتهاد وهو مختار للمنتخب و تغيير الحكم (خليل جلال ) و اسناد الهمه للي ما يخاف الله ( علي المطلق ) في الوقت المتأخر كالوقت الذي احتسبت في ركلة الجزاء بعد انتهاء الوقت الأصلي و الدقائق الأربع المضافة واحتساب الأخطاء عكسية على الهلال و انذار الاعب المتضرر ... الخ " ، و أترك هذا الموضوض للمسؤولين اذا ما كانوا وراء هذه المهازل تكفى يبو سلطان لا تقول ما حنا محتجين يكفي طيبة لأننا ملائكه بين شياطين .
* (أبو سلطان ) رجل الهلال الأول و اللي ذكرنا بالراحل ( عبدالله بن سعد ) رحمة الله _ ، يوم عصب على (خميس الزهراني) على عدم اخراجه للكره و استغلال اصابة لاعب الهلال في هجمه عكسيه بغيت ادخل للتلفزيون و اتفاهم مع خميس مدري جمعه لكن الله يخلف هذا و لحيته طولها شبرين لكن يبو سلطان الكبير كبير أما الأتهاد " انما الأمم الأخلاق ما بقيت " هذا اذا يعرفون الأخلاق ( يمكن في لغتهم معناها) >>> ( بربقا ) .
* محمد الدعيع : سلامتك ألف سلامه يا حارس القرن و عميد لاعبي العالم وش نسوي كنت الجزء الأول من خطة الأتهاد القذرة " ما تشوف شر يا عملاق " يمكن كان جايبلك الخاتم هديه بس مستحي يعطيك اياه في يدك ( خجول الطارقي و انتو بكرامه ) .
* احمد خليل : ما قصرت يا بطل لكن شي مو باليد .
* عبدالعزيز الهليل : رجل المبارة الأول قاد الدفاع بكل بسالة و مهارة ، جنن (سيرجيو) و (مهمد نور) الله يكرمكم _ و (مرزوق) الهارب من العدالة ، بطل يا عزوز و ان شاء الله طيب لأنك كنت تتألم آخر المبارة (شي طبيعي مع الأتهاد)
.
* ياسر الياس : قدم مجهود كبير لكن ليه ما تقدم الا مره وحده بس ! ، ياسر انت ظهير ايمن فقط .
* عبدالله مبارك : لاعب ( زعيم جديد ) ممتاز و سريع لكن عدم تفاهمه مع كماتشو كان واضح
(على العلم ان الكل كان عارف ان لا الشلهوب ولا الخثران راح يلعبون يعني كان في وقت كافي للأثنين يتأقلمون مع بعض ) .
* عبد اللطيف الغنام و سلطان البرقان : أولا عوده مباركة ان شاء الله لعبد اللطيف .
ثانيا : الاثنين فقدوا اعصابهم أثناء المباراة ( نعم كان في ظروف لكن الاثنين كبار و محترفان )
و هذا الشي قلل من تركيزهم داخل الملعب و كم مره كان اختراقهم و هم اول خط دفاعي للأسف سهل .
* عمر الغامدي : بذل مجهود كبير لكن بدون تخطيط في الغالب و هذا الشي اثر على عطائه آخر المبارة و كان المهاجم الثاني القادم من الخلف تقريبا .
* فهد المبارك : قدم مستوى كبير و اعتقد أن الرقم ( 15 ) يخفي في داخله سر عظيم .
* كماتشو : لعب في حسبت ( مناف الغير شرعي ) و قدم مستوى كبير بس أعتقد انه لعن الساعة اللي لعب بها كرة قدم بعد ما شاف طريقة لعب الأتهاد المعهوده عبر الزمن الملطخ بالمشاكل .
* باولو ديسلفا : قدم أجمل مستوياته هذا الموسم و كان شعلة نشاط و لو كان هذا مستواه من بداية الموسم لطالبة بتجديد عقده لكن الوقت متأخر جدا ، و للأسف (ديسلفا) ما لقى من يسانده و الدليل في كم كره عرضية نشوف باولو يلحقها يمين و يسار يمين و يسار حتى بعد نزول (نواف) كان متأخر و أيضا ماكنا ننتظر من ابو بندر الكثير للظروف المعروفه .
* نواف التمياط : انت الشي الوحيد الحلو في المبارة بعودتك يبو بندر انت و زملائك الغائبين تشكل قوه للزعيم في مرحلة الحسم المقبلة " ان شاء الله " .
* مشعل الموري : لم يقدم المستوى المعهود و المنتظر من لاعب قادم بقوة .
* عبدالله المعيوف : انت أمل الهلال القادم و ثق بنفسك و قدراتك و كل الجمهور معك و استفد من و قوفك جنب (الدعيع) كل يوم ترى هذي نعمه ما تعرف قيمتها لأن (الدعيع) ثروه وتار يخ فأستفد منها .
* في النهاية : لم نشعر بغياب النجوم لأن طلعت مجرت نجوم اخرى زرقاء ، اذا استمرت المهازل في اروقة رياضتنا في مملكتنا الحبيبه بدون ردع صارم فالله يخلف على الرياضة السعودية لكن الهلال ما من خوف عليه و الله يرحمك يا ( فيصل بن فهد ) آآآه لو كنت عايش تشوف اللي بنيته كيف جالس ينهد من ناس ما تسوى .
و دام عزك يا زعيم الكرة الأرضية ليس نصفها ...