رساله الى سلطان بن فهد ونواف بن فيصل...معها علبه حلاو ماكنتوش
 

اول شيئ :wallbash: ترى قسما بالله وجعل فديونا يخرب اني ما اكذب عليك يا صاحب السمو
ترى نادي الهلال والله العظيم نادي سعودي


ثاني شيئ يا صاحب السمو ترى حنا نحس بالظلم لا تحسب بس الفلسطينيين اللي يحسون بالظلم :wallbash:


ثالث شيئ ترى العتيبي والخثران وعزيز والشلهوب وسامي ترى قبل لا يجون لمعسكر المنتخب ترى كانوا يتدربون في نادي الهلال وهذي دلاله واضحه على انهم هلاليين ويمثلون المنتخب يعني ترى الهلال وقسما بالله نادي سعودي يا صاحب السمو



رابع شيئ يا صاحب السمو الله يعطيك العافيه ترى والله تقطعت احبالنا الصوتيه وتكسرت اصابعنا وحنا نشتكي فلا تطالب الجمهور الله يجزاك خير انه يحضر مبارياة المنتخب واتحادكم المصون قالب امها سمردحه والله ما يصير يا صاحب السمو


خامس شيئ تقدر تفهمنا يا صاحب السمو شلون (منال) ابو شقير يقولن لها بتنضمين للمعسكر يوم الاربعاء وبعد تاجيل المباراة يقولن لها لا تعالي للمعسكر يوم الاحد بعد ما تلعبين مع الهلال يوم السبت وتحجزون لها في الطايره ومحمد العنبر ينكرش من المعسكر بعد المباراة في اقرب سياره مع العلم يا صاحب السمو ان الهلال ما عنده هجوم بعد ما راح سامي للمنتخب



سادس شيئ يا صاحب السمو الظاهر كنت حاضر نهائي كاس ولي العهد وشفت شلون درة الملاعب كانت مدرجاتها كلها ازرق وابيض وجمهور الهلال تكى على اكثر من 60 الف مقعد واتمنى انك تشوف عدد الجماهير اللي بتحضر مباراة الكويت وافلقني بالماوس اللي عندي يا صاحب السمو اذا كان الحضور في مباراة الكويت اكثر من مباراة الهلال والقادسيه لان جمهور الازرق مهب حاضر احتجاجا على المهزله اللي صارت من اتحادكم الموقر



اسف على الاطاله يا زعمـــــــــــــــــاء

لاتتعب نفسك لا احد يسمعك
ودليل عدم وجود اي مبادره من ادارة الهلال لرفع ادعاء ضد المطلق
و عدم وجود مبادره من الاتحاد السعودي لمعاقبت المطلق

يامجنون يوسف

لاتشيل هم

حبيب قلبي

بس اصبر شوي

وتحمل

حسبى الله ونعم الوكيل

والله ما راح يسمعون لا سلطان ولا نواف