[ العين الثالثه ] يا ادارة الزعيم .. فلا تخذلوها [ ومحبيكم ] .. فنحن أكبر من هذا - نادي الهلال السعودي - شبكة الزعيم

The Big Blue · #1 29/05/2005, 01:01 PM

[align=center]السلام عليكم ورحمة الله وبركاتة

بدون مقدمات ممله .. الي تخلي الواحد ماوده يفتح الموضوع ويقراه

ندخل بالموضوع مباشره :

هاردلك يا زعيم النوادي الخساره الغير متوقعه الي كانت اكيد بفعل فاعل ..

الكل طبعا اليوم شاهد الصحف وشاهد مواضيع المنتدى والكل شاهد حملة ناريه موجهه لحكم المباراه الفاشل

لكن انا اقول لأ وألف لأ .. ماهي هذي عوايدنا يا رجال الزعيم ..

لو نلتفت للخلف للنادي الودود النادي اللطيف النادي الجار

ولو نشوف وش ابرز الأسباب لسقوطهم في السنوات الماضيه .. راح تكتشفون انهم بعد كل مباراه

تنتهي بخسارتهم او فوزهم حتى .. يشتمون الحكام .. ( فالحكم الفلاني فاشل والحكم الفلاني يميل

للنادي الكبير الفلاني والحكم تعمد خسارتنا والحكم والحكم ونريد حكاما اجانب ) وغيره الكثير من التصاريح

والان وبعد انتهاء مباراتنا مع الاتحاد على غير العاده يظهر من يتكلم على التحيكم ..

تذكرو دائما انه هناك ثلاثة أعين في كل لقاء للهلال ..

( ماتصير ثنتين الا في لقاء الهلال والنصر )

فنحن قدوة لهم بشهادة أعضاء شرفهم .. فما اظن فيه احد راح يتوقع ان نسير على خطاهم وهم

قررو بعد فشلهم الذريع ان يسيرو على خطانا ..

___

فدائما تذكرو الهلال نادي كبير نادي يقتدي به الكل

خلونا نخسر بظلم التحكيم ..

والله ثم والله انها بالنسبه لي اعتبرها فوز

فيا بختنا نخسر والكل يدري اننا مانستحق الخساره .. حتى فريق الاتحاد على علم تام ان فوزهم لم يأتي بمجهودهم وانما هدية مغلفه من التحيكم ..

والدليل الأول : وجه محمد نور بعد احتساب الحكم ركلة جزاء .. ماكان يتوقع ولا 1% انه فيه ركلة جزاء يعني ماوده الا يحب راس الحكم ويقول شكرا ماقصرت

والدليل الثاني : رئيس نادي الاتحاد منصور البلوي .. الكل شاهده اليوم في احد الصحف يقول مستعدين اعادة اللقاء .. يعني على يقين وعلم تام انه النتيجه هذي ماهي النتيجه الأصليه

___

فهذي مباراة وراحت بخيرها ( وشرها )

قدامنا مباراتين .. ضد الشباب ونادي ضعيف جدا جدا جدا ولو انه فايز على النادي العريق نادي النصر ..نادي أحد

نقدر نتصدر بكل سهوله .

فلو قلنا نفوز على الشباب وأحد .. ويخسر الشباب في وحده من المباراتين ضد الأهلي او الاتحاد ..

فهذا كفيل بتصدرنا للدوري ...

أتمنى ما نفرط في هذي الست نقاط ... علشان ماندخل في حسابات ثانيه

وعلشان يبقى لنا .. مباراه وحده تفصلنا عن كاس الدوري وعن انجاز غير مسبوق

انجاز الثلاثيه .. كاس الأمير فيصل ، :كاس ولي العهد ، كاس دوري خادم الحرمين الشرفين

يعني نصير ماخذين كل البطولات المحليه .. حتى كأس التضامن الوطني ضد الارهاب

واسف على الفلسفه الزايده والاطاله ... [/align]