29/05/2005, 03:47 AM
|
زعيــم فعــال | | تاريخ التسجيل: 13/01/2004
مشاركات: 300
| |
كشكول الهلال امام الاتحاد !!! اول شي .... لما اتكلم عن الكشكول بتكلم عن الهلال الرديف والات(ه)اد ال(سخ)يف...
الف مره نقول .. ذا المصري ديسلفا ماعاد نبيه يلعب هجوم .. ماغير تسللات وملاحق كنه سلوقي يطاردله ارنب .. ولا ضاعت عليه الكورة طاح وقال شف دفني ..ياعالم مانبيه افهموا مانبيييييييه .. خلوه مع المصري الاراجوز يطربنا ولا شي اصرف من جلسته ...
ثاني شي ... كماتشوا ماقصر ... بس الواضح انه الاتهاديه الشقرديه ... ماقصروا .. كل متر بكسره ... لين اخر دقيقه وطلعوه باصابه !!!!
ثالث شي ... واضح ان خط الدفاع بالتشكيله الجديده الهليل وخليل ماتناسقوا .. بس انهم ماقصروا وخروا كرات كثيره .. والي الاحظه ويمكن غيري مالاحظه انه على نهاية الشوط الثاني كان ياسر الياس ماهوب في خانته وجالس يغطي مع قلب الدفاع ... وهذا الي خلى الاتهاديه يكثفون هجماتهم من ناحية اليسار ...
ورابعا ... الحارس الجديد مدري شسمه المعيوف ... كويس انك تعطيه ثقه من بداية المبارة بسبب خروج محمد دعيع لابارك الله فيك يالطويرقي مدري شسمك من اتهادية جدة ماقصرت والله فيك العافيه .. بس نرجع لمحور موضوع المعيوف .. الثقه الزايدة بالنفس خلته يطلع كذا مره من مرماه واظاهر ماستافد من غلطته اول ماطب مباراة الذهاب مع الاتحاد في بطولة كاس العرب .. لما طلع من مرماه وخلى الواكد يشبكها .... اتمنى مراعاة الاخطاء مره ثانيه ولاتستعجل الكور جايتك ...
خامسا ... الغنام ... واضح انه توه يبدا يرجع ويغطي بس للاسف مالقيت اي وجود او مداخلات من سلطان البرقان في منطقة الخلف لدرجة اني لما تابعت المباراة من ثلث الشوط الاول احسب انه احتياط ...
ساداسا ... الغامدي زي ماعودتنا .. تتفلسف كثير ياليت تخف فلسفتك وتقبع الكور زي العالم والخلق ...
سابعا ...نواف يابعد قلبي وكبدي ... مالومك داخل على نهاية الشوط الثاني وصراحة اعجبتني وماشاء الله عليك فعلا المفروض انك مشارك في البدايه ويكون معك واحد مثل احمد الصويلح ولا سامي عشان يتفاهمون معك بصنع لعباتك .. موب دي سيلفا الي على باله لابس مغناطيس والكورة حديد !!!!
ثامنا ... انت يالمطلق ... كل مباراة اشوفك تعرق .. وانواع القلق واحسك تبي المبارة تخلص باي فرصه .. يعني دقيقتين حكم هذا كبرك طول عرضضض ... ماتعرف تفرق بهالمسئله؟؟؟
ناس كثيره ماتحب الرياضيات ولا نجحت فيها وحولت ادبي بسبتها .. وانت حكم بيدك ساعه والثانيه صفاره ... منت عارف تميز وتحسب؟
يعني ايش نعذرك ونقول نسيت؟
ودي صراحه اكتب موضوع كبير عنك ابرد قلبي فيه بس داري منب وافيك حقك .. وبحطك بالكشكول كود غيري يبرد قلبي ويجازيك ....
وبالاخير .. كشكول المباراة عن الهلال وعن الاشياء الي تصير بالهلال .. بس الاتهاد معروف الكشكول حقهم وش اختصاره (مؤامره واضحه ) ..... |