#1  
قديم 29/05/2005, 12:25 AM
زعيــم متألــق
تاريخ التسجيل: 09/03/2003
المكان: جــــــــده
مشاركات: 1,055
ثلاث ونقاط وراحت 000 وش يعني 000 فداكم يازعماء

[align=center]




مساكم الله بالخير واحد واحد










ليه ردة الفعل هذي من جماهيرنا العزيزه ؟؟؟

مباراة وخسرناها امام فريق المجنسين وليه زعلانين ؟؟؟

المباراة ياجماعة الخير ماخسرنا بسبب جدارة الفريق اللي امامنا ... لا والله احنا اللي تسببنا فيها..

الاتحاديين ياجماعة الخير عندهم حالة استنفار من يوم الاثنين الماضي بجميع الصحف والمجالات

بسبب تأجيل المباراة ... وكتابهم المشردين اليوم مسويين ضجه غير طبيعيه بالصحف على الحكم..

ونجحوا في التأثير على الحكم .. وطبعاً الكل شاف اليوم اي احتكاك بين لاعب هلالي وتكروني

على طووووول فاول ... هم ماحطوا تركيزهم في الملعب وقالوا الميدان ياحميدان ... لا

هم حطوا تركيزهم في الصحف وقدروا يظهروا للجميع بأنهم هم المظلومين وأنهم هم المضطهدين..

وطبعاً هذي العاب مايعرفها الا الاتحاديين بس ... والجميع عارف عنهم ذا الشيء ..

الامير محمد بن فيصل يمد لهم يده امام الجميع ... فيأتون هم ويطعنون في ظهره خلف الجميع..

حكم يحسب وقت ضائع بالشوط الاول تسع دقائق .. وبقدرة قادر يمتد إلى اثنى عشر دقيقه ..

يحسب وقت ضائع بالشوط الثاني اربع دقائق ... ويمدتد إلى تسع دقائق ...

مع ملاحظه ان البلنتي حسب في الدقيقه السابعه من الوقت بدل الضائع ...

ولاحد يطلع لي يقولي إصابة كماتشو ... اصابة كماتشو لم يستغرق إسعافه الا دقيقه ونصف ..

لأعرف الا الان لماذا سلم باكيتا الاطراف للأتحاديين حينما اخرج عبدالله فرج وفهد المبارك ؟؟؟

شفنا كلنا كيف تحرر الصقري بعد خروج فهد المبارك ... عشان كان حاشره بخانته ولا عطاه نفس ..

وشفنا كيف تحرر القحطاني بعد خروج عبدالله الفرج ... كان المفروض من باكيتا تعزيز الجهة

اليسرى للهلال وليس اخراج عبدالله الفرج ....

اللي ابيكم تعرفوه يازعماء ان اعظم فرق العالم هزمت ... وأعظم منتخبات العالم هزمت ...

والان جات مراحل الحسم ... خلونا ننسا هذي المباراة بجميع مافيها ...

ويمكن ياجماعة الخير تكون هذي المباراة البلسم لنا ان شاء الله للفوز ببطولة الدوري ...

وعندها ان شاء الله نضحك كثيراً ... لأننا ضحكنا اخيراً...

ادعوا معي ان يوفق الزعيم في المراحل الجايه ...

وبالنسبه للتحكيم فالظلم اللي تعرضنا له اليوم مش جديد علينا ... ياما تعرضنا لأكثر من كذا ...


ومبروك الدوري مقدماً ان شاء الله

[/align]
اضافة رد مع اقتباس
  #2  
قديم 29/05/2005, 02:13 AM
زعيــم مميــز
تاريخ التسجيل: 27/06/2002
المكان: الرياض
مشاركات: 3,940
أخوي المشكلة ما هي في الهزيمة بس القهر لما تكون بالظلم
الدعيع بغى يموت !
نص لاعبين الهلال مصابين !
مشاركة مناف والصقري !

بالله عليك موب قهر ؟؟؟
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 06:53 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube