هلا فيكم....اليكم الجزء الثا ني والاخير..من سالفة عصنقل في الجيش....وقت ممتع انشالله....:



هالمره حار بحار قبل لا يخرب الكمبيتر واقعد بها...

وصلنا يوم بدا النفاس ... والله يوم قبلوني ويقولون رح جب غريضاتك وودع اميمتك وتعال لمنا ... وانواع التفغيص من الوالده الله يخليها ... واجيكم حاملن شنيطتي على كتفي وادخل الكليه .

طيعا نظامنا في الكليه ما فيه شي اسمه تدريب في الخمس واربعين يوم ... لا ... هذا طال عمرك من يوم تطب رجيلتك الكليه وهم مسلمينك لواحد من حقين نهائي(الطلاب اللي على وشك يتخرجون) ويقولون لك ..."شفت ذا...ترى رقيبتك بيده!"..
عاد انا طحت في واحدن حبيــــــــــــــــــــــــــــــــب بالحيل ... ومهوب مهستر أبد!
أول ليله جيت اسولف معه على بالي زميله ومسوي فيها ...قال انطم وانزلع على فراشك !!... ولايجي باتسر الا انت مشغلن الدباب اللي في الساحه ..,ويعطيني المفاتيح ... (يا والله البلشه وين اجيب له دباب في الكليه.. لا ويبيني اشغله بمفتاح الغرفه!) ... والله ويوم اصبحت واطمر بالمفتاح واقعد ألوب على هالدباب ابي اشغله ولا لقيت شي ... ويطقني بجزا ويوقفني في الشمس.

يوم جاء بالليل ... واقعد اتعذر منه عشاني ما شغلت الدباب (اردى من الحريّم الى قامن يهكن على رجالهن وهن داريات ان الغلط راكبهم من الراس لاخر الاصبع الصغير) ويسامحني ويقول خلاص اذا قمت بكرا التميس والفول عليك اطمر جبهن من يوم يذن الفجر...مدري وشلون نطقت وقلت طيب منين اجيبه ... قال رح للبوابه الفوال يوصله لهم كل يوم ...

وما كذب هالدلخ خبر ..واطير بعد الصلاة للبوابه واقول لهم ... ما مركم راعي الفول ... والى يوم كعو يضحكون ...وقالو ستطعش ستطعش ... اثري الدلخ رقم ست طعش ... يا والله البلشه وش ازين بها اللي يحتري الفول الحين في الغرفه!!... طبعا كالعاده ...جزا ووقفه بالشموس.

المهم انواع الاستهبال بالكليه ... وكله على هالضعوف الجدد ... بس كله كوووووم ويم فاز المنتخب كوم ... يا ويح قلبي !!
ذيك الليله كنا نايمين من التعب والكرف لعماتنا نهائي ...(ايه كود حنا اردى من الشغالات مغير مسح بسطاري ... رتب سريري .. حل واجبي ...وهلم جر) ...وما عندنا من الشيطان طاري ... والى يوم سمعنا المهابد والصياح والمراكض في العنابر ...!!!! .. يا ولد .. وش العلم .. والله وأجلد في فراشي اخاف ارفع راسي ويجازونن ... مير هيهااااااااات ..
جوك ويرفّسونا ويمعطون كنابلنا ... "يالله يا دلخ انت وياه ...قومو فاز المنتخب" ...يا ابوي وش دخلن خلني انام كود باتسر يطلع على واطس اشوف اهلي ...الحتسي ذا طبعا في بطني..(كان اخر يوم في النفاس)...
قالو قومو يالله سو لنا حفله !!! ... (عسى ماشر)

وكل واحد من نهائي عاد يبي يسوي فيها قدام ربعه ... وانواع الهبال اللي طلعوه من عيونا... اللي يقول يالله طقّ ... واللي يقول غني ... واللي يقول طب من فوق الدولاب ... واللي يقول أذن وأقم للصلاة وحنا الساعه وحده بالليل ...

بس اناالحبيب اللي معي اظرط من البشكه كلهم ... هذا طال عمرك قال تحزم وارقص مصري ... افا يا ذا العلم ...غير ..بدل ...عدل ... قال ماوالله تشوف امك باتسر الا ان تحزمت ورقصت .. والله واتحزم وعينك ما تشوف الا النور ... قمت ارقص ويقومون الشبيبه ينقطوني ... واللي يدعس الفلوس بصدري ... واللي يبقصن اذا جيت حوله ... وانا يا ويلي مغير هز يا وز... ولهان على تفغيص اميمتي

_______________

عاد هنكم تقولون الصرقعه مالها هدف ... يالله تشاو انتهى المسلسل



مو عدنا....مع سالفة جديده...انشالله.....وراح اكتبلكم عن البطله..وعن صا حبة القصه ..في القا دم من الا يام.......مع الف شكر لكم.

يووووووووووووووووووووه

اقول البحريه فيها نفس الشي تراي ناوي اقدم عليهل

حشى شكلك مادخلت كلية حربية شكلك دخلت اسير في حرب ( فال الله ولا فالي )..
بس ياخي انا اشك ان هاذولا فيهم عرق اسرائيلي والا مايسون اللي سووه..

اشوف..كن الجزء الثا ني ما عجبكم...وش السالفه...

وينكم يا هلاليين......

وين تفا علكم...قولو لي...

ترى انتضر ردكم..اذا مو عا جبتكم السوالف ..اكنسلها..وانت تا مرون..

<<<<منبط لا تشرهون..

الأخ ( محترف توقعات ).....

ألف ألف شكر..... على هذه القصه لكن أحس أنها قصيره مررررره وأقول لو كان فيه
جزء ثالث يحكي عن عصنقل بعد مارجع لبيتهم.......
ومره ثانيه أسأل - عصنقل يقرب لعصعص وإلالا ؟؟؟ أحس أنهم يقربون لبعض...

وآسفه على الإزعاج -ماأنعطى وجه-

السلام عليكم:

اخوي محترف توقعات ........فضحت بي العالم الله يهديك...


اخوي في الكليه العسكريه ما قالي هذا الكلام اجل يسبونكم على وجيهكم ايه هماك تبي العسكريه وتبي نجمه لازم تسحب على وجهك سوي.



اخوك سداح

هلا بالغالي::


القصه قصيره وحلوووووة بس القصه الأولى احلى .
وهذي حلووووة بس تكمله الى جزء ثالث يكون أحسن.

اشكر للا خوان تفا علهم...

وبالنسبه للسؤال بخصوص هل هناك جزء ثالث..للا سف لا....

ولكن انتضرو اليوم سالفه جديده من عص البطله..والسا لفه رهيببببه..
وبنزله بعد اشوي انشالله...

الاخت Haiuf:

هلا فيك وبالنسبه يقربون لبعض نعم..واكيييييييييييد

افااااا عليك بس..كلكم تمونون..

انتم تا مرون....وانا في الخدمة.

هلا والله بمحترف :

والله القصة مصرقعة .

اذا كان كل الاقسام العسكرية كذا الله يعين الشباب .

ومشكور اخوي على القصة .

ويالله نبي قصص اكثر من شلة عصص وعصنقل .

اخوي :fahoode

تسلم والله يعطيك العا فيه..
وابشر انشالله...

بس صبركم علي...

وراح تشوفون لعصعص وغيرها من الكتا ب السا خرين...

ولي وقفه في ذلك.
تحيا تي لك.