|
عصنقل...في الجيش..<الجزء الاول>..%%% هلا فيكم ...كما وعدتكم..اتو اصل معكم..بذكر سوالف عص... وفي سالفه جديده انشالله تعجبكم........: الصدز اني جاز لي الشنب وقررت اني ابتل شنب ... وانس موضوع الحرّيم وخرابيطهن... ما عندهن سالفه الا أبونا وأبونا ... يا شيخه طيييييييري . المهم ... هذي الله يسلمكم سالفتي يوم ادخل الكليه الحربيه أكا السنه يوم اخلص الثنوي عقب مرار سنين من الحك في ثالث ثانوي. اخوكم في الله عصنقل ...( هذا أنا... خلكم معي لحد يسوي لي احباط تراي بمسك خط وبسرع بعد!!)... جاء طاير لابوه من الفرحه يهفهف والجريده معه طالعن به اسمه تقل طالع من مجلس الوزراء الحين الله اكبر!! ويوم دخل البيت والا الوالد مترنكز على الكرسي في الحوش (ابوي ثقافته... باردون... فغرنسي) يبه! يبه! يبه! "هااااااااااااااااااه" ------> انواع الحنان ... يبه ابشرك نجحت!! ... "هااااااااااااااه؟؟" ... الله يهديك يبه هذا وقته تصيمخ علي! (طبعا الحتسي ذا في خاطري والا انتسان يحطني بفتيك ويتعشى علي)... اقول لك نجحت يبه!! ... "ايه ...وش ازين لك طيب!!" ...(قشر لي بصل)... رديت عاد انا .. هاه ... آآآآ... لا أبد سلامتك بس بغيت اعلمك ... قال "ايه ميخالف درينا ...رح بشر امك!!" ... (يعني كسر ماطور سفينتي... مهوب مجاديفي ... شوي على ابوي) المهم وانقز لأم عص .. ومن قبل اقول ولا كلمه ... من يوم شافت الجريده تهفهف والكشره منفقه وهي والله اللي تجي تررررركض ... تخيل معي شيء مدعرم قادم باتجاهك وفاتح يديه بيخمك ... وهي والله اللي تخمني وتفعصني وتهز بي يمين وشمال ...تقل مرجيحه يا حبي له !!! مبروووووووك ... طبعا انا ما اقدر ارد ... غايص المهم بعد هالسوالف بدا الجد عاد ... "هاه وش قررت تدخل؟؟" ...(انا اصلا هقيت اني بنجح عشان تقولين قررت... والله يا خوفي انها غلطه مطبعيه وبكره يهونون!)... مدري ... ومن غير تفكير... وتسذامير وتمسك معي الحربيه!! ... قلت والله يا ام عص بدخل الحربيه ابي اصير ظابط اخدم وطني وادافع عن حمى بلادي ... (عاد خذ من التنيفش عند امي والا الى جاء الصدز ظرطي)... والله وتسفهل يا حبي له ... وتقعد تمصع من هالدعاوي ... للملك ولعبدالله ولسلطان ... تقل مواجرينه على هالدعا الحين!! وبعدها نجيك ونسجل بالكليه... ويجي الفحص الطبي ... وما ادراك ما الفحص الطبي ... والله انواع الفشايل ... هل تعلم عزيزي القارئ انهم يفحصون كل مغز ابره في الكشف الطبي ... ايه كلشششششش ... وراكم طيرتو عيونكم!!! تسني به الحين رقله جايب المقص وبيقص موضوعي كخخخخخخخخ. بس اخوكم حليوه صحيح معصقل بس عند لياقه ومير يقبلونن ويبدا عاد النفاس (الخمس واربعين يوم)... هنا عاد تبدأ القصه الحقيقيه (ادري بيقولون كل ذا وهي ما بدت ..ايه ما بدت كخخخخخخخ). امل ان تكون السالفه اعجبتكم.......وانشالله نتواصل غدا مع نشر الجزء الاخير منها.... لا تنسون ابي رايكم اذا جا زتلكم السالفه...... |
أكيد القصه حلوه ....... أكيد القصه حلوه 100 %...... أنا ماصدقت إني أشوف اسم (محترف توقعات) على موضوع وهذا أكبر دليل على أن الموضوع رائع - هذي حقيقه ماهي مجامله - وننتطر منك الجزء الثاني - الله يوفقك لاتطول علينا- HAIUF |
هلا الاخت الغا ليه: haiuf: هلا فيك..واشكرك على اطرائك لي وكلما تك العذبه.....وامل ان اكون عند حسن الضن...... وبخصوص الجزء الثا ني والاخير ابشري..انشالله..بس خلي الجزء الاول ياخذ حقه..اليوم واسمع بقية الاراء... فا نتم السند بعد الله. تحيا تي. |
انا اتوقع في الجزء الثاني يبي يهج عص من الكليه هذا اذا انقبل اصلآ !!! |
هههههههههههههههههههههههههههههههههههههه كل هذا وبتاخذ راينا يا محترف.. اقول عجل علينا بعد لاجي ....===> ( توهقت مدري وش اقوول ) اممممم لاجي اخمك مثل ام عص هههههههه :):) وشرايك جبتها .. يله بس عجل علينا وانا اخوك.. |
هلا سهل 888: في البايه اشكر لك تفا علك مع الموضوع.... بالنسبه لتوقعك...حتى انا مدري وش بيصير... <<<<<<<< راعي ارانب ;) الا اعجوبه: اشكرك من كل قلبي...يا بعدي<حلوه بعدي>;) بس سالفة تخمني..حلوه من جد ههههههههههه< حشى صرت كومة ملابس> :p الجزء الثا ني ..اليوم باذن الله تعالى.. قولو امين الله لا يحرمني منكم. |
هلا بالغالي سهل يخوي ماتحس انك ماعطيت الجزء الأول حقه كذا مااقدر احكم على الموضوع ؟,,, بس كذا خليتنا نتشوق للجزء الثاني, |
هلا اخوي زعيم اسيا: التشويق مطلوب ولا وش رايك......... وعموما هانت...بعد لحضات فقط ابنزل الجزء الثا ني والاخير انشالله... شكرا لك وعلى تفا علك. |
:o :( :mad: اوووووووووووووووووووووووووووووووه عادت حليمه لعادتها القديمه يا اخي خلصنا عطنا التكمله:mad: :mad: <============== لا تشره عليه مندمج :cool: |
هلا هلا رائد: ابشر...بس منهي حليمه...;) الان انشالله ....عد للعشره وتشوف الجزء الثا ني.......;) |
سؤال ........؟؟؟؟ الأخ (محترف توقعات)....... لاشكر على واجب .... ولوسمحت ممكن أسأل سؤال !!!!! عصنقل بطل القصه يقرب لعصعص بطلة القصه السابقه و إلا لا ؟؟ (بطل وبطله اللي يسمع يقول - براد بيت و شارون ستون- ) وشكرا لك وآسفه على الإزعاج ..... HAIUF |
| الوقت المعتمد في المنتدى بتوقيت جرينتش +3.
الوقت الان » 09:55 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd