*&*كلكم ادخلوا واحكمو على أنفسكــــــم*&* - نادي الهلال السعودي - شبكة الزعيم

فرصه ضايعه · #1 25/05/2005, 08:06 PM

[align=center]7
7
7
7
7
7
7
أقلطوا حياكم الله

هلا ومرحباً بجميع الزعماء

وشلون استعداداتكم للامتحانات

واللي امتحنوا عساهم قدموا زين

المهم وأنا أقلب في كمبيوتري وإذا بي
7
7
7
7
7
7
أشوف موضوع كل ما قريته حسيت بتأنيب الضمير :sad:
لأن فيه يمكن صفه أو صفتين تنطبق علي

>>> ايه هيّن بس صفتين

<<< اقول بلا فضايح :p

وأنا بحط الموضوع وأبي منكم تعليقات سموكم الكريم

قلة أدب

إنك تروح للمسجد بقميص نوم بينما تروح لربعك بثوب مكوي وطيب يشق الخشم

قلة أدب

إنك تتصل على ربعك كل يوم وعادي تقعد معه نصف ساعة أو أكثر بينما عمك أوخالك أو عمتك أو خالتك لهم شهور ماسمعوا صوتك !!! من زينك أنت وصوتك

قلة أدب

تدور بسيارتك بالساعات وماتخلي شارع ما ( شبرته ) وحفظته وكل هالدوران غالبا لأسباب ( قليلة أدب )بينما أهلك لويبون مشوار ساعة وحدة قلت : ( التكاسي واجد)

قلة أدب

إن شيريهان تسوي عملية والجرايد والقنوات تسوي مناحة بينما الشيخ السحيباني يقتل ونصف العالم مادروا

قلة أدب
إن اللاعبين والمطربين يكرمون ويغرقون بالخيرات بينما المشايخ ربك يستر ماينسجنون

قلة أدب

إن الواحد يضبط ساعته على الدوام بينما صلاة الفجر مايدري متى وقت أذانها !!!

قلة أدب
اذا جيتي تطلعين لعرس او لصديقاتك تتزينين وتتعطرين واذا جلست عند زوجك تقعدين بوساختك وريحتك بصل

قلة أدب

ان الوحده تقعد على التلفون ساعه وتقعد في صلاتها دقيقه

قلة أدب
اذاطلعت البنت من البيت وهي كاشخه وريحة عطرها واصله اخر الشارع وتقول للشباب لا تلحقوني

قلة أدب
إن الواحد يشوف ( قلة الأدب ) ولايقول عنها ( قلة أدب)

قلة أدب

انك تحصل واحد يحترم الناس كلها الا امه او ابوه تلقاه يكلمهم بطرف خشمه

قلة أدب
انك تشتري كل اللي نفسك فيه ويوم يجي طاري الحج او العمره قلت انا ما عندي فلوس وانا غير مقتدر

قلة أدب
انك تكون جالس في المدرج وتسمع الاذان ومن بعدها الاقامه وانت مكانك وكأنك مثبت بمليون مسمار على كرسييك

قلة أدب
لماتشوف واحد في الشارع وتستصغره ولا تسلم عليه

قلة أدب
اذا شفت صديقك في ورطه ولاتساعده

قلة أدب
اذا قدم لك صديقك خدمه وأنكرت فضله عليك

قلة أدب
انك تحط سيارتك عند باب جارك ..وعندك مكان ابعد شوي

قلة أدب
لما تجلس بمكان عام تتقهوى انت وعيالك..وتقومون وزبايلكم وراكم..
مع ان صندوق الزباله حولك...

قلة أدب
انك تكون مسئول عن عمل يتوقف اداؤه عليك..وتطنش وتتأخر
ويتحمل الباقين مسئولية اهمالهم

قلة أدب
انك تطولي لسانك على الشغاله..وهي بسن امك..عشان شغله ممكن تسويها بنفسك
((ليس منا من لم يوقر كبيرنا))

قلة أدب
لما تعزمين صديقاتك وتخلين الوالده تسوي قهوتكم وتجيبها لكم..وتسوي عشاكم ..وانتي مشغوله بالسواليف

قلة أدب
لما ترفض(ين) شريط اسلامي او كتيب من احد الدعاة..بينما لو أحد اعطاك شريط لمطرب العرب كان ماتدري(ن) شلون تشكره(ينه)

قلة أدب
عندما نسهرساعه على النت ولانصلي لو ركعة لله

قلة أدب
انك متعلم وحاصل على شهادة عليا..وماتفقه اقل شي في دينك

قلة أدب

أنه مانشوف القرآن إلا من الجمعه للجمعة عشان سورة الكهف .
هذا إن كان من الجمعة للجمعة

يا
ابن آدم

يا
مسكين

لا بدك
بتشم الطين

تدخل
بيت ماله باب

تنسى

الأهل والاصحاب

وتذكروا

كل ابن أنثى وإن طالت سلامته ******* يوما على آلة حدباء محمول

فماذا اعددت(ي) لهذا اليوم

(وجاءت سكرة الموت بالحق ذلك ما كنت منه تحيد * ونفخ في الصور ذلك يوم الوعيد*وجاءت كل نفس معها سائق وشهيد *لقد كنت في غفلة من هذا فكشفنا عنك غطاءك فبصرك اليوم حديد)

بإنتظار ردودكم
[/align]

كان هنا · #2 25/05/2005, 08:12 PM

الله يجزاك خير ويبارك فيك

نـــــــ15ــــــمر · #3 25/05/2005, 08:19 PM

قله ادب انك تقرا موضوع ولا ترد عليه

تشـــــــــــــــــــــــــــــــــــاو

الهلالي دائماً · #4 25/05/2005, 10:58 PM

هلا ووغلا فرصة ضايعة

ويسلمو على هيك موضوع

بس ما بقي شي كل الاشياء اللي نسويها صارت قلة ادب >>>> فضح عمره ;)

والله اننا في بق بق بق بروبلم

>>>

بس الله يستر علينا ويهدينا الى خير الاقوال والاعمال

سلاااامي

c.ronaldo_17 · #5 26/05/2005, 12:16 AM

الله يجزاك خير ويبارك فيك
ويعطيج العافيه
والله موضوع رووووعه
....

جداوي فلاوي · #6 26/05/2005, 01:29 AM

الله يجزاك الف خير

وقلة ادب انك تقرا الموضوع ولا تشكر صاحبه

فرصه ضايعه · #7 26/05/2005, 05:58 AM

[align=center]ياهلا[/align]

[align=center]عبود البطل[/align]

[align=center]شاكرة لك على المرور[/align]

[align=center]نـــــ15ــــــمر[/align]

[align=center]

إقتباس


	قله ادب انك تقرا موضوع ولا ترد عليه

[/align]

[align=center]شكراً لك على هالاضافه

[/align]

[align=center]ماجد مقبل[/align]

[align=center]

إقتباس


	هلا ووغلا فرصة ضايعة ويسلمو على هيك موضوع

[/align]

[align=center]هلا فيك أخوي ماجد

ويسلمو على ردك شو مهضوم

<<< تراها ماتقلد

[/align]

[align=center]

إقتباس


	بس ما بقي شي كل الاشياء اللي نسويها صارت قلة ادب >>>> فضح عمره

[/align]

[align=center]عادي مابينا أسرار

[/align]

[align=center]

إقتباس


	بس الله يستر علينا ويهدينا الى خير الاقوال والاعمال

[/align]
[align=center]
آمييييييييييييييييييييييييييييييييييييييين

[/align]

falcon1515 · #8 26/05/2005, 06:05 AM

اقول يافرصة تراك بديتي تطبين بقوة شوي شوي الله يحفظك .....

إقتباس


	قلة أدب إن شيريهان تسوي عملية والجرايد والقنوات تسوي مناحة بينما الشيخ السحيباني يقتل ونصف العالم مادروا قلة أدب إن اللاعبين والمطربين يكرمون ويغرقون بالخيرات بينما المشايخ ربك يستر ماينسجنون قلة أدب إن الواحد يضبط ساعته على الدوام بينما صلاة الفجر مايدري متى وقت أذانها !!!

وبعدين انا القاك في كل محل في المجلس العام والاعضاء وكل موضوع ياقبلي يابعدي

ابوسعود

الفارس الحائر · #9 26/05/2005, 08:32 AM

الله يجزاك الف خير

والصراحة موضوع تشكرين عليه

دبــل كيــك · #10 26/05/2005, 02:01 PM

[align=center]الله يعطيك العافيـة ..

على الموضــوع الرائـع بكل أمـانـة ...

وياكثـر قلال الحيـا اجـل ..

وبكـل صـراحة طلعتيني قليل حيـا ((توك تدري)) ...

وإن شاء الله احاول اغير من بعض العادات ((اخس يالصدقي))

وألف شكـر على هذا الموضوع الرااااااااااائـع ..[/align]

ولد وايل · #11 26/05/2005, 06:14 PM

[align=center]اي والله الله يعطيها العافية وبييض الله وجهها
موضوع رائع بامانة ديك الجن
الله يجزاك خير ياوخيتي وبالتوفيق للجميع
والله يعينا على اداء واجباته ويثبتنا على صراطه
والله يسامحنا على قصورنا من جد مقصرين
تحياتي[/align]

فرصه ضايعه · #12 27/05/2005, 05:57 AM

[align=center]مرحباً ومسهلا

c.ronaldo_17

إقتباس


	الله يجزاك خير ويبارك فيك ويعطيج العافيه والله موضوع رووووعه

الله يعافيك على ردك الأحلى

جداوي فلاوي

إقتباس


	وقلة ادب انك تقرا الموضوع ولا تشكر صاحبه

الله يسلمك وأنت

شاكره لك مرورك أخوي

falcon1515

إقتباس


	اقول يافرصة تراك بديتي تطبين بقوة شوي شوي الله يحفظك .....

وش تقصد

إقتباس


	وبعدين انا القاك في كل محل في المجلس العام والاعضاء وكل موضوع ياقبلي يابعدي

قل ما شاء الله

بعدين تراك أنت اللي تلاحقني اعترف

الـــــدم الأزرق

إقتباس


	الله يجزاك الف خير والصراحة موضوع تشكرين عليه

انا اللي اشكرك على مرورك
ياهلا ومرحبا

دبــل كيــك

إقتباس


	وياكثـر قلال الحيـا اجـل ..

ايه والله صادق :sad:

إقتباس


	وبكـل صـراحة طلعتيني قليل حيـا ((توك تدري)) ...

مب أنت لحالك

كلنا يبيلنا تعديل

وشكراً على مرورك

ولد وايل

إقتباس


	الله يعطيها العافية وبييض الله وجهها

الله يجزاك خير على هالدعوه الحلوه

إقتباس


	موضوع رائع بامانة ديك الجن

وينه ما رد

إقتباس


	والله يعينا على اداء واجباته ويثبتنا على صراطه والله يسامحنا على قصورنا من جد مقصرين

آميييييييييييييييييييييين

ومره ثانيه شكراً لكم على مروركم[/align]