|
رسايلي تحتريني .. بس ما اقدر ادخل لها .. [align=center]السلام عليكم عندي مشكله في الرسائل في بريد هوتميل اذا دخلت الماسنجر وطلعت لي الرسايل وعددها .. مهوب ارص عليها واروح للبريد الوارد وقبل لا انتقل لصندوق الوارد .. صح تجي صفحه بيضا بعدين ننتقل منها للصندوق كمبيوتري من تالي .. يغرز في هالصفحه قلت يمكن البلا في الماسنجر :confused: رحت لصفحه الهوتميل دت كوم s88s نفس الشي من اسوي لوق ان .. نروح لذيك الصفحه البيضا ونغرز فيها :crutch: كني بها تقول : امعصي تشوف رسايلك من هالجهاز :lamo: على الرغم من ان جهازي ايسر سنع ماعليه كلام s110s صرت من عقبها اقط وجهي على كمبيوترات اخواني .. :sad: اتطلبهم ادخل بريدي من عندهم عشان ماتنحذف الرسايل فياللي عنده حل لمشكلتي يعطيني اياه s48s لا يقول السيكيوريتي ومالسيكيوريتي :nono: انا حاطه الديفلت والكوكيز كل يوم والثاني احذفهن :bash: .. لين خف جهازي :stretcher انا بانتظاركم .. وبانتظار فزعتكم معي s12s crescent ---[/align] |
المشكلة واجهتني وحذفت ملفات Temprorary Internet Files و الكوكيز وانحلت المشكلة |
هلا بك ياخوي حذفتهن .. بس ما انحلت المشكله :sad: الف شكر لمرورك |
وعليكم السلام المشكله اعتقد من المتصفح لذالك ابغاك تتأكد من اعدادات الامان من المتصفح فوق اذهب الى أدوات وبعدين خيارات انترنت بعد متظهر لك خيارات الانتر نت اذهب الى امان بعدين راح تظهر لك محتويات الويب وهي اربعه 1-انترنت 2-انترنت محليه 3-مواقع موثوق بها 4-مواقع محظورة الان 1- اختر انتر نت وراح تحصل تحت مستوى الامان لهذه المنطقة تأكد بأن تكون على المستوى (المتوسط) 2- اذهب الى انترنت محليه تأكد من مستوى الامان بان يكون (متوسط - منخفض) 3-مواقع موثوق بها (منخفض) 4- -مواقع محظورة (عالي) الان اضغط تطبيق ثم موافق وبعدها ادخل بريدك ان شاء الله تنحل المشكله تحياتي |
طيب حمل هذا البرنامج وخله ينظف الجهاز من الملفات الي ماله داعي اضغط هنا للتحميل |
سكيكو .. اعداداتي نفس اللي قلت .. شاكر لك مرورك .. روالدينووو تعاااااااااااااااال .. مدري وش صار بجهاي من عقب مانزلت هالبرنامج ؟؟؟؟؟؟؟؟؟؟؟؟؟ الخطوط صغرت .. وكل شوي طلعه لي نافذه الرن ديل <-- هي كانت تطلع لي بس مهوب بهالكثره .. شف الخطوط تعفست مثل ذي http://drr.cc/upload2/333.JPG صارت كذا http://drr.cc/upload2/33.JPG وخطوط الجهاز كلها تعفست يعني شي صار دب .. وشي صغر .. وشي تشوش سويت ريستور للسيستم ليوم الخميس .. يعني قبل ما انزل البرنامج .. قال لي عقب ما سواه .. ان الريستور ماصار ... لأن مافيه شي تغير خلال الفترة اللي طلبتها ... تكف قل لي وش اسوييي ... . وشاكر لك مقدما .. |
اخوي crescent_ هذا برنامج Window washer وماله علاقة بالخطوط ابدا السبب ان الخط صار كذا لان الخطوط الي عندك امسحن من الجهاز طيب رح لملف Fonts الموجود بلوحة التحكم شف كم فيه من ملف |
اخوي crescent_ علشان يرجع خط الكمبيوتر زي اول حمل الملف الي بعطيك اياه وفك الضغط حقه بتلقى فيه خطوط كثيره سو للخطوط نسخ بعدين رح عند مجلد الخطوط الموجود بلوحة التحكم وسو لصق اضغط هنا لتحميل ملف الخطوط اضغط هنا لتحميل WinRAR لان ملف الخطوط مضغوط به |
السلام عليكم .. هلا اخوي رونالدينيو الخطوط نزلتهن اللي عندي من جديد في مجلد الفونتس ولكن لا زالت مشكلتها .. وما اظن الخطوط انحذفت لاني كل ماجيت انزل خطوط جديده .. يقول انهن فيه لازم احذفهن عشان انزللهن .. وخط كمبيوتري منول وهو تهامي ( غير شريط العنوان ) والحين صاير صغيير .. ومشوش .. وهو عندي في الجهاز يعني ما انحذف .. المهم ذي نلقى لها صرفه بعدين .. ابي الحين اركز على مشكلة البرييييد .. ابي اشووووف بريدي ومشكور مره ثانيه |
طيب اخوي خل البرنامج الي عطيتك اياه ينظف الجهاز http://www.xkee.com/internet/window-.../download.html |
نظفته هماي منول ؟؟ يعني أنظفه مره ثانيه ؟؟؟؟؟ |
طيب رح عند عرض بعدين خيارات الانترنت بعدين متقدم بعدين استعادة الافتراضي |
كل شي في خيارات الانترنت افتراضي |
طيب اخوي انت عندك Dsl او دايل اب واذا هو دايل اب اي شركة تستخدم |
دي اس ال .. السرعه 256 .. شركة سعودي نت وما اظنها فارقه .. لان أجهزة اخواني على نفس الشبكه وتدخل عادي .. ادري اني اتعبتك .. بس معليش تحملني .. |
طيب اخوي انت عندك سيدي الوندوز الي عندك |
ايه عندي .. وشكلي بفرمته .. الا اذا كان عندك حل ثاني .. لاني مالي خلق فرمته .. |
طيب رح عند لوحة التحكم بعدين اضافة او ازالة برامج بعدين ad/remove windows components بعدين ازل علامة الصح من الانترنت اكسبلورر بعدين اضغط على next وخله يمسح الملفات اذا انتهيت من هذي الخطوة قلي علشان اعطيك الخطوة الي بعدها |
طيب ممكن تصور المتصفح كامل في وقت التعليق وترفق الصورة |
هلا اخوي سكيكو انا المشكلة قد واجهتني ايضا وحليتها بمسح ملفات الكوكيز والـTemprorary internet files وهذه صورة للمشكلة http://www.sfhty.com/u/26798200505220321391.jpg وانا وجدت حل للمشكلة وهي حذف الاكسبلورر واعادته من جديد او استخدام متصفح آخر مثل فايرفوكس لكن شكل صاحب الموضوع طنشنا |
اخي العزيز crescent_ حذاري حذاري حذاري من حذف Internet Explorer اذا انت فعلت ذلك ستزيد المشكلة سوءً لأن حذف Internet Explorer سيتأثر النظام لديك لامانع من تثبيت Internet Explorer الإصدار الجديد على Internet Explorer الموجود لديك. اعتقد ان جهازك مصاب بفيروسات بسبب عدم تحديثك لبرنامج الحماية لديك نصيحتي لك ان تقوم بعمل فورمات ومن ثم تثبت برنامج حماية ( افضل برنامج الحماية الشهير Kaspersky Anti-Virus Personal ) قبل اتصالك بالنت |
مستحيل حذف المتصفح اصلا المتصفح جزء من نظام الويندوز و لايمكن حذفه |
إقتباس:
اخوي كان عنده مشكلة بالاكسبلورر وهي عدم فتح الروابط الي فيها حماية للجافا سكريب لكني حذف الانترنت اكسبلورر واعدته من جديد بنفس الطريقة اللي وضعتها لاخونا crescent_ فانتهت المشكلة التي تواجه اخوي crescent_ خلاص لاتحذف الانترنت اكسبلورر بل اعد تحميله من هنا واذا استمرت المشكلة معك حمل متصفح آخر وانصحك باستخدام متصفح فاير فوكس اضغط هنا لتحميله |
رونالد10ينو مشكور على المساعدات الى تقدمها .... بس المره هذى معليش :) مو انا الى اقول مستحيل حذف المتصفح ... مايكروسوفت نفسها تقول لك الشى هذا واذا انت تتكلم عن ad/remove windows components هذا ما يحذف المتصفح .. هذا يحذف بعض الاضافات الى موجوده مع المتصفح برغم انى ما ابغى ادخل فى نقاش ثانى ماله داعى .... لكن انك تقول انك حذفت المتصفح من كمبيوتر اخوك .... من غير زعل .. مستحيل هذا جزء من مقاله على موقع الشركه : while leaving the Internet Explorer code intact and fully functional to ensure the functionality of programs and operating system functions that rely on it. ويبقى كود المتصفح غير ملموس و الوضائف كامله لضمان عمل برامج اخرى و لضمان عمل الويندوز حيث ان النظام يعتمد عليه فكيف تقدر تشيل برنامج الويندوز تعتمد عليه ؟؟ وهذا سبب الدعوه القضائيه الى اقيمت على مايكروسوفت حيث ان كود المتصفح جزء من كود الويندوز و لايمكن للويندوز العمل بدونه الويندوز تعطيك الخيارات التاليه : تركيب نسخه حديثه الرجوع الى نسخه كانت مركبه سابقا تصليح المتصفح حذف و اضافة زوائد للمتصفح (وهذا الى انت ذكرته) .. ولكن غير ممكن حذف المتصفح نهائيا وهذى صوره لتركيبة المتصفح ومستخدم فيها الاصدار الرابع حيث انه الاساس لجميع الاصدارات الحاليه http://msdn.microsoft.com/workshop/graphics/IE4Arch.gif ومن الصوره تشوف ان عملية تصفح الانترنت ( HTML ) ماهى الا 20% من عمل المتصفح و كود المتصفح فى الويندوز وللمعلوميه ... متصفح الويندوز يعتمد على جزء كبير من الكود المكتوب لمتصفح الانترنت و جميع برامج التصفح الاخرى ... من نتسكيب , فايرفوكس , موزلا .... الخ تعتمد على جزء من الكود مكتوب لمتصفح الانترنت من مايكروسوفت |
سكيكو لمن تحل المشكله الحاليه ..... اعلمك كيف ترجع الخطوط زى ما كانت اول |
إقتباس:
لكن انا متاكد سويت الطريقة من ad/remove programs وشلت علامة الصح بعدين اعدتها من جديد من دون ما اعيد الجهاز |
إقتباس:
الطريقة سهله بس يحمل Fonts زيادة على جهازه |
اقول اخوي رونالد10ينو شكلك نكبت اخونا المسيكين سكيكو وخربت كمبيوتره زياده على ماهو عليه واسمع كلام بوناصر الانترنت ماينحذف بس مدري وش خربطت انت بجهازي وزانت المواقع اللي تحط حماية للجافا سكريب |
^ ^ ^ انت خاصة لا تتكلم بالكمبيوتر و لاعمري اشوفك قايلي تعال صلح الكمبيوتر إقتباس:
|
السلام عليكم اخي الكريم ابو ناصر بيض الله وجهك وكلامك سليم 100% اما بخصوص المشكله فالمشكلة عند الاخ crescent ومشكووووور اخي الكريم رونالد10ينو على وضع الصورة اذا كانت المشكله عند اخوي crescent نفس الصوره التي وضعتها فحلها بسيط جهازه مصاب بفيروس كم ذكر اخي الكريم ماء الذهب وخطير جداً يسوي مشاكل كثيره في الجهاز ومنها عدم دخوله الى البريد عموما انا قلت سابقاً المشكله في الاكسبلورة وهذا لايعني حذف الاكسبلورة لان كما ذكر ابو ناصر لانستطيع حذفه لاكن نحذف الفايروس وتنتهي المشكله وننتظر رد الاخ crescent اذا كانت مشكلته نفس اللي في الصوره لكي اعطيه طريقة حذف الفيروس تحياتي |
غلطنا بالنسخ و اللصق :) الى سويت انك حذفت الاضافات و اعدت تركيب المتصفح على نفسه و هذا حل المشكله لاخوك :) وبالنسبه لـcrescent_ ... الخط ما انحذف ... بس يحتاج تغيير بنوع الخط المستخدم للعرض فى الويندوز :) واذا كان الموضوع فيروس ... اتمنى نعرف اسمه علشان نعطيه الطريقه الافضل لحذفه |
طيب حمل برنامج كاسبرسكا 2006 |
إقتباس:
من الصعب انك تحذفه بدون برنامج يكشفه لانه ينتشر في الجهاز بشكل رهيب وباسماء مختلفه وكل ماتدخل النت ينزل المزيد من الفيروسات والباتشات وبرامج التجسس والدعايات وحتى صفحة البداية يغيرها لك المهم اقولك وشلون عرفت انه فايروس شف في الصوره اللي وضعها الاخ رونالد10ينو راح تحصل في الزاويهAZESEARCH ولي صديق كان عنده نفس المشكله وحليتها له ورجع الوضع عنده طبيعي والبرامج اللي استخدمتها لحذف هذا الفايروس XoftSpy و برنامج Ad-Aware SE Personal المشكله صاحب الموضوع مارد علينا اذا كانت مشكلته نفس اللي في الصوره تحياتي لك ابو ناصر لاعدمناك |
اذا نفس المشاكل .... نعم احتمال نفس الفيروس ... و ما يضر اننا نستحدم نفس الطريقه الى انت استخدمتها المشكله احيانا ... يتغير اسم التروجان واذا كانت الطريقه تحذف فايلات معينه .. ممكن ماتلاقيها لهذا السبب ومشكلة الردود دائما موجوده .... يطلبون حلول .. واذا واحد رد ... صاحب الموضوع خرج ولم يعد |
اخوي سكيكو هذا كمبيوتري هو اللي فيه AZESEARCH وهذا قشعته انا من الكمبيوتر اخوي cerecent_ ما اظن ان عنده AZESEARCH |
:d :d :d :d :d :d ياخزيااه فيكم :d لا من جد متفشل فيكم :rolleyes: اثاريني تسببت في مناقشة دكتوراه في الأمان الالكتروني :thumbup: .. وانا مدري وخليتكم s16s ولا دريت عنكم s16s ياقلبي انتم s16s حسيت بحنين للمنتدى والمشاركه يوم قريت ردودكم s16s .. مشتطين .. وانا مادريت <<-- متحسف:sad: اشوى اني رحت للمشترك بهاا .. اشوف وشي :rolleyes: --------------------- رونالد10ينو سكيكو AbuNasser ماء الذهب --------------------- يا بعدي انتم s13s ياللي ماتدخرون جهد لراحة الزعماء :yes: مدري وش اقول ووش اخلي فشل(ن) فيكم بالحييل بالحيل s43s المشكله وحليتها منذ مبطي .. بالريكفري الله يسعدكم .. وين ماكنتوا s86s تعبتكم معي واجدن بالحيل <<-- من الفشيله مايدري وش يقوول s96s ربي يوفقكم في أمان الله :blueroll: ---- |
| الوقت المعتمد في المنتدى بتوقيت جرينتش +3.
الوقت الان » 07:27 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd