3×1 .. - نادي الهلال السعودي - شبكة الزعيم

شفشينكووو7 · #1 20/05/2005, 03:58 AM

بسم الله الرحمن الرحيم ..

السلام عليكم ورحمة الله وبركاته ..

أكتب لكم هذا الموضوع وهو اخر موضوع بالنسبة لي قبل الاختبارات تعرفون اخر سنه ثانويه وودي ابدع خخخخخخ <<--- كثر منها ..

عالعموم ودي اكتب ثلاث مواضيع بموضوع واحد ونتقابل ان شاء الله بعد الاختبارات ..

الموضوع الأول .. ( مباراة الهلال مع الاتحاد ) اللي انتهت امس ..

اول شئ لابد اننا نوقف مع رجال الزعيم لانهم ماقصروا موب نقعد نقول طيروا حسن مانبيه والدوخي مالعب زين وسامي ضيييع ومن هالكلام .. انتم نسيتوا مباراتنا كانت يوم الجمعه واللحين لعبنا الاربعاء يعني ارهااااااااااق ارهاااااق ولازم نوقف مع رجالنا ولانضغط عليهم ومانصير جماهير فوز بس لازم نترك بطوله يعني موب معقوله بناخذ كل البطولات .. الحمدلله حنا اللحين ماخذين ثلاث بطولات محليه من اربع هذا معدل حلو حلو حلو جدا واحمدوا ربكم غيرنا له 7 او 8 سنين ماجابوا بطوله .. وبالعكس اللحين نوقف مع نجومنا وكأنه ماصار شئ يعني عادي خروجنا من ابطال العرب مانبيه وخلوا الاتحاديين يتذكرون اننا حنا طلعناهم من بطوله اغلى من بطولة الطرب وليس العرب ..

اللاعبين في هالمباراه ماقصروا ..

العتيبي .. ماقصرت يالشاطر حسن وخيرها بغيرها يالغالي ولايضيق صدرك ..

الدوخي .. مشكور يالاندكروزر ولاتشيل هم حبيبي ويمكن انخفاض مستواك بالمباراه سببه الارهاق ..

تفاريس .. والله والله كأنه ابن النادي والله العظيم واكبر دليل الكوره اللي خلصها يوم عدى ابو شقير من العتيبي ..

المفرج .. سلامات حبيبي ماتشوف شر يالغالي ..

خليل .. مشكور ماقصرت حبيبي ..

الخثران .. تعجبني يالغالي ولاتتضايق وخيرها بغيرها حبيبي ..

الغامدي .. برافو ياكابتن وتعوضونها ان شاء الله بالدوري

عزيز .. الجندي المجهول مشكور حبيبي على ماقدمت وخيرها بغيرها ان شاء الله ..

كماتشو .. ثانكيو ياكابتن ومشكور على الهدف وخيرها بغيرها ان شاء الله

فهد سرور .. انت لاعب صغير بالسن وقدامك مستقبل وقدمت مباراه حلوه لكن خيرها بغيرها ..

ديسلفا .. انا مااقدر اتكلم عليك ولااقدر اقول شئ لكن اللي اقدر اقوله انك فاشل بس ..

سامي .. ماقصرت ياابو عبدالله عجبتني لمساتك الحلوه ماقصرتوا وتعوضونها بالدوري ان شاء الله ..

الشلهوب .. اه لو انك داخل من بدايه المباراه كان علووووم بس يالله ماقصرتوا حبيبي ..

العنبر .. من نجوم المستقبل بس يالله تعوضون بالدوري ويالله نبيك تحسم المباراه النهائيه للدوري ان شاء الله ..

محمد بن فيصل .. انت والله العظيم بطولتنا الحقيقه والله العظيم حتى لو لاسمح الله مااخذنا الدوري والله والله والله العظيم انك انت تكفي ياابو سلطان انت بطولتنا الحقيقيه .. وأكبر دليل روحه الرياضيه يوم راح يبارك للجماهير الاتحاديه .. وانا بدوري قلت انت قدوتنا ياابو سلطان وعلى طول اتصلت على واحد اتحادي وباركت له بالفوز ( روح رياضيه ) ..

فأتمنى من جميه الجماهير الهلاليه عدم القسوه على لاعبينا واحب اشكر الجماهير الهلاليه اللي حضرت واقول لاخوي الحقوي ماقصرت يالغالي والجماهير كلها ماقصرت لكن خيرها بغيرها ..

ياجماهير الهلال لاتقسون على لعيبتكم واوقفوا معهم ترى عندهم مباراه مهمه يوم الثلاثاء مع شقيقنا نادي الاتحاد ..

اتمنى الوقفه الصادقه مع نجومنا .. ترى فرحونا ثلاث مرات هالموسم لاتبخلون عليهم بوقفتكم معهم ..

هذا الموضوع الاول ..

----------------------------------------------------------------------------------------------------------------------------------------------

الموضوع الثاني ..

هو موضوع الجماهير ..

اللي هم جماهير الهلال ..

حنا شفنا الجماهير بدت تتزايد من مباراه لمباراه وهذا يعود الفضل بعد الله لنجوم الزعيم ولرئيسنا المحبوب اللي قدر يرجع الجماهير للمدرجات ..

ونتمنى من الجماهير في كل مكان ماتبخل على زعيمنا في اي مباراه قادمه لان المباريات الجايه كلها مباريات حاسمه ونبي الصداره نبيهااااااا ..

فتكفون ياجماهير الزعيم لاتبخلون على زعييييييييييييييييمكم ..

وأتمنى التواجد من الجماهير في التمارين قبل مباراة الاتحاد لتحفيز اللاعبين وتحسسونهم انكم موب زعلانين منهم وشجعوهم عشان يرجعون من جده بنتيجه مرضيه ان شاء الله ..

وأحب اتكلم عن الجماهير السعوديه عااااااااااااااااااامة وان تقتدي بجماهير الزعيم وتقتدي بالمشجع المثالي اللي والله اعتبره نموذج للمشجع المثالي المشجع وهو / ابراهيم الناصر .. اللي اتصل ببرنامج كل الرياضه وقال احب ابارك لنادي الهلال نيابة عن الجماهير ( النصراويه ) وان هالانجاز مو غريب على الزعيم وزعيم آسيا وأشاد بالاعب محمد الشلهوب وسلم عليه وكلمه .. وهذا نموذج للجمهور المثالي .. تسلم ياابراهيم وحنا بدورنا وانا نيابة عن جماهير الزعيم اقولك هذي هي الجماهير السعوديه المعروفه البعيده عن التعصب اللي تدور عن مصلحة الوطن فوق كل شئ ..

----------------------------------------------------------------------------------------------------------------------------------------------
الموضوع الثالث ..

هو موضوعي مع مدرسي النصراوي خخخخخخخخخ ..

صراحه قال نكته مت من الضحك عليها ..

مدرس يكره سامي كره العمى وهذا شئ طبيعي من ( بعض ) النصراويين .. المهم جالس يسب سامي ويستهزئ فيه وانا بس اسكته كل ماقال شئ سكته .. المهم قال ترى ماجد افضل من سامي قلت ياحبيبي ماجد وسامي عينين في رأس وماجد لاعب اسطوري وله تاريخه .. المهم سكت شوي وقال ياخي ترى سعد الحارثي افضل من سامي انا هنا مت ضحك ههههههههههههههههههههههههههه قلت له كثر منها ياحبيبي وش جاب الثرى للثريا ..

المهم المره الاخيره وش تتوقعون قال ..

قال انا اصلا افضل من سامي .. انا هنا بيني وبينكم ماقدرت اتكلم قلت لا بهذي صادق ياحبيبي اكيد انت افضل من سامي وهذا مايختلف عليه اثنين !!!خخخخخخخخخخخخخخ

ينكت على غفله ابو الشباب ..

يالله هذا اخر موضوع لي واتمنى تدعون لاخوووووووووووووكم في الثانويه العامه اخر سنه ..

ادعوووووووولي تكفون .. واتمنى للزعيم التوفيق ..

ونتقابل عقب الاختابارات ان شاء الله ..

وسامحوني ان كان غلطت على احد منكم يااغلى اخوان واخوات لي ..

أحبـــــــــــكم ..

أخوكم

راشد الراشد ..

الصحاف الهلالي · #2 20/05/2005, 04:13 AM

الله يكون في عونك بس انتبه من البراشيم