تفاريس لاعب بلا استثناءات
 

مساء أزرق عسل كادي ، وهارد لك ضياع البطولة ،،

عندي مجموعة نقاط أحب أوضحها ،،

1/ أتمنى ( تعبت وانا اتمنى ) من الاتحاد السعودي فرض عقوبات صارمة على أي لاعب يصيب لاعب آخر إصابة تبعده عن الملاعب لفترة قدرها ................ ، ياجماعة الرياضة أخلاق قبل لاتكون فوز وخسارة ، واذا كانت اصابة المفرج متعمدة ، فمبروك للاتحاديين .

2/ يوم بعد يوم يثبت ( عزيز ) أنه أحد أهم الأوراق الهلالية ..
ياجماعة هاللاعب - ما شاء الله عليه - معجزة .

باكيتا - عما قريب - سيصبح في موقف لا يحسد عليه ، فبعد عودة عزيز والغامدي للمستوى المعروف ، حانت عودة الغنام للتشكيلة .. الاختيار صعب .

3/ أنا مع باكيتا 200 بالمية في الاحتفاظ بالشلهوب .. تدرون ليه ؟؟

ارجعوا للمباريات اللي لعبها الشلهوب ضد الاتحاد ، وشوفوا حركات الكاراتيه والمصارعة اللي يسويها العيسى للشلهوب .. (سلامة لاعب أهم من بطولة نحن في غنى عنها )

4/ البارح حطيت يدي على قلبي لما استلم ( الموهوب ) الكورة وجاله نور .... ( قلبت شريط الذكريات وتذكرت الذهبي نواف ) وقلت الله يستر على الشلهوب .

5/ تفاريس لاعب بلا استثناءات .

يمكن هالعنوان غريب شوي ، لكن صدقوني تفاريس لاعب بلا استثناءات .

للتوضيح :- منذ دخول الاحتراف تعاقدت كثير من الأندية مع عديد من اللاعبين المميزين ، لكن لم يسلم أي لاعب من استثناءات النقاد والمتابعين :-
سيرجيو خطير ( لكن ) يعاب عليه الهمجية والعدوانية ، أترام فنان ( لكن ) يعاب عليه تضييع الفرص ، روجيرو هداف ( لكن ) يعاب عليه الاعتراضات ، ................. إلخ .. لكن تفاريس مبدع ( بدون لكن ) .

6/ أرجو أننا ننسى هالمباراة ، ومانزعل على حسن لأنه بشر ، والبشر غير معصوم .
7/ الروح الرياضية وسام يعلقه أبو سلطان على صدره ، تسلم يابو سلطان .
8/ سلامات كابتن فهد ... الجماهير بانتظاركم يانواف ويالغنام ...
9/ هالرقم رقم سامي مدمي الشباك والمهاجم الفتاك .
10/ مبدع ياشلهوب
,ىسف اني طولت عليكم ،،