#1  
قديم 16/05/2005, 04:18 AM
الصورة الرمزية الخاصة بـ **ABU S3OOD**
زعيــم مميــز
تاريخ التسجيل: 01/04/2002
المكان: K.S.A
مشاركات: 3,105
رجل الامن يرقص لهدف الهلال وابوي يبيه المنتخب

صباحكم عسل يازعماء والف مبروك عليكم البطوله وعقبال الجايات

انا اعتذر ان التهنئه متاخره لاكن السبب ظروف خارجه عن ارادتي

الحقيقه حبيت اوصل لكم كم احنا عايشين في نعمه محسودين عليها فيجب الشكر لله والثناء عليه حتى لاتزول هذه النعم وشكر الله وحمده جزاءه الزياده في النعم فلك الحمد والشكر يارب
تعدينا بامجادنا ارتقينا بافكارنا تواضعنا باخلاقنا وتبقى الرياده لنا والامجاد لنا ؛ امجادنا نصنعها بالجد والتفاني والاخلاص لا بالتزوير والتسلط بالسان والمراوغات
اجيال مرت على الفريق واجيال حاضره واجيال مستقبليه باذن الله تسير به من افضل الى افضل اما غيرنا فيعدد بطولاته وخربشاته و الترزز في صحف تطبع الصباح وتطوى وترمى في المساء

نعم يازعماء الكون الحمد لله والشكر له وحده على هذه النعم ثم الشكر لجميع ولن استثني لجميع من كان له فضل بعد الله في ماوصل اليه هذا الفريق؛ ولننسى الافراح مؤقتا ولنتأهب لموقعة الاربعاء ولنلتهم الاتي مثل البقيه

نقاط سريعه:
. اتصال سريع من اخوي الساعه خمس ونصف يقول اذا بغيت تجي رح للممتازه الواجهه فل
ياعيني عليكم

.اتصال غاضب من خويي النصراوي وهو عسكري في امن الطرق يقول بسبايبكم صكوني باستلام على طريق الرياض القصيم يتوقعون حضور جماهيركم؛ مهبلينا في الملعب وبرى الملعب

. وانا جالس في المدرج ( بالله في المدرج) ;) جلس خلفي اربع شباب من لهجتهم انهم حجازيين ؛ دردشنا سواء واتضح لي ان ثلاثه منهم جايين من جده والرابع جاي من المدينه وكله علشان الهلال ياعيني عليكم وبارك الله فيكم ووعدوني خير انهم بيبيضون وجهينا في موقعة الاربعاء ؛ كفو والله ياهل الغربيه قول وفعل

. لما راوغ الشلهوب الدفاع قمت من مكاني واقف على درج الممرات فلما جاب القول طمرت من مكاني وخميت اول واحد جنبي متوقعه انه خويي وصار عسكري حقين الامن اللي واقفين في الدرج وقعد يطامر معي وقال فكني لايشوفني رئيسي وانصك بجزاء استحيت وجلست وهو غير مكانه خخخخ

. ماادري ليه ينتشي ويرتعد الازرق لما يشوف الامير عبدالله في المنصه ( شي اكيد فريق ملكي يبيها من يديم ملكيه وياعمري يابومتعب)

.ياسر الياس اكثر واحد طامر من الفرحه بالكاس (يامالك من المطامر يياسر ووفر جهدك لفرحات جايه ) على فكره يعجبني هذا الاعب بثقته من نفسه كبير ياياسر

.اثناء وصولي للبيت شفت امي تبكي سالتها سلامات قالت فرحانه لك ولاخوانك الاثنين ياعيني يامي

. قابلت الوالد( ابوي متعصب للمنتخب) وسالته وش رايك بالمباراه قال والله فريق ودك يحطون بدل الاجانب اثنين من الاعبين ويلبسونهم اخضر وابيض ويخلونهم المنتخب ويفكونا من اللخبطه حقتهم(حكيم الله يخليك لي)

. دخلت المطبخ ابي اشرب مويه الا سونارتي (خدامتنا) تسالني بابا عبدالعزيز بيجيب عساء من برى والا صله عساء؟؟؟ سكت ورحت لامي اسالها قالت امي: هي دخلت علي والتلفزيون فيه المباراه وقالت ان كفيلها الاول يشتري عشاء لاهله ويعطيها فلوس اذا فاز الهلال وكانت تاشر على الفريق الازرق قلت انا والله ياسونارتي كفيلك مو اكرم مني واصكها بقاسمة الله واجيب عشاء من برى

. لما رحت للدوام كان خويي النصراوي زهقان مره ولا خلى شي الى وقاله يبي ينرفزني وانا ساكت وابتسم له لما قال: تدري ان رئيسكم كان نصراوي ؟؟؟؟؟!!!!!! انفجرت من الضحك واللي عندنا ضحكوا؛ هو تفشل وقال : وش اسوي كل شي قلته ولا اثر فيه قلت خلني اقول هذي

زعماء الغربيه الان وقفتكم مع الفريق نبي نشوفكم موجودين نبي المنظمين يضطرون لتوسعة المدرجات من زحفكم الفريق بحاجتكم فلا تبخلوا عليه وان عارف انكم ماراح تخيبون الظن تحياتي لكم ونبي نشوف فرحة التاهل على وجيهكم في الملعب باذن الله

والف مبروك والوعد الاربعاء تحياتي يااحلى زعماء

اخر تعديل كان بواسطة » **ABU S3OOD** في يوم » 17/05/2005 عند الساعة » 04:14 AM
اضافة رد مع اقتباس
  #2  
قديم 16/05/2005, 04:27 AM
زعيــم مميــز
تاريخ التسجيل: 21/06/2004
مشاركات: 2,846
اجل رئيسنا نصراااااااااااوي هههههههههههههههههههههههههههههههههههههه

تحيااااااتي للعائلة كلها الواالد والوااالدة والاخواااان واهم شي الشغااااااالة

بس والله الوالد حكمته لااازم نوصلهاا للامير سلطااان والله انه اصررف من منتخبهم

الحفللللللة . . . تحيااتي لك على هالموضوووع الحلووووو . .



سلاااااااااااااااااااااااااااااااااااااااااااااااااااااااااام
اضافة رد مع اقتباس
  #3  
قديم 16/05/2005, 08:46 AM
زعيــم فعــال
تاريخ التسجيل: 17/04/2005
مشاركات: 373
تسلم يدك على الموضوع الحلو

ام على العشاءحتى ان عشيتهم من المكافاه
اضافة رد مع اقتباس
  #4  
قديم 16/05/2005, 09:54 AM
زعيــم مميــز
تاريخ التسجيل: 10/04/2005
المكان: الشـ ـ ـ ـرقية
مشاركات: 1,768
ههههههههههههههههههههههههه
يعطيك العافية يالغالي
واللة اسلوب بسيط وممتع
واللة يطول بعمر الوالدين ويحفظهم ويخليك لهم
تحياتي لك



سلامي لك ياشلهوب
متى اشوفك ياموهوب
اضافة رد مع اقتباس
  #5  
قديم 16/05/2005, 08:05 PM
زعيــم مميــز
تاريخ التسجيل: 26/05/2004
المكان: الرياض
مشاركات: 1,588
هههههههههههههههههه

بس حكمه اللي قالها ابوك ؛ يعطيك الغافيه اخوي ابوسعود

اخوك المراوغ
اضافة رد مع اقتباس
  #6  
قديم 16/05/2005, 08:19 PM
زعيــم مميــز
تاريخ التسجيل: 17/11/2004
مشاركات: 1,732
هههههههههههههههههههههههههههههههههههههههههههههههههههههههههههههههه

و الله موضوعك روعه والله يخليلك كل أفراد عائلتك

أخوك ( زعيم شقراوي )
اضافة رد مع اقتباس
  #7  
قديم 17/05/2005, 03:56 AM
الصورة الرمزية الخاصة بـ **ABU S3OOD**
زعيــم مميــز
تاريخ التسجيل: 01/04/2002
المكان: K.S.A
مشاركات: 3,105
يعطيكم العافيه شباب واكر لكم مروركم واتمنى انه نال اعجابكم
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 10:31 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2024, Jelsoft Enterprises Ltd

Google Plus   Facebook  twitter  youtube