#1  
قديم 14/05/2005, 01:32 PM
زعيــم متواصــل
تاريخ التسجيل: 29/04/2005
مشاركات: 145
مقتطفات من المباراة يقدمها al zaeem orient

* امس الجمعه ماكنت على بعضي كله تفكير بالنهائي اما على الجرايد او على النت قمت اوسوس لو الزعيم مااخذها وش يبي يصير للرئيس او المدرب والجمهور ماراح يرحمهم يكفي مباراة الاتحاد يوم خسروها بعض الجماهير قامت تكتب عن الرئيس وتطالب بتحقيق(غريبه ) فما بالكم بنهائي لكن الحمد لله

*كنت متوقع المبارة 3 1 للهلال وانها يسجلها العنبر و تفاريس

* كنت اقول هذي البطوله هي اهم مرحله في مرحلة البناء اذا اخذها الزعيم يبي يرجع زي اول
لان هذولا اللاعبين صغار ولازم يتعودون على اخذ الكوؤس فتكون عندهم ثقه
*الزعيم اخذ بطولتين بس في الواقع مانقارنها بالدوري او الكاس هو صحيح اخذها قدام فرق الدوري لكن المسمى يختلف فالكل يعرف ان الدوري او الكاس الاهم في جميع دول العالم فالحمدلله ان الهلال اخذها لانها المقياس الحقيقي على قدرة اللاعبين على الحسم
والحلو في الامر انهم بعد ماتاخروابهدف رجعوا وتقدموا بهدفين ذكرونا بهلال قبل موسمين كل ماسجل فيه المنافس رجع وتقدم حتى انه في هذيك الفتره كنا نقول ياليت يسجل فيهم هدف فيرجعونها هدفين او اكثر

* طبعا نطالع المباراة عن طريق غصب 3 فحنا من مدينه بعيده
المهم لاحظنا ان الجماهير تقول اووووووووه بصوت عالي مره ما شاء الله عليهم حوالي 60 الف طلع ان المخرج مركز الكاميره على وجه العجلاني والله رحمته كان وجهه يعطي الوان ويحاول يتصدد عن الكاميره وبنفس اللحظه يحط الكاميره على وجه الداهيه باكيتا الا وصوت الجماهير صراخ كانت حركتهم يتجنن عاد المخرج شكله نذل ويروح يحط الكاميره على وجه العجلاني
كان صوت الجماهير اعلى من الاولى(شكل فيه جماهير ما انتبهت في الاولى ) العجلاني راح فيها قام يتلفت وبعدين قام يضحك وطبعا وجهه يعطي الوان مثل لون فريقه وبعدها المخرج يحط الكاميره على الحكم قامت تصارخ وتشجع (اشوى كلش ولاالحكم)

*لاحظت امس قبل ماتبدأ المباراة والكاميره على لاعبين القادسيه يوم يسوون حركات الاحماء فقسم بالله مركزه عليهم من الساعه 8 الى 8.,25 اما تكون على شوشة خرازي وبعدين ينزلها على ركبته ساعه وبعدين يحطها على الزرع انا ارتفع ضغطي طيب ملينا من كثر ماطلعوا لاعبين القادسيه ويوم راحوا لنص الملعب يمشي وراهم ويلتقي المذيع مع الاداري حقهم غريبه وين صورة لاعبين الهلال بس شوي حطها على العتيبي و المعيوف كانوا يسخنون
*طلع المذيع الزهراني وقال ان لاعبين الهلال مانزلوا لارض الملعب ماعدا الحراس استغربت المباراة تبي تبدا واللاعبين مانزلوا ما ادري ليه بصراحه و كان شكل الجمهور يخوف


*يوم بدت المباراة خلاص احس اعصابي راحت فيها
*من البدايه كان فريق القادسيه يخوف ماسك الملعب وهدد الهلال في كم كوره والهلال كان مرتبك حتى انه مبّين على وجيه اللاعبين
* كل مره احس القادسيه يبي يسجل وفعلا سجل من كوره غريييييبه من نص الملعب وتدخل قول طبعا يتحملها العتيبي
*وبعدها بكم دقيقه بغوا يسجلون قول ثاني لكن لاعبهم صغير ومبين انه مرتبك فالحمدلله ضيعها
*بعدها ضاع من الهلال كم كوره هدف (كورة فهد مبارك اللي من نص الملعب, انفرادسامي , ودخلة الشلهوب لمنطقة الجزا قدام الحارس تماما بس ضااااعت ،ودخول سامي من الجهه اليسرى فعكس عرضيه كانت راااائعه بس ماكان فيه متابع وهذي الحركه ذكرتنا بسامي جابيلو(في نهائي اسيا قدام جابيلو الياباني يوم عدى من كم لاعب وعكسها لسيرجو)
*في الدقيقه 33 الشلهوب يسجل قووول شلهوبي طريقته نفس الفرصه اللي ضيعها ونفس مراوغته اللي جاب منها ركلة جزا قدام الوحده
*خلااص بعد الهدف ضمنت الكاس لان القادسيه بعد هدفهم اللي ماتوقعوه ماصار يهددالمرمى
*كان الاخطر في القادسيه ياسر كان يصنع تمريره ويحاول يسجل وايضا اللاعب خرازي وعبده كان مختفي
*اجمل مافي مباراة امس ان الزفت ديزفتا مالعب ياليته دايم يرفض التغيير
*الشوط الثاني بدا الهلال حلو وبعدين ماادري وش صار فيهم احس ان القادسيه يمررون الكوره في وسط الملعب بينهم بكل سهوله حتى ان الجمهور سكت ماصار يشجع باستثنا الرابطه
*مبين ان العجلاني مخلي لاعبينه يراقبون الدوخي و كماتشو وسامي وخاصة كماتشو ماخلوه حتى يتنفس بس ماشاالله عليه من يوم ينفك منهم يشكل خطوره
*الشلهوب كان مبدع هو و سامي وعزيز وتفارييييس اما الغامدي نوعا ما
*مادري ليش المدرب طلع الشلهوب اللي كان احسن اللاعبين
*كان توقيت دخول العنبر حلو مش زي كل مره يدخله عند الدقيقه 85 وفعلا شكل خطوره واربك الدفاع و احسه يشبه رونالدينيو في الشكل لو يطول شعره بس فعلا موهوب وانا ملاحظه من العام يوم كان مدرب الفريق الاول والشباب يتهاوشون عليه
*الهدف الثاني كان حلو ماشاء الله عليه الدوخي غفلوا عنه لحظه وصنع هدف ولا اروع وطريقة تسجيله ماتجي الا من لاعب كبييير والحارس على باله يقوم يطلعها من داخل المرمى كنها مادخلت
* بعدها سامي بغى يسجل هدف بس طلعها الحارس :sad:
*الاعب عبده حكمي لاعب هادئ ولعبه انيق (يعني مش اتشادي) غريبه دخلته على البرقان اللي اتوقع ان قدمه انكسرت وشكلها يوم تنثني يخوووّوّف الله يستر مايشوف شر

*الحكم كان رائع وله هيبه شكله شخصيه وواثق حتى والمباراة في نهايتها يعطي ياسر كرت ثاني على التمثيل مع انه مادخل دخله قويه ولاضرب فكان ممكن ان الحكم يتغاضى عنها مثل مايسوون ربعنا اللي الله يخلف عليهم حتى شكلهم ما تحس فيه هيبه ويلومونا اذا بغينا الاجنبي
*
*لاعبين الفريقين كانوا متعاونين واللي ساعدهم شخصية الحكم
*لاحظت امس يوم طلع الهلال الكوره علشان يتعالج لاعب بعد كذا لاعبين القادسيه ماردوها للهلال لعبوا عادي
*لاحظت الحكم على مااعتقد كلم الامير عبدالله بالعربي لانه طول وماعندالامير الا سلطان وماتكلم يعني ماترجم
*الامير ياحليله يعرف لاعبين الهلال قام يسولف معهم

*الجمهور كان رااااااائع شكله يجنن مالين الملعب كل ماحطوا الكاميرا عليهم احس انهم يزحفون لمدرج القادسيه
*التشجيع كان اوربي خاصه الاهزوجه بعد الهدف كانت حلوه ياليت تقولونها كثير والله ممتعه وبالنسبه للتصفيق كان حلو بس ماكان زي تصفيقكم قدام الاتشاد في نصف النهائي في ذهاب كاس العهد ,
*رجااااء من الرابطه مايقولون ياكلك ويكوي قسم بالله انها بااايخه هذي مش لجماهير الهلال الراقيه هذي للي عايش بادغال افريقيا(يعني للاتشاديين والنيجيريين وهذي لغتهم)

*الكلمات اللي تناسب الزعماء مثل ياهلاال,واللي قلتوها امس فيهاكلمة البطوله ماحفظتها بس كانت روعه يعني اللي اقصده انكم ماتطولون في القصيده حتى الجمهور ما يمل يكفي كذا كلمه وهم يردون زي اوليييي اوليييي, | والاهزوجه اللي بعد الهدف, |و ياهلال ياهلال

* خلاص تعبت وشكلي طولتها
*الف مبروك للامير محمد بن فيصل اللي رجع الزعيم للبطولات ورجع الجماهير للمدرجات ورجع الكاس لعرينه
مبروك لكل زعيمي يعني هلالي من لاعبين وجماهير و اعضاء شرف
اضافة رد مع اقتباس
  #2  
قديم 14/05/2005, 01:45 PM
زعيــم متواصــل
تاريخ التسجيل: 29/04/2005
مشاركات: 145
[color=990066] ابغى اسأل انتم متأكدين ان تفاريس برازيلي احس انه متدرج من ناشئين الهلال الى الفريق الاول [/color]

*فيه امس حركه حلللللوه سوتها الجماهير سوّت حركة الامواج لاحظناها وحنا ورى الشاشه الله يعطيهم العافيه اللي زادوا على تميز الزعيم في الكؤؤس والبطولات تميزه باطريقة التشجيع
اضافة رد مع اقتباس
  #3  
قديم 14/05/2005, 03:28 PM
موقوف
تاريخ التسجيل: 19/04/2005
مشاركات: 2,521
مشكوووور بس حركت الامواج بصراحة ما اجدهه جمهور الزعيم باتقان نفس البطولة العربية امام الترجي

لكن مع دالك كان الجمهو ررووووووووووووووووووووووووووووووعة
اضافة رد مع اقتباس
  #4  
قديم 14/05/2005, 05:02 PM
زعيــم فعــال
تاريخ التسجيل: 16/09/2004
المكان: في مــكــان ٍ .. مـــا ..
مشاركات: 380
الف مبوووك الفوز .. والعتيبي لا يتحمل الهدف .. واسأل الدعيع ..
اضافة رد مع اقتباس
  #5  
قديم 14/05/2005, 05:40 PM
الصورة الرمزية الخاصة بـ عطــر الأمــاكن
مشرف سابق بمنتدى الجمهور الهلالي
تاريخ التسجيل: 24/04/2005
مشاركات: 13,275
الله يعطيك العافية

ما قصرت
اضافة رد مع اقتباس
  #6  
قديم 14/05/2005, 05:50 PM
زعيــم مميــز
تاريخ التسجيل: 23/10/2003
مشاركات: 1,612
[align=center]تقديم alzaeem oreint

والاخرااج لمين ..؟

فطيس بقنة

الله يعطيك العافيه على هالموضوع الرووعه .

والله يصبركم على غصب 3 .. وطلعاات المقحم ..

بس على فكرة ..

أنت تقول ماقدرت ا جي لأني من مدينه بعيده ..

بالملعب أمس فيه اللي جااي من تبووك .. من الخفجي .. من كل مكاان ..

ليش ماجيتوا

لا تتعودونهاا


<<<< مسوي حسيب علىخلق الله ..

عموماً دعاابه من اخوك الهلالي ابو سارة

والله يعطيك العافيه[/align]
اضافة رد مع اقتباس
  #7  
قديم 14/05/2005, 07:58 PM
زعيــم متواصــل
تاريخ التسجيل: 29/04/2005
مشاركات: 145


مشكورين



وشكرا ابو ساره على المجامله
اضافة رد مع اقتباس
  #8  
قديم 14/05/2005, 09:56 PM
زعيــم مميــز
تاريخ التسجيل: 14/10/2002
المكان: جدة
مشاركات: 6,039
مشكور على مجهودك الكبير

والف مبروك
اضافة رد مع اقتباس
  #9  
قديم 14/05/2005, 10:02 PM
الصورة الرمزية الخاصة بـ ابو عابد2004
زعيــم مميــز
تاريخ التسجيل: 22/09/2003
المكان: شبكة الزعيم
مشاركات: 2,214
مشكورررر
اضافة رد مع اقتباس
  #10  
قديم 15/05/2005, 02:14 PM
زعيــم متواصــل
تاريخ التسجيل: 29/04/2005
مشاركات: 145
[size=5]شكرا لكم ويعطيكم العافيه[/size]


[size=3]ابو عابد
اسامه[/size]
اضافة رد مع اقتباس
  #11  
قديم 15/05/2005, 02:17 PM
الصورة الرمزية الخاصة بـ الهلالي ابو خالد
زعيــم مميــز
تاريخ التسجيل: 10/04/2005
المكان: نادي الزعيم
مشاركات: 2,765
الله يعطيك العافيه على هذا الشعور

مره ثانيه لا تخاف اذا كنت تشجع الزعيم
اضافة رد مع اقتباس
  #12  
قديم 15/05/2005, 02:39 PM
الصورة الرمزية الخاصة بـ ياسيدهم وينك
زعيــم مميــز
تاريخ التسجيل: 26/02/2002
مشاركات: 13,209
الف مبروك البطوله والله يعطيك العافيه
اضافة رد مع اقتباس
  #13  
قديم 15/05/2005, 10:54 PM
زعيــم متواصــل
تاريخ التسجيل: 29/04/2005
مشاركات: 145
مشكوريين


وعقبال مايتأهل الزعيم لنهائي العرب مش حب في البطوله بس علشان يكسر رؤؤس التشاديه
اضافة رد مع اقتباس
  #14  
قديم 15/05/2005, 11:58 PM
زعيــم مميــز
تاريخ التسجيل: 01/03/2005
مشاركات: 8,426
مشكور
الله يعطيك العافية
,,
اضافة رد مع اقتباس
  #15  
قديم 16/05/2005, 12:12 AM
زعيــم متواصــل
تاريخ التسجيل: 14/12/2004
مشاركات: 154
مشكور اخوي على الموضوع ....

إقتباس
*الاعب عبده حكمي لاعب هادئ ولعبه انيق (يعني مش اتشادي) غريبه دخلته على البرقان اللي اتوقع ان قدمه انكسرت وشكلها يوم تنثني يخوووّوّف الله يستر مايشوف شر

فعلا تبين ان البرقان طلع عنده كسر خفيف على حسب ماقريت من اخبار .. ولا هوب لاعب في مباراة الاتحاد ....
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 02:53 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube