نادي الهلال السعودي - شبكة الزعيم - الموقع الرسمي - حـكايتي مع الكـلب المـسعور اللي هااجم استراحتنا " قصة كومـيــديـه سـاخـرة"

- منتدى المجلس العام (http://vb.alhilal.com/f1/)

حـكايتي مع الكـلب المـسعور اللي هااجم استراحتنا " قصة كومـيــديـه سـاخـرة"

[align=center][ مدخل ]

... وتكسرت سفينتهم على امواج المحيط الهندي ( أروح وطي مع اللي علمك الاثارة )) :D

-____________-

انا ابو سارة .. شاب مستقيم ساكن في بيت الوالد .. ومقيم مع الأهل من 24 سنه :D

بصراحه اغلب وقتي في الاستراحه مع الشباب .. متقاطين 7 شباب في استرااحه ..

والأجار له 3 شهوور مطوف :cry: وكل يومين متلاقطين مع الكفيل ( تراااني سعوودي :D )

اقصد مع راعي الاسترااحه ..

سميناهاا استرااحة الانس .. تقع خلف الطريق العاام .. خلف البقالة الي ماتبيع تتن ..

يحدها جنوباً هايلكس موديل77 منقلب ..( الوصف أعتقد واضح .. سيروا يالبايخين :D )

الاستراااحه هذي عزيزه علي .. 23 ساعة ونصف يومياً فيهاا .. لا طفشت من دنياي عسكرت فيها

واذا حدتني ظروف الحياة وبغيت انقلب .. لجأت لها بعد الله وزال همي ياعمي s60s

خلوني بداايةً اعطيكم نبذه عن ربع الاستراحه مع تعريف صغير لكل وااحد :

سطاام ( رومانسي ويسمع عتاااب )

سعد (( ولد نعمة ويتروش يومياً )

ابوفهيد (( اعزهم على قلبي والأقرب لي في هالعالم كله ))

ابو خدره (( مسوي عربجي وهو مافي راس امه ))

عبدالغني ((اسمراني نلقبه كرنتينا ..أحياان يتقبلهاا واحييان ينصرع ويطنقر :D ))

حمووود (( قروي ابرز هواياته جمع الطوابع والعملات النادره والحش في خلق الله ))

والسابع محسووبكم .. s60s أبو سارة زعيم الجلسه s60s

كلنا أعماارنا 24 ماعدا ابو 26 سعد هو الوحيد اللي عمره 21 سنه :D

كل ماسبق توطئة قبل مانتوطىى في ام الحكاية اللي راح اسردها لكم ..

_______________

ذاك اليوم لا بارك الله في ذاك اليوم ..

رجعت البيت الساعه 3 الفجر ..لقيت الباب مفتووح ..استغربت من اللي فاتحه هالوقت :confused:

دزيت الباب ودخلت .. وتوني جااي ( أديوور )) وأصك الباب :

هجم علي الوالد من خلف النخله .. وبحركه من بتووع جاكي شان .. سدد لي وحده بالصدر ..

خلتني ألصق في الباب .. وأصكه بظهري .. :cry:

وقف قداامي .. ومعه معصااد الجريش .. وقال: جاي بانصاف الليالي وريحتك بلوت !!

قلت: روووقنا الله يجزااك خير لا تفضحناا .. فك و أفك ...

قال: شايفني بيبسي ام نص ريال ((يذب سمااحة الوالد )) :D :D

مسكني من شعري وتلني وخلاني أوقف قداامه زي الألف أ أ أ ..

قال: هماني قايل لك احلق شعرك .. أنا اوريك ..

وحط رااسي بين سيقاانه .. ومسكني من بطني ورفعني فوووق فووق عالي السحب ..

متأثر باندرتيكر وهالمصارعه في دبي الرياضيه :D

ثم جيتك أمشي مليوون وعلى الأرض وآآه يا ظهري :cry:

قمت القط وجهي وبوكي ووجوالي وسبحتي الهلاليه .. وقلت :

الشرهه ماهيب عليكم .. الشرهه على اللي جاي يشوفكم ..

وطلعت زهقاااان .. وعلى وين يابو سارة على وين ..

ما بدهااش .. مالك الا هيفااء .. الاسترااحه طبعاً

______________________________

جيت الاسترااحه .. ولقيت حموود وابو خدره يشخروون :sleep:

قمت افرفر في القنوات واناظر رسايل هالمرااهقين وأتحمد ربي :

** محمد وحشتني افتح جوالك ودق تررى بامووت .. حبيبتك لمااا

** سعود الرياض.. ابي اتعرف على وحده رومانسه وتسكن شرق سكاكا

** ميسوون الخبر: ارجع ياكل الحب ارجع ياخلوودي

طفشت منهم .. فريت على الفضائيات الحكووميه .. وأثر البرامج الدينيه تدهر بهالفجريه!!

لا صحوا الناس .. حطوا افلام واغاني ...

واذا نامواا.. حطوا برناامج فتااوي واحاديث !!!!

بيني وبينكم الدش مو صافي .. يقطع ..

والشاشه ترووح وتجي.. أشرت لها عيت توقف :D

صكيته وأخذت لي غفوة .. :sleep:

جاني الهندي لقماان حق الاسترااحه معه كيس صاامولي يصحي فيني:

بابا سارة بابا سارة ... قووم "سئوور يجي " ..

رفعت الكااب عن وجهي .. صكيته طرااق .. قلت اطلع من سمااي مانقصتك

قال: والله سئوور يجي ..

ناظرت الدريشه : النور بدا يشقشق والدجاج يبقبق ( ياهوه يانزار بن هذال :D )

قلت له من هاللي جاي هالحزة !!

قال: سئوور كبير اسود

قلت: تكلم زين وش بك كأنك ملحووق .. عااد علي نفس الجمله ..

قلت في نفسي : الله يرجه .. أكيد هالأسمراني جارنا منصور الدب .. جاي يبي زي العاده:

سلف ملح .. مااجي صلصه ..

وانا طالع .. صكيت باب الاسترااحه عشان مايدخل هالنشبه منصور وانا ابي انوم ..

يمين .. يساار ..

مالقيته .. وين راح منصور؟!!

قلت: أكيد ابطيت عليه ورجع استراحتهم .. باروح له قبل يرجع ويصحيني وانا خرماان نوومه..

وهنا بدأت الحكاايه (( بدري يالشيخ )) :D :D

مشيت !!

مشيت !!

وفجأة ..

وقفت ..

ثم مشيت (( أخ يا اثارة هوليوود يا انا :D ))

والله وانا في الطريق سألت النفس :

وش جايبه منصور هالصبحيه ..

هو وربعه يجون المغرب ويمشوون وحده الليل .. غريبه ..

وصلت استراحتهم لقيتهاا مقفله ولا فيه اي سيارة عند الباب ..

قلت .. الله يرجك يا لقماانووه ماعمرك جبت العلم صح ..

ورجعت اعقاابي لأني نعساان :rolleyes:

وانا مديووور .. لمحت زووول اسود كبييير !!!!

والله صاادق لقمااان !!

وبديت اجمع حبل غسيل افكااري :D وأتذكر الكلام اللي سمعته من يومين :

(( يقولون فيه كلب اسود مسعور "سئوور" يدووج بهالحواري الصااده ويعض وياكل خلق الله ))

بلعت ريقي اللي نشف ..

وأمعنت النظر ..

والنتيجه:

فعلاً .. أخوكم ابو سارة أمام الكلب المسعوور وجهاً لوجه !!

** يقول الفيلسوف اليوناني مرطاخووف :

أسوا شيء أن يدااهمك الموت وانت لم تكتب وصيتك ..

الكلب قداامي .. والأرض خلااا مابها احد .. وعزرائيل مابيني وبنيه الا ثوااني لا اكثر!!

قلت لنفسي : يابو سارة حط رجلك !!

" بس المشكله اني صكيت باب الاسترااحه .. ولما انحااش واقعد اطق الباب واحتري هالخيشه

حموود وخويه العربجي يصحوون ثم يفتحون ..

اكون وقتهاا نقانق بالمتبل الصيني في بطن ابو الشباب قصدي ابو الكلاب :D

أقترب الكلب المسعوور مني !! صار وجهي بوجهه .. وعيني بعينه ..

ودمعت عيني ودمعت عينه كفاناا من زود الفرح هلت دمووع :D :cry:

للأسف .. من قراادة حظي .. ومن حسن حظ المستر مسعوور ..

أني لما قررت الهرب .. لمحت الدلخ حموود وابو خدره فوق سطح الملحق يوازنون الدش !!

يبوون يلحقوون على برناامج المملكه هذا الصباح :D

لما شافوني وجهاً لوجه امام الكلب ..

قاموا يصفروون ويشجعوون .. وصاار ابو خدره يطق في صحن الدش زي ابو هلال مع الطبل

التركي في مدرج الهلال :D وحموود يقول:حيوا ابو سارة حيووه .. وعبدالغني كل اللي

اذكره انه استنزل على طق ابو خدره !!

.....

عااد انا زعيمهم واقوااهم .. فـمن العاار أهرب أمامهم ..

وقررت المواجهه ( أخس يا بتال ) :D

قلت في نفسي : الله واكبر يابو سارة.. وش الكلب يعني ؟ مجرد قطو حجم عائلي!

وش قطو .. الا فاار بس ( مورم حبتين ) :D اهجم عليه وخلك حيادي (( الله من الهلوسه )) :D

بنفس الوقت .. سمعت لقماان الهندي هو وربعه .. مسوين راابطه ويغنوون لي :

بابا سارة .. ياكلك

هبه هبه .. ياكلك ...

مع وااهد فلفل .. هم همممم :D

والسيارات على الطريق العام تتفرج .. والمرور كثف الزحمه ( الله من زين الوصف )) :D

والهلكوبتراات فوقي تبااشر النتائج ..

وانا والمسعوور قباال بعض وكل وااحد محترم خصمه :D

قبل ان اهجم .. حاانت مني التفااته عااجله واثر ابو فهيد ينزل من الكراسيدا حقته ..

ويجي مسرع نااصي مكاان المعركه ويصرخ :

كله الا ابو سارة ( قايل لكم اعز وااحد على قلبي)) ..

وتذكرت عدناان لما جااء مسرع لـ جنود القلعه وأنقذ (...) ابو سارة هههههههه

جااء ابو فهيد مااشي ألفين نااصي الكلب ..

الكلب مطنش وببروودة دم لما وصله ابو فهيد سوى حركه هيدروكربتراديه خاطفه ....

وألين ابو فهيد قداامي يخررر دم ( ياسفااب الحماس)

قام الكب يحك ظفووره .. ويصفر وقذلته فوق عينه اليسرى :D : قال لي:

هااه يالاطخم اسدحك جنب خويك .. ولا آكلك وأحط عضامك فوقه ؟! أختر ..

قلت : احذف الاجابتين :D بعدين هذا ما قد شفته ولا هوب خويي :D ( جحدت ابو فهيد مسكين بس الضرورة )) :cry:

قامت اسنانه تصرصر من الحمااس ..

رحت مسووي زيه ..

ومن قوة الدوس على اسناني .. نط النااب حقي قداامه في ارض المعركه !!

قعد ينااظره مستغرب ..

استغليت الفرصه .. وبحركه نابعه من تأنيب الضمير الانسيابي :D :

طمرت عليه وتشعبطت فوق ظهره .. وصفق الحضووور s60s

قعدت اخنق فيه بحمااس ..

التفت علي ببرود .. وقال :

يالحبيب .. حمار عندك انا .. راكب ضهري!! لا خل أوديك استراحتكم احسن ..

أنزل وتطاااق زي الآواادم ..

أستحيت وانا ناازل ومتولم للنحشه ..

انقلبت الأرض وصاارت سمااء ..

وصاارت رجلينه ويدينه في بطني وصدري .. ووجهي بوجهي ..

خشته بكشرتي :D

تذكرت بهالموقف رشدي اباضه ومديحه يسري .

قلت له .. الله يستر من رومانسيتك :cry:

وفتح فمه وشفت انيابه ..

على فكرة .. اقصر أنياابه أطول من أصبع رجل ابو جيراننا :D

وأنقض على رقبتي ..

و ............. و .............

________________

فاصل اعلاني :D

دن دن دن فااصل ميوزيك مع دقة خطر :D :D

..............

طبيت على ابو فهيد وخميته من الخوف ..

سمعته يسب ويلعن !!

أيضاً سمعت صووت بوووري معلق ..

لا أخفيكم سراً أيضاً سمعت صووت فراامل عنيف جداً ..

دفني ابو فهيد .. وهدأ السرعه .. ووقف يمين الخط .. والتفت علي وعيوونه حمراء معصب:

عسى ما شر يالثور .. بغيت تخلينا نجيب العيد في هالتريله اللي من شوي ..

فركت عيوني .. قلت : سلامات عسى ما شر يالحبيب ..

قال : انت مدري وش سالفتك .. من مسكنا خط الشرقيه وانت حلووووم :

رد الكلب .. هات الكلب ...

قلت بسرعه مسوي انفي التهمه : وش كلبه .. وش مسعوور لا عضني ولا شي

قال: انا قايل عضك .. انا قايل مسعوور !! :confused:

تورطت .. قلت : ايه بس من الربشه يمكن انك نسيت .. :D

________

وصلنا الشرقيه واسفهيلناا ..

ورجعنا استراحتنا ..

والحمدلله صاار سيناريو حلم مرعب ..

لا كلب ولا هم يحزنوون ..

________-

يالربع ..

لا ينط لي وااحد منكم ويسأل اسئله بايخه ويقول :

اصلاً يانصاب الكلب مايتكلم ..

ترى القصه تعليق في تعليق وبلاش اسئلة رابع جـ والابتدائي أووكي :D

حقوق الطبع والنشر والتأليف محفووضه للهلالي ابو سارة ..

جميع شخصيات الروايه حقيقيين ..

فقط السيناريو خراافي :D

ذبواا عليهم ترااهم مايزعلوون .. ربعي ويحبوون اللي أحبهم s60s [/align]

ملاحضه خااطفه :

تراها أول يمكن آخر مشاركه هناا ..

تحملووني.. :d

فمااااان الله .. وترااني ما احب المدح :d

إقتباس:

تراها أول يمكن آخر مشاركه هناا ..

ياحبنالك بس اقول :d

إقتباس:

ابوفهيد (( اعزهم على قلبي والأقرب لي في هالعالم كله ))

اللي عزيز عليك عزيز علينا :d
<<<جدع الميانه

هههههههههههههههههههههههههههههههههههههههههههههه
ههههههههههههههههههههههههههههههههه

يلعن ام السيناااريو

بس عجبتني اللمملكه هذا الصباح >>>> مايتابعها ابد

اما عن صدقاك مافيهم نفع

ولا وينهم عن المقوله الصديز وقت الضيز

اما عن القروي فبلاهي عطني رقمه >>>> ابد انا متحظر واسبح في اليوم مرتين بعد الغداء وقبل العشاء

[align=center]هلا وغلا بالذيب هلا والله بحبيبي بو ساره سلامات سلامات عسى ماصار للكلب شي لاني سمعت عيال حارتك يقولون انك راعي مضاربات وشلل مشكور على هالقصه الخرافيه بس تصلح مولف افلام هنديه رح وانا لك سند واتحفتنا بمشاركتك ياعسل اخوووك سعووود بوسعديه s60s [/align]

[align=center]اعتقدت اني دخلت منتدى الجمهور بالغلط :D

اهلا وسهلا بابو سارة في المجلس العام ................ s13s

ماشاء الله عليك ...multi-system... ;)

اتوقع لك مستوى باهر ... راح تغطي على ام حديجان :D

قضية اول وآخر مشاركة ..شيلها من راسك :nono:

الداخل عندنا مفقود والخارج مولود :D

نعود للقصة ...

اعجبني الخط الدرامي المتنوع للقصة .. مع تعدد الكركترات .. والقفز الآني في المكان والزمان الى أبعاد جديدة في عالم الحرمان ...

ونجومية القصة تذهب للرفيق لقمان :D

تسلم على المشاركةs13s[/align]

هههههههههههههههههههههههههههههههههههههههههههه
هههههههههههههههههههههههههههههههههههههههههههههههههه
هههههههههههههههههههههههههههههههههههههههههههههههههههه
ههههههههههههههههههههههههههههههههههههه

توووووووووووووووووووووووووووحفه يابو ساره وسلم لي على حمممموووووود خخخخخخخخ

وتشكر يدينك على هالقصه

[align=center]

إقتباس:

الرسالة الأصلية كتبت بواسطة الهلالي- ابوسارة

مرحبا اخي العزيز ابوسارة:
هيك بدنا اياك ابضاي ولا شو.

إقتباس:

انا ابو سارة .. شاب مستقيم ساكن في بيت الوالد .. ومقيم مع الأهل من 24 سنه

تلعب علينا ياابو سارة هذي اولها.

إقتباس:

23 ساعة ونصف يومياً فيهاا

إقتباس:

رفعت الكااب عن وجهي .. صكيته طرااق .. قلت اطلع من سمااي مانقصتك

منتب سهل والله حرام عليك على طول طراق مااتفقنا اننا كلنا طيبين تراى والله ينتحر ويضرب عن اكل الفلفل.

إقتباس:

اكون وقتهاا نقانق بالمتبل الصيني في بطن ابو الشباب قصدي ابو الكلاب :D

مستقوي على الهندي وجا من يستقوي عليك يالله ياابو سارة ارنا ماتعلمت من جاك شان والاندرتيكر والطراق:starwars: .

إقتباس:

يبوون يلحقوون على برناامج المملكه هذا الصباح

وش هالفقش مافي برنامج اسمه المملكة هذا الصباح لانهم غيروا اسمه الى يوم جديد:chair:.

إقتباس:

قلت في نفسي : الله واكبر يابو سارة.. وش الكلب يعني ؟ مجرد قطو حجم عائلي!

وش قطو .. الا فاار بس ( مورم حبتين ) :D اهجم عليه وخلك حيادي (( الله من الهلوسه ))

:D :D :D :D :D

إقتباس:

والحمدلله صاار سيناريو حلم مرعب ..

لا كلب ولا هم يحزنوون ..

نعم لاكلب ولكن فيه يحزنون :D .

إقتباس:

يالربع ..

لا ينط لي وااحد منكم ويسأل اسئله بايخه ويقول :

اصلاً يانصاب الكلب مايتكلم ..

ترى القصه تعليق في تعليق وبلاش اسئلة رابع جـ والابتدائي أووكي :D

حقوق الطبع والنشر والتأليف محفووضه للهلالي ابو سارة ..

جميع شخصيات الروايه حقيقيين ..

لكن في تكملة للقصة وليست جميعها مفبركة ولكن اسمحلي اكملها وترى بيع الحقوق بيني وبينك.

كان مبدأك في كتابة هذه القصة هو الوالد الله يخليه لك ولكن استطعت ان تضيف فيها لمسات اضافية لتضهر مافي داخلك في موضوع يستحق القرآءة والتقييم ولكي تقول هذا ماحدث لي واستطعت توضيفها بشكل ممتاز.

نرجع لموضوعنا وتكملة القصة كم اتفقنا:

إقتباس:

ذاك اليوم لا بارك الله في ذاك اليوم ..

رجعت البيت الساعه 3 الفجر ..لقيت الباب مفتووح ..استغربت من اللي فاتحه هالوقت :confused:

دزيت الباب ودخلت .. وتوني جااي ( أديوور )) وأصك الباب :

هجم علي الوالد من خلف النخله .. وبحركه من بتووع جاكي شان .. سدد لي وحده بالصدر ..

خلتني ألصق في الباب .. وأصكه بظهري .. :cry:

وقف قداامي .. ومعه معصااد الجريش .. وقال: جاي بانصاف الليالي وريحتك بلوت !!

قلت: روووقنا الله يجزااك خير لا تفضحناا .. فك و أفك ...

قال: شايفني بيبسي ام نص ريال ((يذب سمااحة الوالد )) :D :D

مسكني من شعري وتلني وخلاني أوقف قداامه زي الألف أ أ أ ..

قال: هماني قايل لك احلق شعرك .. أنا اوريك ..

وحط رااسي بين سيقاانه .. ومسكني من بطني ورفعني فوووق فووق عالي السحب ..

متأثر باندرتيكر وهالمصارعه في دبي الرياضيه :D

ثم جيتك أمشي مليوون وعلى الأرض وآآه يا ظهري :cry:

قمت القط وجهي وبوكي ووجوالي وسبحتي الهلاليه .. وقلت :

الشرهه ماهيب عليكم .. الشرهه على اللي جاي يشوفكم ..

وطلعت زهقاااان .. وعلى وين يابو سارة على وين ..

ما بدهااش .. مالك الا هيفااء .. الاسترااحه طبعاً

طبعا عزيزي ابو سارة قد يكون بالغ في وصفه لما حدث ولكن كان في اصرار انه يشيل الكشة s105s من الكاب الاسودs104sلان شعره كثير ويحتاجله كاب كبر الخيمة s2s ومسائل اخرى.

فمن باب الارضاء وبر الوالدين ((تراك تساعد على بر الوالدين من خلال تكفلك بتذكرة من عندك لديسلفا من اجل ان يبر بأمه)).
قرر مايلي:
قص الشعر

يآخذ معه اخوه الصغير للنادي والي معروف باللصقة يعني صمغ واي كلام يسمعه يقوله ولكن على مين على ابو سارة شوفوا وش سوى:box: :box:

لاتطقني ياابو سارة :chair: تراني مااستاهل ولكن انت ماعرفتني الى الان شو هيدا.

عرفت مجموعة من اعضاء الشبكة ولكن ماعرفوني الى الان شو السبب برأيك ابو سارة.

لااملك اي عصى سحرية :blow:.

على العموم قد نلتقي ولكن من خلال مباريات الزعيم القادمة وليس من خلال النادي لاني لااعتقد اني سأحضر للنادي مرة اخرى.

على العموم شاهدتك في النادي ولكن ساكت كأن على رأسك الطيرs17s.

الحين بينط ابو سارة ويقول: مب انا ترى هذا واحد يشبه اسمي والا شكلي.

على العموم سواء كنت انت ام لم تكن فأنت s60s .

ولكن وش رايك بالسناريو الي وضعته؟

انا كنت ناوي مااكتب اي موضوع الان ولكن حبيب قلبي ابو سارة نزل موضوع دفعني للكتابة.

اتمنى ماتكون زعلت مني
وبالتوفيق . [/align]

أهلا وسهلا بابوسارة ,, أينما حل وحيثما كتب ,,

منور المجلس العام ,, ومرحبا بك يامبدع ,,

صراحة روعة في الوصف ,, وتحمست معك وقلت ياليتني حولك وأفزع لك ,,

وفي الأخير يطلع حلم ,,

تبقى دائما متميز ومتألق ,,

نريد تواصلك معنا هنا بعد أن نحتفل سويا بتحقيق كأس ولي العهد ,,

وتصبح النفسيات مرتاحة والمعنويات عالية ,,

مرحبا دائما وأبدا ,,

[align=center] بسم الله ..

اخواني أخواتي أعضاء منتدى المجلس العاام ..

اشكركم جزيل الشكر ..

غمرتووني بكرمكم وثنائكم العطر فلكم مني كل الود وصادق الحب s60s

_________

أخوي راشد:

شرفني ردك ومداخلتك كـ شخصيه لها روعتها ومقامها بـ هذا المجلس ..

صدقني ما كتبت الا لأني مرتااح وضامن بأذن الله الكأس ..

وان شاء االله نتواصل بعد الكأس بشكل افضل ..

وحلوو أني معروووف بالمجلس العام ( بديت احس بالشهرة :D )..

تحيه طيبه لك اخوي لساني عااجز عن الشكر ..

______

أخووي max666 :

الا تمووون ولا تهوووون ..

تموون ونص ,

اشكرلك مرورك الكريم

_____

الغالي مواادع :

أهم شيء القصه عجبتك وهذا يسعدني حيل ..

بس الله يساامحك .. أبو فهيد طااح صريع امامي وتقول ما فيهم فوود ..

والله ماقصر..

سنايدي والقير عايدي :D

مشكوور يابعدهم

______

هلا وغلا ومسهلا .. بالبروفسور ابو سعديه s60s

مالك شوفاات ..

زين اللي خلتنا نشووفك هالقصه ..

الله لايهينك والكلب تلقاا عضاامه ورى الاسترااحه .. :D

ياقوووي يابوسارة

___________

هلا وغلا بالجااحظ ..

اسم على مسمى .. أعجبني نقدك ..

بالذات.. الخط الدرامي للقصه .. هذي اروح كشنه معهاا :D

حكاية المستقبل ما اعتقد ..

هي مرة .. وعساها نالت رضاك ورضاهم

ألف شكر لمداخلتك .. أسعدتني والله s60s

_______________

kaza

هلا بك ومشكووور انت على مرورك ..

وحلووة ضحكتك .. الله لايحرمناا منهااا s60s

____________

عزيزي وحبيبي والغالي على قلبي ..

المحب لأبو سارة وزعيم آسيا ( سوري على اللعب بالاسم ) :D

هلا و غلا والله ..

عرفتك محلل رواائي باارع ..

وأجدك الآن نااقد روائي متمكن ..

براافو عليك .. s60s

مادخلتك ضريفه ومتقبلها غصباً عني ..

دامهاا منك s60s

راجع لها حبه حبه ..

انتظرني

______-

أخواني أهم شيء الواحد يرسم البسمه على اللي حوله ..

هذا كل ما أردت ..

وقالوا لي العيال : اني موهوووب .. وكوميدي حبتين ..

صدقت ركبت المووجه وكتبت هالقصه ..

أتمنى تكون أسعدتكم ..

أخوكم الهلالي ابو سارة
[/align]

[glow=000099][align=center]مســـــــــــــــــــــــاحه محجوزه للضحك :D [/align][/glow]

[align=center]الله حيه ابوساره بالعام :) ..

إقتباس:

قلت في نفسي : الله يرجه .. أكيد هالأسمراني جارنا منصور الدب .. جاي يبي زي العاده:

سلف ملح .. مااجي صلصه ..

خخخخخخخخخخخخخخخخخخخخخخخ :D ..

والله السلف اللي مدري وش يبي :D

إقتباس:

التفت علي ببرود .. وقال :

يالحبيب .. حمار عندك انا .. راكب ضهري!! لا خل أوديك استراحتكم احسن ..

أنزل وتطاااق زي الآواادم

يمون والله الكـلب :D ..

والله فيه علوم رجال اجل يقول قابلني وجه وجه :D ..

بس ماقلتنا وين استراحتكم --------> يحسب الموضوع صدق :D

لا هنت يابوساره وسير علينا واجد :) .[/align]

هلا وغلا ابو سارة s13s

والله انها قصة كوميدة رائعة جدا ...

وما شاء الله على خيالك الواسع ...

وبصراحة المفترض ان الي مثلك يستفاد من موهبته

وثقافته الواسعة في التلفزيون السعودي >>>> المملكة هذا الصباح :D

والموضوع كله على بعضه حلو وفيه طلعات تنم على انك على

قدر كبير من (( الرز )) عفوا من التمنسيم :p

واما من ناحية بشكة الاستراحة كلهم رهيبين

خاصة لقمان >>>> ;)

وانتبه من ريحةالبلوت لا يزعل عليك الوالد كلها عطر بريالين s60s

الله يعطيك العافية اخوي المبدع الغالي او سارة s60s

يعطيك العافية يابو سارة
ونصيحتي لكمار انه يغني
من هو هالولد ابوسارة عاشق هالبلد بو سارة هييييييييييييي ويالالالا يالكلاب لالالا يالكلااااااااب

والصراحة قصة ممتعة بس شكلك بخيل يوم انك ماتبي تعطي جاركم بالاستراحة شوية ملح وترى ياكثره بجدة
اذا تبي دق على 998 وترى يجيبونه بالوايتات لو تبي :d :d

مشكوووووووووووووووووووووووووووور

[align=center]حيا الله أخوي كايدهم ..

مرورك وردك يشرف مقالي وكتابتي.. ولا يهوونوون الاخواان ..

وأن شاء الله يكوون لي تواصل داائم هناا ..

صرااحه منتدى جميل وشيق ..

ولك كل الشكر على الكلام الي قلته في حقي ..

أخوك الهلالي ابو سارة ..

__________________

أخوي المحب لزعيم آسيا ..

أحسن شيء يعجبني فيك ذاكرتك القويه .. ( شكلي بأصكك عين تنسى وش تغديت )) :D

ايه تكفلت بتذكرة لسلفاا .. عشان البر بالوالدين ..

وليت ابوه يسوي له زي ماسوى ابوي وانا راجع البيت :D

تخبر انت الوالد لما رجعت صرف حناانه معي :D ..

بخصوص شوفتك لي في التدريب فـ اكيد مشبه ..

أنا أجي واطلع سكتم بكتم محد يعرفني ..

حااط لي اسم مستعاار في الناادي ..

<<<< تحس مبااحث :D

على طاري الشعر .. هذي مشكلتنا مع ( الصلعاان ) ..

يبلشوونك .. حلق .. حلق .. والظاهر انت وااحد منهم :D :D

تحياتي لك وأطراائك عجبني ..

______________

جوكر .. ضحكتك رووعه كأنها ضحكة شمس البارودي :D

مسوي ساامعهاا :D

___________

ماجد مقبل ..

شرفني ردك وكلامك عني ..

وانا لأني راعي نكته رحت للتلفزيون وطلبت يسجلوني في برناامج :

طبق الييوم :D

<<<<< والله من التنسيم في هالرااس

تحياتي

________

الزعيم ..

الظاهر انك تتابع القصه وانت غااطك النوووم..

من وين طلعت لي بكوماار :D

اسمه لقماان .. بس شكلك تفكر بـ سوااقكم :D

أما حكاية الملح فمشكوور ..

طالع من هنااا (( يأشر على خشمه ابو سارة )) ..

الله يخلي القصب ..

آه ياعمري يالقصب ياديرة الاجوااد s60s s60s

تحيااتي[/align]