&&الضحك والهبال!! في سوالف الاطفال ...&& [align=center]بسم الله الرحمن الرحيم كيف الحال انشاء الله كلكم بخير وصحة وعافية ... s13s والله منذ مبطي مادشيت المنتدى ولاشاركت فيه او كتبت موضوع تدرون عاد اختبارات وهم وغثا بس ما اقول الا الله يستر من الايام الجاية وما تخفيه بين طياتها .... ستبدي لك الايام ماكنت جاهلا * وياتيك بالنتايج من لم تزود واما موضوعي اليوم هو عبارة عن سواليف على الطاير حول الأطفال والطفولة ... :) وبداية فكرة الموضوع اني قبل ايام جاتني اختي الصغيرة في ثالث ابتدائي ولقت معي جوالين >> سوا ولد نعمة >> تراها العنيد عاد قالت لي ماجد عطني جوال وانا ادبر الشريحة !!! انا فطست من الضحك والله عجايب ها البزارين في ها الزمن يفكرون بالجوال والشريحة اقول طسي دبري ايس كريم وحلاو اصرف لك ... s60s ومرة سأل واحد اخوي الصغير الي في خامس ابتدائي من اكبر إخوانك قال ماجد الرجال استغرب لان في اكبر مني اثنين وجاء علمني يوم رحت وسألت احمد للتأكد لقيته مصر على أني اكبر واحد ؟؟؟ يوم قلتله ليش ... قال انت اطول منهم كلهم !!!! ;) ومن المواقف المضحكة للاطفال .... انه مرة كان في طفل جالس عند باب البيت حزين وفجاءة مرت دورية (شرطة)>>>>> لا ياشيخ يوم شافهم الطفل ركض يمهم يصارخ مثل المجنون يوم وقف الضابط قاله الطفل انتم شرطة قال ايه قال كورتي ضايع روحوا دوروها ...>>>> افلقني لو دوروها وعلى العكس من هذا الموقف الموقف التالي وهو انني في مرة من المراريت كنت واقف بالشارع وفي بزارين يلعبون كورة وتمر دورية يوم شافوها ركضوا كلهم ودخلو بيوتهم كنهم مجرمين وخلوا الكورة ونعالهم ... وكل هذا من اثر التربية والفرق واضح بين الطفل الاول الذي نظر الى رجال الامن على انهم في خدمة المجتمع اما الاطفال في الموقف الثاني نظرتهم الى رجال الامن ؟؟؟؟ وينشئ ناشئ الفتيان فينا * على ماكان عوده ابوه .. وهناك الكثير من مواقف الاطفال الجميلة والرائعة والمضحكة سوف اوردها تباعا انشاء الله واتمنى من الاعضاء ان يشاركونا بما لديهم ... نقطة قبل قبل الاخيرة :- بصراحة الاطفال نعمة كبيرة من الله عز وجل وهم اجمل شي في الوجود لان عالمهم الصغير لا يعرف الحقد والحسد والكذب ومهما كان شكل الطفل فهو محبوب ... لقد جلست مع اطفال معاقين واستمتعت بمرافقتهم والضحك معهم على رغم معناتهم واعاقتهم ... ان الطفل الاسيوي ذو العيون الصغيرة والخدود المتورمة كم هو جميل اذا لاعبته وجالسته وكذلك الطفل الافريقي ذو الانف الافطس والشعر المفلفل تجد قمة السعادة في مداعبته وملاعبته .. كل هذا لانه طفل صغير برئ >>> بس انحش عنه اذا كبر :laugh: نقطة قبل الاخيرة :- هذه ابيات اخترته من قصيدة للشاعر بدوي الجبل يتحدث فيه عن طفل وهو حفيده الصغير : وسيم من الأطفال لولاه لم أخف * على الشيب أن أنأى وأن أتغربا تود النجوم الزهر لو انها دمى * ليختار منها المترفات ويلعبــــا يجور وبعض الجور حلو محببا * ولم أرى قبل الطفل ظلما محببا يزف لنا الأعياد عيدأً إذا خطــا * وعيداً اذا ناغى وعيداً اذا حبا فيارب من اجل الطفولة : عزها *أفض بركات السلم شرقا ومغربا وصن ضحكةالاطفال يارب انها*اذاغردت في موحش الرمل اعشبا ويارب حبب كل طفل فلا يرى * وان لج في الإعنات وجها مقطبا وسلامتكم ... s60s ^ ^ ^ بدري ياهووووووووو ;) وين راحين باقي النقطة الاخيرة :- وهي شكر واعتذار... شكر لجميع الأعضاء والعضوات المبدعين والذين اكن لهم الكثير من المحبة والتقدير.. واعتذار أيضا لهم على مزاحمتي لهم بهذا الموضوع الغير مرتب وغير منسق (( وبصراحة اللي يشوف التنسيق والابداع عند بعض الاعضاء ؟؟؟ يستحي ينشر أي موضوع )) :wallbash: بس المحبة بلية توبة ياربي عليه ..... :D وعلى دروب الخير نلتقي ،،، سلاااااااااامي ،،، :D [/align] |
[frame="1 80"][align=center]fmfmfmfm الأخ ماجد مقبل ألف هلا أولا يميدك على التنسيق >>>>>متعقد من شيء اسمه تنسيق ما شاء الله عليك موضوع روعة بالفعل صراحة مافيه احلى من سوالف الاطفال بس حاليا ما يحضرني شيء أوعدك لو تذكرت شيء أجي أعلمكم تقبل مني خالص التحايا أخوك مطيع الهميمي fmfmfmfm[/align][/frame] |
الـحـاتـمـي ... مــر مــن هــنـــا ... ويـقـول : أحسن ما في موضوعك يا ماجد إنّك ما نسّقته , يا زين العفويّة ;) بانتظار هيك مواضيع عن الشيبان يا راعي العنيد :D |
ما شاء الله عليك يا ماجد s60s وش خليت .. يكفي هالقصيده هالحلوه ... الاطفال احباب الله :yucky: :harhar1: :tongue1: :baby: |
إقتباس:
يكفي وجود إسم ماجد مقبل ليكون الموضوع بهذه الروعة ,, مرحبا بك ياماجد ( الطويل ) :d موضوع صراحة يبعث السرور لأمرين : أولها أنك كاتبه ,, وثانيها أنه خفيف الظل وعن الأطفال ,, زينة الدنيا ,, تحياتي لك والله يعطيك العافية ,, وبالتوفيق ,, |
موضوع الطفوله اجل :d شكلك حنيت ;) تشــــــــــــــــــــــــــــاو |
الاخ الغالي مطيع الهميمي ... s13s هلا وغلا بك اخوي الغالي وتسلم على المرور s60s وبصراحة تنسيقك روعة >>>> :wallbash: ابي منك دروس خصوصية في التنسيق :) والله يعطيك العافية على المشاركة الرائعة s60s الاخ الغالي الحاتمي s13s هلا وغلا بالحاتمي مرور جميل من شخص مبدع اتشرف بمروره والله يسلمك على الرد الجميل واما من ناحية الشيبان والله انه فكرة حلوة >>> تبيعها :) وعلى فكرة تراني اقصد العنيد21 يعني الدمعة ;) >>>هههههههه :D حيا الله مشرفنا الغالي سهل 888 s13s تلريون شكر لك اخوي سهل على مرورك وردك s60s واعجابك بالقصيدة دليل على ذوقك الجميل وحسك الشعري المرهف :) وكما قلت الاطفال احباب الله s60s هلا وغلا اخوي الغالي راشد s13s بصراحة انا عاجز عن ارد على ما شرفتني به من ثناء ... وانت استاذ في الابداع اقف عاجزا امام كلماتك واسلوبك ... والحق ان مشاركة راشد في موضوعي هي قمة الروعة s60s واما من ناحية (الطويل) لاتدقق كلام اطفال :laugh: وشكر لكم جميعا ...... سلااااامي :D |
[align=center]مــــــــرحـــــــــــــبــــــــ 1.000.000 ــــــــــــا :D الله يعطيك العافية على هالموضوع s60s ذكرتني بموقف صار من ولد خالي عمره 5 سنوات بس كان في المطبخ يقلب بالثلاجة طمرت أمه عليه وقالت وش تسوي طالع فيه مختلع وقال : ( يـلـعـن أمـ* خرعتيني ) :D:D أنا سمعت السالفة تعال دور علي تقلبت ضحك :D ومرة ثانية مسكته قلت ها وش عندك من سيارات قال عندي شيروكي اصفر بـ 2 دريكسون و قير قدام وقير ورا :D وبعد مدة سألته وين الشيروكي و الكادلك قال : ( بعتها عشان أشتري بلاي ستيشن ) :D:D معليش على الطمرة بالموضوع بس مواقف لا تنسى :D [/align] |
^ ^ ^ ^ اخاف انه انت ياد يكو |
[align=center]<<-- قرا الموضوع على دفعتين :laugh: يوم وصلت الأبيات طمرت للردود :D شفت رد سهل ورجعت أقراها :D :D أخوي ماجد أبو مقبل تسلم والله على هالموضوع :D والله يا برائة الطفولة شيء عجيـــب :D بس أبعد عنهم إذا عاندوا ما ينلعب عليهم :p[/align] |
[align=center]عندنا وعندكم خيررر اخــوي الصغير يبي دوال وتريحه ....مبلشنا .. ههههههههههههههههههههه يــالله يا ايام الطفـــوله ايام حلـــوهـ حيــل .. اتذكر .. يــوم كنا صغار بلندن ... اروح المدرسه انا واخوي اللي اصغر مني .. وعندنا حصص موسيقى .... وكنا نحضرهـــا ... ونقول لامي ناخذ موسيقى ... امي قالت حرام اللي يسمع مسيقى ربي يدخله النــار .. المهم ... وتمشي الايام .. وتجي حصه المسيقى .. واتذكر كلام امي .. واحطـ اصابعي بيدي ... ههههههههههههههه يقوم اخوي ويسوي مثلي ... ويقومون العرب كلهم ( كويتيين وعراقيين وسعودينن) يسوون مثلي ...حنا العرب نقلد بعض دايم ... ويعلنون هالانقليز حالة الطوارئ ... ويلغون حصص الموسيقى .. الطلاب على فصوولهم .. ماي قاد .. ماي قاد .. ;) وينادون اهلنا .. ووينادون المشرف اللي يعرف عربي .. ويسوون تحقيق .. انتم تعذبونهم ؟؟؟؟ تهاوشونهم ؟؟ اولادكم عندهم حاله نفسيه ؟؟؟ :confused: تمنعونهم عن الطعام ؟؟؟ الشراب ؟؟ >>>>خطيــرهـ مسووويه رجه وزحمه .. :D ابــوي قال كل السالفه ومافيها .. حنا مسلمين .. والموسيقى محرمه في شرعنا .... وهذا سبب رفض ابنائنا لها .. Very good my father s60s مـــرهـ وحنــا بمكه وكان الوقت رمضان.. ويروحن اهلنا يصلن التراويح بالحرم ... وانا العب مع عيال خالي .. ودايم يضحكون علي .. وانا ياغافلين لكم الله .. هالمررهـ غير .. قالي احمد اللي قدي يؤؤؤهـ اليوم يوم القيامه ... وانا موداريه وش السالفه ؟؟؟.. :cry: قال اخوهـ اللي اكبرمنه صح .. اليوم يوم القيامه .. علشان كذا الناس كلهم بالحرم يصلون ... امشوا نروح نتوضى ونصلي .. وندخل دورة المياه الله يكرمكم ... ونبربس بالماء نتوضى .. وانا خايفه دموعي اربع اربع .. واقول لمحمد واذا يوم القيامه وش يصير ؟؟ :confused: محمد اكبر مني ودايم انا معاهـ واصدق كلامه ... قالي ....يؤؤؤه يوم القيامه السما تطيح على الارض .. والجبال تتهدم .. وكلنا نموووت .. حتى انتي .. وانا ابكي واقووول ياكذا ياكذاب .. ويقوم احمد يفتح التلفزيون .. ويلقى شيخ يحدث ويصيح .. ويقلب القناهـ الا الشيخ بالحرم يدعي ويصيح ... وقالي احسن لا تصدقين ... تعال محمد نصلي قبل مانموووت ونخليها ... :razz: وانا انهبـــل واروح اصلي معاهم >>>> ماتدري وش الصلاة .. بعد ماخلصنا جاء جدي الله يرحمه ... ورحة ابكي عنده .. جــدي صليت القيامه قامت .. ووووو يضحكـ ويقول منهو اللي قالكـ .. احمد ومحمد ياجــدي ... وهم ورى الباب يضحكوون . :D :D .. ... قال جدي تعالوا تعالوا .. انا اوريهم شغلهم ...روحي غسلي وجهكـ .. واللى الحين يتذكرونها ويضحكوون علي .. ههههههههههههههههههههههههههههههههه مـــرهـ انا واحمد ولــد خالتي عمره اربع ونص .. بالسوووق ... وانا احوس بالملابس .. وهو جنبي .. ويوقف جنبه ولد اسمر .. قالــه احمد ( ياشوكلاته ) ويغمز بعيونه احمــد ... ;) :D والتفت الا امــه من هووو الوليد اللي قالك ياشقلاطه .. :nono: قلت احمد وش سويت ... قال احمد بس قلت ياشوكلاته .. واحط رجلي انــا واحمد ... يامعفن لو ضربونا وش نسووي .. وووهو مستانس يضحكـ ويقول بسررعه اركــضي لايضربونكـ :D البقيــه في العدد القادم :D [/align] |
[ALIGN=CENTER] :D :D :D يا كثر هرجك أنت بس كملي :D :D :D [/ALIGN] |
[align=center]موضوع جميل .. حتى من دون ترتيب وتعديل s60s أضيف سالفه وهي عندي بنت خالتي ما شاء الله عليها حركه ماتقعد أبد ( قولوا ماشاء الله :D ) مره فقدناها وهي ما تنفقد إلا على شي يسوى :razz: المهم قعدنا ندورها ولقيناها تدرون وين لقيناها 7 7 7 7 7 7 7 7 لقيناها ياطويلين العمر فاتحه الثلاجه وكان بوسطها جحه مفلوشه وقاعده أختنا في الله تعرّم منها (تاكل) تخيلو شكلها :razz: راسها في وسط الجحه :laugh: و وجهها الله لا يوريكم شكله :razz: :laugh: :razz: لو بقولكم عن حركاتها كان مليت لكم كم صفحه لأنها ماشاء الله عليها مايمر يوم إلا ومسويه مصيبه :razz: بس ما أقول إلا الله يعين خالتي عليها :razz: <<<<<< استحلت الموضوع تحسبه لها :D اعذروني على الإطاله :rolleyes:[/align] |
اول شيء الف مليون تلريون مبروك لللفوز بكاس ولي العهد وعقبال الدوري والعرب انشاء الله s13s الاخ الغالي نمر 15 s13s هلا وغلا بك اخوي ومن منا مايحن لذيك الايام s60s يقول مجنون ليلى عن طفولته هو وليلي صغيرين نرعى البهم ياليت اننا * الى الان لم نكبر ولم تكبر البهم s60s مشكور على المرور والرد :D الاخ الغالي ديك الجن s13s يامرحبا بك مليون مرحب :razz: واما ابن خالك ما شاء الله عليه حاجة ما حصلت :D باع الشروكي و الكدلك من شان يشتر بلاي ستيشن s60s ومشكور على المشاركة الحلوة .. وكثر من هيك طمرات s60s اللع يعطيك العافية اخي الغالي المركب الازرق s13s ياخي دق اشارة على الاقل :D على فكرة ترى في موضوع فوووووووق ;) ولا ما غير تدربي راسك ورا رئيس النادي ههههههههههههههههههه s60s اخوي المركب الازرق شكر لبصمتك الحلوة بين الردود :D والله يعطيك العافية على المشاركة والمرور :D الاخ الغالي لوحة مميزة s13s هلا وغلا بك اخوي لوحة مميزة :) على دفعتين ===>>>> ماعندك وقت :D الله يسلمك على كلامك الحلو ومشاركتك الجميلة واما من ناحية ما ينلعب عليهم فانا معك ... لا بعد ممكن يلعبون عليك بعض الاحيان :wallbash: وتطلع مخفة :D لا وينكتون عليك ويمسكونها عليك الى مااااااااااشاء الله s60s شكر لك اخوي لوحة مميزة والله يعطيك العافية s60s الاخت الغالية مهووسة الزعيم s13s ماي قاد ... ماي قاد ... هههههههههه===>>>> وجازت لي بقوة :D على طاري الدوال والتريحة للبزارين ... في ناس اعرفهم كلهم حقين هيط من البابا والماما الى الشغالة ؟؟ ذالك اليوم جاني ولدهم الصغير عمره 5سنوات الى المكتب يهايط (( ابوه مديرنا ))ومطلعله جواااال برج العرب ورقم سوا والله انه ما يعرف يفتح الجوال ولا يمسكه المهمم ونشوف الرصيد فل s60s ويلا من يبي يكلم وبلاااش في زول ما صدق خبر ياخذ الجوااال ويتصل وبرضوا هندي وباكستاني ابو الشباب طلع يهايط في الشارع الزكرت ما صدقوا خبر اخذو الجوال وزين انهم ما اخذو الولد معهم s60s اما سالفت قامت القيامة تبي لها موضوع خاص لها s60s بس والله ركبت رمضان ومكة وصياح ومحاضرات انا لوكنت مكانك بصدق :D سترك يااااارب :) واللي زي احمد هذا ما يجي من وراها الا المشاكل :D ياخي شوكلاتة ولا قشطة الولد في حاله وامه معه ليه المشاكل ليه :D اشو انها عدت على خير :laugh: الغالية مهووسة الزعيم والله مواقفك s60s حلووووووووة بالحيل وتقطع بطني من الضحك واشوف لوحة مميزة بعد جازت له ويقول كملي :D سلاااااااااااامي للجميع :D |
هلا وغلا فرصة ضايعة s13s شكر على المرور والرد الجميلين .. وما تنلام بنت خالتك عاد الجحة يفقد عنها الاطفااال :D والموضوع موضوعك طولي على كيفك اهم شي نبي سوالف اطفااال لو الى بكرة :D وخليكي زي مهوسة الزعيم في عدد قادم s60s حركاااات :D وانا اذكر ولد جيرانا منسم عمر 6 سنوات اربع وعشرين ساعة ونص في اليوم تلقاه في الحديقة اللي في حارتنا :D عاد يوم جا واحد معه مجموعة من البزارين بسيارة ة جمس ونزلوا يلعبون في الحديقة ... ولد حارتنا جازت له الشلة يوم راحو ركب معهم الجمس ولما وصل السواق الى البيت لقى في واحد نفر صغير زيادة :laugh: عاد بلغوا الشرطة وحاسوا الدنيا وابو الشباب مو شايل هم ركب مع الدورية يضحك وفلوها معه العسكر الين ما رجع لبيتهم بعد 10ساعات شكر للجميع علىالمشاركة والردود :D سلااامي :D |
الوقت المعتمد في المنتدى بتوقيت جرينتش +3.
الوقت الان » 08:34 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd