#1  
قديم 11/05/2005, 02:36 PM
زعيــم فعــال
تاريخ التسجيل: 16/09/2004
المكان: في مــكــان ٍ .. مـــا ..
مشاركات: 380
أحسن ..

[align=center]السلام عليكم


إيه أحسن اننا خسرنا .. بس مهوب لأننا نستاهل .. ادخل تعرف السالفة










كلكم تعرفون ..ان الانسان الناجح تجيه حاله .. من توالي النجاحات .. والمدايح
واذا انتم ماتعرفون .. هذاني قلت لكم
تجيه حالة برووود .. ولا مبالاة .. وثقة عمياء .. وتنقلب عنده الموازين .. والمقاييس تنعدم

وعشان تروح هالحاله .. لازم يجيه صدمه .. أو شي يصحيه من اللي هو فيه .. ومن خيالاته اللي مخليته ملاك .. ومايخطي .. ولا يسمع وجهات نظر اللي حوله

شي يصحيه .. ويرد عقله في مكانه .. ويرجعه للواقع

وهذا بالضبط الشي اللي صاير لباكيتا

من توالي الانتصارات .. والمدايح .. اصبح يحس ان الهلال .. حتى لو لعب الصف الثاني فوق الكل

والثقه زادت عن حدها في تشكيلاته الغريبه

طبعا الكل شايف مستوى الهلال في أخر ثلاث مباريات مش ولا بد

لكن النتائج تغطي على المستوى .. والمفروض انها تغطي المستوى عن الجمهور

لكنها غطت المستوى عن باكيتا بعد .. اللي المفروض يهتم بالمستوى قبل النتيجه

طبعا انحن ما ننتقص من شخصه .. وفكره .. ودهاءه
لاني مثل ماقلت .. الانسان الناجح .. تجيه هالحاله

نرجع لكلمة أحسن <--- راعي طويلة .. توه في البداية


ليه أحسن ؟؟

أقول لكم أحسن ان هالخسارة جت قبل نهائي الجمعة

والحمد لله ماطلعتنا من البطولة العربية .. باقي شوط ثاني

عشان تصحي بكتكت ( احلى يالدلع ) .. من التخبطات اللي مغير يسويها
وتشيل الغشاوة اللي على عينه .. واننا بدينا في مراحل الحسم
والانديه اللي بنقابلها .. ماعندها لعب <-- قال ايش قال الصف الثاني .. اصحوااااا

عشان هيك أنا أقول أحسن اننا خسرنا هنا .. ولا اننا ننصدم في مباراة مصيرية

عشان نتدارك أوضاع الفريق .. ونرتب أموره
ونرجع لأيام الاربعات والثلاثات والثنينات
( ملاحظه آخر 4 مباريات .. الهلال مايسجل اكثر من هدف .. هذا ان سجل هو )
وقفز الحواجز
والدروس الخصوصيه لتعليم اللمسات السحرية لهز المدرجات الممتلية

هذا من ناحية الفريق

ومن ناحية ثانية .. عندك الجماهير
أحسن لهم عشان يكفون عن التغطرس في التشجيع ( مدري هي الكلمة صح والا لا )

أنا ما أقول لا تمدحون فريقكم .. ولا تَغَنون فيه

لكن لايوصل حد الغرور .. والاستهانة بلعيبة الفرق المقابله .. والتتريق عليهم <-- الطنزه تلحق ..

مثل ماتبونهم يحترمون لاعبينكم .. احترموا لعيبتهم

وهذا من ناحية الجمهور

ومن ناحية ثالثة ( ادري مليتوا .. بس اصبروا شوي ذي آخر وحده )

أحسن لأن الاتحاديين بيصير عندهم فرصتين .. يمكن يتهاونون .. ويتساهلون مع المباراة
ولا يجيهم مثل هاك الحماس اللي في أياب كأس ولي العهد ( لدرجة انهم جابوا لنا قوول )

والمعروف عن الهلال .. انهم يحبون ترديد عبارة
( يامدور الهين .. ترا الكايد أحلى )
ان شاء الله يشدون حيلهم .. ويحسون بالمسؤولية اللي عليهم
وتكون عندهم ردة فعل إيجابية
خصوصا بعد ماشافوا هالجماهير اللي وراهم < ماشاء الله لا إله الا الله > اللي ماتشبع بطولات

وهذا من ناحية الاتحاد

أما من ناحية رابعة ...............................أمزح أمزح <---( أخاف أحد يطلع مع الشاشة ويصفقني )

.. .. .. ..

وفي النهاية أحب أذكركم ان هذي

وجهة نظر خاصة .. تحتمل الخطأ والصواب

وعقبال مانبارك لبعضنا البعض
الكاس يوم الجمعة
والتأهل لنهائي العربية
وصدارة دوري السعودية

وآسف على الإطالة



-- -- -- -- --
CRESCENT
-- -- -- -- --
هالموضوع كاتبه من أمس بس ماهنا شبكه كانت مقفله
[/align]

اخر تعديل كان بواسطة » crescent_ في يوم » 11/05/2005 عند الساعة » 03:01 PM
اضافة رد مع اقتباس
  #2  
قديم 11/05/2005, 02:50 PM
الصورة الرمزية الخاصة بـ ياسيدهم وينك
زعيــم مميــز
تاريخ التسجيل: 26/02/2002
مشاركات: 13,209
ان شاء الله الزعيم ماخذ الكاس يوم الجمعه بأذن الله
اضافة رد مع اقتباس
  #3  
قديم 11/05/2005, 02:58 PM
الصورة الرمزية الخاصة بـ الهلالي ابو خالد
زعيــم مميــز
تاريخ التسجيل: 10/04/2005
المكان: نادي الزعيم
مشاركات: 2,765
باذن الله الكاس هلاليه يوم الجمعه
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 06:53 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube