إخوي شقراوي هلالي موضوعك مهم ويتكلم في موضوع حساس ,,,
هذي العادات متوارثه وتلقاها عند كل القبايل وصعب الواحد يغيرها ويدعي انه مثالي ولا ينظر للجنس والعرق بتمييز وبالذات في مجتمع قبلي زي مجتمعنا ,,,
أنا معك في إن التلفظ بالإلفاظ اللي ذكرتها انت مهوب لائق ... لكن صعب الواحد يعامل الإجنبي حتى لو كان مسلم زي مايعامل إبن البلد أو ولد الحمايل ... ما أقصد إن الواحد يعامل الإجنبي بإزدراء وبتكبر في التعاملات اليوميه... اللي أقصده إنه مايشوفه زي مايشوف إبن البلد ... وصعب أنا ولا إنت نقول غير كذا ,,,
والدليل سؤالي اللي أبسألك إياه وأبيك تجاوبني عليه بصراحه إذا بغيت ,,,
لو جاك هندي ولا باكستاني مسلم يبي يتزوج منكم ولا من جماعتكم وربعكم , ترضى تزوجه ؟؟وهل من الممكن توافقون عليه ؟؟ ,,,
صعب وانا اخوك تنتهي هالنظره للأجانب على المدى القريب ويمكن بعد تقترب من المستحيل ,,,
وبعدين الإنتماءات والتعاطف للجماعه والربع والديره موجوده عند الصغار وعند الكبار وشف انت وش مسمي نفسك مثلا
مسمي نفسك شقراوي
يعني منتمي لديرتك للدرجه اللي تفتخر فيها عند جميع الأعضاء وهذا طبعا من حقك رغم إنه من الممكن إنك ماقد سكنت فيها ويمكن بعد كنت عايش طول عمرك بالرياض او بأي ديره ثانيه
,,,
أنا معك في ان النظره الدونيه لأي جنس وعرق ماهي لائقه وإن شاء الله محد فينا بيعامل إخوانه المسلمين بهالتعامل وإن شاء الله مايكون هذا في تعاملهم مع الأجانب ,,,
اللي أقصده من كل هالهذر اللي فوق
إن التعامل المباشر أو فيس توفيس ( بحكم انك في امريكا )
يجب أن يكون مثالي وخالي من التمييز والعنصريه ويجب الحرص على هذا الأمر بشده ومن دون تهاون .... لكن إذا وصلت الأمور إلى ماهو أكبر فعندها سأقف أنا وستقف أنت وسيقف معظمنا .... وستحكمنا فقط العادات والتقاليد ولا يوجد مناص من الإعتراف بذلك ,,,
تحياتي لك ,,,
.......... 
الوضع العادي
