الــــــــــــذاهبـــــــــــــه
 

بسم الله الرحمن الرحيم
السلام عليكم:
احب ان اقدم القصده التاليه وهي قصيده مشهوره وهي قصيدة الذاهبه لشاعر الشاب \ناصر القحطاني,,,
وهي قصيده حزينه وتعتبر كقصيدة رثاء حبيبه ,,,

الـــــــــــــــذاهــــــــــبــــــــــه

الله الي اراد و العقده قضاها اللي عقدها *** لا على الدنيا سلاام ولا لباقي العمر زينه
الفضا ماكنه الا خيمه طاحت عمدها *** والفرح ما كنه الا شيخ انقصّت يدينه
والعمر قطعه زجاج انكسرت ولا طال امدها *** والعرب في العيد بدموع اليتامى مستهينه
والشوارع لفها ثوب الظلام اللي هجدها *** والبيوت اطلال من عقب المحبه والسكينه
والشتا والليل والبرد وسما يصرخ رعدها *** والعيون اللي ورى الشباك مذعوره حزينه
طولوا في الكهف الاصحاب وبقت روحي وحدها *** كنها في كوكب ثاني خلا من ساكنينه
الوداع اللي بعلم العين يعبر من رمدها *** و الوداع اللي بلا علم بقفص صدري غبينه
والوداع اللي بلا رجعه علي امر وادهى *** والله انه غرغرت سم وسكاكين سنينه
والعنود اللي جفيت الناس والدنيا بعدها *** مدت الفرقى لغاليها وهي تعطي الثمينه
وينها كيف تركتني ليه ماجت في وعدها *** والقمر لا طل خابرها تجي بيني وبينه
رحت انادي واتلمس في مهب الريح يدها *** كني حصان بلا صاحب طوى البيدا حنينه
رحت اصيح الصبح وينه والعرب مارد احدها *** ما سمعت الا صدى صوتي يقول الصبح وينه
كنهم من يوم ذيك الشمس غابت عن بلدها *** طلعوني في النفود وصكو ابواب المدينه
كنهم من يوم ذيك الذاهبه محد وجدها *** كل رجال من الشرهه قلع في الدرب عينه
اثرها ماتت وماتت كل فرحه في مهدها *** والربيع اقفت به اللي كانت التاج لجبينه
جاورت عقب الحدايق حفره مااقسى لحدها *** حفره ماني مصدق كيف ضمت ياسمينه
للحزن فيني مثل ما للطهاره في جسدها *** وش اسوي لا فتشت اللي لها وسط الخزينه
زخرفت حلم وبنت له مسكن وسمّت ولدها *** اه لو غرت ولدها في خميله والدينه
عاهدتني واظفرت بيمين اقوى من عهدها *** والصبي لا خير فيه ان كان مانفذ يمينه
ما تتقى من رثاها عرق اكتظ بشهدها *** ولا تبقى خلف قضبان الجفن عذرا سجينه
كيف عند العالم ايام العزا مااحصى عددها *** والا انا طالت شهوره والله اعلم كم سنينه
لا الثرى فيها نبات و لا المشي خفف نكدها *** ولا السما فيها طيور ولا البحر يمه سفينه
لا القمر هذا مساه ولا العصى هذا رغدها *** لا الزهر هذا شذاه و لا الذهب هذا رنينه
قالوا الشيخ الفلاني مرجع القوم وسندها *** قال يبشر بالعوض و العلم جينا ناقلينه
ساق لك بدر البدور اللي نشدها من نشدها *** جادل هزت عروش و خيبت روس ذهينه
قسمها في رسمها في جسمها الا في رشدها *** و اسمها انجال الغضب قومه على الالسن رطينه
اترك الناي و عطيه شيخنا غن لسعدها *** وانبسط ياعم وانسى اللي ورى التربه دفينه
قلت ولصدري تناهيت تروع من شهدها *** اه واويلاه من يجلب على قلبي ظنينه
خلو اغلى ذاهبه ترعى ربيع اللي فقدها *** والعطا راعيه محد صوبه الله لا يهينه
لو ضمنت الجنه وتفاحه القلب وشهدها *** قلت من بكرى عسى مجنونها تاقف سنينه

---------------------------------


اخوكم سداح
:cool:

مشكووووور
هذا الشعر ولا بلاش
القصيدة مليئة بالاستعارات والتشبيهات

جاورت عقب الحدايق حفرة ما اقسى لحدها ^^^^ حفرة ماني مصدق كيف ضمت ياسمينه

كلنا مجاورون لهذه الحفرة طال امدنا ام قصر

مشكوووووووووووووووووووووووور
والله اني ادورها من زمان
واخيرا لقيتها
مشكور

هلا والله بسداح :

مشكور اخوي على ها القصيدة الحلوة .

الغريب
 

الغالي سداح :


شيء لا يختلف عليه اثنان على روعة القصيده ولكن الغريب ان الى الحين ما حد نزلها على النت يعني ولا موقع حملها ،،


ياليت تعلمني اذا في موقع منزلها للتحميل ،،،



نوسلامتك

والله رووووووووووووووعه


ومدري وش ودي أقووووووووول غير كذا

=======================
القصيده صدقيييييييييييييييييييييييييه بالمرررررررررررررررره :):) يعطيك العافيه... .
====================================