السلام عليكم
صباح/مساء الخير

اولا صحيح ان المباراه اللي ضيعناها مهمه صحيح يحق لنا
نزعل ونعاتب ونلوم مسموح لنا اننا في لحظه غضب نقول
شئ ما ينقال لكن لازم نهدا نستوعب اللي صار صحيح فيه
اخطاء لكن لا نحمل المدرب والرئيس مسئولية بلاوي الدنيا
عشان مباراهواستغرب صراحه بعض ردود قريتها تهدد الرئيس
بأنه لو كرر هالغلطه راح تطالب برحيله ورحيل المدرب عشان ايش
لاننا خسرنا مباراه , خسرنا شوط قدامنا الثاني.

اكيد المدرب عنده اسبابه اللي خلته يستبعد الاعبين الناقصين
حاول يكسب المباراه بهالوجوه الشابه لكن الله ما اراد اننا
نفوز.

اللي متحسفين انهم حضرو المباراه انا عندي لهم حل لا عاد يحضرون
على الاقل يريحون الهلال ورئيسه ومدربه والاعبين منّه حضورهم,
الحضور هذا شئ واجب عليكم مو شئ تتمننون فيه اذا سويتوه,
كل شئ يهون ما دام التعويض وارد.

في النهايه لازم ندعم هالشباب اللي لعب اليوم هم جيل الهلال القادم
خساراه مباراه ما تبرر نخسرهم عشانها , الهلال قد الحمل انشاء الله
ناخذ الكاس الجمعه ونعوض قدام الاتحاد.

رغم بعض الاخطاء احب اني احيي باكيتا على شجاعته
واحيي كل من حضر الملعب من الجماهير الوفيه كنا معاهم
دايما في الفوز فليش نتخلى عنهم في الهزيمه