الأخوة المشرفين والأعضاء الكرام للأهمية
 

الأخوة / أبو منار وعبدالله الموكاء والأعضاء الكرام
بعد التحية عندي مشكلة صراحة بسيطة هي للبعض لكن صعبة علي :

أنا عندي في الجهاز برنامج ((( الفوت شوب ))) الأصدار السادس أخر أصدار (الجديد)
والمشكلة أن البرنامج ما يخدم باللغة العربية كله أنجليزي هذي هي المشكلة عندي .

فودي إذا أحد يعرف موقع شرح للبرنامج باللغة العربية كرماً لا أمر يدلني مشكور
على الموقع .
وإذا فيه نصايح أو توجيهات تشوفون أنها مناسبة لي بحكم خبرتكم أو معرفتكم بهذ البرنامج ولأني أول مرة أستخدم هذا البرنامج أرجو أن تقدمونها لي مشكورين سلفاً على جهودكم .

(( تدرون وش المشكلة أنا ثقافتي أسباني وفرنسي والبرنامج أنجليزي )):p :p :p


لا حد يصدق توهقوني الحين بكلمة وتقولون وش معنها ثماً أقعد بها .

تمنياتي بالتوفيق للجميع مع التحية , , ,

أهلين أخوي حساس ,,,

خذ هذي المواقع اللي ممكن تفيدك وإن شاء الله تستفيد منها :

الدكه العربيه

تعلم الفوتوشوب

شبكة خلاد

وأي خدمه عبدالله الموكاء وابو منار حاضرين <=== يبي يوهقهم :rolleyes: ,,,

تحياتي لك وحنا تحت امرك ,,,

أهلين برامبو;)

هلا والله بالنجيدي ماقصرت للرجال الله يعطيك العافية .


كلك ذوق ياذوق:cool:

تسلم يديك يابراهيم ..
وهذي مواقع اخرى اخي حساس ..

http://www.limosite.net/index2.htm

http://www.almosmem.com/otb9/

http://www.almosamem.net/

http://www.motken.com

تحياتي للجميع ,,,

اسمع يخوي رح الحين واحذفه فتوشوب الاصدار السادس من جهازك ولا تعودها مره ثانية :mad:




هههههههههههههههههه شكلك حقدت علي :(



اسمع يخوي تبي نصيحتي احذفه وركب الفتوشوب الإصدار الرابع مفيه مثله ;)


وصدقني جربت الرابع والخامس والسادس ولا لقيت مثل الرابع عربي وسهل ويمتلك فلاتر عالمية :cool:



وانت حر خوي لك حرية الإختيار :confused:

أخواني الكرام /

الغالي / ابراهيم النجيدي

الغالي / J.A.J

الغالي / ابومنار

بعد التحية ومزيدا من التقدير والأحترام . . .
أشكر لكم مشاركتكم وإفادتكم لي عنما طلبت عنه الإفادة
وأسال الله أن يوفقكم لكل ما فيه خير إن شاء الله . . .
وما هو غريب عليكم هذا من طيب أصلكم الكريم شاكر ومقدر كل ما قدمتموه من إفادة .

ــــــــــــــــــــــ
الأخ العزيز /عاشق النمر
ــــــــــــــــــــــ
أول شي الجهاز جهازي والا نيب حذف شي بخليه حتى لو يكون بالغة الهندية .
وبعدين لا تقعد تقهر خلق الله خلك في حالك لا تقعد تقول :
((جربت الرابع جربت الخامس جربت السادس . . . ))
المهم يا عاشق أنت لك في السادس ؟ ؟ ؟ :p :p :p
وش رايك تتقهوى معي اليوم والا عليك أمر إذا لك في السادس وجب الرابع معك بعد
أنا عرفنا للسادس اللهم وبها وان ما عرفنا عطنا رابعك نشوفه . . . (قل تم)
عموما مدري وش ارد على نصيحتك لكن أخو عزيز وغالي وتمون وما قصرت ولو تبي احذف من عيوني احذف مدامه مضيقك بس لا تتضايق اهم شي . . .

تحياتي ,,,

السلام


اسمحولي احسم النقاش

يعني اني ازين منكم

الله من الطــ


بالنسبه للكتابة بالعربي

مافيه ازين من الكتابه عن طريق الكورل درو ثم نقله

للفوتو شوب

والطريق فيه لفه صغيره واذا بغيت اشرحها

حاضر يالحساس تراي ابشرحها غصبا عني

اما انت ياعاشق النمر

كيف تقول اصدار اربعه ازين من خمسه

اسمحلي في ذي

ياخوي لو مايجيك الا التراجع عن اي خطوه عملتها

وهي ميزه ليست في الرابع

لكن فعلا السادس لك عليه

بس الجيد جدا هو 5.5

حقيقة لايعلى عليه





الحريف

اسمحلي يخوي يحساس ما اجي على قهوه فيها مفاطيح جيت :D :D لا ونجدي بعد


وبعدين نتقهوا ثم ننام شوي ثم نقوم تعشيني ثم ننام ونقوم تفطرني ثم ... أشرحلك :rolleyes:




<---------- بيحلل الشرح :p :p :p




اسمع يخوي انا قلتلك اللي في جعبتي .... حلوه جعبتي ههههههههههه :D يعني انت حر تبي تشيل السادس تبي تخليه في دهلتس ..:mad:


<------- قفلت :mad:


وانت يالحريف ماعمر احد تدرب عليك تاكوندو <-------------- توه متعلم ينطق الكلمة :(


من قال لك يخوي ان الاصدار الرابع مافيه تراجع ؟؟؟؟؟
يخوي فيه شي احسن من التراجع اشتغل كل مرحله من العمل على شفيفه لوحده واذا بغيت تراجع عن شي أخذف شفيفته وخلاص .

<--------- نشبه

مازلت اقول الرابع أحسن اصدار عندي وهذا رايي انا مهوب راي المنتدى يعني :mad: :mad: يعني تراه رائيي لا يحذفون ردي بعد ترى هاليومين متسلطين علي الله لا يسلطنا :( :(

هلا أخوي الحريف يرحم والديك أنقذني والا يقعد يذلني عاشق النمر (بيني وبينك) لا يدري .
(((يبي يعلمني بعزيمة لا وبمفطح بعد والحين يقول فيها فطور واقهوه))) .

بالله كيف الحين السادس والا الرابع والا الخامس حيرتوني أبي العربي واللي ينفهم بسرعة والا ترى والله لا أقدم على دورة (أهدد بعد) أيه اهدد أكثر ما كثر الله هالدورات بالجريد دورة وتحصل على جهاز مجاناً ((الله من النصب بعد عندهم)) المهم بتقولون لي واشلون الحين انا عندي السادس والا ادري وش الحل ؟

تدري وأشلون . . . برجع لعاشق النمر وبقبل عزيمته وبعزمه . . .

هلا أخوي عاشق النمر
أنا موافق تعال بس عشاء وبس واقهوة يالله لا وبعد شاي بس أنت تعال .

أخوي عاشق ((( ما ينفع بيسكوت مالح وببس ))) :D .

لا والله يا عيبه حقك مهوب هذا وأنا أخوك أنت تعال وأتشوف الكرم :mad:

وياليت يكون حضورك هاليومين مع الراتب وأنا أخوك مدام الدعوة مفاطيح . . .

والمهم الحين أنا وافقت على الرابع وين القاء الرابع الحين فيه وهو بالعربي والا ؟

اللي عندي السادس والا أدري أشلون ركبه لي واحد قلت له أبي الفوتوشوب وركب هذا الحين وورطني سافر وبحلت بنفسي أنا وهالجزء السادس والله سربت عيوني وما عرفت له مهوب ما عرفت لا بس يبيله واحد قد مر عليه الفوتشوب وعنده خلفية عنه بعض الشي وأنا ما عرف شي وورطني بالانجليزي بعد ياليته عربي .

المهم هو الحين ركبه وزاد لي الرام اللي عندي على شأن ما يبطي الجهاز على كلامه طبعا والا أدري وشلون الرابع الحين أركبه . . . :p :p :p عاشق تكفى رد .

تحياتي للجميع , , ,

لا خلاص خل الحريف ينفعك :mad:




















اسمع اخر مره لك :D :D

يخوي ماتلاحضون خلاص خذتوا على البرامج المجانية خلاص تبون كل شي بلاش من الانترنت :mad:
اسمعني اذكر الله ورح الحين لاقرب محل وخذمنه برنامج فتوشوب الاصدار الرابع مع الفلاتر غالباً يكونو كلهن في سيدي واحد والله يديم الرخص تلقاهن كلهن بـ 10 ريال . :p :p

لان لو لقيتهن في الانترنت بتقعد ساعات تحملهن واذا فرحت وحمل مسافة غالباً يتعطل في تحميل :( :(



يالله قم الحين ورح اشتر واحد واذا جبته علمناك وشلون تركبه :mad: :mad:



بسرعه :mad:


<-------- يصلح مدرس شديد :cool: