#1  
قديم 06/05/2005, 05:50 PM
زعيــم مميــز
تاريخ التسجيل: 23/10/2003
مشاركات: 1,612
كبرت في عيني زود يابو سلطان.. وفداك النقطتين ياهلال باكيتاا

[align=center]الهلالي ابو سارة يعود لكم من جديد ..

هارد لكم التعادل ..

والصدارة ملحوقه بأذن الله ..

أهم شيء اراحة الفريق .. وتهيئته للجاي والجاي أصعب وأهم ..

أمس أنطلقت متأخر للملعب ومعي أربعة من الشباب ..

وصلنا بعد العشاء ..

وكالعاده الملعب (( فل )) والمسؤؤلين عن المدرجات مالهم كلام غير:

التذاكر خلصت .. ليه تأخرتوا؟! آسفين ما فيه أماكن !!

كان اللي يبون يدخلون ومتأخرين مثلنا.. في ازدياد ..

وكان المدرج الأصفر .. برتقالي وأماكن شاغره كثيييير ..


بدأ الكلام يشد بين الجمهور ورجال الأمن ..

والأصوات صارت عاليه ..

والحكام على أعتاب دخول الملعب وبداية المباراة !!

شوي.. الا ويقبل علينا رجال .. عقال ولطمه .. وشيك !!

قال خويي .. مو هذا الرئيس !

بيني وبينكم توقعته يروح البوابه ..او يروح يكلم الرابطه ويطالبهم بالتشجيع !!

قال خويي :

ابو سلطان .. ناصيناا .. !!

جاء لمكان الهوشه بيننا وبين مسؤؤلي المدرجات ..

التفت عليه و طاحت عيني بعينه ..

عرفني لأني ( دابل كبودهم ) في التمرينات

بنفس الوقت قال واحد من العيال :

مشينا بس عشان نلحقها في الاستراحه .. دخول أنسىىى يابو سارة .. راسهم يابس ..

أشر لنا ابو سلطان كأنه يقول انتظروا ..

ثم راح يخاطبهم ويتهاوش معهم كأنه واحد من الحضور المتأخرين ..

وصرخ فيهم : حرام عليكم خلوا عندكم احترام يرجعون كل هذولي والمدرج حق النصر فاضي ..

أحرجهم صراحه ..

راحوا ( مصرفين ) جمهور النصر .. و ( رصوهم ) حبتين .. لين لصقوا في نهاية مدرجهم

وصار فيه مساحة شبه كافية للحضور ..

وفي غمضة عين أمتلت هالمساحه ..

فيه ناس تابعوا المباراة واقفين تحت المنصه ..

واللي مالقى مكان وتابعها وااقف بين الصفوف ..

واللي رجع ..

واللي عند المواقف ويتابع بالجوال ..

والشرهة على اللي حط هالمباراة في الملز !!

طبعاً انا والربع جلسنا في مكان التراشق اللي صار بين الشوطين ..

يعني توقع قارورة موية .. ( نعلة أعزكم الله ) .. بكت ( ماريت ) يجيك ماشي مليون

بس كله للأزرق يهون ..

........

فداكم النقطتين ياهلال ..

فداكم النقطتين ياادارة ومدرب وجمهور ..

حنا معكم والوعد قداام ..

وأبشروا يوم الاثنين بأعظم من هالحضورر خصوصاً أنها مشفرة ..

اثبتت مباراة الأمس أن الجمهور الهلال هو الأول ..

وأثبتت أن الجمهور الهلالي ليس جمهور سامي فقط !! مع أننا نموووت في هـ السامي..

يعني كل الحضور كانوا عارفين ان سامي مو مشارك وان الكثير من الأساسيين غايبين..

ومع ذلك الحضور يفوق الخمسه وعشرين ألف هلالي .. رجع مثلهم مالقوا أماكن ..

* يوم الاثنين ااذاا ما نقلت المباراة للاستاد .. فـ هذه كارثة والخوف من انهيار مدرج الملز!!

* خالد عزيز .. كان عادي.. ثم صار نكبه .. ثم تحول لـ نجم .. ثم سوبر ستار .. يابطل

* الدوخي .. ( فالها ) مع الجمهور .. والجمهور ( فالها ) معه .. والضحية الثقفي والدوسري!!

* أحلى مافي المباراة .. توزيع الجهد ..

مرة الدوخي شغال .. شوي ويشتغل الشلهوب.. يتحرك كماتشو فترة .. وفترة يبدع الصويلح..

لكن الحق حق .. عزيز 24 ساعة أبداع ومجهوود

* سلفا .. لا جديد ..

* ابو سلطان انت وجه السعد وشعبيتك في المدرج لا تصدق .. الشايب يحبك والصغير ..

* كادت الأمور تفلت ونرجع لأيام قبل عشر سنين ..

حدثت بعض الاشتباكات.. الدوريات في كل مكان .. رحت الريان ثم السويدي بعد المباراة ..

الدوريات بكثافه والأعلام الزرقاء منتشره .. والسبب جمهورنا .. رج الديره رج !!



* اخوي ابو ريان:

يقول عبد الحليم..

لو اعرف ان البحر عميق ما ابحرت

وانا اقول

لو اعرف ان ابداعك سـ يتوقف لما تابعتك ..

حرام تروح وتتركننا بعد ما تعلقنا ..

أهم شيء التمرين لازم اشوفك هناك يومي ..

وسلمني على خويك ابو علي .. والله ما قصر الداهية الرسمي



[/align]
اضافة رد مع اقتباس
  #2  
قديم 06/05/2005, 06:02 PM
زعيــم مميــز
تاريخ التسجيل: 18/09/2004
مشاركات: 1,684
هاردلك التعادل اخوي

بس بحق تجي السويدي ولاتقلط عندنا
اضافة رد مع اقتباس
  #3  
قديم 06/05/2005, 06:05 PM
زعيــم فعــال
تاريخ التسجيل: 24/02/2005
مشاركات: 376
فداء والله فداء
اضافة رد مع اقتباس
  #4  
قديم 06/05/2005, 06:07 PM
زعيــم مميــز
تاريخ التسجيل: 14/07/2004
المكان: وينك يا سامي
مشاركات: 1,678
يسلم بواك يا ابو سارة على الابداع في الكلام


وان شاء الله يوم الاثنين راح يكون الجمهور حاضر في الملعب
اضافة رد مع اقتباس
  #5  
قديم 06/05/2005, 06:12 PM
زعيــم مميــز
تاريخ التسجيل: 23/10/2003
مشاركات: 1,612
إقتباس
الرسالة الأصلية كتبت بواسطة البارق77
هاردلك التعادل اخوي

بس بحق تجي السويدي ولاتقلط عندنا

لا تكون حول شارع الأبراج .. تراني شطفتكم
اضافة رد مع اقتباس
  #6  
قديم 06/05/2005, 06:21 PM
زعيــم فعــال
تاريخ التسجيل: 24/04/2005
مشاركات: 456
كلامك عسل مثلك يابو سااااااااااااارة


والجمهور الهلالي

والله خسارة التعاااادل مع هالاشكال بس مانقول إلا حظوظ :sad:


الوعد يوم الاثنين
اضافة رد مع اقتباس
  #7  
قديم 06/05/2005, 06:29 PM
زعيــم مميــز
تاريخ التسجيل: 14/01/2004
المكان: منطقة صناعـة اللعب
مشاركات: 1,728
[align=center][glint][glow=FFFFFF]... هذه المساحة محجوزة للـــــــــرد ...[/glow][/glint][/align]
اضافة رد مع اقتباس
  #8  
قديم 06/05/2005, 06:31 PM
زعيــم مميــز
تاريخ التسجيل: 21/03/2004
المكان: مسنتر بالمجلس العام
مشاركات: 5,764
[align=center]الله يعطيك العافية يابو سويرة

-التعادل بسلامته ,,,,,,, الصدارة ماهي منحاشه ,,,, اهم شي مباراة الاثنين
ولا اعتقد انها بتكون بالاستاد ,,,,, لكن عسى مايقسمون المدرجات

- الكل ابعد البارح من جمهور ولاعبين وياليتك يالحظ وخرت وخليت النصر ضحية الامس

- شكرا لابو سلطان ,,,,وو اجزم ان حضور الامس كله عشانك ولسواد عيونك ولا يهون اللاعبين

- وين راعين الاستفتاء الجماهيري الفاضح وينهم عن جمهور الهلال امس ,,,, تدرون عاد
اصبروا وبتشوفون مباراة الاثنين والنهائي

- اتوقع اليوم وجه الخوجلي مورم من اللي جاه امس اخخخخخخخ من الحظ بس

- منظر الملعب امس يذكرنا بايام اول ,,,,,, ايام ماكن يمتلي ملعب الملز الله يديمها من ايام

- اسبوعين وياذن الله تاهل لنهائي وفوز ببطولة

تحياتي [/align]
اضافة رد مع اقتباس
  #9  
قديم 06/05/2005, 06:34 PM
زعيــم مميــز
تاريخ التسجيل: 07/05/2004
مشاركات: 1,715
[align=center]تسلم على الموضوع حبيب قلبي ابو سارة:

والامور الفنية تكلمت من خلال موضوعي: التقييم والتقرير الفني لباكيتا واللاعبين الهلال&النصر



سأبدأ من حيث انتهيت

وهلالي وان جار الزمن ناوي ينحاش لكن عندكم فواز خله يمسكه ويرجعه للشبكة بالغصب الدعوة مو لعبة يروح بلا احم ولا دستور.

وتراني حاط له كمين وخطة علشان مايورينا عرض اكتافه ولكن لايدري ساعدني :

اول شئ اجلسوا كالعادة في آخر المدرج او اعزموه على مطعم

واذا مااقتنع خذوا الكرسي وعلى راسه

واذا مافي كرسي فخذ معك عصا والا..... ومااوصيك

بعد كذا شيلوه ورجعوه للشبكة


واذا تبغون مساندة فتراني مستعد

بس عطوني اشارة

واذا مصوي ذكي ومو حاظر التمرين فنسحبه من الشاشة

ترانا ناويين عليك ياهلالي وبقوة وتراني معصب زود

ومسألة تشوف المباريات من التلفزيون ولانشوفك انسى

عطنا الاشارة ياقائد كتيبة الاستراحة ابو سارة وابشر بالي يسرك واذا تبغى كلاب بلوسية فأبشر حتى ولو حاول الهروب من البحر فلدينا قارب
[/align]
اضافة رد مع اقتباس
  #10  
قديم 06/05/2005, 06:36 PM
زعيــم مميــز
تاريخ التسجيل: 23/10/2003
مشاركات: 1,612
أبو شمس .. نقسم اراضي حنااا ؟!!

ولد وايل:

أزيد على كلامك ..

كان النصراويين يقولون جمهوركم عشان يحضر يبي له ابو يعقوب ..

وحضر بدون ابو يعقوب ..

قالوا تالي.. جمهوركم جمهور سامي ..

ايه نمووووت في دباااديب سامي ..

بس امس ماكان موجود ..

تحياتي لك يابعدهم
اضافة رد مع اقتباس
  #11  
قديم 06/05/2005, 06:37 PM
زعيــم مميــز
تاريخ التسجيل: 23/10/2003
مشاركات: 1,612
إقتباس
الرسالة الأصلية كتبت بواسطة المحب لزعيم اسيا
[align=center]تسلم على الموضوع حبيب قلبي ابو سارة:

والامور الفنية تكلمت من خلال موضوعي: التقييم والتقرير الفني لباكيتا واللاعبين الهلال&النصر



سأبدأ من حيث انتهيت

وهلالي وان جار الزمن ناوي ينحاش لكن عندكم فواز خله يمسكه ويرجعه للشبكة بالغصب الدعوة مو لعبة يروح بلا احم ولا دستور.

وتراني حاط له كمين وخطة علشان مايورينا عرض اكتافه ولكن لايدري ساعدني :

اول شئ اجلسوا كالعادة في آخر المدرج او اعزموه على مطعم

واذا مااقتنع خذوا الكرسي وعلى راسه

واذا مافي كرسي فخذ معك عصا والا..... ومااوصيك

بعد كذا شيلوه ورجعوه للشبكة


واذا تبغون مساندة فتراني مستعد

بس عطوني اشارة

واذا مصوي ذكي ومو حاظر التمرين فنسحبه من الشاشة

ترانا ناويين عليك ياهلالي وبقوة وتراني معصب زود

ومسألة تشوف المباريات من التلفزيون ولانشوفك انسى

عطنا الاشارة ياقائد كتيبة الاستراحة ابو سارة وابشر بالي يسرك واذا تبغى كلاب بلوسية فأبشر حتى ولو حاول الهروب من البحر فلدينا قارب
[/align]


سوووري من قلب ..

وانا اكتب الرد على ولد وايل خشت مشاركتك

لي عوده لها انتظرني بلييز ..

وسوري
اضافة رد مع اقتباس
  #12  
قديم 06/05/2005, 06:52 PM
الصورة الرمزية الخاصة بـ عاشق الفن الانتراوي
زعيــم نشيــط
تاريخ التسجيل: 02/12/2004
المكان: " " أبيانو جينتيلي " "
مشاركات: 675
هلا والله باابو سيور والله مشتاقلك امس قاعد لين الساعة 4 الفجر وانا انتظر مقالك والله انك صادق كل يوم يكبر بعيوننا ابو سلطان وهو كبير بعيوننا اصلا من زمان ;) وان شاء الله نعوض هذا التعادل الاشبه بالخسارة يوم الاثنين قدام تشاد خصوصا مع رجوع اللاعبين اللي يشكلون ثقل مثل سامي وتفاريس والغامدي الخثران ومشكور على المقال الرائع ودمتم سالمين
اضافة رد مع اقتباس
  #13  
قديم 06/05/2005, 07:21 PM
زعيــم فعــال
تاريخ التسجيل: 19/03/2005
المكان: الرياض
مشاركات: 381
ياهلا والله بابو ساره

هاردلك التعادل

ويا حظك شفت ابو سلطان

واحد حاقد
اضافة رد مع اقتباس
  #14  
قديم 06/05/2005, 07:25 PM
زعيــم مميــز
تاريخ التسجيل: 14/01/2004
المكان: منطقة صناعـة اللعب
مشاركات: 1,728
[align=center]الاخ العزيز [glow=FFFFFF]الهلالي _ أبو ســارة[/glow] ...

ماراح أتكلم عن الأمور الفنية والتكتيكيه لاني أنا أقل الناس معرفه بها الشئ ...

ولكن من شاهد مباراة الأمس فعلا يتضح له أن عندنا فريق ماشاء الله تبارك الرحمن ... ماأتوقع أنه بيترك بطولة هالسنه إلا وكوش عليها ...

أنا بصراحة ودي أعرف وش هالوصفة السحرية اللي سواها ابو سلطان حتى جعل النادي بهذا الشكل ...

ياجماعة الخير وربي فريقنا مرعب مرعب مرعب ... أكثر حتى مما كان عليه أيام يوردانيسكو ...

مثل ماتفضلت يابو ســأرة سابقا الهلال يطبق كرة أوربية حديثة ...

بالنسبة لكماتشو .. صدقني مو مهم تكون نظرتي فيه أصابت أو نظرتك أخطات .. المهم انه يفيد الهلال .. والا انا وش علي منه لانيب سمسار عليه .. ولاهوب تحت كفالتي ...

بالنسبة لمباراة الاثنين الجاي بصراحة يابو ســأرة أقل مايقال عنها أنها شرسة ...

لان الاتحاد وكماشاهدته على الطبيعه في جده فريق صعب جدا جدا ... وفرق بين كلمة صعب وكلمة خطير .. انا ماقول انه ممكن يهزم الهلال .. لا يخسون ... ولكن راح يتعب الهلال لان دفاعه قوي جدا ...

وعندهم لاعب تراه مصيبه اللي هو ابو شعر هيريرا .. صحيح أن تفاريس الغى خطورته في المباراة السابقة .. لكن ركز فيه أثناء ماتكون الكورة معه وشف طريقة تحركه ...

عموما المباراة راح تكون بملعب الملز .. لان احد الاخوان الاعضاء في لجنه الاعلامية نسيت اسمه والله .. يقول ان ستاد الملك فهد تجرى فيه بعض الاصلاحات استعدادا للنهائي ...

تحياتي لك [glow=FFFFFF]يابو ســارة[/glow] ...
[/align]
اضافة رد مع اقتباس
  #15  
قديم 06/05/2005, 07:56 PM
زعيــم نشيــط
تاريخ التسجيل: 25/11/2004
مشاركات: 719
تسلم يا ابو سارة
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 06:20 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube