ليش مباراة الهلال والنصر يحطونها بالملز ؟؟؟قسم بالله يقهرووون - نادي الهلال السعودي - شبكة الزعيم

ناعس الطرف · #1 04/05/2005, 12:33 PM

السلام عليكم

اخباركم يازعمااااااااااااااااااااااااااااااااااااااااااااااااااااااااااء

انا حبيت اسئل واستفسر ليش مباراة وديربي المملكه يهطونه بملعب صغير
مع انه الاستاد الملك فهد جاهز :sad:

معقوووله ديربي المملكه ينقل للعالم بملعب الملز

بيقولون عشان الملز قريب للجمهور على ايام العزروف الجماهيري

طيب اخر مبارة للهلال بالاستاد كان الجمهور كبير ونفس الكلام لجمهور النصر

يعني مالهم عذر يحطونها بالاستاد بدل من ملعب الملز

ابغى اسمع رايكم؟؟؟؟؟؟؟؟؟؟؟؟؟؟؟

سلمان بن محمد · #2 04/05/2005, 12:35 PM

وسع صدرك

falconza · #3 04/05/2005, 12:48 PM

حسب المعلومات اللي وصلتني ..
تم نقل المباراة إلى استاد الأمير فيصل .. لدوعي أمنية بخصوص ( استاد الملك فهد ) .. !!
لأن مباراة النهائي الجمعة ما بعد القادم .. وسيحضرها ( ولي العهد

) ..!!

عموماً حبيبي .. وسع صدرك .. ان شاء الله لو يلعبون في الصايغ ..

.. !!
الجمهور الأزرق راح يكون له هيبته

.. !!!

ولا تنسى أن سعة الملعب محدودة مقارنة باستاد الملك فهد .. !!
واذا الجمهور راح يكون بحجم مباراة الهلال والاتحاد ..

..
فصدقني ( رعبهم وهيبتهم ) راح تكون أقوى بحكم قرب المدرجات من أرضية الملعب ..

.. !!

ناعس الطرف · #4 04/05/2005, 01:13 PM

اخوي سلمان بن محمد

انا موسع صدررررررررررررري

بس المشكله مااحب مباريات اللي في ملعب الامير فيصل بن فهد

احسها ميييييييييييييييييته بقووووووه

ياهلال

يا هلال

ياهلال

الصراحه ردك عل الموضوع هل اللي يوسع الصدر

ناعس الطرف · #5 04/05/2005, 01:18 PM

الله يسلمك يا falconza

انا عارف ان الهلال ان شاء الله لو يلعب بأي مكان بالسعوديه
راح يبدع ويقدم الافضل
انا اقصد من ناحية الاستمتاع والمشاهده فقط

يعني لو يحطونها بااستاد الملك راح يكون شكل المباراة ومظهرها اجمل بكثير
من لو انها بملعب الامير فيصل

وانا اللي اعرفه اي ديربي فالعالم يحطونه بافضل ملعب بالدوله

ذووولي الله لاينكسنا بس

المستحيــل الأزرق · #6 04/05/2005, 03:22 PM

انا معك .. ما طفش الجمهور و العالم الا الملاعب الغبيه هذي .. عموما .. اللعب بالإستاد يحسسك براحه و متعه اكثر

سهيل · #7 04/05/2005, 03:25 PM

فعلا نقل المباراه لدواعي امنيه اكثر من انها تنظيميه

والدليل على ذلك نقل مباراه الاتحاد القادمه

فقط انتظرو مهازل الامن في ستاد الامير فيصل

ابـــــو خــــالـــد · #8 04/05/2005, 03:38 PM

فعلا نقل المباراه لدواعي امنيه اكثر من انها تنظيميه

والدليل على ذلك نقل مباراه الاتحاد القادمه

فقط انتظرو مهازل الامن في ستاد الامير فيصل

ناعس الطرف · #9 04/05/2005, 03:54 PM

مشكورين يا شباب على الافاده وان شاء الله الفووز هلالي

والسماء زرقا يوم الخميس باذن الله الكريم

تحياتي

ناعس

الطرف

الزعيم سامي · #10 04/05/2005, 04:04 PM

صحيح انا معك بصراحة والله ماتوقعت انهم يحطونها بالملز وكنت متأكد انها في الاستاد لكن الله يعين ؛؛
انا من جهتي ابي اشجع من المقهى واتمنى للجماهير اللي بتحضر كل التوفيق والسعادة ان شاء الله واحنا اذا جت المباريات في الاستاد بنكون اول الحاضرين ؛؛؛؛؛؛؛

الهلالي النايم · #11 04/05/2005, 04:12 PM

يا خي توني كلمت نادي الهلال وكلمت عضو شرف فيه مدري وش اسمه وقالي المباراة بالأستاد

بس والله اننا احترنا انا ابي اي واحد من اعضاء النادي يصرح بأي ملعب الناس الحين معد تدري

هلالي أصلي · #12 04/05/2005, 04:19 PM

ياخوي المباراة من طرف واحد((هلالي))

سلمان بن محمد · #13 04/05/2005, 04:20 PM

حيرونا في الملز ولا الاستاد ؟

الاخ ناعس الطرف ، فعلا كلامك صح ، المباريات في ملعب الملز تجيب الهم

الملعب نفسه يجيب الهم

وتشجيع الجمهور ، صحيح اننا بنكون قريبين من اللاعبين

لكن قوة الصوت والصدى .. في الاستاد شي ثاني

استهلال · #14 04/05/2005, 04:27 PM

والله القهر..!

مباراة مثل كذا ويذبونها بالملز...

شكل ممدوح بعد ماصرح تصريحه الأخير عن الجمهور النصراوي.. تلاحق اعضاءشرفهم اعمارهم ودخلوا على سلطان وطلبوه يخلي المباراة بالملز !!

قالو لوه وش زين الملز ملموم ووذف !!

ناعس الطرف · #15 04/05/2005, 08:47 PM

معقوله عشان الدواعي الامنيه يخلونها فالملز . . . .