#1  
قديم 03/05/2005, 10:17 PM
زعيــم مميــز
تاريخ التسجيل: 23/10/2003
مشاركات: 1,612
من تمرين اليوم+ كان ياما كان ديربي اسمه هلال ونصر ..

[align=center] الهلالي ابو سارة يعود لكم من جديد ..

اعود لكم بعد غيبه دامت لـ يومين ..

ولا تستغربون لأن يومين عنكم كأنها عندي شهرين ..

حيا الله جمهور الأزرق العتيد ..

هلا وغلا بجمهور الزعيم ..

زعيم آسيا وافريقيا والأمريكيتين ونصف اوروبا ( مسكين الريال خلينا له النص الثاني يكسر الخاطر )

اليوم اخوكم ابو سارة كالعاده فاضي ..

لقط عمره هو وثلاثه من الزكرت اللي شرواكم وعلى العريجا ..

......

اليوم النادي كان غير ..

الحركه دبدووبه .. (( اقصد دؤؤبه ))

الممرات متروسه بالجمهور ..

ولا خفت الزحمه الا بعد وصول سامي ثم دخوله

على فكرة سامي مشخص اليوم بالمرسديس الجديده الله لا يضره بأسمه .

_________

صلينا المغرب ثم على المدرج ..

جمهور يملا العين في المدرج ..

العتيبي والغامدي اكتفوا فقط بالدوران ..

سامي ماشارك بالتمرين وخضع لبرنامج لياقي على اطراف الملعب..

التمرين كالعاده بدأ بمداعبة الكرة ثم لياقه ثم محاضره ثم التقسيمه .

التمرين كان خاص للي راح يشاركون قدام النصر ..

التقسيمه الاساسيه وهي الأقرب لمباراة النصر راح تكون:

الدعيع وقدامه خليل والمفرج .. الدوخي ومضواح

عزيز والبرقان والشلهوب وابو الكمتش

سلفا والصويلح ..

التقسيمه الاحتياطيه:

المعيوف.. قدامه : تفاريس : الشريده والخثران والياس

عسيري والهليل وغازي والفرج

الموري والعنبر

عيني عليه بارده الموري.. سدد قذيفتين من خارج المنطقه ( علقت ) الدعيع بالشبكه

رد عليه سلفا بقذيفه مماثله ( أخيراً شفتك تسجل ياحبيبي قبل اموت )

ثم هجم علينا عج وغبار اوقف المناورة وانا طلعت من النادي هرباً من سوء الاحوال الجويه..

الغنام والتمياط ماشفتهم اليوم .. ممكن يكونوا تمرنوا أول العصر

ابو سلطان ماشاهدته اليوم عسى المانع خير ..

ماجد الحكير الاداري السابق تواجد، وتشائم به البعض اللهم لك الحمد والشكر ..

سامي كان يؤدي تمرين لياقي على النحو التالي:

يمشي ثم هرولة ثم سرعه عاليه ثم مشي ..

واحد من الربع علق قائلاً:

سامي يتمشى واذا ذكر النصراويين وكلامهم تحمس ودعس الله يعينهم

______________

شخصياً لا اعتبر الهلال والنصر ديربي ..

اللهم الا اذا اطلقناه مجازاً بحكم انهم بمنطقه واحده فقط ..

النصر لا نجوم لا انجازات لا طمووح .. اين التنافس اذاً .. دربي ممل

ما اتوقع حضور جماهيري نصراوي لأنهم يعز عليهم شوفة عيالهم متورطين مع الأزرق الرهيب.

بالرغم من ان الكلام يدور على اراحة الهلال لأربعة عناصر اساسيه الا انني اتوقعها كبيره..

اتوقعها تاريخيه والاهداء عاجلاً مني لـ ممدوح

_______


واحد من الربع نصراوي الله يهديه سألني وانا اكتب هالموضوع قال:

ليه يا ابو سارة ما عمرك أنصفت النصر ؟

قلت : أفااا ياذا العلم .. أنصفهم هالمرة لعيونك بس..

الهلال زعيم نصف الارض.. والنصر زعيم الدخل ( أعتقد انصفت وبالغت بعد )

_____

الفرق بين نصر أول ونصر الحين :

أن جمهور النصر أول كان يكتب: عفواً البطولة نصراويه ..

حالياً يكتبون: واللي يرحم أبوكم نبي ربع بطولة

_________

عندما تشاهد الريال والبرسا تقدر تقول ديربي لأنك ماتدري من يفوز وتنافس قوي .

وعندما تشاهد جوفنتوس يلاعب تورينو الصغير ابن منتطقته تقول ديربي عشانهم بمنطقه وحده..

أسألكم بالله اي الحالين تنطبق على الهلال والنصر حالياً .؟؟


_____

نقطه ما لأمها دخل بالموضوع:

استغرب لما اشوف بعض الاخوان حاط توقيعه للميلان أو تشلسي او البرسا

أو صورة كاكا ولا توتي ولا روني..

أسأل نفسي سؤال قد تعتبروونه احمق:

كيف اللي يحب الهلال قدر يحب معه ويشاركه نادي ثاني ..

انا شخصياً ماأقدر

_______

آسف على الاطاله.. ومعليش كان ماعرفتوا تقرون الموضوع صح لأني كتبته مستعجل..

أخوكم الهلالي ابوسارة






[/align]
اضافة رد مع اقتباس
  #2  
قديم 03/05/2005, 10:23 PM
زعيــم مميــز
تاريخ التسجيل: 06/09/2003
المكان: الخبر
مشاركات: 11,626
تسلم يالغالي
وان شاء الله يكرر الزعيم فوزه السابق
على الفقراويه حتى لو لعب الزعيم بالرديف
صدقني يبقى لهم مخييييييف
تحياتي لك
وبالتوفيق الدائم للزعيم ان شاء الله
اضافة رد مع اقتباس
  #3  
قديم 03/05/2005, 10:27 PM
الصورة الرمزية الخاصة بـ الكلاسيكي
عضو مجلس إدارة الموقع الرسمي
تاريخ التسجيل: 06/04/2003
المكان: دنـيــآي ~
مشاركات: 18,713
يعطيك العافيه على الموضوع

وبالفعل النصر ليس منافسا للهلال لا في بطولاته ولا في جماهيريته

لا اعتقد ان يكون للهلال فريق منافس في الرياض

وكلامك منطقي من الناحيه النصراويه بانهم كانوا يكتبون عفوا البطوله نصراويه

والحين تكفون نبي بطوله

أمنيه ان يسجل سامي هدف في النثر الحالمي وأتوقع ذلك
اضافة رد مع اقتباس
  #4  
قديم 03/05/2005, 10:28 PM
زعيــم مميــز
تاريخ التسجيل: 01/03/2005
مشاركات: 8,426
إقتباس
آسف على الاطاله.. ومعليش كان ماعرفتوا تقرون الموضوع صح لأني كتبته مستعجل..

كل يوم اكتبه و انت مستعجل





مشكوووووووووووووور
الله يعطيك العافية
اضافة رد مع اقتباس
  #5  
قديم 03/05/2005, 10:44 PM
زعيــم مميــز
تاريخ التسجيل: 07/05/2004
مشاركات: 1,715
[align=center]مرحب بك اخي العزيز ابو سارة:

وعندي كم علقات معك ((الله يستر)) .



إقتباس
على فكرة سامي مشخص اليوم بالمرسديس الجديده الله لا يضره بأسمه .

هذي نفسها السيارة الحمرا والا ثانية.

إقتباس
رد عليه سلفا بقذيفه مماثله ( أخيراً شفتك تسجل ياحبيبي قبل اموت

اتمنى ان يتم تنبيهه مايشوت اللاعبين مثل مباراة الاتحاد ويشوت بالكورة لان زايد قعد يومين وهو جالس يحلم فيه كل مانام ((كوابيس)).

إقتباس
ثم هجم علينا عج وغبار اوقف المناورة وانا طلعت من النادي هرباً من سوء الاحوال الجويه..

السبب وجود منطقة في الجهة اليمنى من عند المدرج وايضا في الجهة اليمنى من دخول اللاعبين منطقة رملية وكنت اتمنى يتم تغطيتها بشراع او اي شئ يمنع التراب من الانتشار.

إقتباس
اللهم الا اذا اطلقناه مجازاً بحكم انهم بمنطقه واحده فقط ..

النصر لا نجوم لا انجازات لا طمووح .. اين التنافس اذاً .. دربي ممل

ما اتوقع حضور جماهيري نصراوي لأنهم يعز عليهم شوفة عيالهم متورطين مع الأزرق الرهيب.

بالرغم من ان الكلام يدور على اراحة الهلال لأربعة عناصر اساسيه الا انني اتوقعها كبيره..

اتوقعها تاريخيه والاهداء عاجلاً مني لـ ممدوح

طلبتك ياابو سارة ((قل تم))
حظرت المباراة التي تحدد بطل الدوري للناشئين وفاز الهلال على النصر وفي واحد قال اهزوجة سمية فيما بعد ب ((كنتاكي)) اتمنى يتم قولها مرة اخرى وخصوصا ان ممدوح بعد ماقيلت انعفس وجهه.((تراني انتظر المباراة على احر من الجمر علشان نسمعها مرة ثانية))


إقتباس
آسف على الاطاله.. ومعليش كان ماعرفتوا تقرون الموضوع صح لأني كتبته مستعجل..

أخوكم الهلالي ابوسارة

احساس ابو سارة موجود مو شرط يكون مكتوب ولكن وصل.
اخوك
المحب لزعيم اسيا
[/align]
اضافة رد مع اقتباس
  #6  
قديم 03/05/2005, 11:00 PM
زعيــم متواصــل
تاريخ التسجيل: 13/04/2005
مشاركات: 152
مشكووووووووووووووووووووووور ابو سارة كالعادة ممتع



تصدق احب اقرا مواضيعك من حبي لك ولمواضيعك

كل ما دخلت المنتدى امر على موضوعك واقراة ثم اروح اشوف مواضيع ثانية


اخوك/ هلالي عندك اعتراض
اضافة رد مع اقتباس
  #7  
قديم 03/05/2005, 11:02 PM
زعيــم فعــال
تاريخ التسجيل: 24/02/2005
مشاركات: 376
شكراً جزيلاً
اضافة رد مع اقتباس
  #8  
قديم 03/05/2005, 11:08 PM
زعيــم متواصــل
تاريخ التسجيل: 31/03/2003
المكان: نــادي الهـلال
مشاركات: 109
رااااااااااااااااائع يابو سارره

وتسلم ياقلبي

وباالتوفيق يوم الخميس

وانا زيك اتوقعها كبيره

وراح يكون ملحمه كرويه

نجمها الاول

سام6

والثاني ثعلب اسيا

والثالث

الموري

والرابع الموهوب

وخخخخخخخخخخخخخخخخخخخخخخخخخخخخخخخخخخخخخخخخخخ










بااااااااااايو
اضافة رد مع اقتباس
  #9  
قديم 03/05/2005, 11:16 PM
زعيــم مميــز
تاريخ التسجيل: 21/06/2004
مشاركات: 2,846
مشكوور الف شكر على المقاال الراائع مبدع كعااداااتك . .

التشكيلة روووعة وبإذن الله الفوز هلاالي آمييين يارب . .




سلااااااااااااااااااااااااااااام
اضافة رد مع اقتباس
  #10  
قديم 03/05/2005, 11:21 PM
زعيــم مميــز
تاريخ التسجيل: 26/02/2005
مشاركات: 11,521
kalaaam kabeeer
tislam 3ala al magaaal al ra2e3
اضافة رد مع اقتباس
  #11  
قديم 03/05/2005, 11:25 PM
الصورة الرمزية الخاصة بـ عطــر الأمــاكن
مشرف سابق بمنتدى الجمهور الهلالي
تاريخ التسجيل: 24/04/2005
مشاركات: 13,275
حلوة


حللللللللللللللللوة


أما نبغى ربع بطولة أحلى وأحلى


واللي ضبطها أكثر.....زعيم الدخل....خخخخخخخخخخخخخخخخخخخخخخ




تحياتي يا قلبي
اضافة رد مع اقتباس
  #12  
قديم 03/05/2005, 11:33 PM
زعيــم نشيــط
تاريخ التسجيل: 13/12/2000
المكان: الريــــــــــــــــاض
مشاركات: 925
مشكور اخوي على الموضوع الرائع ,,,
اضافة رد مع اقتباس
  #13  
قديم 03/05/2005, 11:38 PM
زعيــم مميــز
تاريخ التسجيل: 19/03/2002
المكان: صالح
مشاركات: 3,134
يا كــثر ما تفضـــى



يعطيك الفــ عافيــه

قهــر يعني سامــي مو مشـــارك
اضافة رد مع اقتباس
  #14  
قديم 03/05/2005, 11:41 PM
زعيــم مميــز
تاريخ التسجيل: 21/03/2004
المكان: مسنتر بالمجلس العام
مشاركات: 5,764
الله[align=center] يعطيك العوافي يابوسارة عاد من جديد

- بالنسبه لكلمة ديربي والله ودي انها تستمر لعيون ابو خالد الله يرحمه
- قابلي يابو سارة اذا حضر جمهورهم بعد اللي قاله مذموم بن عبدالرحمن
- احتياط فريقهم راح يكون اكثر من الجمهور
- اتمنى حضور مذموم لانه راح يشكل خطر وتشاؤوم عليهم وهذي حقيقه قريتها بمنتداهم
- ياليت سامي يلعب ودي ابو عيدالله يرجع ايام رمضان الله يعوده ان شاء الله بالخير علينا وعليكم
- يعجبن باكيتا لو يلعب ديسلفا اساسي زمينه يرجعه مستواه بدفاع النصر والحارس العملاق الملحوس خوجلي
- اتمنى اني اشوف 50 الف مشجع هلاللي عطشان لتاريخيه هلاليه ضحيتها نصر كان
- ابو سلطان نادى الجمهور اتمنى انه يلبي واولهم انا ان شاء الله
- بالتوفيق للزعيم وان شاء الله الصدارة مضمونه
- تحياتي [/align]
اضافة رد مع اقتباس
  #15  
قديم 03/05/2005, 11:41 PM
زعيــم متألــق
تاريخ التسجيل: 03/05/2003
المكان: في منتدى الزعيم
مشاركات: 1,184
الله يعطيك العافية .
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 11:23 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube