السلام عليكم

خطرت في بالي فكره ان شاء الله تعجبكم

مثل ما انتم عارفين ان الاخوان في الرابطه يوزعون اعلام (بلاستيك) زرقاء على الجماهير في المباريات الكبيره

الفكره (تنفع في استاد الملك فهد فقط) :

الملعب مقسم لمدرجات .. يفصل بين كل مدرج ومدرج ممر (درج)

ليش ما النادي يطبع لونين .. اعلام زرقاء واعلام بيضاء

مدرج يصير لونه ازرق

ومدرج يصير لونه ابيض

وش رايكم بالفكره؟

تخيلوا شكل استاد الملك فهد .. مدرج كل الاعلام اللي فيه بيضاء .. واللي جنبه كل الاعلام اللي فيه زرقاء

اتمنى نشوف الشي هذا في اقرب مباراه

واتوقع شكل الجمهور بيكون مبهر وجميل وما اعتقد فيه نادي طبق الفكره هذي قبلنا

ولا تنسون ان اللاعبين بيخقوون اذا شافوا المدرجات كذا

وجماهير الفريق الثاني ستكتفي بالفرجه !

واتوقع ان وجود لون لكل مدرج بيحمس الجمهور اكثر وبيصيرون يرفعون الاعلام طوال وقت المباراه !

يا ليت المسؤولين المره الجايه يطبعون (مثلا) 10 الاف علم ازرق و 10 الاف علم ابيض والشباب في الرابطه يوزعون لكل مدرج لون منها ..

وان شاء الله فيه افكار بقولها قريبا واهازيج جديده ..



وشكرا

مشكووووور فكرة حلوة وان شاء الله نشوفها يوم الخميس

كلامك جميل ورائع وفكره نموذجيه ورائعه

أتنمى نشوف هذا الكلام في مباراة الفريق يوم الخميس القادم مع فريق النصر

تسلم يالغالي والله يعطيك العافيه

تحياتي لك أخوك ( زعيم شقراوي )

مباراة الخميس لا تكون في الملز؟

الملعب المقرف

ودك يلعبون في ملعب الصايغ ولا يلعبون في الملز

لا لا لا لا لا لا لا لا لا لا لا لا لا لا أنت غلطان المباراة في ( أستاد الملك فهد الدولي )

فكرتك طيبة وممتازة

لكن المشكلة في بعض الجماهير

في المباريات الماضية كان فيه ناس الي قاعد عليها والي معلقها على رقبته والصحيح هو رفعها باليدين فوق الرأس باشارات تكون موجهه من أناس معينين مسبقا لتوجيه الجماهير من داخل ارض الملعب

وفيه ناس الي ياخذ له أكثر من وحده على غير سنع

سبحان الله

كانك تقرا افكاري


والله اني افكر فيها من زمان

على العموم فكره جميله ويا ليت لو تطبق



تشــــــــــــــــــــــــــــــــاو

الاخوان في الرابطه وش رايهم !

وياليت يكون فيه بالونات ابيض وازرق وبكميات كبيره

يوزعونها والجمهور عاد الله لا يهينهم يتفخونها

اما افكارك فهي من جد خطيره بس اهم شي لا يكون في الملعب المخيس الملز

يا هو ثقيل دم المهم الله الله في البالونات والاعلام

وصح ذكرتوني انا من زمان بسأل عن الاوراق اللي يطيرونها بعد الهدف

في الدوري الارجنتيني الحين قاعدين نشوفها في الدوري الاماراتي

اتمنى من الاعضاء الاماراتيين يساعدونا في الموضوع ذا

كاكاو سبقتني يا رجال كنت بكتبها من ضمن الافكار

قصاصات الاوراق

ولفة الشريط الابيض والازرق اللي يطلع شريط ابيض طوووويل

ما ادري كيف اوصفها لكن دايم في الملاعب الاوروبيه نشوفها

هذي نسويها عند تحية اللاعبين للجماهير

وعند تسجيل هدف

اقول يا سلمان الموسم هذا الجمهور الهلالي يتطور بسرعه خياليه

حتى الرابطه تطورت بشكل رهيب

ان شاء الله على اخر الموسم كل الاشياء هذي بنشوفها

بس بشرط التعاون بيننا وبين الرابطه

توك ما شفت شي

قريبا ان شاء الله .. سترى نقله نوعيه في مستوى التفاعل الجماهيري

وبتشوف التشجيع اللي يخلي لاعبين الفريق الاخر (يجلون) ويفلتون الكور

مباراة الهلال والاتحاد في استاد الملك فهد (الذهاب) اللي راحت ، هي مجرد بدايه

ومع النصر بتشوف شي ثاني



نسأل الله سبحانه وتعالى التوفيق

يووووووووووه


متى تجي هذي المباراة


تحياتي

والله اوكيــه فكرتــك