واخيرا انكشف سر باكيتا والصويلح!!! في البداية احب اني ارحب بكل الهلاليين والف مبروك وعقبال كل البطولات.... اما بخصوص باكيتا والصويلح فالي يصير منطقي وباكيتا كان مدرب البرازيل للناشئين الشباب والاولمبي وهذا معناه ان عنده القدرة على التعامل مع الاعبين الجدد وصغار السن ومعرفة نقاط ضعفهم وتطويرهم..... ولا راح نكون اعلم من باكيتا صاحب بطولتين كاس عالم وخلونا منطقيين... الداهية باكيتا قال في مقابلة تلفزيونية امس ان بطلنا الصويلح يحتاج الي بعض التطوير وعليه بعض الانتقادات وهذا طبيعي واللاعب توه صغير ويحتاح الى صقل..... ويثبت ذلك كل من شاف الهدف والتمريره الرائعة من المذهل كماتشو للصويلح الي استقبلها استقبال خاطئ وعدت الكوره منه وكان من المفروض ان يكون الصويلح يكون اهدا وهو الي يحط الكوره قوول لانه كان مرتاح ولا معه احد ابد ولكن الذيب الصقري ماقصر وشبكها ولا انكر ان الصويلح كان له دور في المظايقة.... انتظروا الصويلح الشاب الفنان الفذ وانشالله يكون نجم المستقبل الهلالي... اما ديسيلفا فحدث ولا حرج انا كنت مقتنع فيه وكنت اتوقع ظهوره وهو لاعب رائع لما عرفناه مع الفرق الثانية لكن مدري وش جاه مع الهلال ويجب التخلص منه واحضار لاعب هداف..... كلام بالخاطر!!!!!! باكيتا وكماتشو ياجماعة لو راحو بنعرف قيمتهم وربي رائعين ولازم يسمترون مع الهلال ولاننسا تفاريس الي محد يختلف عليه ابد نجم الموسم الهلالي,,,,, ولا تنسون ادموس وسيفو وسيسيه وشله الخمسات الموسم الي راح شوفوا الهلال الحين وتكتيكه و طريقة تنفيذ الضربات الثابته وظهورالصويلح والموري البرقان وغيرهم من الصغار وعودة والمفرج وعزيز والخثران الي ابداعهم ركزوا في كل الي قلت والي ذكرتكم فيه وادعوا لباكيتاااااا الداااااهية,,,,, اما كماتشو لاتعليق طول الموسم رائع ومبدع في صناعة اللعب واخرها تمريره الهدف في مباراة الامس وياخوفي نخسرة وعيون الدوري القطري والاماراتي عليه هو وتفاريس وباكيتا, ةتذكروا كلامي الموسم الجاي,,, وبالنهاية,,,,, اتمنى التوفيق للزعيم الهلالي بكل البطولات القادمة وبصراحة اهلال يستاهل كل البطولات هذا الموسم ادارة شابه طموحة ورائعة ولاعبين مخلصين ونجوم ومدرب واجانب في الموسى المأمول وجماهير وفية وداعمة ولاينقصنا الا التوفيق من الله سبحانه وتعالى لتحقيق جميع البطولات,,,, تحياتي للجميع,,,,, s13s |
تحياتي لك والله مشكور و ما قصرت |
صدقت فيما قلت وانا معك يجب التجديد لمثلث برمودا البرازيلي |
أولا ديسلفا مو برازيلي , هو إنغولي لكنه خوي باكيتا الروح بالروح ثانيا , جايز يكون الصويلح سيء حسب كلامك لكن كم له ما لعب و لما يلعب وش يسوي ؟ ولو كان الصويلح سيء فديسلفا أسوء |
وكذلك الادارة لم تقصر مع الاعبين |
اخوي المستحيل احب ارحب فيك في البدايو,,,,, لكن من قال ان ديسلفا برازيلي؟ ومن قال ان الصويلح سئ؟ !!!!!!!!!!!!!!!!!!!!!!!! |
الله يعطيك العافية على هذا الكلام الرائع ولولا الله ثم هذا االمدرب وهذه الإدارة لما صار الي صار الصراحة المدرب وظف اللاعبين في المكان المناسب وأبو سلطان لاننساه لأنه هو الداعم الحقيق للاعبين والجمهور معنوي وماديا وإذا اجتمع مدرب مع إدارة مع لاعبين مع جمهور راح ينتج ثماره ببطولات والف مبرك التأهل للنهائي |
إقتباس:
الف شكر لك اخوي المهندس السامي s13s s13s |
الاستقبال الخاطىء عزيزي سببه ان الصويلح ما دخل جو المباريات فكيف نلومه وباكيتا لا يوجد اي عذر له في عدم اشراك الصويلح خاصة مع اشراك ديسلف6ا يعني هل باكيتا انسان معصوم عن الخطأ حتى كل شي لازم نورد له تبرير فيه عشان يطلع هو صح الهلال لو يعطي الفرصة للصويلح والعنبر والموري على بعض علاتهم بس على الاقل راح يقدمون شيء للفريق ويجي منهم اما ديسلفا وش يجي منه الحقير داخل الملعب عشان ينطرد وكان يستحق الكرت الاحمر ولا دخلته في بطن اللاعب الاتحادي هذي دخلة لاعب ؟؟؟ ولا محارشته بمبروك مرتين وهو عنده كرت اصفر هذي تصرفات لاعب كم لعب الصويلح وكم لعب ديسلفا ما الذي عمله الصويلح وما الذي عمله ديسلفا خلال المباراتين اذا باكيتا راكبنه الخطأ من راسه لكرياسه ثانيا ما دام غير مقتنع بالصويلح ولا العنبر فما السبب في بيع حسين العلي خاصة انه يدري ان الجمعان ما كان جاهز ويدري عن مستوى اللعيبة غير سامي هو كان سبب في بيع حسين العلي بسبب وفرة المهاجمين طيب ابي اشوف هالمهاجمين وينهم ؟؟؟؟؟؟؟ ما فيه الا سامي وديسلفا مالين عينه الصويلح يمتلك التحكم بالكرة والتسديد والمراوغة وتقدر ترجع لبطولة الصداقة او مربع البطولة العربية السابقة وين كل هذا راح ذبحه باكيتا بدكة الاحتياط وعدم اعطاءه الفرصة للعب المتواصل على الاقل لمدة شوط او حتى نص شوط لاعب يدخل خلال الدقيقة ثمانين وتبي منه يسوي شي كثر خيره احمد الي انقذ باكيتا خلال مباراتين وفي وقت حساس جدا جعل الهلال يكسر رقمه القياسي في الفوز وجعل الهلال يتأهل للنهائي بعد توفيق الله طبعا عموما باكيتا ليس بذلك المدرب الفذ الذي لا يناقش مع كونه مدرب جيد هناك اخطاء في الفريق ومنهجيته يجب ان تناقش وما نخلي الانتصار يعمينا عن الحقيقة الهلال تأهل من عنق الزجاجة في المباراتين الحاسمتين امام الوداد والاتحاد وباكيتا سلم المباراتين للفريق الخصم لكن مجهود اللاعبين وتوفيق رب العالمين كان له السبب الاكثر في انتصار الهلال مع عدم ابخاس باكيتا حقه |
كلا م لا يعلي عليه من العيون الاسبانية تحياتي لك |
يعطيك العااااااااااااااافية s60s |
إقتباس:
|
الوقت المعتمد في المنتدى بتوقيت جرينتش +3.
الوقت الان » 01:54 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd