السلام عليكم ورحمة الله وبركاته....

شباب تعبنا من هالموضوع..من جد تعبنا وتعب ابو سلطان معنا..انا من عقب حركة البارح اللي صارت معي من جدمثل مايقولون وصل السيل الزبد او حول هذا..

صدقوني لو انتظرنا احد يساعدنا والله محد حولنا..غير ابو سلطان الله يخليه لنا....

شباب لازم نوقف مع بعض واحنا يدنا في يد ابو سلطان ناخذ حقوقنا من رجال الامن....

كلنا نحط يدنا في يد وبعض ونقول لا للمعامله السيئه للهلاليين..اللي مساكين حاله حال نفسهم كل واحد نيته طيبه جاي مودع امه وابوه وجاي يحضر المباراه يبي يشوف فريقه اللي يحبه...

في الاخير يتفاجأ اما انه يتعرض لضرب ملعون والدين...او انه يتوقف في الحجز..او الثنتين..غير الكلام البذيء اللي راح يسمعه....والله شي محد راح يحس فيه الا الناس اللي تعرضوا للاهانات انا وكم واحد غيري..!! لأسباب اقل بكثير من انها تافهه...

المهم شباب...اول شي من جد ارتفعت معنوياتي بعد مباراتنا مع الاتهاديه والجمهور الرائع اللي حضر..((رغم بعد الملعب ورغم اهانات رجال الامن..الا ان الهلالي يثبت اخلاصه بكل قوه))

انا متأكد ان تقريبا نسبة لاتقل عن 90% من اللي حضروا معاهم جوالات الفارس والباندا وطقتها..(( ابو كاميرا))

شباب مالنا الا هالحل...ابو سلطان قال انه بيعرض للجهات المسؤوله صور ومقاطع فيديو للذي يحدث مع الجماهير الهلاليه...

واحنا اللي راح نزوده بالاشياء هذي..شباب الله الله بالتصوير اي شي قدامكم اي اهانه لأي محب من محبين الزعيم صورها والقائمين على المنتدى هنا بطريقتهم الخاصه يجمعونها ويرسلونها لأبو سلطان حيث تكون له خير دليل...

اتمنى ان الكل يتفهم موضوعي هذا وصدقوني..أبو سلطان بنفسه يبي هالشي وانتم كلكم شفتوا تصريحه..

والله فكرتك رائعه يا سايلنت

وانا اساندك في هذه الفكره

لكي يعرف الجميع ان الذي يحدث مهزله

معقوله واحد حاط شال على كتفه ممنوع


يلبس برمودا ممنوع

تقسم الدرجه الثانيه نصفين

والاتحاد ماكمل عشر النصف الثاني

ياخوان والله حرام

وانا اللي ساكن في ينبع شوي وابكي من القهر من الذي يحدث لسايلنت واصحابه

ولجميع الجماهير الهلال

وللوالد وابنه عبدالله المسكين الذي كان سوف يذهب ضحيه من كثر التدافعات

ياخوان والله حرام

انا مابي اتكلم زياده

بترك الفرصه للباقين للتعبير عن مافي قلوبهم من حقد على رجال الامن (( الفاشلين ))