السلام عليكم

كيفكم ياشباب شخباركم

مبروك الفوز للجميع وعقبال الاياب في جده نعطيهم ثانيه

اليوم بنتكلم عن مهزلة المهازل وانا داخل الله يسلمكم واشوف رائد

وملازم اول ومعاهم الاتباع <==== الجنود

ماسكين واحد في زاويه وجالسين يتكلمون معاه <=== طبعا عند جمهور الهلال الاتحاديين ملائكه محد يتكلم عليهم

طبعا بعد القزقزه اكتشفت انهم يقولونله لاتلبس برمودا لازم تلبس لبس رسمي <=== داخل مرور الناصريه وانا مدري

وصدفت حبيبنا اللي ماسكينه جلس فوقي على طول واخذت وعطيت معاه

يقول والله كذا بس ماسكينني عباطه وانهم لازم تلبس لباس رسمي وتخلي عنك الحركات هذي

وترا ماراح نخليك تدخل مره ثانيه اذا جيت باللبس هذا <=== مادريت انهم غيروا اسمه من ملعب الملك فهد لملعب الرائد فلان بن فلان

وانا وعدته اني راح اكتب موضوع في شبكه الزعيم لعل وعسى يشوفونه لجنة الجمهور والرئيس

ويحلون هالمشاكل <== تصدقون كنت بالبس برمودا بس اخذت ولد اختي صغير قلت حرام مايشوفها والا براسي قشر ;)

ياليت نشوف آرائكم حول الموضوع

شكرا

اخوكم / عبدالله

ياخي انا مستعجب من امن الملعب فعلا ياخي تحس فيه حمله ضد الهلال .......

الظاهر ودهم ان ولا شخص يجي لمباراة للهلال .

الموضوع ما ينكست عنه لازم يوصل الامير سلطان بن فهد باي طريقه ...ترى حقيقه مصخت لابعد حد .

اي تحس إلا أكيد حاقدين لكن السبب شنو؟
وقبل أدخل الملعب كان بجنبي مشجع هلالي معاه علم السعوديه يوم جاء يدخل ردوه يقولون رد العلم اللي معاك أنت حاضر مباراة كلهم سعوديين حاول فيهم لكن أخذوا العلم منه بالقوه وخلوه يدخل في الأخير وعندما دخلت الملعب فإذا باالعلم السعودي مع جمهور الأتحاد ليش مامنعوا الأتحاديين مثل الهلاليين؟

عادي يبون يشغلون انفسهم بواحد يتسلون عليه ويخلونه عقب ماينكدون عليه

إقتباس الرسالة الأصلية كتبت بواسطة $$الــهــلالــي$$ اي تحس إلا أكيد حاقدين لكن السبب شنو؟ وقبل أدخل الملعب كان بجنبي مشجع هلالي معاه علم السعوديه يوم جاء يدخل ردوه يقولون رد العلم اللي معاك أنت حاضر مباراة كلهم سعوديين حاول فيهم لكن أخذوا العلم منه بالقوه وخلوه يدخل في الأخير وعندما دخلت الملعب فإذا باالعلم السعودي مع جمهور الأتحاد ليش مامنعوا الأتحاديين مثل الهلاليين؟

انا شايف العلم بعيوني كان مرمي عاليسار :sad: :sad:

شي يقهر صراحه

فووووووق وكمااااااان فووووق للجنة الجمهور وجعل ابو سلطان يشوفه

فعلا يا شباب انا شفت اللي كان لابس البرمودا وقاعدين يتفلسفون عليه السلاتيح ..

وايضا علم السعوديه اللي مرمي على اليسار ..

لعنبوا داركم احترموا راية التوحيد اللي عليه وكرموها موب ترمونها على جنب .. وبعدين وش العنجهيه هذي .. واحد للاسف من رابطة الهلال مدخل علم برشلونه (( مع العلم ان عليه صلييييييب )) وعلم ديرتنا وراية التوحيد ينطلونها عند الباب ..

من جد يابو سلطاااااااااااان شف لنا حل مع ذا الطراطير ..

كلامك اخوي وكلام كل الزعماء من بعدك مايختلف عليه إثنين ...

ولكن للأمانه ...

فإن الضباط غاية في اللابقة وغاية في الادب بل على العكس كانو يتعاونون معنا ...

ولكن وش نسوي للأ(....) الافراد ...

انا صارت معي نفس الحركه في مباراة الوداد رفض العسكري دخولي للملعب وكنت اقوله ياخي البنطلون هذا اقدر اصلي فيه يعني ساتر للعوره قال ما تدخل وسيقانك طالعه قلتله ياخي اللعيبه لابسين اقصر من كذا قال انا مسؤول عن الجماهير بس عموما في الاخير خويي لابس ثوب وتحته سروال سنه قلت لخويي افصخ سروالك ولبسته فوق البرمودا وقلت له كذا ادخل قال ايه كذا عادي مع العلم ان خويي قصير وسراوله اللي لبسته اقصر من البرمودا اللي انا لابسه

إقتباس الرسالة الأصلية كتبت بواسطة تغيب الشمس بحلم يومي كلامك اخوي وكلام كل الزعماء من بعدك مايختلف عليه إثنين ... ولكن للأمانه ... فإن الضباط غاية في اللابقة وغاية في الادب بل على العكس كانو يتعاونون معنا ... ولكن وش نسوي للأ(....) الافراد ...

والله وثم والله وثم والله اني اللي موقف الرجال رائد يعني فيه تاج على كتفه

يعني على الاقل فيه مخ جوا راسه ماخذها عبث

عاد تصدقون البرمودا ممنوع في سوق المملكه وسوق الفيصليه

ياخوي تعال شوف ملعب جده الجماهير يحضرون بالشورتات مو بالبرمودا هذي حمله موجهه ضد جماهير الهلال فقط ويجب عدم السكوت عنها




تحياتي،،،

أشم ريحة مؤامره ضد الزعيم وجماهيره تحاك لهم.....

ياادارة الزعيم....الرجاء عدم السكوت على هذه المؤامره.

بصراحة مستغربين من الحملة الي جت فجأة على الهلال أبغى أعرف بس من وراءها.

اخوي والله هذا مشكله لابد من تحرك اداري تجاة المسئولين عن استاد الملك فهد

قسم بالله إنه العسكري أخذ مني قلم بخمسين ريال قال ممنوع !!!!!! ! !

طبعاً منعوا خوياني من الدخول بالكاميرة !!!!!!!!

معنا واحد عمره 12 سنة قلنا له روح أدخل قام العسكري ورجعه قال ممنوع تدخل لحالك، توك صغير !!!!

وبعدين قاعد أتلفت يمين شمال أبغى أشوف واحد من منظمي الجمهور الهلالي أبغى أصيح ،،، بس ما عندك أحد .

انا حتى الحين مو باط كبدي الا سالفة البرمودا هذا

والله تخلف والله تخلف

بعدين هي مغطيه العوره يعني اطلع من حياتي مالك شغل ادخل فيها او ما ادخل