فوائد قيادة المرأه للسياره
 

هناك مقالة تهكمية في فوائد قيادة المراءة للسيارة ارجو ان تكون مفيدة . وصلت
الي بالبريد أن ذلك يضفي على الحركة المرورية لمسات سحرية وجمال اخّاذ.

كذلك سياقة المرأة للسيارة يحجم بل يمنع مشكلة تهور الشباب وقطع الاشارات

المرورية فسيحرص الشباب كل الحرص على ان لا تفوته! اشارةحمراء لعل الله ان
يرزقه(( ببنت الحلال

سعـــــودة محلات البنـــــشر بنسبة 1000%100 لان الشباب كل واحـــد بيفتح له
بنشر وبينتظر تبنشر سيارة وحده من البنات عشان يصلحها وهذا غير الشباب اللي
بتلقاهم على الخطوط منتشرين تقل جراد كل واحد بعفريتته ومفك الكفرات
بيكثر التقديم على وظايف المرور وخاصة ابو سبيته اللي يجلس عند الاشارات يعني
زين اذا مالقيت المرور يشترطون شهادة الطب للى يبون وظايف عندهم من كثر
الطلبات عليهم
سعودة محطات البنزين يعني بدل الهنود بتلقون اللي يشتغلون فيها كلهم سعوديين
بس في المقابل افلقوني لو اصحاب المحطات بيكسبون ريال واحد يعني تجي البنت
تقول لاابو الشباب صب بنزين بعشره ريال طبعا ابو الشباب بيحط لى البنزين في
التانكي وبيفتح فمه ويناظر بالبنت ماايدري الا هو معبي تانكي السياره لللاخر
يعني FULL وطبعا يوم بيجي يحاسبها بتعطيه عشره ريال مثل ماقالت له عب وياليته
ياخذ العشره ريال بعد الا يطمر ويحلف عليها ماتدفع ريال ويقول هالمره خليها
علينا
توفير فواتير التلفونات يعني ام صويلح اللي كانت تتصل على ام دحيم وتجلس
تكلمها بالساعات بيصير التلفون مال امه داعي يعني ام صويلح بتمر ام دحيم والا
بتقابلها في شارع وكلن بسيارتها وهاتك سواليف وهروج وهذا طبعا له عيوب يعني
طبعا وهم يتكلمون بالخط بيقفلونه وبتصير زحمه ماهيب طبيعيه بس افلقني لو احد
فتح فمه وقال لهم حركو السيارات زين ان ماباشرو عليهم ببارد والا بعشاء وهن
بسياراتهن وبيقولون لهم خذوووو راحتكم على الاخر اصلا حنا ماورانا شي وين
الابطال اللي الواحد ثواني يوقف سيارته مايدري الا مليون واحد يقوله حرررك من
هنا والا والله 0000 بس ايييييييييييه هين هذول بنات من بيكلمهم هذا اللي في
دمغتي في هالوقت بس اظن فيه كثير بعد اذا افتكرت شي جيتكم
وعلى فكرة فائدة قيادة السيارة لا تقتصر على المراة ( الانسة) بل حتى (المدام)
المتزوجة ومن ذلك.......

انه اذا حصلت خصومة بين الرجل وزوجته واحتد الامر وعلت الاصوات وامتدت
الايادي( وصفقها وصفقته) واحمرت الاعين وتطاير الشرر منها وارغى وازبد كل
منهما... عندها ستقول الزوجة لزوجها ( ودني لهلي) وسيقول الزوج( ماني مودي)
وستستمر المشكلة ولكن لو كان للزوجة سيارة فستخرج رغما عن زوجها وستقول له (
اروح ورجلك فوق رقبتك)
كذالك من فوئد سياقة الزوجة هو انها تساعد في احضار الاولاد من المدرسة وكذالك
يمكن للمرأة ( الزوجة) ان تسهم كما اسلفت في مصروف البيت وبذالك بان تمارس
مهنة( الشيّاب ) اي تحميل الركاب .. وهنا اوصي المرأة بإقتناء الهايلكس
الغمارتين وإذا لزم الامر (( دينا)) لتحميل الطوب ونفل العفش والرملا
والخرسانة

يا مقنون مش انا ليلى
تصدق والا احلفلك
انهم على وضعهم الحين اريح واصرف
راكبه ورى والقزاز مظلل وابو فسيه
داق الزي الوطني وروح يمين روح يسار
تبي تزين شعرها يمديها
تبي اتمكيج برضه يمديها
خلوكم على هالوضع بس كفايه فتح مثل هالمواضيع
ناقصين الشيبان يجونا الستات
اللهم بلغت اللهم فأشهد

http://www.khayma.com/zwaya/Ani01/0528.gif
http://mypage.ayna.com/ifaw/7lm1.gif

هههههه

من ناحيييييييية الفوائد تراههههههههاا فوائد رهييييييييييييييبه.........

ترى الموضوع احلى من الحلوووو.

ههههههه حلوه الفوائد
الله يرجك
مجنونه الفوائد
اجل على كذا فيه فوائد واجده
بتزود المواكب حقت التفحيط بتلقى عالم

ياallord كلن على همه سرا:cool: :cool: :cool:
واشكر زعيم اسيا و سهل 888 (احلف انها رقم لوحة سيارتك:p ) و allord ( تراني كاتب اسمك بالعنقليزي لأني ما عرفت اقراه;) ;) )على تفاعلهم مع الموضوع ........
تخيل تكبسلك دوريه وتدق اشاره علشان توقف(انا ماعرف الاشاره الا في هذي الحالات) وتنزل غصبن عنك للشرطي وتطل في وجهه وتلقاه بنت وش يكون شعورك؟؟؟؟

يالمجنون لاتنسى ...أعلانات الميكانيكين في الجرايد أتصل نصل ...وهم في الشغلة دجة.


ولاتنسى ألوان السيارة وش راح تكون ...

ولاتنسى تضليل السيارة بالكامل وأذا وقفها رجل المرور في مخالفة ماقدرعليها وشلون يكلمها...يمكن تصيح وتقول ...يغازلني ... طبعآفي هذه الحالة فقط ...هي الصادقة وهو الكذاب ... وياويله;)


ياهو بيتصطر الين يدوخ من الضابط ومن رجلها وأخوانها .... ودوخة؟

الى ياليت المرأة عندنا ماتسوق أبد....لمشاكل كلنا عارفينها؟

مشكرو اخوي J.A.J على تفاعلك مع الموضوع واقول والله انك صادق :cool:
الوان السيارا حدث ولاحرج عاد البنت كل يوم رايحه للغرابي تشوف وش نزل اكسسوارات جديده:p
اما اذا البنت صرخت على الشرطي وقالت يغازلني قبل ماياكلها من اخوانها او من الضابط بياكلها من خويه الشرطي اللي في السياره بيسوي فيها قوي قدام البنيه :)
لا واذا عطاها المخالفه تلقا رقم جواله ورا المخالفه;)

للرفع

الغالي مجنون الفن الهلالي

اليوم ضحك والله يستر من اللي جاي

الله لايبلانا ويستر علينا وعليكم وعلى كل مسلم

الشي الوحيد اللي باقي عندنا وهن شرفنا نسوانا الله يستر على الجميع

اعداء الدين هذا همهم يالغالي تنزيل روسنا بالقاع

ولكن بالله عز وجل اننا وياكم متمسكين باللي يرضي الله

وخذ يالغالي

عداتنا عجز الزمن ماقتلاها..... ونفوسنا در ماهن بالأصداف

وسلامتك يالغالي