من تصريحات الأمير عبد الرحمن بن سعود>رحمه الله<

--------------------------------------------------------------------------------


--------------------------------------------------------------------------------

بسم اللة الرحمن الرحيم

السلام عليكم ورحمة اللة وبركاتة

الموضوع يخص الامير عبدالرحمن بن سعود -الله يرحمه- رئيس نادي النصر


طبعآ الأمير عبدالرحمن معروف ماشاء الله عليه بسرعة البديهه



وأجوبته يكون فيها نوع من الضحك ..



إليكم بعض ما سمعت:





سئل الأمير عبدالرحمن مره عن أحسن هدف شافه لسامي الجابر ..


فأجاب : أحسن هدف له هو هدفه في دعاية شماغ المراسيم ..



ومره في برنامج على الهواء دقت عليه وحده وسئلته سؤال مباشر ..


انت أمير مهوب المفروض إنك تجلس في الملعب المفروض تجلس في مكان الأمراء


ورد عليها قال : والله ياأختي لو هي على المفروض كان المفروض أنتي في المطبخ
وش دخلك في الرياضه









ومره يقولون ان الأمير سلمان بن عبدالعزيز عرض على الامير عبدالرحمن بن سعود

إمارة مدينه الخرج فرفض قائلآ : جماهير النصر أكثر من سكان الخرج ..



ومره يقال أن واحد قال للأمير عبدالرحمن بن سعود أن ماجد عبدالله يلبس سلسال ذهب على رقبته !!

رد عليه الأمير مباشره ..: يأخي ألبس رشرش وإلعب نصف لعبه



وسئل مره ليش دائمآ يقولون الهلال والنصر ! ما يقال النصر والهلال مثلآ ..


ورد عليه يأخي بعد تراهم يقولون سيداتي سادتي



سألوه وش اغرب موقف شفته بحياتك الرياضيه

قال الله يعزّكم الأول الكلب اللي لحق ابراهيم الحلوه بالأردن اظن في البطوله العربيه والكلب الثاني اللي بإستاد جدّه

يقصد خالد قهوجي يوم يمد لسانه في مباراة النصر والأهلي



لا مره يقولون

قال له واحد ان اكثر نادي شعبيه وجمااهير هو نادي الاتحاد..؟؟

قال لو جاء جيب الجوازات بالملعب ماتحصل ولا واحد




طبعا الأمير عبدالرحمن بن سعود كان يعطي للرياضة طعم
و كان متعصب جدا للرياضة

بس مهما سوى الميت لازم ندعيله بالرحمة