سوري نام .. !!! اوخخخخخخ
 

@@@ أسعد الله أوقاتكم بكل خير @@@



سوري نام .. مستعمرة هولنديه تلك الأرض التي أنجبت افذاذ الكرة الهولنديه سابقا
ومازالت تمد الرياضة الهولندية بالعديد من المواهب الكروية ابتداء بالعبقري ( خوليت ) مرورا على الداهية ( ريكارد ) وصولا الى أفضل لاعبي منتخب هولندا حاليا ( سيدورف .. ديفيدز .. كليفرت ) ... تلك المواهب أخذتها الكرة الهولندية واستفادت منها ... في العديد من الرياضات المختلفه .

@ كان هذا بداية لموضوع بعض المواهب الكرويه في البلدان الفقيره بصفه عامه وأيا كانت قاراتها ... لماذا لايتم ارسال كشافة للمواهب في تلك الفرق من الادارة الهلالية ؟؟ ومن ثم الاستفادة من تلك المواهب ( الصغيرة السن - المنخفضة التكلفة ) في ايجاد لاعبين على مستوى الناشئين ورعايتهم وصقلهم حتى يصلوا الى درجة يمثلون بها الفريق الأول .. ويتم النفع منهم ( كمحترفين ) أو يتم بيعهم ( باسعار تفوق ماالاسعار التي جلبوا بها ) .. وبهذا يتم النفع منهم ماديا وتجاريا.. خصوصاان هذه هي الطريقة المتبعه في اكثر دول العالم المتطورة كرويا..

‌@ ولنا في الفرق المصرية مثال واضح ( كايمانويل النيجيري لاعب الزمالك ) و ( اوكاتا النيجيري لاعب الاسماعيلي ) وغيرهم كل هؤلاء أتوا صغار وبأسعار منخفضة وتم الاستفادة منهم في الفريق الأول ومن ثم ارتفاع اسعار عقودهم .





@@@ مجرد وجهة نظر موصوله للادارة الهلاليه ... مع التحية ....




تحياتي للجميع ...

يا البحر الأزرق..
ليش نجيب واحد أجنبي .. ليش مانجيب واحد سعودي
عندك مثلا قبل كم يوم واحد من الأعضاء عرض على الهلال لاعب في أحد الأندية الصغيرة
وبفس الوقت يلعب مع منتخب الناشئين أو الشباب-ما أتذكر بالضبط-
لو النادي يجيبه ويحتك بلاعبين الهلال ويكبر و يطلع لاعب فلتة ويستفيد منه الهلال والمنتخب..
حتى ما شاء الله اسمه..-إن كنت ما نيب واهم- سامي بيله..

هذا من ناحية اللاعبين الاجانب

ممكن واحسن

وزي ما قال اخوي فهد(بريق الماس)

المدن واجد واللاعبين واجد بس وين اللي يدور:confused: :confused:

انا اتمنى ان ادارة الهلال تكون لجنة للكشف عن المواهب اللي في الاندية الصغيرة وحتى في الحواري

يا شباب :

في كل حارة داااااااااااااااااهية في اللعب (( واللي يسأل ما يتهوش ))

الــــسلام عليكم؛


كلامك سليم وايضا مثل ماقالوا الاخوه ان ايضا يجب علينا البحث عن اللاعب السعودي الصغير القادر على العطاء وامتاع الجماهير بفنه

الاداره ما تدور
حنا ندور ليش لا
و كمان ما نبغى لاعبين اجانب
الاعبين المحليين و الله احسن
مثل:- الحسن اليامي نجيبه و القاتو و روني باي باي
نور و توليو مع السلامه
الصقري
و كثيييييييييييييييييييييييييييييييييييييير

الناس تبي ديرة ونس وأنت الله يهديك تبيهم يدورون في ديرة وحوش !!!!!!!!!!!!!! أقول وسع صدرك ,, يدورون في حواري المملكة وفي جميع مدنها ويغيرون المنصور وغيره والأمور تمشي صح ,, ما دام المنصور موجود أغسل يدك من اي موهبه قادمة .

وتسلم حبيبي

السلام عليكم جميعاً
 

@@ أسعد الله أوقات الجميع @@

الكلام اللي قلتوه ياشباب على العين والراس .. واحترم رأيكم جميعاً ..

ولا في أي مانع من أن اللي قلته ينطبق على لاعبين من عندنا في السعوديه ..

لكن كان وجهة نظري أن بدل مانجيب محترفين ( سكه ) أي كلام يعني .. والأمثله

معروفه .. نجيب لاعبين أجانب صغار اللي مايكلف الواحد فيهم أكثر من عشرة الآف

دولار.. وندربهم ونستفيد منهم من ناحيتين ( فنيه + ماديه ) وهي وجهة نظر تجاريه

بحته .. وهي المتبعه عالمياً 0

@ الأخ فهد( بريق الماس ) .. أنا أتكلم عن المحترفين . يعطيك العافيه.

@ الأخ صدى الأمس .. فعلاً المشكلة تكمن باللي يدور .. مشكور .

@ الأخ صمام الأمان .. أنا معك بها داخليا بس أنا قصدي خارجياً .. شكرا ً .

@ الأخ نجم الصبح .. نعم في كل حارة داهية بس مهو كل داهيه عندنا يبي يلعب كوره .

@ الأخ روميو .. لك تحيه .

@ الأخ حبي الهلال .. خل يعطونا الضوء الأخضر .. بس اللاعب الأجنبي ضروري حتى

تجاريا ً.. تسلم .

@ الأخ محمد أبو لما .. هولندا بلد عنصري الشيء الوحيد اللي جعل تفكيرهم يتغير

هو مجموعة اللاعبيين السوري ناميين .. وأنت تقولي وحوش .. لا وتبيني اوسع صدري ..

تحياتي .


وشكرا لتفاعلكم .. لما فيه صالح هلالنا الحبيب .....

أخوي العزيز الموج الأزرق...
بصراحه موضوعك يستحق الأهتمام ويدل على أنك متابع أكثر من جيد...
لكن وش رأيك نقسم الأمور الى : مهـم وأهم...
الموضوع اللي أنت تكلمت فيه موضوع مهم لكن هناك موضوع أهم وهو..
1-عودة المدرسه الهلاليه والأستفاده من البراعم التي يلمس فيهم الأبداع.
2-أختيار كشافين على مستوى عالي من الحس الكروي والذي سيكون مردوده ايجابيا على الهلال.
وألف شكر لك ياالمــــــــــــــوج....;)

السلام عليكم ...
 

@@ أسعد الله أوقاتك أخي .. مستر جلال .. وتحياتي ..

@ أنا معك مليون بالميه بالنسبة للمدرسة الهلالية وأهميتها ... بس هذا هو أهم مايجب أن تفعله الإدارة داخلياً 0

@ أما خارجياً .. ليش نجيب لاعبين مثل روني وطقته وبملايين الريالات وعندنا فرصة إحضار لاعبين ( 16 - 17 - 18 ) سنه وبأسعار لا تذكر ونستفيد منهم في اللعب في الفريق الأول ( وترى الله وهب هؤلاء الفئة نوعية جسمانيه خاصه ومختلفه ) ومن ثم تصبح العملية تجارية بحته .. خصوصاً ونحن في اتجاه الخصخصة وليكن هذا الإقتراح نوع من الموارد المالية التي سيستفيد منها النادي مستقبلاً 0



يعطيك العافيه .... بس أخي أنا البحر الأزرق :) :D :) .. أما الموج فهو جزء مني ..:p :p :p