أسناني .. ( يا أهل الرياض ..!! ) - نادي الهلال السعودي - شبكة الزعيم

هلالي وان جار الزمن · #1 24/04/2005, 06:26 PM

[align=center]مساء الخير ..
يا جماعة الخير أكتب لكم هذي المشاركة وأنا أعاني أشد المعاناة من أسناني ..
منذ أكثر من أربع سنوات وأنا أسناني رايحة وطي ..
يا ما دخلت مستشفيات وتنومت أكثر من مرة لامراض عديدة ..
ولكن الاسنان بيني وبين دكاترتها عداوة دائمة ...
أكره شيء عندي في الدنيا اطباء الاسنان ..
قبل أربع سنوات أنتفخ فمي من شدة الالم .. ورحت عند دكتور معروف .. وقال لازم نشيل الضرس .. بس بعد اختفاء الورم .. وأعطاني أبر ومسكنات لازالة الورم ..
بعد ما أختفى الورم ما عاد رحت للطبيب .. وجلست من وقتها على المسكنات والابر ..
وفي اليومين الماضية زاد الأم .. وزاد الورم بشكل مخيف ..
ورحت عند نفس الطبيب .. وسوا اشعة لضرسي ..
وناظر فيني نظرة أستنكار وقال :
هذا نفس الضرس الاول .. وبسبب أهمالك لازم تسوي عملية جراحية لسنك ...!!!
يا دكتور أي عملية واي كلام فاضي .. قال لازم تسوي عملية جراحية لخلع سنك ..
لان خلع سنك بالطريقة العادية سوف يؤثر على الفك العلوي ..
قلت خلاص ليه ما تسويها أنت ..
قال ما أقدر .. بس بأرسلك لطبيب ثاني في مستشفى أخر .. وراح يسويها لك ..
رحت الطبيب الأخر وقال ما أقدر .. العملية صعبة شوي .. قلت طيب دلني على طبيب أخر .. قال ما أعرفش ...!!
رحت أكثر من طبيب وكلهم نفس الكلام .. العملية صعبة وما نقدر عليها ...
والحين يا جماعة أبيكم تساعدوني وتدلوني على طبيب متمكن في عمليات الاسنان الجراحية في مدينة الرياض .. ويا ليت يكون استشاري فك ..
تكفون يا جماعة في أسرع وقت لاني أبي أرتااااااااااااح من هذا الألم .. وسلامتكم .[/align]

ديـك الـجن · #2 24/04/2005, 06:31 PM

8
8
8

تعال أبها عند عبدالكريم شكري

الهلالي المرعب · #3 24/04/2005, 07:09 PM

عيادات سيجال

max666 · #4 24/04/2005, 07:48 PM

إقتباس


	والحين يا جماعة أبيكم تساعدوني وتدلوني على طبيب متمكن في عمليات الاسنان الجراحية في مدينة الرياض .. ويا ليت يكون استشاري فك

فيه عيادات ديما او ديمه بالتحلية ممتاااااااااااااااز فيه دكتور باسم يسوي عمليات ولاهوب غالي سعره بحقه

وشغل نظييييييييف مره مره مره

والله يعينك

falcon1515 · #5 24/04/2005, 08:03 PM

الله يعينك والله العظيم ...... مصيبة وجع السن

تحياتي ابوسعود

هلالي2008 · #6 24/04/2005, 09:06 PM

[align=center]معاً ضد التشققات أسنانك تحفه ،،

الله يعينك أخوي هلالي وإن جار الزمن ،،

والله انا ما اعرف دكتور أسنان يقدر يسوي هـ العمليه ،،

[/align]

النسر الأزرق · #7 24/04/2005, 09:29 PM

السلااااااااااااااام عليكم

أنا أنصحك في عيادات سيجال تراااهم ممتازييين ولهم فرعين

الفرع الأول: في شارع التخصصي بعد نفق اليورومارشيه علي اليمين

الفرع الثاني: تقاطع شارع الضباب مع ثلاثين العليا

وتراني أنصحك فيهم لأنهم مررررررررررررة كويسييييييييين

الصدر الحنون · #8 24/04/2005, 09:30 PM

تعال الخبر مستشفى سعد التخصصي

وسلامتك

هـــــوازن · #9 24/04/2005, 11:28 PM

[align=center]اهـلاً بـ هلالي

مستشفى الدكتور ( سليمان الحبيب ) ..
يوجد به استشاري من الجنسيه ( السويديه )

عن نفسي لم اتعامل معه ..
ولكن ( سمعته ) عند الاصحاب .. قد تجاوزت السحاب ..!!

جرب .... وانت الحكم ..!! [/align]

[align=center].[/align]

الــجوكـر · #10 25/04/2005, 01:25 AM

[align=center]سم الله عليك أبو ريان ماتشوف شر إن شاء الله...

انا مركب تقويم لأسناني في العيادات الاستشاريه في شارع الضباب مستشفى عالمي ورائع في نخبة من الأطباء ممتازين.. إسال مجرب... انصحك فيهم..[/align]

ابو فرح · #11 25/04/2005, 03:07 PM

اسمعني وانا اخوك رح لمستشفى الحبيب عند الدكتور البازعي استشاري جراحة فك ايدينه تتلف فحرير صدقني افضل منه ما تلقى والكلام هذا عن تجربة سابقه,,,,,,,,,,,,,

والله يعينك ويشفيك,,,,,,,,,,,,,,,,

ولد وايل · #12 25/04/2005, 05:22 PM

[align=center]افااااااااااااااااااا يذا العلم ,,, انت وهقتني يابو ريان
تر ضروسي مابها فرق عن ضروسك ,,,,,,,,,,,وو خوفتن ياشيخ :sad:

ماتشوف شر يالدب وان شاء الله تهون الشباب ماقصروا نفعوك ونفعوني

سلامات سلامات يابو المواضيح المحذوفه ( بسميك ابو محذوف )

[/align]

Blues4Ever · #13 26/04/2005, 12:43 AM

ماتشوف شر

ويقلون ايما زين مع اني ما قد جربته بس سمعت عنه

مهووسة الزعيم · #14 26/04/2005, 03:28 AM

ســـــــــلامتك يابو ريان ..
مـــاتقدر تصبــر شوي لما اصيــر دكــتورة ..

abdulmajeed_1 · #15 29/04/2005, 05:19 PM

[align=center]

إقتباس

الرسالة الأصلية كتبت بواسطة مهووسة الزعيم


	ســـــــــلامتك يابو ريان .. مـــاتقدر تصبــر شوي لما اصيــر دكــتورة ..

هلالي وان جار الزمن .. قل : الله يصبرني ..

شف يالغالي واللي خلق هالكون اني اذا مانب مثلك اردى شويتين او اخف ..

ضروس وسنون راكبه فوق سون وبالفك العلوي بعد ..

ثلاث ضروس حشوة ويمكن واحد يشوتونه .. وخلع سنين عشان تركيب التقويم ..

عشان تسذا لاتقول الا الله يصبرني ..

أما عن ناحية المستشفى أو الدكتور ..

أنا لي ملف بمستشفى ( ........ ) لكن فيه مستوصف جيد وانا مجربه ..

بطريق الامير عبدالله واثنين من ابناء العموَمَه مجربينه قبلي ..

اسمـــه .. ( صفد ) بجانب ماكدونالدز .. يعني اذا شلت الضرس حول من الدرج

واضررررررررب بـ ماك تشيكن ..

بلا طول هذره .. اسمه وانا خوك ( صفد )

واذا انت ناوي تصبر الى الصيفيه .. تعزز معي بالكليات الطبية بجامعة الملك سعود ..

ندخل انا وياك عند واحد يقاله الغامدي او مدري والله .. بس تحطه على الضرس يبرا ..

ترا مابقى الا 4 أو 5 أو 6 أسابيع .. هانت يارجال ..

وماقول الا : الله يصبرنا ..

[/align]