عندك نيّه تشتري جهاز جديد ؟ نصايح ببلاش
 

في البدايه وقبل كل شيء يجب أن تحدد وش تبغى من الجهاز بالتحديد ؟؟ ,,,

هل تفضله للترفيه والملتميديا ولا تبيه للأعمال ؟؟ ,,,

طبعا وبحكم أن زوار المنتديات بصوره عامه ( يعني فاضين ) والبزنس عندهم ( مقطّع بعضه ) فماراح نتكلم عن البزنس لإنكم أكيد عارفين مواصفات أجهزة البزنس ونبي نتكلم عن الأجهزه اللي تدعم الملتميديا ومن ضمنها طبعا تصفح الإنترنت والمشاركه فيه ,,,

1- أهم أجزاء الكمبيوتر .... المعالج :) ,,,

طبعا افضل المعالجات الموجوده في اسواق الكمبيوتر حاليا هي : AMD ATHLON ( الأثلون ) , والبنتيوم 3 و 4 ,,,

طبعا أفضلها هو البنتيوم 4 رغم الكلام الكثير اللي قالوه في هذا النوع لكنه يبقى هو الأفضل في هذا المجال ... وبما أن الفرق مهوب كبير بين الأثلون 1.3 والبنتيوم 1.4 فمن الأفضل إقتناء الأثلون إذا كان السعر مهم بالنسبه لك ,,,

2- الذاكره ... حاليا الذاكره اللي تقل عن 128 MB تعتبر ذاكره منخفضه :) خاصة مع وجود برامج كثيره تستهلك الذاكره وبرامج كثيره يضطر الواحد يستخدمها في نفس الوقت مما يسبب إنخفاض في مستوى الذاكره الحره ... وبالتالي أقل من 128 MB لاتاخذ :) .... هذا يودينا لأمر جديد وهو نوع الذاكره مع كل معالج :) ,,,

3- نوع الذاكره او الرام ... الأثلون يفضل إنك تاخذ ذاكره معه من نوع DDR 266 والبنتيوم3 يفضل إنك تاخذ ذاكره معه من نوع RD RAM 800 , والبنتيوم 4 مايقبل أصلا إلا RD RAM 800 ,,,

4- DVD .... الدي في دي مهم جدا في الوقت الراهن وكل الشركات بدت بالتحويل لهذا النظام الرقمي في الأقراص وطبعا هذي الكلمه إختصار للجمله ( ديجتال فيديو ديسك ) وتعني أقراص الصوره الرقميه ... وهذي التقنيه هي تقنية المستقبل ويفضل الإستعداد لها مبكرا علشان لاتتخلف عن الركب :) على أن تكون سرعته x8 كأدنى حد ,,,

5- الشاشه .... كحد أدنى خذ شاشه مقاس 17 بوصه علشان ترتاح عيونك خاصة وان معظمنا ماشاء الله علينا نقعد على الإنترنت بالساعات :) ودرجة الوضوح لازم تكون عاليه ,,,

6- كرت الصوت .... الأفضل من وجهة نظري هو الساوند بلاستر بلاتينيوم , والصوت اللي يطلع منه راح يكون خيالي وهذا سبب غلاء سعره وإن كان فيه الكثير من كروت الشاشه المميزه لكن هذا أفضلها :) ,,,

7- القرص الصلب ... سعة القرص الصلب مهمه في أي جهاز وكحد أدنى لا تاخذ أقل من 20 غيغا بايت كسعه للقرص الصلب , والنقطه المهمه الأخرى في القرص الصلب هي التحقق من زمن الوصول للمعلومات أو البرامج الموجوده على القرص الصلب أو مايسمى بالـ Access time ,,,

8- سمعة الشركه ومدة الضمان المقدمه للجهاز .... أما إذا كان الجهاز مجمع فمدة الضمان المقدمه على القطع ,,,


نصائح عامه يجب عليك التأكد منها قبل الشراء :

1- لاتحاول تشتري آخر سرعه في المعالج لإنها راح تكون غاليه والفروق ماراح تكون كبيره لهذيك الدرجه ,,,

2- سرعة نواقل المذر بورد ( اللوحه الأم ) ومدى قابليتها للترقيه في المستقبل ,,,

3- كمية الكاش الموجوده على المذر بورد والمعالج ونوعيتها ,,,

4- تاريخ صناعة الـ Chipset ( الرقائق المسانده ) , والـ Bios ومدى نوعيتها ,,,


والموضوع مفتوح لأي شخص يريد طرح إضافات جديده :) ,,,


تقبلواتحياتي ,,,

وش تـبـيــنــا نضيف نقول اعوذ بالله انت خليت لنا فرصه :mad: :mad:


بالع اذاعة لحول ولا قوه تقول تكرونية صارقين بصطتها :p :p :p :p :p

مبدع والله يامدير التسويق :):)

تبي الجد كنك داري لاني ناوي هالاسبوع اطق لي جهاز جديد ومازلت في مرحلة الاختيارات
نصايحك راح اهتم فيها كثير خصوصاً انها طالعة من انسان خبير في الأمور التسويقية .

ههههههه حلوه أمور تسويقية ;)


قايلكم يصلح مندوب مبيعات نعم وش ناقصة الله يحرسه الاناقة مايحتاج ولا خالد مسعد والوسامة ولا نواف والجسم ولا سلفستر ستلوني :eek: :eek: والطخامه ماشاء الله عـليه حدث ولا حرج :D :D :D



هاه وش قلت توضف في شركتي براتب 10000ريال وسيارة :cool: :cool:

قل ايه عاد يا أطخم ههههههههههههههههههههههه



<--------- توه متعلم رفع المعنويات :rolleyes:

أبراهيم النجيدي

لايهمونك كلهم غايرين ؟

لا ...ألأعصار
ولا العاشق

:p


خلك منهم .....سر ونحن من ورائك يابطل:cool:

نصائح رائعة من انسان اروع ..

يعطيك العافية اخوي ابراهيم ..

الدااااااااااااااج عاشق النمر ,,,

أنت ضايعلك شيء عندي ؟؟ وبعدين وش حكاية التكرونيه اللي ضايعه بسطتها ؟؟ لاتكون يالحبيب ساكن في مكه :cool: ,,,

إذلف :rolleyes:

أخوي الغالي ومديرنا الإعصار ( لاحظ فرق التعامل ياعاشق النمر ) :) ,,,

من بعض ماعندكم ياغالي وإن شاء اله تلقى كلقى اللي تبيه وبالتوفيق في إختيار جهازك ومبروك مقدما :) ,,,

مشكور على ردك ... وتحياتي لك ,,,

عاشق النمر ( 2 ) ,,,

الأطخم يقول :

اللهم لاشماته ... إنقلع مانوظف قراوى :cool: ,,,

إذلف ,,,

أخوي الغالي J.A.J ,,,

عاشق النمر داج وماله سنع ... لكن مالقيت توهقنا إلا مع مدير آد الدنيا ؟ :) ,,,

أجل سر ونحن ورائك يابطل ؟ .... عزالله رحتو بخرايطها :D ,,,

مشكور على ردك ... وتحياتي لك ,,,

أخوي الغالي أبو منار ,,,

أنت الرائع :mad: <=== يحسبها سبّـه , أول مره يسمعها من أحد :( ,,,

مشكور على ردك ياذوق ... وتحياتي لك ,,,

هلا والله بابراهيم :

اخوي انا قايل لك انك تنفع مدير مبيعات , وانت انسان متعدد المواهب .

بس يا اخوي هذي النصايح ما تنفعني الحين ما تنفعني الا بعدين لاني توني شاري الجهاز مكملت 4 اشهر .

مشكووووور ونتمنى منك المزيد