لمـــــحه تلفزيونيه
 

[align=center]بسم الله الرحمن الرحيم [/align]
ومبرووووك الفوز ثاني شي وعقبال البطولات الجايه كلها s13s s13s s13s

مع اول مشاركه لي في الشبكه الرائعه اتمنى ان ينال موضوعي الذي يحتاج مناقشتكم ولا يخلو من اضافاتكم
[align=center] الأخـــــــــــراج التلفزيوني [/align]
ما دعاني للتكلم عن هذا الموضوع بالذات ما لاحظته من اخراج لم اشاهده في الدوري السعودي من اي قناه نقلت لنا الدوري لا اوربت ولا art مع احترامي الكامل لهم ولكن من شاهد منكم بطوله التضامن وخاصه مباراه السعوديه والمغرب يجزم جزما قطعيا ان المباراه لا تقام على ارض السعوديه ليس هذها تقليل من تلفزيوننا العزيز ولكن تفاجأت ومن حقي اتفاجأ اخراج ومستوى في التقاط اللحظات الحاسمه ومشاهد مؤثره من اللاعبين داخل ارض الملعب .
المفروض: عندما تصل دوله مثل السعوديه في قطاع المنتخبات على جميع مراحلها السنيه وانديتها التي صالت وجالت في الملاعب من حقنا ان نستمتع باخراج يليق بمكانه هذه الدوله رفيعه الشأن
ونستغرب عندما يكون الاخراج غير لائق مع احترامي للدوله الشقيقه قطر وهي من اقرب الامثله مع انها لم تحقق ما حققته السعوديه ولكن نستمتع بمباراه في الدوري القطري بسبب الاخراج وليس لمستوى المباراه عندما يغيب التنسيق بين رعايه الشباب ووزاره الثقافه والاعلام يغيب الابداع فقليل من التعاون اثمر ما اثمر عنه في بطوله التضامن يجب ان يستمر هذا التعاون الذي لا طالما انتظرناه حتى لو كلفنا هذا الاستعانه بمخرجين اكفاء من الخارج للتدريب الكوادر السعوديه على الاخراج ومهارات الاخراج التلفزيوني فالاخراج في يومنا هذا اصبح احتراف وليس طقها والحقها

وللجميع في الشبكه الغاليه تحياتي

صدقت ... و موضوع فعلا مهم ... الإخراج كان غير طبيعي في بطولة التضامن ... رااااااائع بمعنى الكلمة .. أتمنى أن يستمر ... وشكرا لطرحك الموضوع... وحياك الله

نتمنى بعد ان يكونونا في مستوى الاوربيت ان شاء الله

والله انا متأكد ان فيه تغير في الاخراج امس والدليل ان الصورة كانت واضحة والاعادته كانت مثل التلفزيونات الاوروبية

كلااااااااام الزعيم لأجل الأزرق سليييييم مية في المية
والله اول ما شفت المباراة ما جا في بالي إنها مباراة المنتخب السعودي والمغرب
وتوقعت إنها مباراة خارجية بس بعدين تأكدت
أنا من أشد المعجبين بالإخراج وياليت يصير هذا إخراج الدوري السعودي s60s s60s
كان بتشوف لعب حلو وإخراج احلى s13s s60s

مشكور أخوي على الموضوع الي كنت بكتبه بس إنت ما قصرت كفيت ووفيت

تحياتي : هــ الامجاد ــلال

يا Art وش ذا الحكي ....!!!!
 

مساء الخير للزعماء ومبروك التأهل وعقبال الكأس بإذن الله ....

مادعاني للكتابة اليوم هو ماجرى من تلك القناة المحتكرة للبطولة وهي الاي ار تي فبجانب سؤ النقل للمباراة وللاعادات نجد انها اتت بمعلق يكيل بمكيالين فنجده يأتي بعبارات تدل على تعاطفه الكبير مع المغاربة وهنا اكثر من جملة قالها وكنت مركز مع ما يقول كثيرا .....


هل تصدقون انه لا ينطق اسماء الاعبين الهلاليين الا قليلا واغلب ما يقول الاعب السعودي اما بالنسبة للاعبين الوداد فدائما بالاسماء ......

ركزوا في كلامه للهجمات التي على المرمى الهلالي فنجده يقول بتحسر على ضياع الفرص عكس ذلك الهجمات الهلالية فنجده يمدح الحارس والدفاع وينثر الورود والرياحين لضياعها ...


المصيبة ان هالقناة محسوبة علينا كسعوديين وانها تجاملنا على حساب الفرق الاخرى ..
وفي الاستديوا لم اجد الا ..................... و ......................... استغفر الله عن ذمهم ولكن كلامهم في كثير من الخبث على نادينا الهلال ........


والمصيبة الاكثر والاعم انه داخل الملعب تشاهد لوحاتهم الاعلانية لكأس العالم 2006:eek::eek:

يعني ترانا مستقعدين لكم حتى السنة الجاية ....:(:(

والله العظيم ان نقل القناة الرياضية السعودية لمنافسات بطولة التضامن افضل بمراااحل من تلك القناة البغيظة ................

تحياتي .......

ما جبت شي جديد


هذا عوايدهم زين إنهم ما قطعوا البث

يا اخوي هذه بيضة ديك . تبي تعرف ليش ؟؟؟؟

لان المخرج والطاقم كله جاي خاص من تركيا علشان هذي البطولة وبعدين يروح لاهله ونعود على شغلنا الاول ولكم تحياتي

و الله اخراج رائع و جذاب والكاميرات واجد في الملعب

بس زي ما قال هلالي القويع بيضة ديك

يارجال هالقناة راعيها هندي الأصل سعودي الجنسية للأسف ووالله لو أعرف الموظف الي عطاه الجنسية بالأحوال المدنية لأروح وأصفقه يااخي صالح كامل وقناته البايخه عار على السعوديين والله لوقناة السودان ولا اليمن ناقله المباراة كان ازين صح ولا لا ولكم كل الحب والتقدير.............

لا تفرحو بـ الكميرات والإخراج ..

لأن المصورين طقم يوناني بكميراتهم ..

ومن بعد النهائي حق امس راح نستمتع يإخراج المبدع طارق ريري وكمرات المشرقه..

من جد كان متحامل مع الوداد وكل ماتجي هجمه للهلال ماااايعلق ولا شي ولمى تجي شبه هجمه للوداد قام يصارخ ويتحسرر

:rolleyes: :rolleyes: ما من جديد

اجل ما سمعتوه يوم يقول ان الوقت الضايع اكثر من 5 دقايق .. وان العتيبي في سقوطه 3أو4 دقايق لحاله ..غير سقوط لعيبة الهلال .. !!!

ابو طبيع ما يخلي طبعه :nono: ;) :nono:

انا ما تابعت المباراة لكن اعثقد مو شي غريب عليهم وياليت القناة الرياضية تنقلها لانها في بطولة التضامن صراااحة اثبتت انها تفوقهم بمرااااااااااااحل واالقادم احلى s13s

نعم كان المعلق يجب الضغط والسكر دم ثقيل وصوت اثقل على السمع كنه اول مره يعلق وكلامك صحيح 100%.
اما قنوات Art حدث ولاحرج بالنسبه لنقل مبارايات الهلال لأن لهم سوابق لاتعد ولا تحصى .

صدق القناة الرياضية جهد جبااااااااااااار الله يعطيهم العافية وياصلون كذا s13s

كلش ولا حسن بطر .. اللي هو حارسنا .. مادريت انه يقصد حسن بدر العتيبي الا في نص الشوط الثاني ..

والله انك صادق s13s s60s

مباراة كانت قمة والله
لكن ذا المعلق ماينطق لاعبين الهلال بس أحمد فهد(أحمد الدوخي) وسامي الجابر والشلهوب يوم سجل الهدف
حتى ديسلفا يقول أحمد حوله لعربي
وكلمات ما أدري وين يجيبه يقذفها ومربع العمليات و و و

انشاءالله ستمرون على الاخراج الجيد

بدون تعليق :confused: :confused:

قدها وقدود الشباب السعودي

خلاص تأهل الهلال
يعني تلقاه ميت قهر

شكرا أخوي على موضوعك وأقولك شف هدف المباراه وشف المعلق وهو يسب اللاعب اللي تسبب بالهدف (مدافع الوداد) ما بقى إلا ينزل عليه ويوم صفر الحكم بغى ينزل على الحكم وبالعقال بس جبنا الأهم وهو التأهل s13s

صحيح مادري من وين جيبن معلق .......... المفروض يجيبون معلق مصري اذا كانوا مسوين فيها غير متحيزين
اما عن Art انشاءالله ما يكون كاس العالم حصريا عندهم
عقبال ما تسوي شي الجزيره الرياضيه بهذا الموضوع

بصراحة النقل كان جدآ مذهل :bigeek:
الله يعطيهم العافية :trumpet: :trumpet: ::

انا شايف المباراة على اي ار تي مافيه تعليق اصلا ممكن اعرف كيف سمعتو المعلق وانا رافع الصوت على اخر شيء

يارجااال

اهم شي الهلال تأأأهل واحترق قلبه يستاااهل

على شااان مرة ثااانية يعرف يعلق مثل الناس

يا اخوي قناة art والرياضيه السعوديه ما عندهم الا الدجه :wallbash:

ما عندك الا اوربت s60s

صحيح الاخراج روعة لكن قطر أفضل بكثير منكم في الاخراج والدليل الملايين التي تنفقها في سبيل الاخراج

آآآآآآه بس وش اقول اكثر من اللي قلتوه ......بس بصراحه انا ما الوم المعلق اطلاقا هو معلق مغربي وانسان عنده وطنيه ويحب فريقه يفوز مو مثل اللي عندنا من شلة حسن شاكر والبقيه الواحد منهم مايصدق يمسك الهلال ويبدا ينقص من قدره ...... اما بالنسبة لشلة حوش البقر مع احترامي لطارق ابو زيد فهم ماعندهم سالفه ماغير جالسين في هالاستيديو اللي كنه مصدي ويقعدون يبربرون والله كأنهم في مركاز بوسط مكه :laugh: :laugh: :laugh: :laugh: :laugh: :laugh: :laugh: :laugh: بس ماعليكم ياحبايبنا انتم عز الهلال والهلال عزنا ولازم نرفع هالعلم الازرق فووووق s13s s13s s13s وياحبذا نرفعه في المدرجات بيكون شكله احلى ........ s60s s60s ودام عزك ياهلال s60s s60s

هههههههههههههههههههههههههههه

كلامك سليم 100%
وأمل بالنسبة عن قناة الإي آر تي فأنا أشارك الأخ falcon1515 في الكلام
وأنا لاحظت المعلق كيف ينفعل مع الهجمات الوداد
وشكرا

...................................

ودي اعرف بس وش لون جاء موضوعين في موضوع ؟؟؟؟؟؟!!!!!!!!!!!!!

يعني موضوع الاخ لاجل الازرق خش على موضوعي وصار ث2 في 1 :(

يا شباب ابي اعرف وش السالفه المباره اللي طلعتلي بدون معلق ,,

صوت الجمهور مسموع لاكن المعلق ماله حس مدري هاذي المشكله عندكم ولا لا ...



بعدين لو سمحتولي عندي استفسار هل مباريات الدوري الانقليزي تأتي با التعليق العربي ولا لا
لان اللي عندي تعليق انقليزي ؟؟ وانا سمعت انك تقدر تحوله عربي وشلون ؟؟؟

تكفووووون ياشباب ابي العلم الوكاد <<<< توه مشترك في ال اي ار تي يعني عليمي ما يعرف شي

مو بس بالاخراج بكل شي

من محللين ونقاد مرورا بالمذيعين وليس انتهاء باي شي !!

تحياتي

هذي المشكلة

تشوف هالاخراج

ماراح يتكرر الا اذا صارت بطولة كبيرة للمنتخب

يعني ليه كذا؟؟

ليه مانصير دايم كذا

فلوس وعندنا

امكانيات وموجودة

وكل شيء وموجود

اجل وين المشكلة..؟؟؟؟

يا شباب وش السالفه وشلون طلع موضووعي على موضع الاخ الغالي falcon1515 ما ادري وش السالفه مثل ما قال اخوي falcon1515 طلع ثنين في واحد

انا اقترح على نادي الهلال فتح قناة خاصه لها والاعتماد على قناة أوربت في نقل وتعليق جميع مباريات الهلال الخارجيه والداخليه وتكون قناة الهلال مستقله بالاشتراك فليكن قيمة الاشتراك500 ريال سنويا حيث تاخذ قناة الاوربت 250 ريال وقناة الهلال 250 ريال وذلك للانصاف وصدقوني راح تنجح الطريقه