#1  
قديم 19/04/2005, 03:02 AM
زعيــم متألــق
تاريخ التسجيل: 15/09/2002
المكان: الرياض
مشاركات: 1,458
^_* نــسيـــــتي أيــامنــا الحلــــوة *_^

[align=center]


اخواني هاذي القصيدة قد تكون معروفة للاغلبيه منكم
وجدتها في ارشيف كمبيوطري واعجبتني وحبيت اني اسدحها لكم هنيا
ان شاء الله تعجبكم ;)
وهي للشاعر
احمد الناصر الاحمد





[poem font="Times New Roman,5,black,normal,normal" bkcolor="transparent" bkimage="backgrounds/19.gif" border="double,4,gray" type=2 line=0 align=center use=ex num="0,black"]
نسيتي المزح بالقبه=ونسيتي لعبنا الطبه
نسيتي كشختي دايم=بثوب دوبلين خبخبه
نسيتي غترة الململ=تغطيني تقل جبه
نسيتي الركض بالطايه=لاصار بدارنا شبه
لا جابوا فضلة القرصان=نتسابق ودنا نلبه
نسيتي ازعاجنا لامك=وهي بالحوش منكبه
نسيتي معلف ام العوف=تظفينه وانا اكبه
نسيتي ثوبك التنتر=وغيضك لا انقطع حبه
لا جابت امك الوازلين=نهج للحوش مانحبه
تبي تدهن قوايمنا=وحنا نهوش ونسبه
نسيتي بصطة عزيز=إلى جا العصر بالقبه
نسيتي خرطة الماصل=يجيب الحكي من عبه
نسيتي القربة الشنه=وماه البارد انقبه
نسيتي قولك معصقل=وانا اعيرك يالدبه
نسيتي نعالنا التلّيك=هي الموتر ونلعبه
نسيتي من كثر ركضك=انا مسميك يالذبه
نسيتي موعد الحنا=إلى جا صابكم خبه
نسيتي طيحتك بالليل=وهي ظلما وانا السبه
نسيتي أكلنا الهبود=انتناقر والسبب حبه
وامك لاتهاوشنا=تحط بعيوننا شبه
نسيتي ثوبك الكرته=ننكت فيه ونشبه
نسيتي كحة المذن=قبل مايذن ينبه
نسيتي تريكنا المصنق=نغسله قبل مانشبه
وندعي الله ياكود العنز=تجيب وليد ونلعبه
نسيتي كيف أوصف لك=زمان يعلمه ربه
حلو رغم الفقر بالحيل=زمان راح ونحبه
نسيتي ليه ما ادري=دخلتي الوقت من جنبه
لك الفديو لك التلفاز=لك المكياج ما احبه
لك الدنيا وزخارفها=وعطيني حظار مع قربه
ومعهن مسفع بالي=وثوب اللاس والطبه[/poem]


والرابط الصوتي هذا لواحد محرف شوي
في القصيدة ومنشدها بصوته الشجي




[rams]http://5to5.net/alsaher/apady/nsety.ram[/rams]


للحفظ اضغط هنا







تحياتي للجميع
اخوكم بروق نجد [/align]
اضافة رد مع اقتباس
  #2  
قديم 19/04/2005, 03:51 AM
زعيــم مميــز
تاريخ التسجيل: 08/02/2002
المكان: U.S.A.
مشاركات: 2,139
الف شكر لك يا بروق نجد على سدحتك للموضوع :p :p


نسيتي كشختـي دايـمبـثـوب دوبلـيـن خبخـبـه
نسيتـي غتـرة الملـمـلتغطـيـنـي تـقــل جـبــه
اضافة رد مع اقتباس
  #3  
قديم 19/04/2005, 07:35 AM
عضو غير عادي
تاريخ التسجيل: 14/03/2002
المكان: الـريـــــــــــاض
مشاركات: 10,107
الـحـاتـمــي ...


مــر مـــن هـــنـــا ...


ويـقـول : يا كذا الإرشيف يا بلاش ;)


تشكرات أفندم
اضافة رد مع اقتباس
  #4  
قديم 19/04/2005, 01:51 PM
زعيــم متواصــل
تاريخ التسجيل: 26/08/2004
المكان: الدور الثاني شقة رقم 11
مشاركات: 52
هلا ابو عابد ...
يالله حيوه نورت الماسنجر ... قصدي المنتدى ... معليش تون قايم ...
يقول ابوي ان هالقصيدة قالها في لبنان يتغزل بوحده لبنانية ... ;)
عاد انا قلت معليش يبه قالها بلبنان يمكن مع اني اشك بس يتغزل في لنانية قوية ...
مشكور ولا تقطع يبو ...
اضافة رد مع اقتباس
  #5  
قديم 19/04/2005, 02:46 PM
الصورة الرمزية الخاصة بـ صدى الامس
عميد المجلس العام
وعضو سابق بلجنة تطوير المجلس العام
تاريخ التسجيل: 26/02/2001
مشاركات: 4,222
[align=center]يا مال العافية يا بروق نجد ..

إلا صدز هــ الحريم نسن وش كان وضعهن الله يخلف بس :sad: :sad:

<<< مهوب عاقل اللي لاحق(ن) على هـاك الأياااااااااااام

اقول بروق انشد البنات اللي بذا عن كلمات القصيدة وزين تسانهن عرفن شئ ;) ;) إلا بعضهن بس يمكن يطلعن بـ شئ ;) ;) اما فيو اضمنها لك مهيب عارفه غير نسيتي بس

تحياتي لك ..[/align]
اضافة رد مع اقتباس
  #6  
قديم 19/04/2005, 09:49 PM
زعيــم مميــز
تاريخ التسجيل: 01/03/2005
مشاركات: 8,426
يعطيك العافية
القصيدة رااااائعة بصراحه
اضافة رد مع اقتباس
  #7  
قديم 20/04/2005, 02:33 AM
زعيــم مميــز
تاريخ التسجيل: 21/02/2005
المكان: الصين مؤقتاً
مشاركات: 1,663
الصراحه فيها كلمات مافهمتها
بس استعنت بالوالدين الله يحفظهم وبرضه فيه كلمه ماعرفناها
ألا وهي القبه



إذا ممكن تعلمونا

بإنتظاركم.....
اضافة رد مع اقتباس
  #8  
قديم 23/04/2005, 01:10 PM
زعيــم متألــق
تاريخ التسجيل: 15/09/2002
المكان: الرياض
مشاركات: 1,458
[align=center]الهلالي المرعب:
العفو اخوي والف شكر لك انت على مرورك وتسدحك بموضوعي


الحاتمي:
عفويا خبيبي
ولاتحرمنا هالطلة يابعدي



كـفـو:
تكفى ياخوي لاترد على مواضيعي وانت توك قايم
انا حاس انك تبي تجيب العيد مرة من المراريت
[/align]
اضافة رد مع اقتباس
  #9  
قديم 24/04/2005, 05:05 PM
زعيــم متألــق
تاريخ التسجيل: 15/09/2002
المكان: الرياض
مشاركات: 1,458
[align=center]صدى الامس:
اتوقع القرصان هي الكلمة الثانية الي تعرفها فيو


عاشـــــــ سامي ـــق:
الله يعافيك مرورك هو الاروع


فرصه ضايعه:
عندك فيو اسالها
ماكد سمعتهم يقولون دار نقاش تحت قبة المجلس <<<<< يسمع بالشرح







نحياتي لـ إلكم كلياتكم
اخوكم بروق نجد[/align]
اضافة رد مع اقتباس
  #10  
قديم 24/04/2005, 06:15 PM
عضو سابق بلجنة تطوير المجلس العام
تاريخ التسجيل: 25/11/2002
المكان: سجن الحياة
مشاركات: 2,298
شكرا لك يابروق نجد ,, والله يعطيك العافية ,,

هالقصيدة كانت عندي وضاعت مني وفعلا فيها كثير من الكلمات التي لاتستعمل

أو ربما غير موجودة أصلا !!

وش رأيك تحط مسابقة على بعض الكلمات اللي فيها ونشوف الأعضاء

من اللي منهم بيعرف يجاوب ,,

تحياتي وشكرا لك ,,
اضافة رد مع اقتباس
  #11  
قديم 24/04/2005, 11:07 PM
مشرف سابق بمنتدى المجلس العام
تاريخ التسجيل: 02/12/2001
المكان: حيث الأمل
مشاركات: 5,600
شكراً بروق نجد. لهذه القصيدة وقع جميل على نفس كل محب لنجد.

بالمناسبة: بعض الناس ، لا اقصد صدى الامس ، يفتي في النساء ولم يقترن بإحداهن. (وجه ذو ابتسامة عريضة)
اضافة رد مع اقتباس
  #12  
قديم 26/04/2005, 12:33 PM
فيو
تاريخ التسجيل: 25/01/2002
المكان: .. الحـــبيــ الرياض ـبـه ..
مشاركات: 15,376
[align=center]
جبتوا طاريي جيتكم ،،،،

إقتباس
إلا بعضهن بس يمكن يطلعن بـ شئ اما فيو اضمنها لك مهيب عارفه غير نسيتي بس

لوووو ووووووووو وووووووووو وووووووووو ووووول

مشكله اللي فاهمني ،،،،


إقتباس
اتوقع القرصان هي الكلمة الثانية الي تعرفها فيو

لا الحمدلله طلعت عارفه بعد
الحوش ، تراب ، نخل ، طين ، دوبه ، معصقل ، دريول ، الفردوس

شفت صايرهـ أعرف

إقتباس
عندك فيو اسالها

تبي تضيع الرجال

إقتباس
وش رأيك تحط مسابقة على بعض الكلمات اللي فيها ونشوف الأعضاء


خيو راشد أنا طالعه من المسابقه من زماااااااااااااااان



يسلمو خيو بروق ع هيك موضوع خفيف







الفيروسه الزرقاء [/align]
اضافة رد مع اقتباس
  #13  
قديم 27/04/2005, 12:28 AM
زعيــم متألــق
تاريخ التسجيل: 15/09/2002
المكان: الرياض
مشاركات: 1,458
[align=center]راشــد:
إقتباس
هالقصيدة كانت عندي وضاعت مني وفعلا فيها كثير من الكلمات التي لاتستعمل

حرام عليك يبو انا اغلب الكلمات استعملهن الحين



القاضي:
إقتباس
شكراً بروق نجد. لهذه القصيدة وقع جميل على نفس كل محب لنجد

يسلمووو اخوي هذا من ذوقك


الفيروسه الزرقاء:
وش اقتبس وش اخلي :p
بعدين ترى صدى هو الي قايل انك ماتعرفين بوب انا
<<<<< خاف






الف شكر لكم اخواني
على تشريفكم الموضوع ولاعدمناكم[/align]
اضافة رد مع اقتباس
  #14  
قديم 29/04/2005, 01:27 PM
زعيــم مميــز
تاريخ التسجيل: 23/04/2004
المكان: بين النجوم
مشاركات: 4,461
كلمات روعه ومشكور يا بروق نجد
اضافة رد مع اقتباس
  #15  
قديم 29/04/2005, 01:53 PM
زعيــم متألــق
تاريخ التسجيل: 03/09/2003
المكان: قصيمي ابا عن جد
مشاركات: 1,356

قسم بالله وناااسه >>> يقولها وهو ماغط رقبته مدري ليش


بروق نجد

يسلمو على هذي القصيده الحلوه في كلماتها ومعانيها

تقبلي مني خالص

التحاايااا
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 03:33 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2019, Jelsoft Enterprises Ltd

Google Plus   Facebook  twitter  youtube