السلام عليكم ورحمة الله وبركاته ...
مساء أو صباح الخير للجميع ...
******************************
والله ياشباب ودي أحكي لكم سالفة ماعمرها صارت ومستحيل تصير ...
بصراحة سالفة صارت لي أنا وحبيبي المتميز قبل ثلاث سنين ... وكان أيامها الناس كلها ما تصيف إلا في ميامي (( والله من النصب )) ...
طبعاً صحيت الساعة 2 الظهر من النوم (( والله من قلة الخاتمة شباب آخر زمن )) ... وأناظر الجوال إلا أزين ما أشوف رقم هالأقشر المتميز ... داق علي خمسين مررررة ((( قوية صح ...!! ))) ...
المهم صحصحت زين وأدق هاك الفطور في عز الظهر ... وأقرب ثلاجة الشاهي ... وأجيب الجرايد ... وأعطي المتميز أشكل ... قلت وش يبي هالدلخ مع الصبح ...!!
وتعرفون صويحبكم سفر مسيكين وعلى قد حاله ... والصيف بدا وجالس يناظر بهالجرايد يشوف العروض الرخيصة
... ويدور دولته المفضله ... مايبي إلا سوريا ... لكنه مسيكين مالقى ...!!
قلت في نفسى ما تبي كلام شغل السيارة يا ولد وخلني أمر هالمنسم المتميز وأخليه ياخذ جوازه وأندقها سفرية على السيارة لدمشق ... طبعاً أنا خابر المتميز ما فيه أزحف منه ... لو أقوله مشينا على رجولنا ما يقول لا ...
ويالله وأطلع وأدق عليه جوال قبل ...
المتميز : مرحبا ...
سفر : هلا حبيبي وش هالاتصالات كلها ؟؟؟
المتميز : يا جعلهم يكسرون راسك قل آمين ...
سفر : أفاااا ليه ..؟؟ وش أنا مسوي ...؟؟
المتميز : يا أخوي من الساعة 5 الفجر وأنا أدق عليك وأنت أشكل ما ترد ...!!
سفر : يا خوي نايم ..!! وش تبيني أسوي ؟؟؟
المتميز : نامت عليك طوفه قل آمين ...
سفر : طوفة تشق راسك يالافدغ ...
المتميز : ياخوي حرام عليك كان فيه رحلة يحبها قلبك وبلاش بدون فلوس التذكرة مجانا ...
سفر : أفاااااااا وين ..؟؟؟
المتميز : ميامي ... حسبي الله عليك يا سفر حتى ميامي حرمتنا منها ...
سفر : ياخوي لا تزعجني دقايق وانا عندك جهز القهوة والغداء إذا عندك ...
المتميز : تعال حسبي الله ونعم الوكيل ...
سفر : يالله باي ...
المتميز : باي ...
وبعدها جلست أفكر ياولد الرجال يقول ميامي وأنا من زين هالوجه أقوله سوريا ...
وأخوكم بالسيارة مشغل في المسجل ((( فدوه لعينك فدوه ... يا ابو الضحكه الحلوه
))) ... وآخر إنسجام وجالس أدابك بهالسيارة تقول ماسكني كهرب
...
المهم بعد تفكير قلت في نفسي بلا ميامي بلا خرطي ... سوريا وتخب علينا بعد ...
وكلها دقايق وانا عند باب هالاقشر المتميز ...
وعند البااااااااااب طااااااااااااااااااااااااااااط طاااااااااااااااااااااااااط ... اللي بالحارة كلهم طلعوا ...
واللي يسب واللي نازل وده يتوطى في بطني ..!! ... والحمد لله طلع المتميز وسحبني بسرعة لداخل البيت ...
وإلا الحبيب مجهز القهوة والعلوم الطيبة كلها ...
ونتقهوى ونسولف ونضحك ... ووصل وقت الجد ...
المتميز : سفر أنا جاني عرض نسافر لميامي وبلاش وضيعته ...!! وهالحين جاني نفس العرض من نفس خويي الساعة عشر بالليل بعد يومين الرحلة ...!! خذ جوازك وجوازي وخلنا نزينها من السفارة الأمريكية ...
سفر : ياحبي لك يالمتميز بنروح أمريكا مرررررررررة وحده ... طيب وش رايك نخلي الرحلة الرياض - دمشق - ميامي ...!! ((( أنواع التنسيم في دمشق
)))
المتميز : أقول يا سفروه والله لو ماتعقل أنت ودمشق هذي لأشق وجهك ...
سفر : خلاص عقلت يا الأمريكي ...
المهم ومن الصباح اليوم الثاني ونجهز الجوازات وعلى السفارة وقالوا تعالوا بكرة تأخذون الفيزه لدخول أمريكا ... وفي اليوم الثاني أخذنا الفيزا وجهزنا شنطنا ومشينا للمطار بالليل ...
وفي المطار نقابل صاحب المتميز وهو ياخذنا بارقابنا وعلى الطيارة بعد ما ختم جوازاتنا ... وقال خلكم بآخر مقعدين
... والله من الفشيلة ...
المهم صبرنا على هالبلوه ومشينا ... وثلاثطعش ساعة طيران ... أووووووووووف ملينا ... لكن يازين الحريم بالطيارة
...
وصلنا المطار ونجيك مدرعمين ونجي عند الجوازات ... وهو يقوم يسألنا بالعنجليزي ... وحنا ما عندك أحد ..!! ويجيبون مترجم سوداني وساعتين يالله فهمنا كلامه وعلمناه باللي نبي ... وهم يختمون هالجوازات ... وأنا في نفسي أقول يازين سوريا
...
ومن دخلنا داخل المطار وأخوانكم تقول شاربين لبن ;) ... وهذا يطارد هذي والثاني يطارد هذيك :p ... ماعمرهم شافوا بنات مقلعات كذا ...
وخمس ساعات في المطار من التحويس والإقلاع طلعنا بالتاكسي ...
ومع اول لفة من المطار وقف التاكسي وطردنا ...
الرجال له ساعة يسألنا بالعنجليزي وحنا ما غيير ييس ونو
... ما نعرف إلا هالكلمتين ...!!
وننزل ونقوم نأشر في الخط ... أنواع الفضايح ... وبعد ساعة وقف لنا هذاك اللبناني وش حليله ... ومعاه هذيك الشقرا
... ((( ما قلتلكم قليلين خاتمه ))) ...
وأنا أقوم بعويناتي مغير أغمز ;) ... والمتميز أستانس على السوالف مع هاللبناني وجالس قدام يبربر معه ... وأنا جالس ورى مع الشقرا تقول قطو شايف له فار
...
وأقوم أسوي قدامها مثقف ... وأجيبلك هذيك السوالف اللي تسد النفس ... وأقول أنا جاي على الطيارة بلاش وجالس أتفاخر أثاريني فشلت نفسي وفشلت الاقشر اللي معي
...
وقام المتميز يتنحنح ... وسفر ما عندك أحد :p ... دايخ مع هالشقرا ...
وهي تقول (( تأبرني ))) ... قلت لا والله نقبر المتميز أصرف
...
*********** أقول بعدين الجزء الثاني ***********
ولكم تحياتي ...
أخوكم / سفر المرزوقي .