|
اذا كـنـت هــلالـي.. أبيك بكـلـمـة راس، مـع كـم بـيــت .. [align=center]الهلالي ابو سارة يعود لكم من جديد .. السلام والرحمه عليكم جميعاً.. الى كل هلالي،، وهلاليه ,, كلمة راس ,, أتمنى نعمل فيها جميع . يوم الاربعاء .. أمامنا مباراة مصيريه .. فيها حياة أو موت .. لأمل الهلال في هذه البطولة ,, يابني هلال.. اللي دعاني اكتب هالموضوع .. ماهو دعوة الجماهير للحضور .. لااا وليس (كالعاده) تنكيت واستخفاف دم ابو سارة الثقيل اللي انتم خابرين !! اللي دعاني أكتب هالموضوع اليوم .. هو : خوفي على الهلال مني ومنكم ... في مباراة الذهاب .. فاز الهلال .. واضاع العديد من الأهداف.. وقدم مستوى رائع .. حتى الدعيع مالمس ولا كورة .. بأستثناء واحده او ثنتين ... مافيهم أدنى درجات الخطورة .. ومع ذلك ،،، علقت المشانيق لباكيتا.. وصودرت مجهودات الادارة .. واصبح اللاعبين ..أشباه لاعبين !! والله مو خايف على الهلال من الوداد وجماهيره .. بقدر ماهو خوفي عليه من أنصاره بعد المباراه ! عندي كم سؤال .. للي ( تسول ) له نفسه مهاجمة الفريق بعد أي مباراة .. س1: هل هناك مقارنه بين هلال هذا الموسم وهلال العام المااضي؟؟ س2: هل فيه مقارنه بين لعيبة الهلال حالياَ ولعيبة الموسم الماضي ؟؟ س3: هل هناك مقارنه بين أجانب هذي السنه وأجانب العام ؟؟ س4: هل هناك مقارنه بين باكيتا .. وجميع من درب الهلال الموسم السابق؟؟ س5: هل هناك ذرة مقارنه بين ادراتي الهلال .. السابقه والحاليه ؟؟ الجواب في نضري وااحد لجميع هذي الاسئله .. هو .. بأختصار .. لا مقارنه .. ومن الاجحاف حتى المقارنه .. بين العام والآن . ..... الزبده في الموضوع كله .. خلونا ناخذ كافة الاحتمالات ليوم الاربعاء ونتخيل الشبكه وكتاباتنا فيها.. السيناريو الأول: ( فوز الهلال وتأهله لنصف النهائي ) .. مواضيع الشبكه : " الله عليك ياهلال " "جددوا للمدرب" "أفضل رئيس وادارة مرت على الهلال.. سجل مطالبتك باستمرارا ابو سلطان مواسم قادمه" ..... السيناريو الثاني : ( خسارة الهلال وعدم تأهله لاقدر الله ) مواضيع الشبكه : " الله يفشلكم ..حولتوا الأزرق لأزيرق " "ريحونا من هالمدرب الفاشل " " أمحق ادارة .. الله يرحمك بس يابن سعد .. " ________________ والله حرام نكون كذا يالربع .. مرة معهم معهم .. ومرة عليهم عليهم .. مباراة تخلينا نتغنى بالفريق .. ومباراة تخلينا نلعن الطيب في اصله ! اخوكم ابو سارة له عاده ربما تكون ليست حميده .. وهي .. دايم آخذ فره في منتديات بقية الانديه بعد نكساتها .. (( مااحب الشماته )) شفت الأهلاويين اللي كل ست سنوات بطولة .. مخلين لعيبتهم افضل اللاعبين .. ودعم لامنتهي .. شفت اتحاد جده السعودي وجماهيره !! كيف أن اللاعب مهما اخطأ والفريق مهما سقط .. معه معه.. شفت فرسان الدخل المحدود جار الهنا .. كيف مبعدين عن البطولات وعدم تواجد نجوم في فريقهم الغريق .. ومع ذلك .. النصر في نظرهم .. صح .. ولعيبته .. رقم واحد بالمملكه ويستحقون المنتخب.. بينما .. جمهور الهلال.. الأكثر شعبيه والأعرق تاريخاً .. والزعيم بطولياً .. جماهيره أول من تحوسه .. وتتخلى عنه في الكبوات النادرة .. ياشباب .. حرام عشان مباراة نهد كل شي.. ربما يكون المدرب فاشل .. ويبدع في مباراة .. لكن يضل فاشل .. ربما رئيس فاشل .. يبرز دوره في مباراة .. ولكن يضل رئيس فاشل .. والعكس صح .. ربما مدرب يشطح في مباراة .. ويخسر بتكتيك وتغييرات خطأ .. لكن يضل عبقري .. وربما رئيس يخذل الفريق في مباراة .. ولكن يبقى رئيس ممتاز .. هذا اللي أبي أوصل له .. مدربنا باكيتا كبير والكبير الله .. رغم مباراة لانعرف حتى الآن مانتيجتها .. ورئيس الهلال ابو سلطان .. بالنسبه لي ينافس عبدالله بن سعد في ادارة دفة الفريق .. وقبل لايجي احد ويرد .. أتمى يقرأ هالنقطة .. ** انا متفائل بالتعادل على الأقل .. يعني مو متشائم .. ولكن هالكلام يقاس على أي مباراة حسم, سواءاً نصف نهائي كاس ولي العهد .. أو مباراة النصر القادمه ..[/align] [align=center]... وأنا قاعد أقلب افكار هالمقال براسي .. طلع معي كم بيت .. احطها بين يديكم ,, والسلام ..[/align] [poem font="Simplified Arabic,5,purple,normal,normal" bkcolor="white" bkimage="" border="none,4,gray" type=0 line=0 align=center use=ex num="0,black"] ياهلال انا وياك في كل حزة .. وفي ساعة الضيقه قبل ساعة الفوز تفوز, تخسر ، او حصل فيك هزة .. يضل حبك داخل القلب محجوز في قلب ابو سارة ملكت المعزة .. ومهما جرى ..في القلب ثابت ومركوز وياناس صدري ضايق وفيه وخزة .. بعض الأوادم .. شغلهم صار مهزوز لا فاز الأزرق ..شفت له الف فزة .. وخلا اللعيبه بالسما لأجل هالفوز واذا انهزم,, سوى مثل حرب غزة .. شتم وسبايب..مع كلامِ فلا يجوز هذاك والله ودك انك تدزه .. وتقول فارق .. ثم تعطيه بالبوز ياهوه الأزرق عشقنا كل حزة .. محتاج لك بالضيق.. مو بس بالفوز[/poem] |
تابع .. نقطة سقطت سهواً .. يا شباب انا ما ادعي الموضوعيه .. ولا العقلانيه .. وفي هالنقطه .. أنا العضور قم 80 الف بالشبكه .. من ناحية العقلانيه والموضوعيه !! وكلكم اساتذتي .. لكن ذكر فأن الذكرى تنفع المؤمنين .. تحياتي |
صح لسانك ويعطيك الف عافيه وهذا الي مفروض يصير |
صح لسانك اخوي لو اني حاسك انك متشأم لكن انا مع الهلال خاسر ولافائز وبالتوفيق للزعييييم في المغرب |
صح لسانك يابو ساره وماقصرت وبيض الله وجهك بس: الأنتقاد مو عيب بس في حدود وشكـــــــــــــــــــــــرا s13s s13s |
[align=center]كالــعـــاده مـتـمـيـز . !!! :) حاولت اجد لك موضوع (( حتى لو متوسط الفائده )) لم أجد .. لأان كل مواضيعك رائــــعـــــه !! :) يـــا رائــــع !! فعلا ً يابو ساره موضوع محزن جدا ان تعلق الجماهير وجهـت نظرها على الفوز والهزيمه ... لاكن انا عندي مبداء هو معك يا هلال على الحلوه والمره ... طبعا لايدخل هاذا المبداء النقد (((((( الـــهــــادفــــ )))))) ــ الهادف ــ لأنه من صالح النادي ـــــــــــــــ أصناف الجماهير اللي دايم تذب على كل الفريق بعد المبارات امــا يكون : 1- ماشاف المبارات سمع بالنتيجه وجا يبربر علينا ويجرح اللاعب الفلاني (( المطامر , الشايب , دا زفتا , الــ ... الخ )) 2- يكون نسي عقله بالمبارات وجاي وهو مايشوف الدرب... وحط حرته بالكيبورد . 3- نســي ان فريقه ينافس على بطولتين مهمتين غير البطوله الغــير رسميه هاذي 4- يكون ما (( يفقه )) بالكوره شي بس حاط براسه لاعب ويبي يحش فيه ــــ الأصناف المذكوره اعلاه اقترح يوقفون اليوزرات بعد كل مبارات ينهزم الزعيم فيها لمدة 4 ساعات (( حتى يروق )) . تحياتي لك ... ولا تحرمنا من ابداعاتك :) [/align] |
والله صادق في كل اللي الكلام اللي كتبته,,,,,,,,,,,,,,, وصدقني انا من الناس المرتاحه لهذا المدرب( حتى في وجود اخطاء له) ومع شراء عقد كماتشو وتفاريس,,, لانهم احسن اجانب اتوا للهلال من سنوات ,,, وحرام يوم اكتملوا بإدارة صعب ان تتكرر على الاقل لسنوات قادمه فشتان بين هلال الموسم الماضي وهلال هالسنه,,, بطولة الامير فيصل وبطولة الارهاب وان شاء الله البقيه ستأتي في الطريق لكن بتكاتفنا بنو هلال.... والله معك ياهلال عالحلوهـ والمرهـ ،،،، ومعك يابوساره في كلامك ( اللي كله عقل وحكمه وصراحه).... أشكرك على طرحك الجريء ... واسلوبك الشيق... (وصح لسانك على هالابيات)...وكلامك الذي ينبع عن حب صادق وغيرة على ناديك..... أشكرك من كل قلبي وأضم صوتي لصوتك .. . واتمنى تثبيت الموضوع على الاقل إلى يوم الخميس.................. s60s s60s |
كلام كبير أبو سارة s60s |
الجنية تقول: كلام منطقي لكن اعتقد ان الاداراة السابقة لها الكثير من الايجابيات مع العلم اني لااظلم الاداراة الحالية بقيادة ربان الموج الازرق الامير الشاب محمد بن فيصل |
سيدي بغض النظر عن (( مرة معهم معهم .. ومرة عليهم عليهم .. )) نريد ان نكون عقلانيين بحيث نكشف اماكن القصور من وجهة نظرنا .. مع تمنياتي للزعيم .......... بالفوز ان شاء الله |
ابوساره الله يعطيك العافيه 0 كلام بهدوء وعقلانيه ولكن من حقنا كجمهور النقد الهادف والبناءبعيداً عن التجريح صج والا لا وبصراحه نحن نعشق الزعيم فار خسر حصل على بطولة لم يحصل على بطوله تدهور تطور حابينه حابينه واللي مو عاجبه يشرب من ماء البحر 0 وبالتوفيق للزعيم انشاء الله 0 |
هلا بـ حبايبي النقد الهادف مطلوووووووب وبشده.. انا كان بأمكاني أتفلسف عليكم.. وأقول : يا أخوان لا بد من النقد الهادف .. نحن ضد النقد الجارح .. ولكن هذا كلام مستهلك .. وكلكم عارفينه .. فـ لذلك تجنبته .. ............... هلالي فوق العاده .. صح بدنك يالغالي ويعافيك.. البارق 77 .. صح بدنك ياخوي..وصدقني التشائم بوادي حنيفه وانا في وادي فاطمه .. عطر الليل صح بدنك وثانكس ميلان للأبد .. ياشيخ أخجلتني بكلامك ويارب أكون استاهل نصفه.. صدقني في تصنيفك.. اختصرت 80ألف عضو .. واقتراحك اروع من تصنيفك وليت يطبق والله .. يامالا العافيه يالميلاني .. عاشقsamooo6 صح بدنك يالغالي.. وفعلاً مدرب قدير.. وأتفق معك بخصوص تفاريس بالذات لازم يستمر.. تحياتي لك يالغالي 5+9=بطولات والزعيم15 يعطيكم العافيه الجنيه الزرقاء (بسم الله علينا).. ماراح ادخل معك في جدل حول ايجابيات الادارة السابقه من عدمها .. اكتفيت بذكر الهلال مجملاً الموسم الماضي .. وقارنته بهلال هذا الموسم .. فقط قارنت .. وان شاء الله ماغلطت.. يعطيك العافيه ابو ايمن الهلالي.. الله يعافيك .. وصدقني مو أنا اللي اوجهكم للنقد الهادف والبعد عن الجارح .. هذا شيء انتم توجهونه لي .. ماذكرته لأنه زي ماقلت بالبدايه كلام مستهلك ومعرووف .. وصح لسانك.. حنا مع هلالنا واللي موعاجبه يشرب من المحيط الهندي ....... لي عوده مع البقيه . ولكم أرق تحاياي |
صح لسانك يابو ساره s60s ياشاعر الهلال s60s و يعطيك العافيه على هذا المجهود الرائع وان شاء الله نرجع بالفوز ان شاء الله |
صدقوني النقد الهادف وبدون تجريح هو المطلوب......................... من اي غيور .... ولكن بدون فرض الاراء والتعصب للراي.... |
هلالي تمير .. صح بدنك بس شاعر الهلال كبيره .. وسلمني على تمير واللي سكن فيها .. بالذات الفيصل والعبدالله بايو |
يطولي عمرك يابو ساره دائما متميز وهذا الكلام الصح ولابد ان نكون جماهير واعيه صح ان الهزيمه مره لكن تفائلوا بالخير تجدوه شكرا لك |
صح لسانك وكلامك s60s s60s |
الروديانو صح بدنك ومشكور الصقر .. ماعليك زود يالغالي .. وان شاء الله اني متفائل .. واقل توقعاتي تعادل .. واذكرك بحول الله |
مشكور على موضوعك الرائع الله يكثر من امثالك ؟ s60s |
صح لسانك يابو ساره وماقصرت و بالتوفيق للزعيم ,, |
صح لسانك (مميز حتى في الشعر مميز وش خليت لنا يابو ساره) :D وانشالله يتأهل الهلال وكلامك كذا s60s s60s s60s اذا كتب ابوساره فا اخبروني فأن الابداع منبعه ابو ساره |
[img]احلى[/img] إقتباس:
|
يا اخوي انت عين الصواب ... وصدقني الشباب ما يكتبون الا لشي معين وهو شي في داخلهم ... انا الحظ في بعض الكتاب مثل اللي كتبوا عن الجمعان تلقاه جرح بالاعب وانه ما يستاهل ولما تدخل موضوع ثاني من شخص ثاني كاتب موضوع يمدح فيه الجمعان تلقاه معاه يعني بين الف قوس (( مع الخيل يا شقراء )) ونفس الموضوع موضوع الدوخي تلقاه يكتب موضوع يقول لك فيه انه ما يهمه بقاء الدوخي والموضوع الثاني يقول والله هو لاعب ونتمنى انه ما ينتقل ....؟؟؟!!!! يمكن كلامي خارج التغطيه - يعني ماله دخل في موضوعك نوع ما - لكن الاحظ هذا الشي في جمهور الهلال .. وكلامك لحظته من خلال تواجدي لما يخسر او يتعادل يقومون الدنيا ويقعدونها ... ونسوا هلال العام ...!!!! كيف كان والحين وشلون صار .... خلال هالموسم بطولتين وانتصارات ولعب وفن ... وما يعجبهم العجب ولا الصيام في رجب ... فيه ناس وآه من هالناس اللي ما يصدق يسمع خبر ويجيك ماشي مليون ويكتب والخبر تلقاءه كلام جرايد ... انا مع الانتقاد بس المفيد للنادي اللي يبنيه ماهو اللي يهدمه ... وباختصار ... انا من ولدت هلالي وان شاء الله لاخر عمري هلالي وحبي للهلال فقط ... وسامحوني إذا طلعت برا الموضوع .. واتمنى الفوز للزعيم .. وإن خسر - لا قدر الله - ما راح تنتهي الدنيا .. الزعيــــــــــــــــــم كبير وراح يبقى زعيم مهما جرى وصار ... وعندي احساس إذا الاعبين ما تاثروا بعامل الارض والجمهور وادوا اللي عليهم وزادو شوي من الجديه في اللعب ونفوسهم مرتاحه ... عندي احساس 2/1 للهلال ... والله يوفق الزعيم ويبعد عنه كل حاسد يارب ... وارجع وقول لا مانع من النقد الهادف اللي ينفع الزعيم حاضرا ومستقبلاً ... |
مشكووووور يا ابو سارة على الموضووووع ... هذا حال جمهورنا للاسف ... بس انشا الله يغيرون من طريقة التعامل ... |
صح لسانك وتسلم يمينك ,, يعطيك العافية وإن شاء الله يفوز الهلال ويسعد جماهيره ,, تحياتي لك وبالتوفيق يابوسارة ,, وبإذن الله نقرأ موضوع لك بعد التأهل ,, |
مشكورين يا شباب على مروركم .. الفارس المعصب .. وربي احرجت أم التواضع اللي في جعبة ابو مندوبي .. تسلم والله ومشكور على مداخلاتك الحلوة ...... هلاليمان عاشق سامي قلبي هلالي زعيم آسيا الف شكر لكم وصحت ابدانكم جميع أخوي راشد صح بدنك ولا هنت يالغالي وبأذن الله لكم مني أحلى مقال بمناسبة التأهل (( بدال الشربات )) ...... blue lunging صدقت ,, مبدأ مع الخيل يا شقراء .. ماشي في المنتديات ويقوووة بعد . وبالعكس كلامك .. مو خارج التغطيه .. الا والله ارسال فل .. وفي الصميم واعجبني والله ردك .. المفروض يكون موضوع مستقل برووحه .. تحياتي لك .. |
[align=center]لا تعليق والله كبير يابو سارة ,,,,, سلمت ياعاشق البنت [/align] |
صح لسانك ويعطيك الف عافيه وهذا الي مفروض يصير |
بيض الله وجهك s13s s13s |
صح لسانك وتسلم يمينك يابوسارة s60s s60s s60s ياريت لو يتم تثبيت الموضوع ليوم الخميس s60s |
السلام عليكم .. والله ياابو ساره مادري وش اقول بس كلامك عين الصواب وهذا الكلام اللي نبيه .. وصدقت انت في المنتديات الثانيه حقت الاهلي والاتحاد والنصر كلهم يشوفون ان لعيبتهم الافضل بالمملكه وحنا عندنا لعيبه افضل من لعيبتهم .. ولازم نوقف مع لعيبتنا ومع ادارتنا ومع النادي بشكل عام بالحلوه والمره.. ومشكور مره ثانية يالغالي .. اخوووووووك راشد .. |
يعطيك الف عافيه ابو ساره ..واسمحلي اهنيك على مقالاتك لاني بصراحه اول ما اشوف موضوع باسمك اتلاحق عمري حتى اطالع موضوعك بصراحه تعجبني غيرتك وحبك للزعيم بس حبيبي شوي شوي لا يطقلك عرق ماعندنا الا ابو ساره واحد :rolleyes: المهم.. انا معك ان المفروض ماننتقد لمجرد الانتقاد او مع الخيل يالشقرا وبصراحه هالسنه الفريق غير من جميع النواحي طبعا المستوى مو طموح اي هلالي لكن افضل من السنه الماضيه ومن المفترض بعد اننا ما نطالب الاداره او اللاعبين فوق طاقتهم وياليت نعطيهم الفرصه لاخر الموسم وبعدين نحاسبهم وانشالله الفريق بيفرحنا ويحقق كل اللي نبيه بس اسمحلي اختلف معك في فكرة المقارنه لانه في ظلم للطرفين خصوصا ان الكل هدفه خدمة النادي وخصوصا ادارة بن مساعد اللي بصراحه كان فكرها احترافي جدا ومن افضل الادارات اللي مرت على النادي والكره السعوديه عموما.... واخيرا,,تفائلوا بالخير تجدوه وشكرا |
يعطيك العافية أبوسارة .. و كلام منطقي ينحط فوق الراس .. و للأسف هذا حال أغلب المشجعين ... النتيجة هي اللي تخليهم يتكلمون .. و الله يوفق زعيمنا بالمغرب يا رب العالمين |
يعطيك العافيه حبيبي أبو ساره كلامك بصراحه يدل على وعي كروي عموما مافيه اي فريق بالعالم ياخذ جميع البطولات ويفوز بكل المباريات المفروض نبارك للفريق اذا فاز .. اما ان حصل خير ذاك لا قدر الله بحب الجهور نغير نفسيات اللاعبين ونشجعهم اكثر للبطولات الجايه ياليت نلقى نظره على الملاعب الاوربيه نجد فرق لم تحصل بطوله من ثلاث سنوات ولكن عدد جمهورها بالملعب يصل الى ثمانين الف مشجع ابو سلطان يطولي بعمره والمدرب الداهيه بالنسبه لي مايختلف عليهم الا الي ماخذ كوره القدم لعب حواري :rolleyes: |
صادق في كلامك ولكن انا متفآئل جدا في هذه المباراة بالذات. ولكن انا اخاف من المباريات الي تحذر منها الجماهير بهذه الطريقة واذكر مباراة الاسماعيلي الي بمصر تكلمت بنفس الطريقة ولكن اتمنى يخيب ظني وظنك ويقلبها الازرق وانا متفائل. يوم قريت عنوان الموضوع حسبت توزع بيوت قلت خلني الحق واثره مثل التصميم. على العموم الابيات رائعة جدا. العادة تكون مواضيعك من الاستراحة والقفشات ولكن اليوم ابو سارة عن جد يتكلم ولكن اقولك تفائل جدا لان الفريق المغربي تحت ضغط كبير من الجماهير وحتى مباراة الدوري الاخيرة لعب بالرديف. |
الله يعطيك العافية فعلا بعض جمهور الزعيم مع احترامي لهم جمهور متقلب وكلامك كله صحيح و100% وهذا ينطبق على جمهور الهلال فقط أتمنى ان يغيروا هذه الصفه بعد مباراة الزعيم سواء فاز أو خسر لاقدر الله |
[align=center]إذا أراد الانسان أن يبحث عن المتعة والاستفادة والفرفشة والجدية بنفس الوقت .. كل ماعليه أن يتجه لمقالات عضو يوزره [glow=FFFFFF][glint]الهلالي _ أبو ســـاره[/glint][/glow] ... وشخصيا بالنسبة لي إذا كان المنتدى راكد مافيه شئ جديد .. ارجع لمواضيع الهلالي _ أبو ســارة القديمة ... مواضيع تجمع بين البساطة وعدم التكلف وعدم التملق والتزلف .. وبين الجودة والقيمة .. هي مواضيع يكون كاتبها الهلالي _ أبو ســـاره ... عبارات الثناء وكلمات الاطراء للأسف هي قليلة بحقك ... ليت لي القدرة على إختراع كلمات جديدة تليق بك ...[/align] [align=center]ماعقب كلامك كلام .. ولكن أحببت أن أعلق على بعض ماجا في ثنايا مقالك ...[/align] إقتباس:
إقتباس:
إقتباس:
إقتباس:
إقتباس:
إقتباس:
إقتباس:
تقبل تحياتي يابو ســــارة ... [/align] |
صــــــــــــــــــــــح لســـــــــــــانك وانشاءالله انا مع زعيمنا في السرا والضرا ويسلموووووووووووووووووو حبيب قلبي |
[align=center]أتمنى تسمح لي يابو ســأرة تجرأت على موضوعك ...[/align] إقتباس:
طولت الغيبات خيو .. عسى المانع خير يالغالي ...[/align] |
معاك ياهلال على الحلوة والمرة وشكرا على الموضوع |
كلاااااااااااااااام جميل لازم نكون مع الهلال فيضعفه وقوته وكلا مك ايضا يرفع من ثقة الجماهييييييييييييير نتفع تكون طبيب نفساني للجماهير :razz: s60s |
الهلالي ابو ساره الله يعطيك العافيه كلامك في محله |
مقـــدر انا على ابيـــات الشعـــر :d من جد ابــو ســاره كــلامك بمحلــه وهذاا للاسف ما يكرهني ب منتدى الهلال ويعطيك الف عافيه |
يالله انك تحيي أبـوســارة ،،، صــح لسـانك يابعـدي .... قصيــدة رااائعــة هذاك والله ودك انـك تـدزه .. وتقـول فـارق .. ثـم تعطيـه بالبـوز << ابشرك الكنادر عندي أم سحـاب وواقي حديـد بطرف البــوز :d والله إن جماهيرنـا مشـكلة ...!! ماتعرفلهـم لابوقت الفوز ولا الهزيــمة ،،، فيه مثل عزيزي ابوسارة يقول ؛؛ ((لاتصير قاسي وتنكسر ولين وتنعصر )) ترا كلنا نحب الزعيــم ،،، كلنا طايحيـن عند الزعيــم ،،، بس ماتوصل ذي المواصيــــل ...... واما جولاتك على منتديات الأنديـة بعد نكسـاتها :d :d صدق ابوساارة كنت أحسب انا بس اللي يروح يتشمت ،،، اثر فيــه غيــري ... انا كنت اشوف واحد مطفي النور ومولع الفلشر ومتلطم بالشماغ ومطلع علم هلالي ...،،، لا ويتسحب على مهله (من جد تحس واحد يبي يقهرهم ) :d وانواع التشمت في منتدياتهم مسويلهم قلق ...!! اثره انت ابوساااااااااااره هههههههههههه الله يرجك ....... بالتوفيــق ..للزعيـــــم والله الهــادي ،، |
الله يعطيك العافيه نحن مع الهلال فايز خسران متعادل دخل بطوله او خرج من بطوله |
يسعدني ويشرفني ان اول رد لي يكون لمقالك وموضوع ممتاز تشكر عليه |
[align=center]هلااااااااااا وغلاااااااا بكم كلكم .. اسعدتني مداخلاتكم .. وأحرجتوني بكلامكم .. وأن كان لي شيء من الابداع .. فأنا استمده من الله ثم منكم .. ألف شكر لكل من تداخل أو قرأ المقال ______________________________ أخوي المبدع في سماء الشبكه .. تغيب الشمس .. والله ياخوك نقرأ مواضيعك.. نحس أن كل محاولة ابداع بعدك زي ( قلتها ) حتى في ردودك مميز ,, الله يشهد ياخوي أن من اسباب عشقي لهالشبكه وجود شخص .. مميز متواضع حبوووب مثلك .. سلمت لنا ولكل من أحبك .. أكتفي بهالكلمتين عن شخصك الكريم ..وأنا عندي اضعاافهم حتى لا أتهم بالمجامله ... والمنافقه .. ويسعدني أنك تعرف معزتك عندي .. مثل ما أنا عارف معزتي عندك .. تحياتي لك اخووووي ,, وبارك الله في شبكة عرفتني بمثلك .. ....................... اخوي صاحب المداخلات المرحه .. دبل كيك .. لا لا لا أنا اعترض وبشده .. كاتب (( كوميدي )) مثلك .. حرام مايكون له مواضيع مستقله . رجك الله رجاً لا شفاء بعده يا هذااااا وأنا أقول من اللي في منتدى الاتحاد بعد ثلاثة سونجنام .. شطف الرفرف حق سيارتي :d اثاريه انت ... والله مداخلتك أضافت النكته للمقال هذا .. وأنا متجنبها مشكوور ولا أوصيك استمر معي يالغالي وننتظر جديدك (( وين ياعمي عزازي ههههههههههههه )) ننتظر لك مقال تتحفنا فيه تحياتي ______________ اخوي المحب لزعيم آسيا : من طول الغيبات جاب الغنايم .. لاتقاطعنا . ولا توهقني مع العالم .. عساني القى بيت يضفني ههههههههههههه ________________ هلالي الظهران.. مشكور على كلامك الجميل عن شخصي المتواضع .. تحياتي لك .... يعذرني بقية الاخوان ... لأن الردود كثيره ووقتي ضيق والله ... الف شكر لكم .. وبأذن الله لي عوده اخوكم الخالدي الهلالي ابو سارة[/align] |
[align=center]s60s s60s s60s كلام كبيـــــــــــــــــر ارجوا التثبيت الى نهاية الموسم s60s s60s s60s[/align] |
فيصل الله يعطيك العافيه .. سامي36 أنا اللي والله لي الشرف بأنك استفتحت مشاركاتك بمقالي .. اخواني أعضاء شبكة الزعيم .. صحت ابدانكم جميع ولا هنتوا .. والى اللقااء |
صح السانك هذا هو الي يصير والله يرحم سعد |
الله يعطيك العافية على هذا المقال |
أبو ســارة شـهــادة أعتز فيـها .... ووســام أتقلده على صدري ،،، من كاتب مثلك على فكرة الوعد المرة الجاية مثل ماقلت تكون الفرارة عند جار الهنا << ياحبهم للتشمت :d |
[align=center]السلام عليكم تسلم اخوي ابوساره على كلامك الجميل والمميز واللي الحقيقه شدانتباهي كثير هذي العقليه الرياضيه اللي نبيها اذا جيت للأنصاف تلقى وكلام ولااروع الف الف الف شكر تدري عاد ماذبحنا الاالتعصب لونشيله من روسنا صدقني ماكان هذا حالنا لكن ماقول الا الله يعطيك الصحه اخوي ابوساره والله كلامك غايه في الروعه ومقنع تماما s60s ياهوه الأزرق عشقنا كل حزة .. محتاج لك بالضيق.. مو بـس بالفـوز وصح لسانك اخيرا تقبل خالص تحياتي مثلي الاعلى سامي المفروض هذا يثبت ليستفيد الاخرون s60s [/align] |
ياحبيلك يأبو ساره دائماً رائع |
إقتباس:
لاهـنــت . ومشكور على كل كلمة قلتها بحقي .. ......................... هلالي قطر .. هلا بك بين اهلك و ناسك .. والله يهداك قلبت المواجع .. اي والله الله يرحمك ياسعد ............................... jshn والغالي أحب الهلال وبس .. يعطيكم العافيه .. وما قصرتوا .......................... المدبول . . اقصد دبل كيك (( اخس ياكابتن ماجد )) .. والله كل كلامي بحقك يضل قليل .. بعدين ورى ما ناخلي شماتتنا دوليه !! تخاويني بعد المباراة منتدى الوداد ؟!! ولا ما ماعك جواز ههههههههههه :D تحياتي لك .. ____________ اخواني الكرام .. استميحكم عذراً .. لعدم تواجدي في المنتدى من اليوم الى يوم السبت .. يعني اللي بعد هذا الرد .. يعذرني ماروح اشوفه الا اذا جيت بحول الله .. وان شاء الله الأزرق فايز .. حطوا في بطونكم جح وقرع .. ما يعرف الخوف من هذا فريقه .. تحياتي لكم ولنا عودة قبل لقاء اتي جده السعودي |
[align=center] إقتباس:
لاهـنــت . ومشكور على كل كلمة قلتها بحقي .. ......................... هلالي قطر .. هلا بك بين اهلك و ناسك .. والله يهداك قلبت المواجع .. اي والله الله يرحمك ياسعد ............................... jshn والغالي أحب الهلال وبس .. يعطيكم العافيه .. وما قصرتوا .......................... المدبول . . اقصد دبل كيك (( اخس ياكابتن ماجد )) .. والله كل كلامي بحقك يضل قليل .. بعدين ورى ما ناخلي شماتتنا دوليه !! تخاويني بعد المباراة منتدى الوداد ؟!! ولا ما ماعك جواز ههههههههههه :D تحياتي لك .. ____________ اخواني الكرام .. استميحكم عذراً .. لعدم تواجدي في المنتدى من اليوم الى يوم السبت .. يعني اللي بعد هذا الرد .. يعذرني ماروح اشوفه الا اذا جيت بحول الله .. وان شاء الله الأزرق فايز .. حطوا في بطونكم جح وقرع .. ما يعرف الخوف من هذا فريقه .. تحياتي لكم ولنا عودة قبل لقاء اتي جده السعودي [/align] |
تسلم يا ابو ساره .. كلامك عين الصواب .. لازم نكون مع الهلال في كل الأحوال .. والإنتقاد لازم يكون بعقلانيه وبعد المباراه بفتره كافيه عشان تكون الأعصاب هاديه .. وبلاش من هـ التفاهات اللي نشاهدها بعد هزيمة الفريق .. ومشكوووووور يا ابو ساره على هـ التذكير .. (( يالله يا كريم إنك توفق الأزرق الليله )) |
| الوقت المعتمد في المنتدى بتوقيت جرينتش +3.
الوقت الان » 09:56 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd