السلام عليكم..
كيف الحال ان شاء الله
طبعااا من حبي للهلال طقت في راسي اليوم المغرب ورحت انا وثلاثه من اخوياي وحجزنا على الدار البيضاء وبصرااحه بصعوبه لقينا حجز ماادري ليش
حاولت ان تكوون الرحله يوم الثلاثاء لكن لكثرة الحجوزاات وقلة الرحلاات لم اجد الا يوم الابعاء الساعه الثامنه صبااحااا <<<<<<<عاطل لاشغل ولامشغله
لكن ياليت يعطني احد الاخواان اسم الفندق اللي راح تسكن في البعثه الهلاليه
ويليت نجتمع ونروح مع بعض الملعب ,,,,,,,,,, انا رحلتي يوم الاثنين وراح اوصل ان شاء الله الدار البيضاء يوم الثلاثاء ,,,,,, وراح اتواجد في بهو الفندق يوم الاربعاء من وقت مبكر باذن الله ,,,,,,,,
على فكره اعتقد ماراح تحصل سكن بالشيرتون بسبب كثرة الوفود فيه عموما ان ماقدرت في حياة رجنسي قريب جدا منه او المنصور هيلتون بس موقعهم داخل البلد وازعاج بصراحه وخنقه من الديزل لو تروح لعين الذيب على الكورنيش احسن بتحصل اوتيلات مطله على البحر تقدر تاخذ غرفه او شاليه مريح وماافي ازعاج ومنطقه تسهر شوارعها لليل بسبب وجود اماكن السهرات فيها عندك مثل اوتيل الاطلس فايف ستار او رياض السلام وكلهم فايف ستار طبعا لايغرك فايف ستار بالمغرب يعني عندنا 4 نجمات وعلى فكره الاوتيلات غاليه وكازا بلانكا غاليه يوميا ماتصرف اقل من 1000 ريال انتبه لاتورط نفسك وتروح للسفاره يسددون عنكم
عموما السكن في الشيرتون حياة رجنسي تقريبا 190 دولار الى 200 دولار في اليوم للغرفه للشخصين
وبصراحه ماتستاهل لان موقعها داخل البلد وكانك بالبطحا من الزحمه
رياض السلام والاطلس من 150 دولار الى 170 دولار للشخصين في غرفه مع الافطار
وانتبه على نفسك مو مريحين الدار البيضا شعبهم انا قبل اسبوع كنت هناك وشفت مباراه الذهاب في مقهى بصراحه ودهم يذبحوني لو مامعي اصددقاء مغاربه حتى تحرش وسب يسبونك لاترد عليهم يحاولون يجرونك في مشاكل
والله يعينك على الرحله متعبه مو اقل من عشر ساعات طيران اذا كنت على الخطوط السعوديه وساعه توقف بجده
بس اذا على المغربيه 8 ساعات الطيران لانها تدخل الاجواء الليبيه بس السعوديه ماتدخل تروح على البحر المتوسط ومالطا