الهلالي ابو سارة يعود لكم من جديد ..

حياكم الله اجمعين .. الى يوم الدين ..

يالربع ..

مدري وش قصتي مع هالمباراة ..

مباراة الهلال والواداد المقبله ..

مرة اقول بنتأهل .. لأن اي هدف هناك لنا .. يلخبط أم المسائل الوداديه ..

ومرة اقول .. شكلنا بنجيب العيد في الدار البيضاء .. ونقلبها سوداء !!

مرة اتفائل ..

ومرة يخش التشائم بعكسيه .. تفرقني أنا وتفائلي..

تفكيري هاليومين .. عليه طلعات .. مايرقاها جيب..

والسبب مباراة الاربعاء..

صراحه هالمباراة .. غريبه ..

تصدقون انها تاكل معي وتشرب ..

تنوم معي وتقعد ..

26 ساعه بث يومي معها .. وتفكير على مدار الثانيه ..

ولعلمكم يا ساده (( أحلى ياساده )) ..

انا شخص مشغول دوماً (( مسوي تلفون )) ..

أروح وأجي في ارض الله الواسعه ..

معي شلة ناس .. شرواكم .. يخلون الهم بصوب.. والواحد بصوب ..

لكن هالمباراة الله مار يغربلها..

ماتركت للوناسه مقدار "زره" (( ذرة.. بس تو مكلم السوداني حارس الاستراحه.. سوري ))

ايه عاد اقول لكم ..

مالي الا الله ثم استراحتنا وانتم ..

وش توقعاتكم ..

انتم مثلي .. ولا انا اللي لحالي موسوس .؟!

ماراح اتوقع عشان ما اقلب جوكم أسود على هـ السبت (( ادري مو ناقصين ))

بأترك التوقع لكم ..

بس هااااااااه ..

ذب الأماني ورى صلبوخ .. والعاطفه بعيد .. بعيد انا انته بعيد وحدينا ( آه يام كلثوم )

قل التوقع اللي براسك ..

وانا عارف ان ابو شمس .. الحين بيجي ويقول الهلال 2 .. صفر .. ههههههههه

ليتني مثلك .. متفائل ..

.......................

اليوم الكاتب محمد العبدي ..

كتب مقال عن الخمر وقصته مع اللاعبين ..

صدقوني أعرف لاعب جاي التمرين مرتفع .. شف وين وصلنا ؟؟

بعدين اللاعب من مجتمعه اللي عايش فيه ..

واستراحات شباب الرياض 75% منها اقل شيء فيها ... العرق!!

يعني مسكت على اللاعبين ..؟ ! الله بس يصلح الحال..

بعدين نصيحه لأهل هالمسائل ..

اذا بليتم فأستتروا ..

انطق في محلك لين ينعدل مزاجك .. واطلع تبختر وهز كتوفك .. ترى ماتسوى عليك فضيحه!!

بس الصرااحه .. أهنيء الاستاذ العبدي على صراحته ..

يعني نعرف كلنا هالأمور ولا تجرأ كاتب عليها ..

بأستثناء القدير محمد العبدي ..

المهم نرجع لموضوعنا .. وفكونا من المشروبات الغازيه .. وخلونا في هلالنا اصرف ..

........

قدامنا مباراة الاربعاء . . الله يستر ويوفق ..

وأوعدكم .. كان مريت المغرب وانا جاي من الشرقيه .. لأحضر المباراه واجيب رابطه بعد !!

بايو

هذه المساحة محجووزة للرد ...

اخوي اللي الله كاتبه بيصير .

الفريق يعمل بكل جهد والباقي على الله

[align=center] أخوي العزيز والغالي جدا [glow=FFFFFF]الهلالي _ أبو سـارة[/glow] ...


[glint][glow=FFFFFF]... صباحك أزرق هلالي .. صباحك بطولات وصدارة وزعامة ...[/glow][/glint]

مقال خفيف ورائع مفعوله كمفعول المرطبات الباردة في هذه الاجواء المحرقة ...

بالنسبة يابو سارة لخوفك من هالمباراة .. كما قلت سابقا خوف له مايبرره كون كرة القدم أبدا لاأمان لها ...
وحسب ماسمعت ان العام ميلانو كان فايز اربعه صفر على فريق اسباني .. في مباراة العودة باسبانيا انهزم خمسة مدري كم .. فما بالك بفريق فايز واحد ...
لكن يابو سارة اذا حبيت تريح بالك .. ابيك تناظر تسجيل لمباراة الاهلي والوداد في الدار البيضاء .. صحيح ان لكل مباراة ظروفها .. لكن فريق الوداد في تللك المباراة كان في عز قوته وكامل الصفوف بالكاد تعادل مع الاهلي المتواضع والمطرود منه حسين عبدالغني في تلك المباراة .. يعني تقارن عناصر الاهلي بعناصر الهلال ...

واذا كنت خايف من تأثير الجمهور .. ابيك تناظر تسجيل لمباراة الهلال والزمالك في مصر او الهلالي والاهلي المصري العام في دوري ابطال العرب ... وراح تشوف كيف ان نجوم الزعيم لم تهزهم تلك الجماهير ...

مابي اقول توقع معين علشان لايتوهق موضوعك ....

صدقني يابو سارة .. الزعيم راح يمشي المباراة بالشكل اللي يبيها هو ... والهلال باذن الله راح يضرب بقوة في تلك المباراة ...

بعدين وش هالتوقيع اللي أنت حاطه .. كأنك تقصد بعض الناس .. لايكون المالك يصير لك ...

يعطيك الف عافية اخوي أبو ســأرة ...[/align]

السلام عليكم

صدقني يأبو ساره

الهلال بعزيمته وروحه مايوقف قدامه أحد

وشكراااااااااً

والله إذا النفسات عال العال ((فوق النخل فوق )) اتوقعها 2/1 للهلال

لكن لو فيه واحد من اللي بيلعبون متعكر المزاج ..
اتوقعها تعادل 1/1 واحد للهلال و واحد للوداد

والله يجيب العواقب سليمه ...

اتوقعها تعادل اذا لعب مهاجم الهلال

اما اذا لعبو خطه دفاعيه فأتوقع العيد .... الله يستر


موفقين انشاء الله

إقتباس الرسالة الأصلية كتبت بواسطة تغيب الشمس بحلم يومي [align=center] أخوي العزيز والغالي جدا [glow=FFFFFF]الهلالي _ أبو سـارة[/glow] ... [glint][glow=FFFFFF]... صباحك أزرق هلالي .. صباحك بطولات وصدارة وزعامة ...[/glow][/glint] مقال خفيف ورائع مفعوله كمفعول المرطبات الباردة في هذه الاجواء المحرقة ... بالنسبة يابو سارة لخوفك من هالمباراة .. كما قلت سابقا خوف له مايبرره كون كرة القدم أبدا لاأمان لها ... وحسب ماسمعت ان العام ميلانو كان فايز اربعه صفر على فريق اسباني .. في مباراة العودة باسبانيا انهزم خمسة مدري كم .. فما بالك بفريق فايز واحد ... لكن يابو سارة اذا حبيت تريح بالك .. ابيك تناظر تسجيل لمباراة الاهلي والوداد في الدار البيضاء .. صحيح ان لكل مباراة ظروفها .. لكن فريق الوداد في تللك المباراة كان في عز قوته وكامل الصفوف بالكاد تعادل مع الاهلي المتواضع والمطرود منه حسين عبدالغني في تلك المباراة .. يعني تقارن عناصر الاهلي بعناصر الهلال ... واذا كنت خايف من تأثير الجمهور .. ابيك تناظر تسجيل لمباراة الهلال والزمالك في مصر او الهلالي والاهلي المصري العام في دوري ابطال العرب ... وراح تشوف كيف ان نجوم الزعيم لم تهزهم تلك الجماهير ... مابي اقول توقع معين علشان لايتوهق موضوعك .... صدقني يابو سارة .. الزعيم راح يمشي المباراة بالشكل اللي يبيها هو ... والهلال باذن الله راح يضرب بقوة في تلك المباراة ... بعدين وش هالتوقيع اللي أنت حاطه .. كأنك تقصد بعض الناس .. لايكون المالك يصير لك ... يعطيك الف عافية اخوي أبو ســأرة ...[/align]

مقالك يهدي الأعصاب ..

نقول ان شاء الله ..

بعدين التوقيع .. ماقلت لي وش رايك فيه؟

بخصوص المالك..

تخيل لو المالك يقرب لي ..

كان كل يوم زاويه نص صفحه في الجريده .. وخذ حش في النثر والاتهاد ..

بعدين ..

سارة .. مو سأرة .. هههههههههه مابقى الا تقول فأرة ,,

الله يرجك رج البسبسي دامنا في طاري المشروبات ..

تحياتي لك

[align=center]أخي الكريم أبو ساره

والله حنا متفائلين بالنتيجة الجيدة لأن أبنائنا رجال وما ينخاف عليهم ، بس ودنا إنهم ريحونا من المباراة الأولى كان ماصار معنا مثل ما قلت وسوسه .... بس الله يجيب العواقب سليمه ونفوز بعد مو بس نتعادل ....

تحياتي ؛؛؛[/align]

أنا متفائل بفوز الزعيم باذن الله

واللي كاتبه الله بيصير

بصراحه مشكور على موضوعك الخفيف والجميل يا _ أبو ساره _

أتوقع الزعيم .. يسويها .. وان شاء الله قدها وقدود ..

أتوقع نتأهل ..

إما بفوز أو تعادل ..

يعطيك العافية يابو سارة ..

بصراحة انا محتار مثلك , مو قادر احدد ان كان بنفوز ولا بنخسر .. لكن الله يقدم الي فيه الخير

بالنسبة لموضوع العبدي فا فعلا الخمور داء مستفحل في مجتمعنا و كذلك الحشيش الله يحمينا و يحمي كل

الشباب المسلم

و أتمنى من المسؤولين مباشرة هذه القضايا الجوهرية في المجتمع .

إقتباس الرسالة الأصلية كتبت بواسطة ولد وايل [align=center]والله يابو ساره مدري وش اقولك امشي مع العاطفه : اقولك اتمنى الهلال امشي مع العقلانيه : اقولك بيعديها الزعيم الفريق مكتمل عناصريا ,,,, الملعب ممتاز ,,,,, الاعداد جيد للمباراة ,,,, متقدمين بهدف كل هذي اسباب يحتاجها الزعيم للعبور للمرحله الثانيه ولكن متى ماكانت الروح موجوده ذيك الساعه انا اظمن فوز الفريق لاتنسى ان الوداد مضغوط نفسيا اكثر منا ,,, وهذا راح يخليه يضغط من البداية ويفتح اللعب انا اتمنى ان باكيتا يركز على هدف مبكر يريح اعصابنا واعصاب اللعبين توقعي والله اعلم 2-1 للهلال ,,,,, والله يعديها على خير تحياتي[/align]

اي والله جبتها يالوايلي .. الروووح..

وفعلاً الوداد مضغوط .. لكنه فريق خبير,, أكيد مرت عليه اصعب من هالمواقف ..

اتمنى من الله يكون توقعك صحيح .. وأهنيك على روحك التفائليه ..

تحياتي ..

____________

اخواني:

تركي 2002

موها10
Blue longing

هلااالي

نواف راجع

هلال الامجاد

الاصيل ..

مشكورين على المرور ..

تحياتي وان شاء الله المباراة زرقاء ..