[align=center]
السلام عليكم ورحمة الله وبركاته ...


كلنا يعلم ان اللاعب \ عبدالله الجمعــــــان يعد من أفضل المهاجمين بالسعوديه على الرغم من ابتعاده كثيرا عن المواظبه والتمارين وامور قد تجعل من اسهمه ان ترتفع لتقوده الى العالميه .

فلا اعتقد يخفى عليكم بان عبدالله الجمعان يملك مقومات جسمانيه لا يملكها الكثير من مهاجمي المملكه ولا حتى ياسر القحطاني الذي اصبح قضيه لمنتدى الهلال .. واعتقد لا يخفى عليكم الرجل اليسري لعبدالله .. ولا يخفى ايضا الطول والجمس الذان يساعدان عبدالله في الضربات الراسيه ..

اعتقد ايضا انه لا يخفى عليكم ان عبدالله الجمعان من المهاجمين النادرين الذين يكونون بالتشكيله ولا يضيف شي للهلال . حتى ان معظم مشاركاته لاتنتهي دون تسجيل اسمه كصاحب هدف على الاقل ..

بقي ان اضيف . ان عبدالله سجل هدفا لن ننساه ابدا في الشباب في نهائي كاس خادم الحرمين ..
هدف ذهبي جعل من الكاس يتوجه للدرج المفضل له , درج نادي الهلال ...

كل ما قلته كان بتلقائيه دون اعداد مسبق ولكن خبر ايقافه هو ما جعلنا نكتبـ وسنرتجل ما قلناه .


المطلوب من الموضوع .. والفائده المرجوه . هو ان لا نخسر لاعب خسر نفسه حينما تصرف هذه التصرفات ...

كلنا وبصوت نريد ان نطالب من عبدالله الجمعان ان يتعذر للنادي . رئاسه واعضاء وجماهير ونريد من سمو الامير ووجه السعد \ محمد بن فيصل ان يتسع صدره لهذا اللاعب ولو لاخر مره ..



دمتم بدون خسارات .........


فمان الله ...[/align]

انا بصراحه ماادري ليش عبدالله اوقف وعبدالله لاعب لايختلف عليه اثنان لكن الفرص التي اعطيت له هذه السنه وكل مره يطلع يعتذر ويوعد ويخلف تخليني من اول الاشخاص اللي اتمنى ان ينتقل هذا الاعب وان نسفاد على الاقل منه ماديا

صح صح صح صح صح ولوعبدالله الجمعان رجال يعتذر وينضبط

الى متى يستاسع صدره؟؟؟؟



كم رئيس سابق حاول معاه ولا نفع ويكفي حركته يوم كأس السوبر الآسيوي


هذا الاعب وجهه مغسول بمرق ولو فيه ذرة حيا كان قدر اللي تقدم له من رؤساء الهلال وعلى الأقل حب الجماهير له


ابسألك وش خذنا من الجمعان؟؟؟ لاعب سوى وسوى هالحين وش خذنا منه؟؟؟ يا مشكلة مع مدرب ؟؟ يا منحاش من معسكر؟؟ يا مطالب بعقد ؟؟ يا وزن زايد؟؟ وسوى شي ما قد أحد سواه في العالم إنحاش من فريقة في مباراة نهائي؟؟ بالله هذا لاعب ترجي من وراه خير؟؟


والله يا ما وسعنا صدورنا عليه غديه يعقل ويثبت ويرجع الجمعان صاحب أقوى قدم يسار بس هو اللي أعدم نفسة بنفسه

أنا ودي أنهم حولوه لهاوي عشان يخيس في النادي منها ما يطلع من البيت اللي طلعه الهلال ومنها يقعد معلق لين يقدر اللي سووه عشانه

بس البيت الهلالي ما يستحمل مثل هالشاكلات خلوه يروح للإتحاد وإلا النصر يبحلون به معاد نبيه عوووع

لو بتقارنون قارنوا بينه وبين الدوخي هو وياه طلعوا سوى شوفوا الدوخي وين وصل وعنتر بن شداد زمانه وين وصل


لكن صراحة ما ينطبق عليه الا قول واحد بس::: جسم البغال وأحلام العصافير::




_____________________________________________
تحية من مسارح برود واي

وعليكم السلام
يشباب صدقوني منتم احرص من الاداره على النادي
والتصرف هذا ماهو من الباب لطاقه اكيد الجمعان
اخطاء ولازم ياخذ جزاه وارجو ان الموضوع ماياخذ
اكبر من حجمه ورب ضارة نافعه
ومشكوووووووووووووووووووووووووووور

[mark=FF0000]والله الجمعان مايبي يعقل بكل صراحــه

كل مايسامحه الرئيس يرجع ويستهبل

واتمنى ان يتم بيعـه اليوم قبل بكرى .. [/mark]

يااااااااا اخي ملينا من هاللاعب كل يوم مشاكل وكل سنة يقول ابفتح صفحة جديد ولكن !!!

كلنا يذكر قصته يوم مباراة سامسونج في نهائي السوبر - ليلة الهروب من المعسكر -
ونذكر مباراة بيروزي - يوم يرفض الخروج من الملعب عند استبداله -
ومباراة الجيش - يوم يطق الحكم -

ما يختلف اثنين على موهبته الكروية ولكن موهبة دون عقلية - مع احترامي للجمعان -

والله ها لاعب أكثر واحد اعطي الفرصه ,,

لو فيه شوية حياء وخجل كان تلقاه من زمان يرد جميل الهلال ومن اعطاه الفرصه وعفى عنه اكثر من مره


فليرحل الجمعان وليبقى الزعيم بنجومه ومحبيه ,,

صراحه ملين منه ومن مشاكله


وكل مره نردد هالأسطوانه طلب من سمو الأمير نعفو عن الجمعان لأنه الأفضل مهاريا وجسمانيا وغيره

لكن وش نفعته فيه دام عقليته بها المستوى..


بالعكس احنا مع الإداره في مثل هالتوجه

اعطي اكثر من فرصه ولم نستفد شيء,,

ياليت الهلال باعوه على الاتحاد يوم هم يبونه

عبدالله ذبحنا وتخلنا عنا في مواقف كثيره ومباريات حساسه وعبدالله لازال بعقليه لاعب الحاره الى يدور مشاكل وبس


خلوه يذهب بدون رجعه

طيب اش سبب الإيقاف ؟؟؟

صح صح صح صح صح ولوعبدالله الجمعان رجال يعتذر وينضبط

الضرب في الميت حرام يا اخوان وكم رئيس نادي فزع وتحمل بس الضرب في الميت حرام

الاخ عاشق الهلال ومنال بالنسبه لمباراة الشباب التي ذكرت فالله يسلمنا ابو عبدالله (ساميو) وبالنسبه للجمعان فيكفيه كلمة (عربجي )