|
أنانية سامي حقيقة ؟! كلنا نعلم مدى أهميه الذئب سامي وحاجته للفريق الهلالي فبغيابه يظهر على الفريق ثقله نرجع إلى الوراء في فترة إحترافه الأوربيه كم تمنيناه فقد عرفنا فمفقداره ومكانته بالنسبه للفريق ولكن أحياناً يغيب سامي عن نجوميته وعن إبداعاته فتجده بعيد كل البعد عن مستوى الفريق ومن هذا أسهم الذئب تتناقص لماذا ؟ هل هو ضعف لمستوى سامي ! لا لأن سامي لعب بغير مركزه فالمركز الذي يبدع فيه ويكون في أوج توهجه صانع العاب لا تتعجب إن اسلوب سامي ومهارته هبه لهذا المركز فعندما يتقدم للإمام تنعدم الفائده منه والجماهير تطالب بإبعاده عن الفريق لماذا لأنه لم يقد المستوى المؤمول منه ويكون وجوده كعدمه فعند الهجمه وداخل منطقة الجزاء يحاول إخراج مهراته وتظهر الأنانيه عليه مهارة سامي وعبقريته الفذه ونجوميته المطلقه هي صانع العب ---------------------------------------------------------------------- حقيقه : لاأستطيع أن أتخيل النجم الفذ الذئب سامي بغير الهلال ـــــــــــــــــــــــــــــــــــــــــــــــــــــــــــــــــــــــــــــ من الماضي ! تذكروا عندما إحترف سامي في أورباالجميع قال (ياليت سامي معنا) |
سامي ماهو أناني وهالكلمة أنا عانيت منها لان واحد من الربع كل ما قلت شي عن سامي قالي أناني وأناني يعني علشانه ذاك اليوم ما مرر الكورة لنواف وضاعت الهجمة صار اناني ومثل ما قلت ان مكانه مهاجم خلف المهاجمين بس هالمخبط سافيت حطه راس حربه وسامي لازم ينفذ الي قاله المدرب ... على العموم سامي انسان عاقل ومتفهم ويدري ان النجومية مو بتسجيل الاهداف وهو نجم صناعة الأهداف وما أحد ينسى هدف سيرجو على جابيليو الياباني وشلون سامي صنع الهدف بشكل خراااااااااااافي ما شاء الله وقدمها على طبق من ذهب مثل مايقولون.. ____________________________________________ وكلنا هلاليين ونبي مصلحة الزعيم...ماهيك خيّو؟؟؟؟ أخوك فهد. |
يا مجنون سامي بيعتزل وانت لهالحين ماتعرف خانته اللي تناسبه . سامي مهاجم ومعلم ويبي له مهاجم آخر ويشكلون خط هجوم يتمناه أي منتخب او نادي . اما انك ترجعه للوسط وتطالبه بمهام دفاعية وتبعده عن منطقة الثمانية عشر وتقول صانع العاب فهذا ما يتمناه المنافسون اللي يرصدون مئات الالوف لاي مدافع يستطيع ايقاف الذئب او الحد من خطورته بالطرق المشروعة وغير المشروعة واذا بغيت تتأكد ارجع لمباريات الهلال مع النص والاتحاد والاهلي والشباب وبيتضح لك كل شيء . والمباريات اللي حسمها الحاسم شف وين كانت خانته والا خبرتك خانتك . ارجو قبول تعليقي على ما كتبت يالغالي وتحياتي لك وللجميع . |
الله يعطيكم العافيه أخوي فهد والله كل هالكلام من زود حبي لسامي أنا أتمناه نجم النجوم --- أخوي سيف هذه وجهة نظر وأحترمها وأنا كلي سرور بطرحك أنت وفهد وكلنا هلالين نحب الهلال |
سامي اناني سامي ضيعنا سامي سامي سامي.......ياشباب كل انسان يمر بفترة صعبة عليه في حياته اليومية...ليه ماننظر لسامي او غيره من الاعبين روتينية حنا نعيشها....الحين اصابع يدك كلها زي بعض اكيد لا... يعني يمكن يجي يوم يختلف كثير عن اليوم اللي قبله سامي بعد ما رجع من احترافه كان متوقع من الصحافة انها تكتب عن نجاح احترافه ولكن الصحافة صارت مع فشله... :( فصار مخير بين امرين ارضاء واسعاد جماهيره....ومقاومة الصحافة والاعلام اللي الى الحين تحاربه والظاهر انه اختار الاثنين بس فس اخر مباراة مع الاسماعيلي كان بيرجع رجعته القوية مع انه رجع لاكثر من بعض مستواه... انشاء الله بنشوف سامي بعد الاجازة ومن بداية الموسم يشارك بكل جد ونشاط مع نادي الملايين نادي الهلال.... |
صدقوني سامي لاعب يبدع في كل الخانات والله لو يحطونه دفاع والا حارس بدال ابو دعيع يمكن ينافسه سامي مجموعة لاعبين في لاعب واحد |
انا معك يا مجنون في كاس اسيا سامي كان محرك المنتخب تحريك وايضا عندما يلعب وسط في الهلال. ولكن عندما يلعب مهاجم تلقى مستواه ينزل. طبعا اقصد من تالي. بس قبل 3.. 4 ...5 سنين كان... وش اقول بس!!!!!!!!!! ما اقول الا الله يرجع سامي الهلال ابو التهديف...ابو الهاترك. |
الـــسلام عليكم؛ مشكوووور على المداخله وانا مااقدر اضيف شئ على كلام الاخ السيف الازرق |
ما عندي رد . . . بس برد والا تدري منيب راد لا كني برد أخوي مجنون أسعد الله أوقاتك بكل خير . . . أحترم كل ماذكرت وكل ما بدر من كلامك الا أناني هذي أحس أنك مبالغ فيها (( سامي لاعب واللاعب لا تنسى انه بشر)) معرض لتفكير شخصي او فردي في لحظة امام ملايين من البشر واقصد جمهور الزعيم فاذا تقول سامي اناني طيب هل الانانية هي سبب في بروزه للعالمية والا الصحافة غطت عيونا عن سامي شف انا سامي اختلف معك في انه اناني واختلافي معك مو معناه يا لغالي عدم اهتمام برايك بالعكس بس احب وللتوضيح اقولك سامي تحت ظغط كبير كبير كبير جدا خاصة بعد ما جاء من الخارج وشارك مع الفريق شف مستواه مع المنتخب في لبنان كان قمة ولكن يوم رجع المدرب والظغط اللي على اللاعب يفرض عليه انه يتحمل فوق طاقته بكثير . . . وانا من رائي الشخصي يمكن سامي تغيير في التعامل لفرض اسلوبه واعتقد ان التعامل اللي فرضه سامي خطاء لانه اساء لسامي هذا الاسلوب وهو تعاملة بانه هو الكبير والكبتن ووو الخ ونسى اللي كان عليه في السابق عموماً اتمنى نشوف سامي نجم دايما لان اللاعب يلعب بعقل . تحياتي لك وللجميع وهذا مجرد رائي شخصي طبعا والمعذرة اذا اخطيت فيه . |
مشكلة سامي انه لازم يشوف كأس يلمع في المنصه علشان يلعب صح (( يعني يجيب الأول والتالي ) قال ليش يكرهون سامي قلت لأن هذي مشكلته . الله يديما من مشكله . وعسى سامي مايفتك منها ان شاء الله . |
أخوي حساس لم أقصد بأن سامي يحمل صفة الأنانيه لا بل عكس من صنع معضم أهداف الهويدي ؟ هو سامي لاكن رأيي هو مكانه المؤثر صانع العاب وخير دليل هي كأس آسيا فكان حقل مبدع وذئب الذئاب ولكم جزيل الشكر على تفضلكم والإدلاء برأيكم والإختلاف بالرأي لايفسد الود |
| الوقت المعتمد في المنتدى بتوقيت جرينتش +3.
الوقت الان » 04:24 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd