15/04/2005, 02:57 PM
|
زعيــم فعــال | | تاريخ التسجيل: 08/04/2005 المكان: الخبر
مشاركات: 445
| |
السبب الرئيسي في وقف الجمعان .. مهم جدا يتسائل الكثير عن وقف هذا اللاعب .. لماذا ؟؟ ماهو السبب ؟؟
لكن اللي أتحدى هو أن يستغرب أحد هذا الوقف ..
أما الأسباب في وقف هذا اللاعب فهي كالتالي :
1- الأخلاق الصبيانيه والشوارعيه للاعب واللي اخرها تفتيل عضلاته على المدرب في تمرين ماقبل مباراة الرائد ورفضه التدريب مع الفريق الرديف ( مهوب عاقل زيدان منفوحه اللي عقده يقول مايتدرب الا مع الاساسيين ) .
2_ اللاعب عبدالله الجمعان سبق وأن اوقف من قبل خمس إدارات هلاليه ( يعني الولد يسمع بالفتوه )
3_ هذا اللاعب رافس النعمه برجله .. شوفوو وش كان قبل الهلال وكيف صار بعد الهلال ( لكن محدودية التفكير مشكله عند هاللاعب ) .
4_ مواقفه وعدم إحترامه للمدربين .. وكلنا يتذكر تهجمه على مدرب الفريق بلاتشي بالضرب واللكمات . ( مره اخره يحسب ان الدعوه مرجله بالبقوس والتشويت ) .
5-إحراجه الفريق في المباريات الهامه سواءن بالطرد أو احداث البلبله بالفريق ( ومن هالناحيه شوفو كم كرت أحمر من يوم لعب للهلال .. والمشكله اغلبها مباريات مهمه ) .
6_ السبب المهم والرئيسي بالموضوع .. هو النظره الماديه للاعب ( قولو كيف ؟ ) اقولكم .. بعد ماضمن تجديد عقده مع النادي وتوقيعه للعقد بدى بحركات الهمج ولاعيبة الحواري .. يعني كلنا يذكر تصريحه قبل توقيع العقد ووعوده بالانضباط والتقيد بالاوامر وغيرها ولكن انكر الجميل ورده بالنكران وماهي غريبه على من هو بشاكلة عبدالله الجمعان .
7_ سلوكيات اللاعب المشينه وهيئته المزريه .. ( سألتكم بالله هل هذا اللاعب قدوه للشباب ؟ ) شوفو قصة شعره .. شوفو لبسه بغير التمرين (( وكلنا لا ينسى عندما استضافه المصيبيح في برنامج القناه الرياضيه .. لما اتصل متصل وهزأ فيه وفي لبسه ) .
8 _ كثرة غياب اللاعب وتأخره عن التمارين وللأسف يتعامل مع الجميع بفوقية وكأنه ( بيليه زمانه ) .
9_ للأسف تمادى اللاعب ناتج عن عدم ردع من قبل الادارات السابقه ( ولكن جا ابو سلطان اللي بيوقفه عند حده ) .
10_ ضعف عقلية هذا اللاعب وصغر تفكيره .. ( ياجماعة الخير احس انه طفل ) .
أخيراً .. اقسم بجلال الله ان هذه نظرتي في اللاعب عبدالله الجمعان قبل هذا الوقف .. ولا يطلع لنا احد ويقول اذا طاح الجمل كثرت سكاكينه .. صحيح الجمعان في وقت سابق كان نجم .. ولكن أفل نجمه .. نجووم كثر بالهلال ماسوو سواته .. ولو رجعنا الى تاريخ اللاعب لانصفني وانصف من ينتقد هذا اللاعب المسكين .. في النهايه .. اعتقد لن يلتفت لهذا اللاعب اي نادي لانها راحت ايام شوت من بعيد وشق الشبك ههههههههههههههه .. ووزن اللعب اللي كل يومين ونص زايد ثلاثه كيلو وربع .. ومستواه اللي في انحدار وقبل اي شي وكل شي اخلاقه وسلوكياته المشينه ....
تحياتي يا رئيس الهلال .. قول وفعل .. وسامحونا على الاطاله |